ကျုံဒိုးတိုက်နယ်ရှိ ကျောင်းသားကျောင်းသူ ၁၃၀ကျော် သောက်သုံးရေအဆိပ်သင့်မှုဖြစ်ပွား

စက်တင်ဘာ ၂၃ရက်၊ ၂၀၁၅ခုနှစ်။

ကော့ကရိတ်ခရိုင်၊ ကျုံဒိုးတိုက်နယ် ကမ်းနီကျေးရွာအုပ်စုရှိ သရက်တောကျေးရွာ၌ အ.လ.က(ခွဲ) ကျောင်းတွင် ယနေ့မနက် ကျောင်းတက်ချိန် ၉နာရီအချိန်ခန့်တွင် ကျောင်းသားကျောင်းသူ ၁၃၀ဦးကျော်မှာ သောက်သုံးရေ အဆိပ်သင့်မှုဖြစ်ပွားသဖြင့် ကျုံဒိုးတိုက်နယ်ဆေးရုံနှင့် ကော့ကရိတ်ဆေးရုံများသို့ ပို့ဆောင်ခံထားရပြီး ဆေးကုသမှုခံယူလျက်ရှိသည်ဟု အဆိုပါကျောင်း၏ ပညာရေးဝန်ထမ်းများထံမှ သိရသည်။

ကော့ကရိတ်ခရိုင် ပညာရေးလက်ထောက်ညွန်ကြားရေးမှူး ဦးအောင်သိန်းက “ကျောင်းနားက သောက်သုံးရေကန်အနီးမှာ ဗျိုင်း ငှက်တွေလာပြီး ကျက်စားတာကြောင့် ဗျိုင်းငှက်ထောင်ဖမ်းတဲ့သူတွေက ပေါ်တက် ဆေးတစ်မျိုးကိုသုံးပြီး ဖမ်းတော့ဖမ်းတယ်။ အဲ့ဒါတွေက သောက်ရေကန်ထဲကို စိမ့်ဝင်ရောနှောတော့ သောက်မိတဲ့ကျောင်းသားကျောင်းသူတွေမှာ ရေအဆိပ်သင့်တာပါ״ ဟု ကေအိုင်စီသို့ ပြောသည်။

အဆိုပါသရက်တော အလယ်တန်းကျောင်းခွဲ၌ ကျောင်းသားကျောင်းသူ စုစုပေါင်း ၂၂၉ဦး ပညာသင်ယူနေပြီး ကျုံဒိုးတိုက်နယ် ဆေးရုံ၌ ကျောင်းသားကျောင်းသူ ၆၅ဦးနှင့် ကော့ကရိတ်ဆေးရုံ၌ ၆၉ဦးကို အရေးပေါ် တင်ပို့ထားရသည်ဟု ၎င်းဆေးရုံများ၏ ကျန်းမာရေးဝန်ထမ်းများထံမှ သိရသည်။

“အခုက ဆေးရုံအုပ်ကြီးကိုယ်တိုင် အခင်း ဖြစ်နေရာကို သွားနေပါတယ်။ အဆိပ်နဲ့ပတ်သက်တဲ့ ဆေးဝါးကျွမ်းကျင်ဋ္ဌာနကို ချိတ် ဆက်ပြီးတော့ လိုအပ်တဲ့ ကုသမှုတွေအတွက် ပူးပေါင်းလမ်းညွှန် ကုသပေးနေပါတယ်။ စိုးရိမ်ရတဲ့ အခြေအနေရှိမရှိတော့ စောင့်ကြည့်ရအုံးမှာပေါ့။ ဖြစ်စဉ်ကိုစစ်ဆေးပြီးမှ လိုအပ်တဲ့ ကုထုံးများအတိုင်း ဂရုတစိုက်ဆောင်ရွက်သွားပါမယ်״ဟု ကုသမှုတွင် ပါဝင်သည့် အမည်မဖော်လိုသူ ဆရာဝန်မတစ်ဦးက ပြောသည်။

ရေအဆိပ်သင့်သည့် ကျောင်းသူ မနန္ဒာ၏အစ်မ မအေးပုံက “အဆိပ်သင့်ပြီး ဆေးရုံရောက်နေတယ်လို့ကြားတော့ ကြားကြား ချင်းပဲ လိုက်လာခဲ့တယ်။ စိတ်အရမ်းပူသွားတယ်။ ဒါပေမဲ့ အခုတော့ သက်သာသွားပြီး ခေါင်းမူးတာလောက်ပဲ ကျန်တော့တယ်။ ဒီလိုမျိုးက ကျမတို့ဆီမှာ တခါမှမဖြစ်ခဲ့ဖူးဘူး။ ဒါက ပထမဦးဆုံးအကြိမ် ဖြစ်တာပါ״ဟု ကေအိုင်စီသို့ ပြောသည်။

လက်ရှိအချိန်တွင် ရေအဆိပ်သင့် ကျောင်းသားကျောင်းသူများအနက် အသက်အန္တရာယ် စိုးရိမ်ရသည့် အခြေအနေမရှိဘဲ ၎င်း တို့အခြေအနေကို ကျန်းမာရေးဝန်ထမ်းများက စောင့်ကြည့်ကုသပေးနေဆဲဖြစ်ပြီး အဆိပ်သင့်သူများကို ဒေသတွင်း အရပ်ဖက် လူမှုအဖွဲ့အစည်းများ၊ အစိုးရမဟုတ်သည့် Save The Children အဖွဲ့မှ တာဝန်ရှိသူများနှင့် စစ်ဖက်၊ နယ်ဘက်ဋ္ဌာနဆိုင်ရာများမှ လာရောက်ကူညီစောင့်ရှောက်ပေးလျက်ရှိသည်။

(ကဆောဝါး၊ စအိုင်စူး)

ကေအိုင်စီ - KIC News

ဆက်လက်ဖတ်ရှုရန်>>

အာရှ ယူ-၁၉ ခြေစစ်ပွဲအတွက် အဆင်သင့် ဖြစ်နေစေရမယ်ဆိုတဲ့ ဖရိုင်းဒရစ်

စက်တင်ဘာ ၃၀ ရက်တွင် အာရှ ယူ-၁၉ ခြေစစ်ပွဲ ယှဉ်ပြိုင်ကစားမည့် မြန်မာ ယူ-၁၉ အသင်း အနေဖြင့် ပြိုင်ပွဲမတိုင်မီ တစ်ပတ်အတွင်း အဆင်သင့် ဖြစ်နေစေရမည်ဟု မြန်မာ ယူ-၁၉ အသင်းနည်း ပြချုပ် ဂတ်ဆီဇီဖရိုင်းဒရစ်က ဆိုသည်။

မြန်မာ့လက်ရွေးစင် ယူ-၁၉ အသင်းသည် လက်ရှိတွင် နည်းပြချုပ်အဖြစ် ဖရိုင်းဒရစ်က တာဝန် ယူ ဆောင်ရွက်ကာ ပဏာမကစားသမား ၂၃ ဦးဖြင့် လေ့ကျင့် ပြင်ဆင်လျက်ရှိကာ ပြီးခဲ့သည့် ထိုင်း ယူ-၁၉ အသင်းနှင့် ခြေစမ်းပွဲ၌ ဂိုးမရှိ သရေကျအောင် ယှဉ်ပြိုင် ကစားနိုင်ခဲ့သည်။

မြန်မာ ယူ-၁၉ အသင်းနှင့် ပတ်သက်၍ ‘‘ ပြိုင်ပွဲကျင်းပဖို့ တစ်ပတ်လို ပါသေးတယ်။ ကြားရက်မှာ အားနည်းချက်တွေ ကို ပြင်ဆင်ပြီး ပြိုင်ပွဲ ဝင်သွားမှာပါ။ ပြိုင်ပွဲမတိုင်မီတော့ ကျွန်တော်တို့အသင်းက အသင့် ဖြစ်နေမှာပါ။ ထိုင်းအသင်းကို အသာ မရခဲ့တာကလည်း သူတို့က ထိုင်းပရီးမီးယားလိဂ်မှာ ဝင်ကစားနေတဲ့ သူတွေ ပါ။ ကျွန်တော်တို့ ကစားသမားတွေမှာတော့ မြန်မာလိဂ် အတွေ့အကြုံရှိ ကစားသမား တစ်ဦးပဲ ရှိပါ တယ်။ ဒါပေမယ့် အသင်းက ကစားပုံ တိုးတက်လာပါတယ် ’’ ဟု ဂတ်ဖရိုင်းဒရစ် က ပြောသည်။

မြန်မာ့လက်ရွေးစင် ယူ-၁၉ အသင်းသည် အာရှ ယူ-၁၉ ခြေစစ်ပွဲ အုပ်စု (ဆ) အဖွင့်ပွဲစဉ်အ ဖြစ် လာမည့် စက်တင်ဘာ ၃၀ ရက်တွင် သုဝဏ္ဏကွင်း၌ ဘရူနိုင်း ယူ-၁၉ အသင်းနှင့် ယှဉ်ပြိုင်ကစား ရမည် ဖြစ်သည်။

သို့သော် မြန်မာ ယူ-၁၉ အသင်းသည် ၂၀၁၄ အာရှ ယူ-၁၉ ပြိုင်ပွဲတွင် ပရိသတ်များ ကွင်းအတွင်း ဝင်ရောက် အောင်ပွဲခံခဲ့သည့်အတွက် အာရှဘောလုံးအဖွဲ့ချုပ်မှ ဒဏ်ငွေနှင့် အိမ်ကွင်း တစ်ပွဲ ကွင်းပိတ်ပြစ်ဒဏ် ခံထားရသဖြင့် ဘရူနိုင်း ယူ-၁၉ အသင်းနှင့် ပွဲကို ပရိသတ်မပါဘဲ ယှဉ်ပြိုင် ကစားရမည် ဖြစ်သည်။

‪#‎mizzima‬

ဆက်လက်ဖတ်ရှုရန်>>

ပျောက်ကွယ်သွားတော့မယ့် ဘီလုံးငှက်တို့ရဲ့ တေးဆိုသံ

(ဘီလုံးငှက်)

ဘီလုံးငှက်တို့ရဲ့ ရုပ်ဆင်းသဏ္ဌာန်ဟာ ထူးခြားလှပတဲ့ငှက်မျိုး မဟုတ်ပေမယ့် သာယာစွာအသံကျူးရင့် တေးဆိုတတ်ကြပါတယ်။ ဘီလုံးငှက်မျိုးဟာ alaudidae မျိုးရင်းတွင် ပါဝင်ပြီး မျိုးစိတ်ပေါင်းများစွာရှိပါတယ်။

