မော်ဒယ် အေးချမ်းမြတ်မိုး အသတ်ခံခဲ့ရမှုအတွက် တရားခံဟု ယူဆရသူအား ယနေ့ထိ တရားရုံး တင်နိုင်ခြင်း မရှိသေး

သေဆုံးပြီး (၁၁)ရက်တိုင်ကြာသည့်တိုင် မှုခင်းဆရာဝန်များထံမှ ဆေးစစ်ချက် ထွက်မလာသေး၊ ဓားဒဏ်ရာနှစ်ချက်ဖြင့် သေဆုံးခဲ့ရဟုသိရ

မော်ဒယ်အေးချမ်းမြတ်မိုး သေဆုံးပြီး ၁၁ရက်ကြာမြင့်သည် အထိ မှုခင်း ဆရာဝန်များ၏ ဆေးစစ်ချက် မှတ်တမ်းများ မရရှိသေးသည့် အတွက် လူသတ် တရားခံဟု စွပ်စွဲခံထားရသူ မောင်အံ့ဖြိုးပိုင်အား တရားစွဲ ရုံးတင်မှု မပြုလုပ်နိုင်သေးကြောင်း ဒဂုံရဲစခန်းမှ အမှုစစ် အရာရှိ ရဲအုပ် ဇာနည်ထွဋ်က Tomorrow သို့ပြောသည်။

“ကျွန်တော်တို့ဆီကို အခုချိန်အထိ ဆေးစစ်ချက် မရရှိသေးဘူး။ သေဆုံးသူကို သင်္ဂြိုလ် ပြီးသွားပေမယ့် မှုခင်းဆရာဝန်တွေရဲ့ ဆေးစစ်ချက် မှတ်တမ်းတွေက သူတို့လက်ထဲမှာပဲ ရှိနေတုန်းပါ။ ဘာလို့ကြာနေလဲ ဆိုတာတော့ ကျွန်တော်တို့လည်း မသိဘူး”ဟု အမှုစစ် အရာရှိ ရဲအုပ်ဇာနည်ထွဋ်က ပြောကြားခဲ့သည်။

အဆိုပါ ဖြစ်စဉ်မတိုင်ခင် တစ်လခန့်အကြာက လူသတ် တရားခံဟု တရားစွဲဆိုခံရသူ အံ့ဖြိုးပိုင်သည် မော်ဒယ် အေးချမ်းမြတ်မိုးအား ချစ်ရေးဆိုခဲ့ပြီး ၄င်းအား ပြန်မချစ်ပါက သတ်မည်ဟု ခြိမ်းခြောက် ပြောဆိုခဲ့မှုများ ရှိခဲ့ပြီး ၄င်း ထိုသို့ခြိမ်းခြောက်မှု အတွက် ဆုံးမရန် ပြောဆိုမှုများ အေးချမ်းမြတ်မိုး၏ မိခင်မှ မောင်အံ့ဖြိုးပိုင် အဖေထံသို့ တိုင်ကြား ပြောဆိုမှုများ ပြုလုပ်ခဲ့ကြောင်းလည်း သိရသည်။

မောင်အံ့ဖြိုးပိုင် အနေဖြင့် မအေးချမ်းမြတ်မိုး မတိုင်မီ မအေးချမ်းမြတ်မိုး အစ်မဖြစ်သူအားလည်း ချစ်ကြိုက်သည်ဟု ပြောဆိုခဲ့မှုများ ရှိခဲ့ကြောင်း၊ ထို့ပြင် မအေးချမ်းမြတ်မိုး အသတ် မခံရမီ အချိန်တွင် စွပ်စွဲခံထားရသူ မောင်အံ့ဖြိုးပိုင် အနေဖြင့် တတိယထပ်ရှိ သူမတို့၏ နေအိမ် ၀င်ပေါက်တံခါးအား အပြင်ဘက်မှ ဂျက်ချပိတ်ထားခဲ့ကြောင်း၊ အေးချမ်းမြတ်မိုး တိုက်ခန်းပေါ်သို့ တက်လာစဉ် ဒုတိယထပ်တွင် ဆီးခုံသို့ ဓားဖြင့် အရင်ထိုးခဲ့ကြောင်း၊ သူမမှာ အပေါ်သို့ ဒဏ်ရာဖြင့် ထွက်ပြေးသည့် အချိန်တွင် နောက်မှလိုက်၍ ဓားဖြင့် လည်ပင်းအား ထပ်မံထိုးခဲ့ခြင်းဖြစ်၍ အေးချမ်းမြတ်မိုးမှာ ဓားဒဏ်ရာ နှစ်ချက်ဖြင့် သေဆုံးခဲ့ရခြင်း ဖြစ်ကြောင်းလည်း သိရသည်။