ဒါ့အပြင် သူ့ရဲ့ပုံပန်းသန်ဟာ စာကလေးနဲ့လည်း ဆင်တူပါတယ်။ အပေါ်ပိုင်းမှ အညိုနုရောင် အမွှေး အတောင်များတွင်လည်းကောင်း၊ ရင်အုပ်တွင်လည်းကောင်း အညိုရင့်ရောင် အကန့်များ၊ အကြောင်းများ ပါရှိတတ်ပါတယ်။ စာကလေးအရွယ် ၆.၁၂ ကနေ ၇ လက်မခန့် အလျားရှိပါတယ်။ အမောက်ကလေး လိုလို ပုံသဏ္ဌာန်လည်း ပါရှိတတ်ရာ၊ တစ်ခါ တစ်ရံထင်ထင်ရှားရှား တွေ့ရတတ်ပါတယ်။ အဖိုရောအမပါ ပုံပန်းသွင်ပြင် အတူတူပါပဲ။

ဘီလုံးငှက်တို့ကို လယ်ကွင်းများ၊ မြက်ခင်းများ၊ လွင်ပြင်များ၌ အစုလိုက်၊ အုပ်လိုက် တွေ့ရတတ်တာပါ။ သို့ပေမယ့် အခုအခါမှာ မြန်မာနိုင်ငံတွင် ဘီလုံးငှက်များဟာ အတွေ့ရ နည်းသွားပါပြီ။ သူတို့ဟာ မြန်မာနိုင်ငံတောင်ပိုင်းလယ်ကွက်များ၌ ကျက်စားတတ်သောငှက်မျိုးဖြစ်သော်လည်း၊ စပါးရိုးပြတ်များထက် မြက်ခင်းများကိုပိုပြီး နှစ်သက်ဟန်တူပါတယ်။ ဘီလုံးငှက်တို့ဟာ ပိုးမွှားများ၊ သစ်စေ့၊ စပါးစေ့များကို ရှာဖွေ စားသောက်တတ်ပါတယ်။

သူတို့ဟာ ကောင်းကင်ကိုပျံတက်နေစဉ် တေးဆိုတတ်ကြပါတယ်။ အထူးသဖြင့် မိတ်လိုက်ချိန်မှာဆိုရင် ဘီလုံးငှက်ဖိုတို့ဟာ တေးသံစုံကျူးရင့် အစွမ်းပြပြီး လူပျိုလှည့်တတ်ကြပါတယ်။ များသောအားဖြင့် နံနက်ခင်းနှင့် ညနေခင်းများတွင် အစွမ်းပြတတ်ကြတာပါ။ ဘီလုံးငှက်ဖိုဟာ နားနေတဲ့နေရာမှ တောင်ပံတဖျပ်ဖျပ်ခတ်ပြီးလျှင် အပေါ်တည့်တည့်သို့ထိုး၍ ပျံသန်းရင်း တေးသံကျုးရင့်သွားလေရာ၊ တစ်ခါတစ်ရံမှန်ပြောင်းနှင့် ကြည့်လို့ မရအောင်ပင် မြင့်လှစွာပျံတက်ကြပါတယ်။

အဲ့လို့ အပေါ်ပျံတက်ရာမှ ရုတ်ခြည်းအောက်သို့ ပျံမဆင်းသေးဘဲ၊ လေဘက်သို့ ဦးခေါင်းလှည့်ကာ လေပေါ်၌ တန့်နေပြီး တစ်ခါတစ်ခါမှ အတောင်ကိုခတ်ရင်းဆက်လက်တေးသံကျူးနေတတ်ပါတယ်။ ၅ မိနစ်ခန့် ကြာမှ တောင်ပံကိုပိတ်၍ အောက်သို့စိုက်ချလိုက်၊ တောင်ပံကိုဖြန့်၍ ခတ်လိုက်၊ နဲ့ နောက်ဆုံး မြေပြင်နှင့် နီးလာသောအခါ မူလပျံတက်သောနေရာသို့ရောက်အောင် တစ်ရှိန်ထိုးပျံသွားတတ်ကြပါတယ်။ အမတစ်ကောင်အတွက် အဖိုများစွာတို့ဟာ တပြိုင်တည်းအစွမ်းပြတတ်ကြရာ၊ တကွင်းလုံး ၎င်းတို့ အသံနဲ့ ဆူညံနေတတ်ပါတယ်။

ဘီလုံးငှက်တို့ဟာ မြေပြင်မှာ နားနေတုန်းလည်း တေးဆိုတတ်တာကို ရံဖန်ရံခါ တွေ့ရပါတယ်။ လူတစ်စုံတစ်ယောက်ကို မြင်ရင် မပြေးဘဲဝပ်နေပြီး သူတို့ကို နှောင့်ယှက်တယ်ဆိုရင် ကျစ်ကျစ်၊ ကျစ်ကျစ်နှင့် အော်မြည်ကာမြေပြင်နှင့်ကပ်၍ နိမ့်ချည် မြင့်ချည် ပျံသန်းနေတတ်ကြပါတယ်။

ဘီလုံးငှက်တို့ရဲ့ ဥများ 

မြန်မာနိုင်ငံ၌ တွေ့ရတတ်သော ဘီလုံးငှက်မျိုးတို့ရဲ့ အသံဟာ ပျော့ပြီး စူးရှတဲ့အသံပါ။ ဘီလုံးငှက်တို့ရဲ့ သားပေါက်ချိန်ဟာ မတ်လမှ ဇူလိုင်လအထိ ဖြစ်ပါတယ်။ အဲ့ဒီအချိန်တွေမှာ ၂ သားပေါက်တတ်ပါတယ်။ သူတို့ရဲ့ အသိုက်တွေကို ချုံဖုတ်များ၊ မြက်တောများ၊ အကာအကွယ်ရှိသော မြေချိုင့်ခွက်များထဲတွင် မြက်ခြောက်များခင်း၍ ပြုလုပ်ကြတာပါ။ တစ်မြုံလျှင် ဥ ၃ ဥ မှ ၅ ဥအထိရှိတတ်ပါတယ်။ သူတို့ရဲ့ ဥတွေဟာ ရှည်မျောမျော ပုံစံဖြစ်ပြီး ဥခွံ ဟာ ချောမွတ်ပါတယ်။ ဝါညိုညိုအစက်အပြောက်များ၊ ခရမ်းပြာအစက် အပြောက်များ အများအပြားပါရှိတတ်ပါတယ်။

ဘီလုံးငှက်မျိုးကို ဥရောပတိုက်တွင်လည်းကောင်း၊ တူရကီ၊ အိန္ဒိယ၊ သီဟိုဠ်၊ မြန်မာ၊ တိဗက်၊ တရုတ်၊ ယိုးဒယားစသော အာရှနိုင်ငံများတွင်လည်း တွေ့ရှိရတတ်ပါတယ်။

ကိုးကား။ ။ ၀ီးကီးပီးဒီးယား

ဧရာဝတီ

ဆက်လက်ဖတ်ရှုရန်>>

အာဆင်နယ်ပွဲမှ အပြုအမူကြောင့် သုံးပွဲပယ်ပြစ်ဒဏ်ခံလိုက်ရတဲ့ ဒီယေဂိုကော်စတာ

စက်တင်ဘာ ၂၃၊ လန်ဒန် ။ ။ စနေနေ့က ကစားခဲ့သောပွဲတွင် အာဆင်နယ်နောက်ခံလူ ကိုစီရယ်နီ အပေါ်ပြုမူခဲ့သည့် အပြုအမူအတွက် ချယ်လ်ဆီးတိုက်စစ်မှူး ဒီယေဂို ကော်စတာသည် သုံးပွဲပယ်ပြစ်ဒဏ်ချမှတ်ခံခဲ့ရသည်။

စတမ်းဖို့ဒ်ဘရစ်ခ်ျတွင်ကစားသော လန်ဒန်ဒါဘီပွဲစဉ်တွင် ဘောလုံးယှဉ်လုစဉ် ဒီယေဂိုကော်စတာသည် ကိုစီရယ်နီ၏မျက်နှာကို ကုတ်ခဲ့ခြင်း ဖြစ်သည်။

ထိုစဉ်ကအရေးယူခံရခြင်းမရှိသော်လည်း ကြမ်းတမ်းသည့်အပြုအမူအတွက် စွဲချက်တင်ခံရပြီးနောက် သုံးပွဲပယ်ခံလိုက်ရခြင်းဖြစ်သည်။ ယင်း ပြစ်ဒဏ်နှင့်ပတ်သက်ပြီး စိတ်မချမ်းမသာဖြစ်ရသည်ဟု ချယ်လ်ဆီးအသင်းက ကြေညာချက်ထုတ်ပြန်ခဲ့သည်။

"ဒီယေကိုကော်စတာကိုပွဲပယ်တဲ့ အက်ဖ်အေစည်းကမ်းထိန်းသိမ်းရေးကော်မရှင်ရဲ့ဆုံးဖြတ်ချက်ကြောင့် အသင်းအနေနဲ့လွန်စွာစိတ်ပျက်မိပါ သည်။ ရှေ့ဆက်သဘောထားမထုတ်ပြန်မီ အရေးယူရခြင်း အကြောင်းပြချက်ကို စောင့်ဆိုင်းနေပါသည်"ဟု ချယ်လ်ဆီးအသင်းက ကြေညာ ချက်ထုတ်ထားသည်။

စပိန်လက်ရွေးစင်တိုက်စစ်မှူး ဒီယေဂိုကော်စတာအနေဖြင့် ဗုဒ္ဓဟူးညတွင် ဝါဆောနှင့်ကစားမည့် ကက်ပီတယ်ဝမ်းဖလားအပါအဝင် အင်္ဂလန် ပြည်တွင်းပွဲစဉ် သုံးပွဲကိုလွဲချော်မည်ဖြစ်သည်။

ဝါဆောပွဲပြီးနောက် အသက် ၂၆ နှစ်အရွယ်တိုက်စစ်မှူးသည် ပရီးမီးယားလိဂ်ပွဲများဖြစ်သော နယူးကာဆယ်၊ ဆောက်သမ်တန်တို့နှင့်ပွဲများ ကိုဆက်လက်လွဲချော်မည်ဖြစ်ပြီး အောက်တိုဘာ ၁၇ တွင် အဝေးကွင်း၌ အက်စတွန်ဗီလာနှင့်ကစားရမည့်ပွဲမှ ပြန်လည်ပါဝင်နိုင် မည်ဖြစ်သည်။

"ပွဲကြီးကြပ်သူများကမြင်တွေ့ခဲ့ခြင်းမရှိသော်လည်း လွတ်လပ်သည့်စည်းကမ်းထိန်းသိမ်းရေးကော်မရှင်က ရုပ်သံပြကွက်များကိုကြည့်ကာ ပြန် လည်စစ်ဆေးပြီးနောက် အက်ဖ်အေအနေဖြင့် ဒီယေဂိုကော်စတာကို ကြမ်းတမ်းစွာကစားမှုဖြင့် စွဲချက်တင်ခဲ့ပါသည်။ ချယ်လ်ဆီးတိုက်စစ်မှူး တွင် အပြစ်ရှိကြောင်းတွေ့ရသဖြင့် စံပြပြစ်ဒဏ်အဖြစ် သုံးပွဲပယ်လိုက်ခြင်းဖြစ်ပါသည်"ဟု အက်ဖ်အေ ကကြေညာချက် ထုတ်ခဲ့သည်။

အဆိုပါပွဲတွင် ထုတ်ပယ်ခံရသော ဂါဘရီရယ်အတွက် အာဆင်နယ်အသင်း၏ အယူခံမှာမူ အောင်မြင်ခဲ့သည်။ ဘရာဇီးနောက်ခံလူသည် ဒီယေဂိုကော်စတာနှင့် အကြိမ်ကြိမ် အချင်းများမှု အတွင်းကော်စတာ ကိုကန်မိခဲ့သည်။

သို့သော် အာဆင်နယ်အသင်း၏အယူခံကိုလက်ခံကြောင်းနှင့် ပြစ်ဒဏ်ကိုရုတ်သိမ်းလိုက်ကြောင်း အက်ဖ်အေက အင်္ဂါနေ့တွင် ကြေညာခဲ့ သည်။ ဂါဘရီရယ်သည် အနီကတ်ပြခံရစဉ် ကွင်းလယ်ဒိုင် မိုက်ဒိန်းကိုတုန့်ပြန်ခဲ့သည့် မလျော်ကန်သောအပြုအမူအတွက် သီးခြားစွဲချက် တင်ခံထားရဆဲဖြစ်သည်။

Ref; Daily Mail

Mizzima

ဆက်လက်ဖတ်ရှုရန်>>

Flamingo Salad Bar

အနောက်တိုင်းစတိုင် အစားအသောက်တွေကို သင့်တင့်တဲ့ဈေးနှုန်း၊ ကောင်းမွန်သောအရသာနဲ့ အေးအေးလူလူ စားသောက်ချင်သူတွေအတွက် Salad အများအပြား ရနိုင်တဲ့ စားသောက်ဆိုင်ကောင်းတခုကို ရန် ကုန်မြို့မှာ မကြာခင်က ဖွင့်လှစ်လိုက်ပါပြီ။

အဲဒီဆိုင်ကတော့ ရန်ကုန်မြို့ရွှေဂုံတိုင်မီးပွိုင့်အနီး ယုဇနတာဝါမှာ ဖွင့်လှစ်ထားတဲ့ “Flamingo Salad Bar” ပဲဖြစ်ပါတယ်။ ဆိုင်ရဲ့ အပြင်အဆင်က ဥရောပဆန်ဆန် ခန့်ခန့််ထည်ထည်နဲ့ ဥရောပတေးသွားခပ်တိုးတိုးဖွင့်ထားပါတယ်။ ဆိုင်အတွင်း ထိပ်မှာတော့ ရှေးဓာတ်ပြား ဖွင့်စက်ကြီးတလုံးကို တွေ့နိုင်ပါတယ်။ Flamingo Salad Bar မှာ Appetizer များ, Salad များ၊ Steak နဲ့ Main Dish မီနူးအများအပြားအပြင် Red Wine, White Wine များပါ ရရှိနိုင်မှာဖြစ်ပြီး Salad များကို ဘူဖေး စတိုင်နဲ့လည်း စားသုံးနိုင်ပါတယ်။

သူတို့ဆိုင်မှာ ရရှိနိုင်တဲ့ Salad Menu တွေထဲက တခုဖြစ်တဲ့ Nicoise Salad က ဆလပ်ရွက်၊ အာလူး၊ တူနာငါး၊ အမဲရောင် သံလွင်သီးနဲ့ကြက်ဥတို့ပါဝင်ပြီး Dressing ဆမ်းထားပါတယ်။ အသီးအရွက်ကြိုက်နှစ်သက်ပြီး ဝိတ်ချလိုသူတွေအတွက် အဆင်ပြေနိုင်တဲ့ Salad တမျိုးဖြစ်ပါတယ်။

Menu အတိုင်းမစားချင်တဲ့သူတွေအတွက်လည်း မိမိကြိုက်နှစ်သက်ရာ ဆလပ်ရွက်၊ အသီးအရွက်နဲ့ Dressing တွေကို ရောနှောစားလို့ရအောင် ဘူဖေးပုံစံပြင်ဆင်ပေးထားတာ တွေ့ရပါတယ်။ အဲဒီလို ဘူဖေးစတိုင်စားမယ်ဆိုရင်တော့ တယောက်စာ အဝစားကို ၅၀၀၀ကျပ် ကျသင့်မှာဖြစ်ပါတယ်။

ဘူဖေးမစားဘဲ တယောက်စာပဲ စားချင်ရင်တော့ ၃၀၀၀ ကျပ် ကျသင့်မှာပါ။ Dressings တွေကလည်း Thousand Island, France, Home and Ceaser Dressing စသည်ဖြင့် အစုံရှိတာကြောင့် စားသုံးသူစိတ်ကြိုက် Dressing ကို ယူငင် သုံးဆောင်နိုင်မှာဖြစ်ကြောင်း ဆိုင်မှ ဝန်ထမ်းတဦးက ရှင်းပြပါတယ်။

ဆိုင်မှာရရှိနိုင်တဲ့ အစားအစာတမျိုးဖြစ်တဲ့ PescadoAsado ကလည်း အရသာကောင်းမွန်တာ တွေ့ရပါ တယ်။ Grilled လုပ်ထားတဲ့ ငါးတန်အသားလွှာကို အာလူးအနှစ်၊ အသီးအရွက်တွေနဲ့ Creamy White Wine ဆော့စ်ဆမ်းပြီး စားရတာဖြစ်ပါတယ်။

Salad များစားသုံးရင်း ဝိုင်သောက်ချင်သူတွေအတွက် Red, White ဝိုင်တွေရရှိနိုင်ပြီး ဝိုင်တခွက်ကို ၃၅၀၀ ကျပ် ကျသင့်ပါတယ်။ တွဲဖက် မြည်းဖို့ သံလွင်သီးကိုလည်း ပွဲတပွဲအနေနဲ့ မှာယူနိုင်ပါတယ်။

“Flamingo Salad Bar”မှာ Salad များအပြင် Main Course အဖြစ် Tortilla Roll, Burrito များ၊ Soup တွေထဲက French Onion Soup နဲ့ mushroom cream soup များနဲ့ Appetizer တွေအဖြစ် buffalo wings, Chicken Kebab အပါအဝင် အမျိုးအစား ၃၀ ခန့် ရရှိနိုင်ပြီး ဈေးနှုန်းအားဖြင့် ၃၀၀၀ ကျပ် ကနေ ၁၅၀၀၀ ကျပ်အတွင်းသာ ရှိတာကြောင့် ကျန်းမာရေး ညီညွတ်သလို အသီးအရွက် ကြိုက်နှစ်သက်သူတွေအတွက် အဆင်ပြေနိုင်မယ့် စားသောက်ဆိုင်တခုဖြစ်ကြောင်း လမ်းညွှန်လိုက်ပါတယ်။

မေစစ်ပိုင်

ဧရာဝတီ

ဆက်လက်ဖတ်ရှုရန်>>

မိကျောင်းအန္တရာယ်ကြောင့် ပင်လယ်ပိုင်းဒေသတွင် ဘဲမွေးမြူသူများအခက်ကြုံနေ

ဘိုကလေး စက်တင်ဘာ ၂၃

ဧရာဝတီတိုင်းဒေသကြီး ဘိုကလေးမြို့နယ်အတွင်းမှ ပင်လယ်ပိုင်းဖြစ်သော ကဒုံကနိကျေးရွာအုပ်စုနှင့် ပတ်ဝန်းကျင်ဒေသတွင် မိကျောင်းအန္တရာယ်ကြောင့် ဒေသတွင်းမှ ဘဲမွေးမြူသူများ အခက်ကြုံလျက်ရှိကြောင်း သိရသည်။

ပြီးခဲ့သည့် သြဂုတ် ၂၄ ရက်က ကဒုံကနိကျေးရွာအုပ်စု လိပ်တော်ရေကျော်ကျေးရွာ ဝက်ချောင်းကမ်းနံဘေး၌ ၁၄ နှစ်အရွယ် လူငယ်တစ်ဦးကို အိမ်ရှေ့ချောင်းစပ်တွင် မိကျောင်းကိုက်ချီသွားခဲ့ပြီး ယင်းသတင်းကို နိုင်ငံပိုင် သတင်းစာတွင် ဖော်ပြခဲ့ပြီးဖြစ်သည်။

၁၄ တောင်၊ ဒေသသုံးလှေအရွယ်အစားရှိသည့် မိကျောင်းကြီး (ဒေသအခေါ်) အဝါကျားသည် ယင်း ဒေသတွင် သွားလာကျက်စားလျက်ရှိပြီး စက်တင်ဘာ ၁၈ ရက် နံနက် ၁ နာရီခန့်တွင် ဝန်းကျင်ကုန်းပေါ် နေအိမ်တဲအနီး ကြိုးချည်ထားသော ဝက်တစ်ကောင်ကို တက်ဆွဲရန်ပြင်နေစဉ် ဝက်အော်သံကြောင့် အိမ်ရှင် များသိရှိသွားပြီး ခြောက်လှန့်မောင်းထုတ်ရကြောင်း၊ ရေလမ်းခရီးသွားများ၊ လက်လှော်လှေငယ်များမှာလည်း မိကျောင်းအန္တရာယ်ကို သတိထားသွားလာနေရကြောင်း ဘိုကလေးမြို့မှ ကိုယ်ပိုင်စက်လှေဖြင့် သုံးနာရီနီးပါး ခုတ်မောင်းရသည့် မြင်းကအုပ်ကျေးရွာတွင်နေထိုင်သူ ဒေါ်မြဝင်းကပြောသည်။

ရေပြင်တွင် မိကျောင်းကြီး သွားလာလှုပ်ရှားနေမှု ကြောင့် ဘဲမွေးမြူထားသူများအနေဖြင့် မွေးထားသော ဘဲများကို ရေပြင်တွင်လွှတ်ကျောင်းရန် အခက်ကြုံလာ ကြောင်း သိရသည်။ ကုန်းပေါ်ရှိ လယ်ကွင်းများတွင် လွှတ်ကျောင်းရာတွင်လည်း လယ်ကွင်းများ၌ချထားသော ဒေသအခေါ် ထိသေပိုးသတ်ဆေးများကြောင့် မလွှတ်ရဲ ကြောင်း ဒေါ်မြဝင်းက ပြောသည်။