မအေးချမ်းမြတ်မိုးမှာ အိမ်ရှေ့ တံခါးဝ သွေးအိုင်ထဲ လဲကျအော်ဟစ်နေချိန်တွင် အပြင်မှ ဂျက်ချ ပိတ်ထားသော အိမ်တံခါးအား ပတ်ဝန်းကျင်မှ ဖွင့်ပေးခဲ့ခြင်း ဖြစ်ကြောင်းနှင့် အိမ်ရှေ့တံခါး မပွင့်သေးခင်တွင် မအေးချမ်းမြတ်မိုး၏ အော်ဟစ်သံကြောင့် သူမ၏ အစ်ကိုဖြစ်သူမှ တိုက်ခန်းသုံးလွှာမှ အောက်သို့ ခုန်ချခဲ့ကြောင်း အောက်အရောက်တွင် လှေကားဝ၌ ပြေးဆင်းလာသော မောင်အံ့ဖြိုးပိုင်နှင့် ရင်ဆိုင်တွေ့ပြီး ရုန်းရင်းဆန်ခတ် လိုက်လံဖမ်းဆီးခဲ့ခြင်း ဖြစ်ကြောင်းလည်း သတင်း ရရှိပါသည်။

ထို့အပြင် မောင်အံ့ဖြိုးပိုင်အား ပတ်ဝန်းကျင်မှ ၀ိုင်းဝန်း ဖမ်းဆီးခဲ့ချိန်တွင် မောင်အံ့ဖြိုးပိုင်၏ ဖခင်ဖြစ်သူမှ မအေးချမ်းမြတ်မိုးအား သူသတ်ခဲ့တာဖြစ်ကြောင်း လူအများရှေ့တွင် မဟုတ်မမှန် ၀န်ခံခဲ့သေးကြောင်းလည်း သတင်းရရှိပါသည်။

အထက်ဖော်ပြပါ ကြားသိ ရရှိသည့် သတင်းများ မှန်ကန်မှု ရှိ/မရှိ အတည်ပြုချက်ပေးရန် ဒဂုံရဲစခန်းမှ အမှုစစ် ရဲအုပ် ဇာနည်ထွဋ်အား ထပ်မံ မေးမြန်းရာ “အခုညီလေးတို့ သိထားတာနဲ့ ကျွန်တော်တို့ သိထားတာ အတူတူပါပဲ။ ဒဏ်ရာ ဘယ်နှစ်ချက်နဲ့ သေဆုံးတယ်ဆိုတာကတော့ မှုခင်းဆေးစာ မရသေးတဲ့ အတွက် မသိရသေးပါဘူး။ နောက်ပြီး သူများတွေ စွပ်စွဲနေသလို လူသတ်တရားခံဟု စွပ်စွဲခံထားရသူ မောင်အံ့ဖြိုးပိုင်မှာ မူးယစ်ဆေးဝါး သုံးစွဲသူ တစ်ယောက် မဟုတ်ကြောင်း စိတ်ဝေဒနာ မရှိဘဲ သာမန် လူကောင်း တစ်ယောက်ပါ ဖြစ်ပါသည်”ဟုလည်း အတည်ပြုခဲ့ပါသည်။

သြဂုတ်လ ၂၆ရက်နေ့တွင် လူသတ်တရားခံဟု စွပ်စွဲခံထားရသူ မောင်အံ့ဖြိုးပိုင်သည် မအေးချမ်းမြတ်မိုးအား ဓားဖြင့် ထိုးသတ်ခဲ့သည့် အတွက် ပုဒ်မ ၃၀၂ဖြင့် သေဆုံးသူဘက်မှ အစ်ကိုဖြစ်သူက ဒဂုံမြို့နယ် ရဲစခန်းတွင် အမှု ဖွင့်လှစ်ထားခြင်း ဖြစ်ပါသည်။

ဆက်လက်၍ သေဆုံးသူ မအေးချမ်းမြတ်မိုး၏ ခန္ဓာကိုယ်တွင် ဓားဒဏ်ရာ ဘယ်နှစ်ချက်ဖြင့် သေဆုံးသည်ကို လည်းကောင်း၊ အချိန်ကာလအားဖြင့် (၁၁)ရက် ကြာမြင့်သည်အထိ မှုခင်းဆိုင်ရာ ဆေးစစ်ချက် မရရှိသေးသည့် ကိစ္စအား လည်းကောင်း မေးမြန်းရန် ဆက်သွယ်ခဲ့သော်လည်း ရန်ကုန်ဆေးရုံကြီးရှိ မှုခင်းဆရာဝန်များသည် တနင်္ဂနွေ ရုံးပိတ်ရက်ဖြစ်သောကြောင့် Tomorrow သတင်းဂျာနယ်မှ မေးမြန်းဆက်သွယ် အတည်ပြုခွင့် မရရှိခဲ့ပေ။

Tomorrow