ဘဲစာကျွေးသည့် ဆန်ကွဲဈေးနှုန်းမှာလည်း မြင့်တက် လျက်ရှိပြီး တစ်အိတ်လျှင် လက်လီဈေး ၁၈ဝဝဝ ကျပ် နှုန်းအထိ ဝယ်ယူနေရကြောင်း၊ ဥဘဲအကောင်တစ်ရာ လျှင် တစ်ရက် ဆန်ကွဲ လေးပြည်ကျွေးရကြောင်း သိရ သည်။မိကျောင်းအန္တရာယ်အပြင် အစာဈေးနှုန်းမြင့်တက် နေမှုကြောင့် မွေးမြူရေးလုပ်ငန်းများအနေဖြင့် အခက် ကြုံနေရကြောင်း၊ မွေးမြူရေးလုပ်ငန်း အဆင်မပြေခြင်း ကြောင့် ဘိုကလေးမြို့ပေါ်သို့ ယခုရက်ပိုင်းတွင် ဘဲများလာရောက်ရောင်းချမှု များပြားလျက်ရှိကြောင်း လည်း ဘိုကလေးမြို့ အောင်သပြေဈေးမှ ရေထွက်ကုန် ပစ္စည်းမျိုးစုံ ရောင်းဝယ်သူ ဦးဌေးက ပြောသည်။

ဘဲမွေးမြူသူများအနေဖြင့် မဒန်းဓာတ်ဘဲတစ်ကောင် လျှင် ကျပ် ၄ဝဝဝ နှုန်းဖြင့် ဝယ်ယူရပြီး ဥစမ်းကာလ၌ အကောင်တစ်ရာလျှင် ဥအလုံးရေ ၉ဝ ခန့် ရရှိသည်။ တစ်နှစ်သားကျော် နှစ်နှစ်သားအချိန်တွင် ပြန်ရောင်း လေ့ရှိပြီး တစ်ကောင်လျှင် အလေးချိန် ၆ဝ ကျပ်သား ခန့်ရှိကာ တစ်ပိဿာလျှင် ၁၇ဝဝ ကျပ်ခန့်ရှိကြောင်း သိရသည်။ လက်လီပြန်လည်ရောင်းချရာတွင် အရှင်တစ်ကောင် ၁၅ဝဝ ကျပ်၊ အသေဆိုလျှင် ၅ဝဝ မှ တစ်ထောင်ကျပ် ခန့်ဈေးနှုန်းများဖြင့် ရောင်းချသည်။ ထို့အပြင် ဘိုကလေးမြို့အတွင်း ဘဲကြော်အဖြစ် လိုက်လံရောင်းချနေမှုများလည်းရှိပြီး ကြော်၍ လက်လီ ရောင်းပါက တစ်ကောင်လျှင် ၂၅ဝဝ ကျပ်ဝန်းကျင် ရရှိ ကြောင်း ဘိုကလေးမြို့နေ ဘဲကြော်ရောင်းသူတစ်ဦးထံမှ သိရသည်။

ဘဲဥများမှာမူ အလုံး ၃ဝ ပါကတ်များဖြင့်ထည့်သွင်း၍ ရန်ကုန်သို့ တင်ပို့ရောင်းချရာ အလုံး ၃ဝဝ ပါ ဆယ်ကတ်တစ်တွဲလျှင် နယ်ဈေးတစ်လုံး ၁ဝ၈ ကျပ် ခန့်ဖြင့် တင်ပို့ရောင်းချပြီး ရန်ကုန်ဈေးကွက်တွင် တစ်လုံး ၁၄ဝ ကျပ်ခန့် ရှိနေသည်။

ခင်ဆိုင်

Myanmaalinn

ဆက်လက်ဖတ်ရှုရန်>>

စည်းမျဉ်း စည်းကမ်း နှင့် ဥပဒေ

နိုင်ငံတကာသတင်းတစ်ပုဒ်တွင် နိုင်ငံတော် အကြည်ညိုပျက်စေမှုဖြင့် ဖေ့စ် ဘွတ်ခ်တွင် ရေးသားချက် များကြောင့် ဖိလစ်ပိုင် သူနာပြုတစ်ဦးကို ထောင် ဒဏ်လေးလချမှတ်လိုက်သည့်သတင်းကို ဖတ်ရသည်။ ထိုကဲ့သို့ပင် တလော ဆီက ထိုင်းနိုင်ငံတွင် ဘုရင်ကိုအကြည်ညိုပျက်စေသော ရေးသားမှုဖြင့် နိုင်ငံ ရေးခေါင်းဆောင်တစ်ဦးအား ထောင် ဒဏ်အပြစ်ပေး လိုက်သည် ကို တွေ့ခဲ့ရ သည်။

ယခုတွေ့ရသည့် သတင်းတစ်ပုဒ်ကတော့ ဂျော်ဂျီယာပြည်နယ်မှ မြေ ပဲကုမ္ပဏီတစ်ခုမှ အမှုဆောင်အရာရှိချုပ်တစ်ဦးအား ယင်းတို့ကုမ္ပဏီ မှ ဖြန့် ဖြူးသည့် မြေပဲအစားအစာတွင် အစာအဆိပ်သင့်စေသည့် ပိုးတစ်မျိုး ပါဝင် သည်ကို သိလျက်ဖြင့်ဖြန့်ဖြူး ခဲ့ခြင်းကြောင့် ထောင်ဒဏ် ၂၈ နှစ် အပြစ်ဒဏ် ချမှတ်လိုက်သည်ကို တွေ့ရသည်။ ယင်းလုပ်ရပ်ကြောင့် လူကိုးဦးသေဆုံးခဲ့ပြီး ရာပေါင်းများစွာ ကျန်းမာရေးထိခိုက်စေခဲ့ကြောင်း သိရသည်။

မိမိတို့နိုင်ငံတွင် အစားအသောက်များအတွင်း ဆိုးဆေးများပါဝင်မှု ကြောင့် ယင်းအစားအသောက်များကို မစားသုံးရန် နိုင်ငံပိုင်သတင်း စာများမှ နေ၍ ကြေ ညာခဲ့သော်လည်း ထိုအစားအသောက် ထုတ်လုပ်သူများကို မည်သို့ အရေးယူလိုက်သည် ဟု ဖော်ပြခဲ့ခြင်းမျိုး တစ်ခါမျှမကြားမိချေ။ လက်ဖက် များတွင် ဆိုးဆေးပါလို့၊ ငါးပိတွင် ဓာတုပစ္စည်းများသုံးစွဲထားလို့၊ သောက်ရေ သန့်များတွင် မသန့်ရှင်းသောပိုးများပါဝင်လို့ စသဖြင့် ကြေညာပေးလေ့ရှိသော် လည်း ဘယ်တုန်းကမျှ အရေးယူခဲ့ကြောင်း ဖော်ပြ ထားခြင်းကို မတွေ့ရချေ။ ဥပဒေမထွက်သေးလို့၊ နည်းဥပဒေမရှိသေးလို့ဖြင့် ပြီးလွယ်ပျောက်လွယ်ပဲ ရှိခဲ့သည်ကို တွေ့ရသည်။

ထိုကဲ့သို့ပင် ရွေးကောက်ပွဲနားနီးလာသဖြင့် လူမှုကွန်ရက်စာမျက်နှာ များ ပေါ်တွင် အပြန်အလှန်ဆဲကြဆိုကြ၊ ကလော်တုတ်ကြ ရှိနေချိန် တွင် ဖေ့စ် ဘွတ်ခ်ဌာနချုပ်မှ မတ်ဇူကာဘတ်နှင့်တိုင်ပင်ပြီး အခုပဲ အရေးယူတော့မလိုလို၊ ထိုသို့သောအကောင့်များကို ဘန်းပစ်တော့မလိုလို အာပေါင်အာရင်းသန်သန် ပြောပြီးနောက် ဘာသံမှမကြားရပြန်တော့ချေ။ ထိုသို့သောဖြစ်ရပ်မျိုး မိတ္ထီ လာဖြစ်ရပ် ဖြစ်ပွားစဉ်ကလည်း ကြားခဲ့ရဖူးသည် ကို တွေ့ရသည်။ ပြီးတော့ လည်း ဘာမှမဟုတ်။ ယခုနောက် ဆုံး မော်တော် ယာဉ်ဥပဒေသစ် ပြဋ္ဌာန်း လိုက်သဖြင့် လိုင်းကားသမားများ ရပ်ဆိုင်းခဲ့ကြ သည့်ဖြစ်ရပ် ဖြစ်ခဲ့သည်ကို တွေ့ရသည်။

ထိုဖြစ်ရပ်တွင် ထုတ်ပြန်လိုက်သောဥပဒေကို မလိုက်နာခြင်းဟူ သည့် သဘောကို အထင်အရှားတွေ့ရမည်ဖြစ်သည်။

ဆိုလိုသည်မှာ မိမိတို့နိုင်ငံတွင် စည်းကမ်းတစ်ခု၊ ဥပဒေတစ်ခု သတ်မှတ် လိုက်ပြီဆိုလျှင် ထိုစည်းကမ်း၊ ထိုဥပဒေများ အတိုင်းလိုက်နာရန် လုပ်ဆောင် ရမည်ဖြစ်သလို မလိုက်နာလျှင်လည်း ထိုက်သင့်သောပြစ်ဒဏ်ကို ထိုက်သင့် သလို အပြစ်ပေးအရေးယူနိုင်ရမည်ဖြစ်သည်။

သို့မှသာ သက်ဆိုင်ရာကထုတ် ပြန်လိုက်သော စည်းကမ်းစည်းမျဉ်းနှင့် ဥပဒေတို့သည် လူရိုသေရှင်ရိုသေရှိ ကာ အာဏာစက် သက်ရောက်ဩဇာရှိ မည်ဖြစ်သည်။ ထိုသို့မဟုတ်လျှင် ထိုစည်းကမ်းစည်းမျဉ်း၊ ဥပဒေတို့ သည် လေထဲ တွင်လည်းကောင်း၊ စက္ကူပေါ် တွင်လည်းကောင်း သင်္ကြန်အမြောက် အဖြစ်၊ စက္ကူကျားအဖြစ် လူမလေး ဟိုသတ္တဝါမခန့်ဘဝဖြင့် ကွယ်ပျောက်သွားကြမည်ဖြစ်သည်။ ထိုနည်းတူ အ ထက်တွင်ဖော်ပြခဲ့သော သာဓကများအရ အရေးယူအပြစ်ပေးခြင်းမရှိဘဲ စည်း ကမ်းဥပဒေများချည်း ထုတ်နေမည်ဆိုပါက အဆိုပါစည်းကမ်းဥပဒေများကို မည်သူကမျှ အလေးထားအရေးတယူလိုက်နာမည့်သူမရှိဘဲ ကိုယ်ထုတ်သော ဥပဒေ ကိုယ့်ဘာသာထိုင်ကြည့်နေရသောအဖြစ် ကျရောက်နေသလို ရှိလိမ့် မည်ဖြစ်ပါကြောင်း ဒီမိုကရေစီတူဒေးက သုံးသပ်ဖော်ပြအပ်ပေသည်။

အယ်ဒီတာ(စက်တင်ဘာ ၂၃၊ ၂၀၁၅)

‪#‎Democracytoday‬

ဆက်လက်ဖတ်ရှုရန်>>

ဝိုင်သောက်ခြင်းက အဆစ်အမြစ်ရောင်ရမ်းနာကျင်မှု ကို ခံစားရဖို့ အခွင့်အလမ်းနည်းစေ

ဝိုင်သောက်တဲ့ သူတွေဟာ ဒူးခေါင်း အဆစ်အမြစ်ရောင်ရမ်း နာကျင်ခြင်း ဝေဒနာ ကို ခံစားရဖို့အခွင့်အလမ်း နည်းပေမယ့်လည်း ဘီယာ သောက်တဲ့သူတွေကတော့ အဆစ်အမြစ်ရောင်ရမ်းနာကျင်ဖို့ ပိုများစေတယ်လို့ လေ့လာမှု အသစ်တစ်ခုက ဖော်ပြလိုက်ပါတယ်။

နော့တင်ဟမ် တက္ကသိုလ်မှာရှိတဲ့ သုတေသီတွေဟာ ဒူးခေါင်း (သို့) တင်ပါးရောင်ရမ်း နာကျင်တာ မျိုးတွေ ခံစားနေရပြီး အသက် ၄၅ နှစ်ကနေ ၈၆ နှစ်ကြားရှိတဲ့ အမျိုးသားနဲ့ အမျိုးသမီး အယောက် ၂၀၀၀ ရဲ့ ယမကာ မှီဝဲမှု အကျင့်တွေကို ကျန်းမာတဲ့ လူ အယောက် ၁၀၀၀ နဲ့ နှိုင်းယှဉ်ကြည့်ခဲ့ကြပါတယ်။

ဘီယာ မသောက်တတ်တဲ့ သူတွေနဲ့ နှိုင်းယှဉ်ကြည့်လိုက်ရင် တစ်ပတ်ကို ၂၀ ယူနစ်ထက်ပိုပြီးဘီယာ သောက်သုံးသူတွေဟာ ဒူးခေါင်း အဆစ်အမြစ်ရောင်ရမ်းနာကျင်ဖို့ ၉၃ ရာခိုင်နှုန်း အခွင့်အရေးပိုများနေပါတယ်။ ခါး ၊ တင်ပါး တို့ရဲ့ အဆစ်အမြစ်တွေရောင်ရမ်းနိုင်ချေကတော့ ဒူးခေါင်းထက်ပင် အခွင့်အရေး ၂ ဆ ပိုများနေပြန်ပါတယ်။

တစ်ဖက်မှာကျပြန်တော့လည်း တစ်ပတ်ကို ၀ိုင် ၄ ခွက်ကနေ ၆ ခွက် အထိ သောက်သုံးသူတွေဟာ ဒူးခေါင်းအဆစ်အမြစ်ရောင်ရမ်းနာကျင်မှု ကို ၄၄ ရာခိုင်နှုန်းအထိ လျော့ကျသွားစေပါတယ်။ တစ်ပတ်ကို အနည်းဆုံး ၇ ခွက် သောက်သုံးသူတွေဆိုရင် ၂ ဆ ပိုမို လျော့ကျစေမှာ ဖြစ်ပါတယ်။

ဒီလို ဘာကြောင့် ၀ိုင်က အဆစ်အမြစ်ရောင်ရမ်းနာကျင်မှု ကို သက်သာစေသလဲဆိုတဲ့ အကြောင်းပြချက်တော့ တိတိကျကျမသိရပါဘူး။ သီအိုရီအရတော့ ၀ိုင်မှာပါဝင်တဲ့ Polyphenols ဆိုတဲ့ အန်တီအောက်ဆီးဒင့် တစ်မျိုးကြောင့်ဖြစ်ပါတယ်။ Polyphenols ဟာ ကာကွယ်မှုနဲ့ ဆိုင်တဲ့ သက်ရောက်မှု တွေ ခန္ဓာကိုယ်ကို ဖြစ်စေပါတယ်။ ဘီယာမှာပါဝင်တဲ့ Uric အက်ဆစ် ပမာဏကတော့ ထိခိုက်တဲ့ သက်ရောက်မှုတွေစာ ဖြစ်စေနိုင်တာဖြစ်ပါတယ်။

ထို ရှာဖွေတွေ့ရှိမှုတွေကိုတော့ Arthtitis Research Therapy ဆိုတဲ့ ဂျာနယ်မှာ ပုံနှိပ်ဖော်ပြခဲ့ပါတယ်။

( Mario )

Ref : Dailymail

ဆက်လက်ဖတ်ရှုရန်>>

စင်ကာပူမှာ ကြော်ငြာသွားရိုက်မယ့် ဝင်းသပြေထွန်း

ဝင်းသပြေထွန်းက စိန်မဟာ သဘင်မှ စီစဉ်ရိုက်ကူးနေတဲ့ ‘ခေတ် အဆက်ဆက် အစဉ်’ နှစ်ပါးမှာ ဇံဟိန်းနဲ့ အတူ ဦးရဲစိန်၊ ဦးညီဝင်းစိန် တို့ရဲ့ခေတ်က နှစ်ပါးကို ရိုက် ကူးခဲ့ပါ တယ်။ ဒီနှစ်ပါးရိုက်ကူးအပြီး စက် တင်ဘာ ၁၈ရက်နေ့မှာတော့ ကြော်ငြာ ရိုက်ကူးဖို့အတွက် စင်ကာပူကို ထွက် ခွာသွားခဲ့ ပါတယ်။ ဝင်းသပြေထွန်း အနေနဲ့ စင်ကာ ပူမှာ ကြော်ငြာ ၃ခု ရိုက်ကူးရမှာဖြစ်ပြီး ပြည်ပကြော်ငြာ ရိုက်ကူးမှု အတွေ့အကြုံကို တော့ “ဒါ က ညီမရဲ့ ပြည်ပမှာ ရိုက်ကူးရတဲ့ ပထမဆုံးကြော်ငြာပါ။ ကြော်ငြာက ၃ခု ရိုက်ရမှာပါ။

ကြော်ငြာက စပြီး ရိုက်နေ ပါပြီ။ စင်ကာပူမှာ ရိုက်ဖို့က စီစဉ်နေ တာကြာပါပြီ။ အခုမှပဲ တကယ်ရောက် ဖြစ်တာပါ။ ရိုက်ကူးရေးမှာတော့ အား လုံးကဝိုင်းဝန်းကူညီကြပါတယ်။ ဒါရိုက်တာ ကတော့ ကိုအောင်ပြည့်သျှံ ပါ။ ကြော်ငြာ က ပြေးလွှားခုန်ကျော်တာလေးလည်းပါ

တော့ ခြေထောက် နည်းနည်းတော့နာတယ်။ ဒါပေမဲ့ ကောင်းချင်လို့ ခဏခဏခုန်ကြည့် ဖြစ်တယ်” လို့ ပြောပြပါတယ်။

ဝင်းသပြေထွန်းက စင်ကာပူကနေ စက်တင်ဘာ ၂၄ရက်နေ့ပြန်လည်ရောက် ရှိမှာဖြစ်ပါတယ်။ ဒါရိုက်တာညိုမင်း လွင်ရဲ့ ANANDA RISE of Notra ဇာတ်ကားမှာ လည်း ဝင်းသပြေထွန်း က Agent Rose အဖြစ် သရုပ်ဆောင်ရမှာ ဖြစ်ပါတယ်။

လင်းအက္ခရာ

Popular

ဆက်လက်ဖတ်ရှုရန်>>

မိန်းမအမှုနှင့် ရင်ဆိုင်နေရတဲ့ ကြည်လင်း အာမခံရ

အသက်မပြည့်သေးသည့် မိန်းကလေးကို ခိုးယူပေါင်းသင်းမှုဖြင့် အင်းစိန် အကျဉ်းထောင်တွင် ထိန်းသိမ်းခံရသော မြန်မာ့လက်ရွေးစင်နှင့် ရန်ကုန်ယူနိုက်တက် ဘောလုံးအသင်းမှ ကစားသမား ကြည်လင်းမှာ စက်တင်ဘာလ ၂၂ ရက် မွန်းလွဲပိုင်းက ကမာရွတ်မြို့နယ် တရားရုံးတွင် အာမခံရရှိရေးအတွက် လျှောက်ထားခဲ့ရာ မြို့နယ်တရားသူကြီးက ခွင့်ပြုခဲ့ကြောင်း ယင်းတရားရုံးထံမှ စုံစမ်းသိရှိရသည်။

“ကြည်လင်းရဲ့ ခြေထောက်ဒဏ်ရာကို ကုသခွင့်ပြုဖို့အတွက် အာမခံ လျှောက်ထားခဲ့တယ်၊ တရားသူကြီးက အာမခံပေးပေမယ့် အမှုပြန်ပိတ်ဖို့ကို ဥပဒေအရ ဆက်လုပ်ဆောင်ရမှာပါ၊ ကြည်လင်းကို တရားစွဲဆိုခဲ့သူ ကိုယ်တိုင်က ဒီအမှု ပြန်လည် ပိတ်သိမ်းပေးဖို့ ရုံးတော်မှာ ဒီနေ့ လျှောက်တင်ခဲ့ပါတယ်” ဟု ကြည်လင်း၏ အကျိုးဆောင် တရားလွှတ်တော်ရှေ့နေ ဦးသိန်းမြင့်က ပြောကြားသည်။

ရန်ကုန် ယူနိုက်တက်အက်ဖ်စီ အင်တာနက် စာမျက်နှာတွင် အသက် ၂၆ နှစ်ကစားသမားဟု ဖော်ပြထားသည့် ကြည်လင်းမှာ ၎င်း၏ ချစ်သူဖြစ်သော ဒဂုံမြို့သစ် (အရှေ့ပိုင်း) မြို့နယ်၊ ၆ ရပ်ကွက်တွင် နေထိုင်သည့် အသက် ၁၇ နှစ်အရွယ် မိန်းကလေးနှင့် ၂၀၁၄ ခုနှစ် ဇွန်လပိုင်းက ၂ ရက်ကြာ ပေါင်းသင်း နေထိုင်ခဲ့သောကြောင့် အမျိုးသမီး၏ ဖခင်ဖြစ်သူက တရားလိုပြုကာ ဘောလုံး သမား ကြည်လင်းကို ကမာရွတ် မြို့မရဲစခန်းတွင် ဇွန်လ ၁၆ ရက်နေ့က ပုဒ်မ ၃၆၆ ဖြင့် အမှုဖွင့်တိုင်ကြားခဲ့ကြောင်း ယင်းရဲစခန်းထံမှ သိရှိရသည်။

အမှုဖွင့် တိုင်ကြားခံရပြီး နောက်တစ်ရက်တွင် ကြည်လင်းက မိန်းကလေးကို ထုံးတမ်းစဉ်လာ ယဉ်ကျေးမှုနှင့်အညီ နှစ်ဖက် အုပ်ထိန်းသူများရှေ့၌ လက်ထပ်ခဲ့ကြောင်း၊ ယင်းနောက် ၎င်းတို့ နှစ်ဦး အိမ်ထောင်ရေး အဆင်မပြေသဖြင့် ၂၀၁၅ ခုနှစ် စက်တင်ဘာလ ၂၂ ရက် နေ့က ကြည်လင်းကို ရုံးထုတ်စစ်ဆေးသည့် ကမာရွတ်မြို့နယ် တရားရုံးတွင် ကြည်လင်းနှင့် ၎င်း၏ဇနီးတို့က နှစ်ဦး သဘောတူ ကွာရှင်းလက်မှတ် ရေးထိုးခဲ့ကြောင်း ကြည်လင်း၏ အစ်ကိုထံမှ သိရှိရသည်။

“ကွာရှင်းဖို့အတွက် ကောင်မလေးကို သိန်း ၁၀၀ ပေးခဲ့တယ်၊ ဒီငွေပေးတာက မိန်းကလေးရဲ့ နစ်နာမှုအပြင် ကြည်လင်းအမှုကို ကျေအေး ပိတ်သိမ်းပေးဖို့အတွက်ပါ၊ တရားလိုက အမှုပိတ်သိမ်းပေးမယ် ဆိုပေမယ့် ဒီအမှုကို ခရိုင်ဥပဒေရုံးအထိ ဆက်လက်တင်ပြပြီး အမှုပိတ်သိမ်း ခွင့်ပြုချက်ကျမှ မြို့နယ်တရားရုံးက အမှုပိတ်ကြောင်း အမိန့်ချမှာ” ဟု ကြည်လင်း အစ်ကိုက ရှင်းပြသည်။

ဘောလုံးကစားသမား ကြည်လင်း တရားစွဲဆိုခံရသည့် ပုဒ်မ ၃၆၆ အမှုကို ပြန်လည် ပိတ်သိမ်းပေးရန် တရားလိုအဖြစ် တိုင်ကြားခဲ့သော ယောက္ခမဟောင်း ဦးထွန်းရီ၊ ဦးထွန်းရီ၏ ဇနီးနှင့် ကြည်လင်း၏ ဇနီးဟောင်းဖြစ်ခဲ့သော မိန်းကလေးတို့ကို ကမာရွတ်မြို့နယ် တရားသူကြီးက စစ်ဆေးခဲ့ပြီး လာမည့် အောက်တိုဘာလ ၁၂ ရက်တွင် ရုံးချိန်း ထပ်မံချိန်းဆိုထားကြောင်း ယင်းတရား ရုံးထံမှ သိရှိရသည်။

The Voice

ဆက်လက်ဖတ်ရှုရန်>>

TAVR နည်းဖြင့် သက်ကြီးနှလုံးအဆို့ရှင်လဲလှယ်ခြင်းက အန္တရာယ်နည်း

နှလုံးရောဂါဝေဒနာရှင်များအား ကြီးကြီးမားမား ခွဲစိတ်မှုမလုပ်ဘဲ နှလုံးအဆို့ရှင်လဲလှယ်သည့် ခေတ်မီနည်း စနစ်တစ်မျိုးမှာ အလွန်အသက်ကြီး နေသူများအတွက်ပင် ဘေးအန္တရာယ်မရှိဘဲ ဆောင်ရွက်နိုင်သည်ဟု သုတေသနပညာရှင်များက ဆိုသည်။ TAVR ဟုခေါ်သည့် ထိုနည်းစနစ်သည် ကုသမှုပြုလုပ်ပြီး ရေတိုနှင့် အလယ်အလတ်အချိန်ကာလအတွင်း အကောင်းဆုံးရလဒ်ရရှိစေသည်ဟု အတ္တလန်တာမြို့ အီမိုရီတက်္ကသိုလ်မှ ဒေါက်တာဗီနော့သူရာနီက ပြောကြားသည်။ ထိုဝေဒနာရှင်များမှာ TAVR နည်းသာမရှိပါက သေဆုံးရဖွယ်ရှိသည်ဟု ဆိုသည်။ ပုံမှန်ခွဲစိတ်မှုပြုလုပ်နိုင်ခြင်းမရှိသော အလွန်အားနည်းနေသည့် နှလုံးအဆို့ရှင်ကျဉ်းသည့် ရောဂါရှိသူများအတွက် TAVR မှာ ကုသနည်းပညာတော်လှန်ပြောင်းလဲမှုတစ်ခုဖြစ်သည်ဟု ဆိုသည်။ TAVR နည်းစနစ်တွင် နှလုံးကိုကုသရန် ရင်ဘတ်နေရာကိုခွဲသည့် ပုံစံအစား လက်မောင်း(သို့) ပေါင်ခြံတွင် အပေါက်ငယ်တစ်ခု ဖောက်ကာ နှလုံးအဆို့ရှင်အသစ်ကို ပြွန်ငယ်တစ်ခုဖြင့် ထည့်သွင်းပေးသည့်နည်းကို အသုံးပြုသည်။ TAVR ကုသမှုတွင် အောင်မြင်မှုနှုန်း ၇၄ ရာ ခိုင်နှုန်းမှ ၇၈ ရာခိုင်နှုန်းအထိရှိပြီး အလွန်အသက်ကြီးနေသည့် လူနာများမှာ ပုံမှန်နည်းဖြင့် ခွဲစိတ်ကုသမှုခံယူပါက အန္တရာယ်ကြုံတွေ့နှုန်း အလွန်မြင့်မားသည်။ TAVR နည်းဖြင့် ကုသမှုခံယူသူများ၏ ၃ ပုံ ၁ ပုံမှာ ခွဲစိတ်ပြီး ရက် ၃၀ အတွင်း လေဖြတ်ခြင်း၊ ကျောက်ကပ်အလုပ်မလုပ်ခြင်းနှင့် နှလုံးခုန်စက်တပ်ဆင်ရန် လိုအပ်ခြင်းတို့ ကြုံတွေ့ရပြီး သေဆုံးသူ ၇ ရာခိုင်နှုန်း ရှိသည်။ သို့သော် TAVR နည်းဖြင့် ခွဲစိတ်မှုမှ ပြန်လည်သက်သာလာပြီးသောအခါ သေဆုံးနှုန်းမှာ ရောဂါမရှိသည့် သာမန်လူများနှင့် တူညီသွားသည်ဟု ဆိုသည်။ ကုသမှုခံယူပြီး ၆ လအကြာတွင် လူနာများ၏ ဘ၀နေထိုင်မှုအခြေအနေမှာ ယခင်ထက် သိသာစွာ ကောင်းမွန်လာသည်ဟု ဆိုသည်။

The Ladies News Journal

ဆက်လက်ဖတ်ရှုရန်>>

လူ နှင့် နိုင်ငံရေး

"လူသည်နိုင်ငံရေး သတ္တဝါမဟုတ်" လို့ အချို့က သတ်မှတ်ကြ၊ ယူဆကြ၊ ခံယူကြပါတယ်။ နိုင်ငံရေးဟာ ကိုယ်နဲ့မဆိုင်။ နိုင်ငံတော်အစိုးရ (ဒါမှမဟုတ်) ပါတီအမည်ခေါင်းစီး တစ်ခုအောက်မှာ ရပ်တည်နေတဲ့ နိုင်ငံရေး လုပ်နေသူတွေ နဲ့သာဆိုင်တယ်။ ဘယ်အစိုးရတက်လာလာ ကိုယ်လုပ်မှကိုယ်စားရမှာလို့ ခံယူချက် ထားသူတွေဟာ နိုင်ငံတလွှားမှာ ဒုနဲ့ဒေး ရှိနေပါတယ်။

နိုင်ငံရေးအပေါ် ကိုယ်နဲ့ မဆိုင်ဘူးလို့ ကိုယ်ကသာ လစ်လျူရှုထားပေမဲ့ နိုင်ငံရေးရဲ့ လွှမ်းမိုးချယ်လှယ်မှုကို မိမိဟာ မလွဲမရှောင်သာ ရင်ဆိုင်နေရတယ်။ မိမိဘဝ မိမိအသိုင်းအဝန်းတစ်ခုလုံးဟာ နိုင်ငံရေး မူဝါဒအုပ်ချုပ်မှု ယန္တရား အပြောင်းအလဲတွေ အောက်မှာ ရပ်တည်နေရတယ်ဆိုတာတော့ မေ့ထားလို့ မရနိုင်ပါဘူး။

ယဉ်ကျေးမှု မထွန်းကားသေးတဲ့ ကျောက်ခေတ်ဦးကာလမှာ အင်အားကြီးသူ၊ ရဲဝံ့သူ၊ မိုက်ရဲသူရဲ့ချုပ်ကိုင်မှု

အောက်မှာ ကမ္ဘာဦးလူသားတွေ အစပြုခဲ့ကြရတာပါ။ အစားအစာ ရှာဖွေရာက နယ်မြေလု စစ်ပွဲတွေကိုလည်း ခေါင်းဆောင်ပြုသူရဲ့ ဆုံးဖြတ်ချက်အောက်မှာ မတိုက်ချင်ဘဲ တိုက်ခဲ့ရ မသေသင့်ဘဲ သေခဲ့ကြရပါတယ်။

ဒီက တစ်ဆင့်တက်လို့ ကျေးပိုင်၊ ကျွန်ပိုင်ခေတ်ရောက်လာတော့ ကိုယ်ဘက်က စစ်ပွဲရှုံးရင် သုံ့ပန်းဘဝက ကျွန်အဖြစ် ခိုင်းစေခံရ ကျွန်အဖြစ် ရောင်းစားခံရနဲ့ ခေတ်စနစ် အပြောင်းအလဲအောက်မှာ ပြုသမျှနုခဲ့ရတာလည်း အုပ်ချုပ်ခံ လူတန်းစားတွေရဲ့ဖြစ်ရပ်တွေပါ။

မိမိကိုအုပ်ချုပ်နေတဲ့ အင်အားကြီးသူတွေရဲ့ လူမဆန်မှု ငဲ့ညှာမှုတရားကင်းမဲ့မှုတွေကြောင့် ငွေဝယ်ကျွန် အဖြစ်နဲ့ တစ်ပါးသူတွေရဲ့ မြေယာတွေမှာ မိမိဘဝကို အဆုံးခံရတာကလည်း ပစ္စည်းမဲ့၊ အာဏာမဲ့၊ အင်အားမဲ့ သူတွေရဲ့ ရင်နာစရာ ဒုက္ခတွေပါဘဲ။

ယဉ်ကျေးမှု ထွန်းကားလာပြီဖြစ်တဲ့ သက်ဦးဆံပိုင် ဘုရင်စနစ်မှာ အသိုင်းအဝန်းအင်အားကြီးသူ လူအင်အား

လက်နက်အင်အားကြီးသူက ဘုရင်ဖြစ်လာပြန်တယ်။ ဒီကတစ်ဆင့် ဖခင်သေတော့ သားက ဘုရင်ဖြစ်။ ဒီလိုနဲ့ မြေးမြစ်အထိ အမွေဆက်ခံရာက တော်ဝင်နန်းဆက် တော်ဝင်အသိုင်းအဝန်း အနေနဲ့ အုပ်ချုပ်ရေးအာဏာကို ကိုင်ဆောင်ပြီး အခွင့်ထူးခံ လူတန်းစားတစ်ရပ် ပေါ်လာပြန်တယ်။ တိုင်းပြည်အုပ်ချုပ်မင်းလုပ်သူတွေ မင်းကျင့်တရား ဆယ်ပါးနဲ့ ပြည့်စုံနေရင် ပြည်သူပြည်သားတွေ အေးငြိမ်းချမ်းသာမှုရှိနိုင်ပေမဲ့ မင်းကျင့်တရားပျက်ယွင်း သူနဲ့တွေ့ကြုံရရင်တော့ပြည်သူတွေ ကံဆိုး မိုးမှောင်ကျရတာပါဘဲ။

အုပ်ချုပ်ရေးအာဏာ၊ တရားစီရင်ရေးအာဏာ၊ စီမံခန့်ခွဲမှုအာဏာတွေကို ဘုရင်တစ်ပါးတည်းက တစ်ချက် လွှတ် အမိန့်နဲ့ ဆုံးဖြတ်နိုင်တော့ ဖြစ်လာမဲ့ ကောင်းမွေဆိုးမွေတွေကို တိုင်းပြည်နဲ့ တကွ ပြည်သူပြည်သားတွေ မလွှဲမရှောင်သာ ရင်ဆိုင်ကြရတာပါဘဲ။

ဒီသက်ဦးဆံပိုင် ဘုရင်စနစ်မှာ ဘုရင့်ရှေ့မှာ ဒူးထောက်ခစား၊ လက်အုပ်ချီလို့ ဘုရင်ကမော်ဖူးစေလို့ အမိန့်ချမှ ဘုရင့်မျက်နှာကိုမဝံ့မရဲ ကြည့်ခွင့်ရတဲ့အဖြစ်တွေ၊ တိုင်းပြည်အုပ်ချုပ်တဲ့ မင်းတွေ အရည်အချင်းမရှိလို့ သူများကြိုးဆွဲရာကခဲ့လို့ (၁၈၈၆)ခုနှစ်မှာ ကိုလိုနီလက်အောက်ကျရောက်ပြီး တိုင်းပြည်တစ်ခုလုံး သူ့ကျွန်ဘဝကျရောက်ခဲ့ရတာမေ့ထားလို့ မရနိုင်ပါဘူး။ ဒီတုန်းက တိုင်းပြည်ကိစ္စ နိုင်ငံရေးကိစ္စ ငါတို့နဲ့ မဆိုင်ပါဘူးလို့ ခေါင်းရှောင်နိုင်ခဲ့ ကြပါသလား၊ အင်္ဂလိပ်ကျွန်၊ ဂျပန်ကျွန်အဖြစ် နွံနစ်ခဲ့ရတာ တိုင်းပြည်နဲ့ ပြည်သူပြည်သားတွေမဟုတ်လား။

လွတ်လပ်ရေးရပြီး နောက်ပိုင်း ပါလီမန်ဒီမိုကရေစီခေတ်ကို မမီလို့ ခံစားသိရှိမှု မရှိခဲ့ပါဘူးဆိုရင် ဒါဟာ အပြစ်မဟုတ်ပေမဲ့ (၁၉၆၂)ခုနှစ်နောက်ပိုင်း ကဒီနေ့အထိ အခြေအနေကို မသိပါဘူး။ စိတ်မဝင်စားပါဘူး။

ကိုယ့်ကိစ္စ မဟုတ်ပါဘူးလို့ ခံယူကြပြောဆိုနေကြရင်တော့ မိမိဟာ မိမိတန်ဖိုး မိမိရပိုင်ခွင့် မိမိလုပ်ပိုင်ခွင့်ကို

ပစ်ပယ်လိုက်သလို နိုင်ငံသား မပီသသူအဖြစ် ဝန်ခံလိုက်သလိုပါဘဲ။

ကမ္ဘာသူ ကမ္ဘာသား နိုင်ငံသူ နိုင်ငံသားတွေဟာ ကမ္ဘာတစ်ခုလုံး(ဒါမှမဟုတ်) နိုင်ငံတစ်နိုင်ငံမှာ လက်ခံကျင့်

သုံးလိုက်တဲ့ ဝါဒတွေ အုပ်ချုပ်ရေးစနစ်တွေရဲ့ သားကောင်တွေပါ။ ကျင့်သုံးတဲ့ ဝါဒ နဲ့ စနစ်မှန်ကန်ရင် တိုင်း

ပြည်နဲ့ ပြည်သူတိုးတက်ကြီးပွားနိုင်သလို ဝါဒရော စနစ်မှာ လွဲမှားသွားရင်တော့ တိုင်းပြည်နဲ့ ပြည်သူအများစု ဆင်းရဲနွံအတွင်း တွန်းချခံရဖို့ သာရှိပါတယ်။

ကျွန်တော်တို့ နိုင်ငံမှာ ကျင့်သုံးခဲ့တဲ့ ဗျူရိုကရေစီစနစ်လို့ခေါ်တဲ့ ဗဟိုချုပ်ကိုင်မှုပြုခဲ့တဲ့ အာဏာရှင်စနစ်ရဲ့

ကောင်းကျိုး ဆိုးကျိုးကို ပြည်သူပြည်သားတွေခံစားခဲ့ ကြပြီးသားပါ။ နိုင်ငံတော်ရဲ့အုပ်ချုပ်မှုအာဏာ

ဥပဒေပြုအာဏာစီမံခန့်ခွဲမှု အာဏာအစရှိတာတွေကို လူတစ်စု(တစ်နည်း လူနည်းစုကသာ ရေးဆွဲပြဌာန်း ချုပ်ကိုင်မှုပြုခဲ့ကြတော့ ဒီအကျိုးဆက်ကို နိုင်ငံနဲ့ ပြည်သူတွေခံစားခဲ့ရတာပါ။

နိုင်ငံတော်ဖွဲ့စည်း အုပ်ချုပ်ပုံ အခြေခံဥပဒေပြဌာန်းပြီး ပြည်လုံးကျွတ်ဆန္ဒခံယူပွဲပြုလုပ်ခဲ့စဉ်က ဒီဥပဒေရဲ့

အကျိုးဆက်ကိုခံစားရမဲ့ ကျွန်တော်တို့ ပြည်သူပြည်သားအများစုဟာ ဒီဥပဒေပြဌာန်းချက်တွေကို သိရှိနား

လည်အောင်လေ့လာခဲ့ ဝေဖန်အကြံပြုခဲ့ ကြပါသလား။ ဝေလေလေ ပုံစံနဲ့ဘဲ တာဝန်ကျေ ဆန္ဒပြုခဲ့ကြတာ မဟုတ်လား။ ဒါတွေဟာ ကျွန်တော်တို့ ပြည်သူတွေရဲ့ အားနည်းချက်ပါ။

ဗဟိုချုပ်ကိုင်မှု အာဏာရှင်စနစ်ကိုပြောင်းလဲဖို့ ဒီမိုကရေစီစနစ်နဲ့အစားထိုးဖို့ပြုပြင်ပြောင်းလဲရေးလုပ်နေ

ချိန်မှာတောင် လူနဲ့မူကို မခွဲနိုင်ဘဲ ထင်ရာမြင်ရာပြောကြဆိုကြတဲ့ သူတွေလည်း ရှိနေပါသေးတယ်။ ဒါဟာအပြစ်ဆိုစရာတော့ မဟုတ်ပါဘူး။ နှစ်ဆယ်စုပေါင်းများစွာ မျက်စိပိတ် နားပိတ် ပါးစပ်ပါပိတ်ပြီးနေလာခဲ့ ကြရတာကိုး။

ဒါပေမဲ့ ခုအချိန်အခါမှာ ဒီမိုကရေစီရဲ့ကျင့်စဉ်တွေ ရပိုင်ခွင့်တွေ နိုင်ငံသားတစ်ဦးရဲ့မွေးရာပါအခွင့်အရေး တွေကိုတော့ သိထားဖို့လိုပါတယ်။ ဒါမှလည်း ဒီမိုကရေစီကို ဘာကြောင့် တောင်းဆိုခဲ့ကြတာလဲ။ ဘယ်လောက် အနှစ်သာရရှိသလဲ ဆိုတာ ကိုယ်တိုင်ခံစားနိုင်မှာပါ။

ဗဟိုချုပ်ကိုင်မှုအာဏာမှာ လွတ်လပ်စွာပြောဆိုနိုင်ခွင့် (Freedom of Speech) မရှိပါဘူး။ ပြောဆိုခဲ့မယ် ဆိုရင်လည်း အစိုးရကို အကြည်ညိုပျက်စေမှုနဲ့ အရေးယူခံရပါလိမ့်မယ်။

ဒီမိုကရေ စီစနစ်မှာ လွတ်လပ်စွာ ပြောဆိုနိုင်ခွင့် ရှိပါတယ်။ အစိုးရရဲ့ မူဝါဒနဲ့ ဆုံးဖြတ်ချက်များကို ကန့်ကွက် ဆန့်ကျင်နိုင်ခွင့်ရှိပါတယ်။ ဒါပေမဲ့ အစိုးရဖြုတ်ချရေး ညစ်ညမ်းတဲ့ အပြောအဆိုတို့ကိုတော့ လုပ်ပိုင်ခွင့်မရှိပါဘူး။

ဗဟိုချုပ်ကိုင်မှုအာဏာမှာ အာဏာပိုင်အဖွဲ့အစည်းနှစ်သက်ရာဘာသာကို နိုင်ငံတော်ဘာသာအဖြစ် သတ်

မှတ်ကောင်းသတ်မှတ်နိုင်ပေမဲ့ ဒီမိုကရေစီစနစ်မှာ ဘာသာရေးလွတ်လပ်ခွင့် (Freedom of Religion)ရှိပါတယ်။ ဘယ်ဘာသာကိုမဆို လွတ်လပ်စွာ ကိုးကွယ်ခွင့် ရှိပါတယ်။ အများပြည်သူနဲ့ဆိုင်တဲ့ ရာထူးအတွက် ဘာသာရေးနဲ့ ခွဲခြားသတ်မှတ်ခြင်း မရှိရပါဘူး။ ဆိုလိုတာက သတ်မှတ် အရည်အချင်းရှိသူဟာ နိုင်ငံသားဖြစ်ဖို့သာ လိုပါတယ်။ အစိုးရအနေနဲ့ မိမိတို့ နှစ်သက်ရာဘာသာကို နိုင်ငံတော်ဘာသာ သတ်မှတ်ခွင့်မရှိပါဘူး။ ဘာသာတိုင်းကို အပြန်အလှန်လေးစား ရပါ့မယ်။

ဗဟိုချုပ်ကိုင်မှု အာဏာမှာ သတင်းလွတ်လပ်ခွင့် မရှိပါဘူး။ အစိုးရဘာလုပ်နေတယ်။ အစိုးရအတွင်းဖြစ်ပျက်တာကအစ ပြည်သူတွေ သိနိုင်ခွင့် မရှိပါဘူး။ ဒီမိုကရေစီစနစ်မှာတော့ သတင်းစာလွတ်လပ်ခွင့် (Freedom of the Media)ရှိတဲ့အတွက် အစိုးရအတွင်း ဖြစ်ပျက်နေတာမှန်သမျှ ပြည်သူတွေ သိခွင့်ရပါတယ်။

သတင်းစာ၊ ရေဒီယို၊ တီဗွီ၊ အင်တာနက်များမှာ အစိုးရပိုင်းက ဝင်ရောက်စွက်ဖက်မှု မရှိဘဲ လွတ်လပ်စွာဝေဖန် သုံးသပ်ခွင့်ရှိပါတယ်။

ပညာရေးပိုင်းမှာလည်း လွတ်လပ်မှု(Academic Freedom)ရှိပါတယ်။ သတင်းအချက်အလက်များ လွတ်လပ်စွာ ရှာဖွေ စုဆောင်းနိုင်ခွင့်(Access to Information)နဲ့ သုတေသနပြုနိုင်ခွင့်တွေရှိပါတယ်။

ဒီမိုကရေစီစနစ်မှာ လွတ်လပ်စွာ အသင်းအပင်းဖွဲ့စည်းခွင့်(Freedom of Association)ရှိတဲ့အပြင် အစိုးရမူဝါဒ ဆန့်ကျင်တဲ့ အဖွဲ့အစည်းမှာပင် ဝင်ရောက်ပါဝင်နိုင်ပါတယ်။ ဒီမိုကရေစီစနစ်မှာ နိုင်ငံရေး ရာထူးအတွက် လွတ်လပ်စွာ ယှဉ်ပြိုင်ခွင့်(Freedom to Compete for Public Office) ရှိပါတယ်။

ဒီမိုကရေစီစနစ်မှာ တရားဥပဒေစိုးမိုးမှု(The Rule of Law)ရှိပါတယ်။ လူမျိုး၊ ဘာသာ၊ ကျား၊ မ၊ မရွေး တရားစီရင်ရေးမှာတန်းတူ ဘဲဖြစ်ပါတယ်။ တရားဥပဒေနဲ့အညီသာ တရားစွဲဆိုနိုင်ပါတယ်။ ဒီမိုကရေစီစနစ်မှာ လူတိုင်း မဲပေးပိုင်ခွင့် နဲ့ အရွေးခံနိုင်ခွင့်(Right to Elect and be Elected)ရှိပါတယ်။

တစ်နည်းပြောရရင် မိမိဟာ အရွယ်ရောက်ပြီးဖြစ်မယ်ဆိုရင် မိမိကိုယ်တိုင် ဆန္ဒရှိရာကို လွတ်လပ်စွာမဲပေးခွင့်ရှိပြီး နိုင်ငံရေးရာထူးအတွက် လွတ်တော်ကိုယ်စားလှယ်အဖြစ် မိမိကိုယ်တိုင် အရွေးခံနိုင်ပါတယ်။

ဒါတွေဟာ ဒီမိုကရေစီစနစ်ရဲ့ အားသာချက်တွေပါဘဲ။လူ တိုင်းအတွက်လူ့ အခွင့်အရေး ရပိုင်ခွင့်တွေကို

အကာအကွယ်ပြု ရပ်တည်ပေးတဲ့ အကောင်းမွန်ဆုံး စနစ်တစ်ခုပါ။ ဒီမိုကရေစီစနစ်ဟာ လူပုဂ္ဂိုလ် တစ်ဦးတစ်ယောက်အပေါ် အခြေတည်နေတာ မဟုတ်ပါဘူး။

ဒီမိုကရေစီစနစ်လို့ အသံကြားတာနဲ့ ဦးသိန်းစိန် အစိုးရကို မကြိုက်လို့ ဒေါ်အောင်ဆန်းစုကြည် ပါတီကို အားပေးလို့ ဆိုတာတွေ လုံးဝ မပါဝင်ပါဘူး။ စနစ်အပြောင်းအလဲမှာ မူနဲ့လူ ခွဲမြင်တတ်ဖို့ လိုပါတယ်။ နိုင်ငံတော်အုပ်ချုပ်ရေးစနစ် (တစ်နည်းအားဖြင့်) မူမပြောင်းသမျှ လူတွေဘယ်လောက်ပြောင်းပြောင်း ထူးခြားပြောင်းလဲလာမှာ မဟုတ်ပါဘူး။ ဒါပေမဲ့ မူဟောင်းကိုပြောင်းပစ်ချင်ရင် ဒီမူအပေါ် အရိုးစွဲနေပြီဖြစ်တဲ့ လူဟောင်းတွေလည်း ပြောင်းပစ် ရမှာပါ။

လူဆိုတာ တစ်ဦးတစ်ယောက်တည်းနေလို့ရတာ မဟုတ်ပါဘူး။ မိမိ မိသားစု အသိုက်အမြှုံလေးနဲ့လည်း

လောကကို ဖန်တီးနိုင်တာ မဟုတ်ပါဘူး။ နိုင်ငံရေးအပေါ် သေချာဆန်းစစ်မှု၊ လေ့လာသုံးသပ်မှု မရှိရင်လည်း သူများပြောသမျှ ရမ်းတုတ် မှန်းတုတ်နဲ့ဘဲ အမှန်တရားနဲ့ကင်းကွာနေတတ်ပါတယ်။

"တစ်ခါက မွေးရာပါ မျက်စိစုံလုံးကန်းနေတဲ့ သူငယ်လေးတစ်ယောက်ကို သူ့သူငယ်ချင်းက နွားနို့တစ်ခွက်

တိုက်ခဲ့တယ်။ နွားနို့က ဆိမ့်လည်းဆိမ့်။ ချိုလည်းချိုတော့ မျက်မမြင်ကလေးက သူ့သူငယ်ချင်းကိုနွားနို့နဲ့

ပတ်သက်ပြီး မေးတော့တာပေါ့။

"သူငယ်ချင်းရယ်.. မင်းတိုက်တဲ့ နွားနို့ဆိုတာ သိပ်အရသာရှိတာဘဲကွာ။ မင်းပြောပြောနေတဲ့ အရောင်ဆို

တာတွေ ထဲမှာနွားနို့က ဘာရောင်လဲကွ"

"သူငယ်ချင်းရယ်နွားနို့ဆိုတာ အဖြူရောင်ပေါ့ကွာ။"

"ဟာ..မင်းကလာနောက်နေပြန်ပြီ ငါကမှ အဖြူရောင်ဆိုတာမှ မသိတာ။ ဘာနဲ့တူလဲပြောပြကွာ"

ဒီတော့သူ့သူငယ်ချင်းက "အင်း ဗျိုင်းနဲ့တော့ အရောင်တူတယ်ကွ"လို့ အနီးစပ်ဆုံးအရောင်ကိုပြန်ဖြေလိုက်

တယ်။

"မင်းကလည်းကွာ.. ငါကဗျိုင်းကိုမှ မမြင်ဖူးတာ"

ဒီအခါ မျက်မမြင်ကလေးရဲ့သူငယ်ချင်းက သူ့သူငယ်ချင်းမှန်းဆနိုင်အောင် လက်မောင်းကိုကွေးပြီး

ဗျိုင်းရဲ့ပုံစံလုပ်ပြပြီး မျက်မမြင်သူငယ်လေးကို ကိုင်ကြည့်ခိုင်းလိုက်တယ်။

ဒီတော့ မျက်မမြင်သူငယ်လေးဟာ သူငယ်ချင်းလက်မောင်းကိုကိုင်ကြည့်ပြီး..

"သြော်..အဖြူရောင်ဆိုတာ ကွေးကွေးလေးပါလား"တဲ့။

ဒီလိုပါဘဲ.. ဘယ်နိုင်ငံမှာမဆို နိုင်ငံရေးအမှောင်ချထားခြင်း ခံထားရတာကြာလာတော့ ပြည်သူတွေဟာ

နိုင်ငံရေးနဲ့ ပတ်သက်လာရင် အတွေးတိမ်လာတတ်ပါတယ် နိုင်ငံရေးဆိုတာ မိမိနဲ့ သက်ဆိုင်တဲ့ အရေးကြီးဆုံးအရာဖြစ်တယ် ဆိုတာမေ့ ပျောက်ထားကြတယ်။ နိုင်ငံရေးကို စိတ်မဝင်စားပါဘူးလို့ ပြောနေတာဟာ မိသားစု အရေးကိစ္စကို စိတ်ဝင်စားမှုမရှိသူ အိမ်ထောင်စု တာဝန်ကို ခေါင်းရှောင်သူနဲ့ တူပါတယ်။

မိမိကိုယ်တိုင် နိုင်ငံရေးအမြင်ကျဉ်းမြောင်းနေရင် မိမိပတ်ဝန်းကျင် မိမိနိုင်ငံတော်မှာ အဆိပ်အတောက်ဖြစ်

ရတာပါဘဲ။ ဘာကြောင့်လည်းဆိုတော့ ပြည်သူလူထုကို အခြေခံရတဲ့ ဒီမိုကရေစီလူ့ဘောင်မှာ မိမိတစ်ဦး တစ်ယောက်ကြောင့်လည်း နိုင်ငံတော်ကမောက်ကမဖြစ်စေနိုင်လို့ပါ။

ဒီမိုကရေစီစနစ်က ကောင်းပါတယ်ပြောလည်း အလွယ်တကူခေါင်းမညိတ်မိပါစေနဲ့။ မကောင်းပါဘူးပြောလည်း မထောက်ခံလိုက်ပါနဲ့ဦး။ ဘာကြောင့်ကောင်းတယ် ဘာကြောင့် မကောင်းဘူးဆိုတာ လေ့လာသုံးသပ်ပြီးမှ ကောက်ချက်ချစေချင်ပါတယ်။

ဘယ်ကိစ္စမှာမဆို သာမညနဲ့ အဓိကဆိုတာ ရှိပါတယ်။ အချို့ကိစ္စတွေမှာ အသေးအဖွဲကိစ္စကို အကျယ်ချဲ့မိတော့ အမှန်တကယ်အရေးပါတဲ့ ကိစ္စ အဖိုးတန်ဖြစ်ရပ်တစ်ခုကို ဆုံးရှုံးတတ်ပါတယ်။ သူများပြောတိုင်း ဟုတ်လိမ့်နိုးနိုးနဲ့ ယုံကြည်နေမယ်ဆိုရင် မိမိဟာမွေးရာပါ စုံလုံးကန်းနေတဲ့ သူငယ်လေးလို "အဖြူရောင် ဆိုတာ ကောက် ကောက်လေးပါလား" နဲ့ဘာထူးတော့မလဲ။

ဒီတော့ဗျာ.. ဘယ်အစိုးရတက်လာလာ အလိမ်မခံရအောင် မိမိရဲ့ လုပ်ပိုင်ခွင့်ရပိုင်ခွင့်တွေကို လူပီပီသသ

ရချင်ရင် နိုင်ငံရေးတော့ စိတ်ဝင်စားသင့်ပါတယ်။ ဒီမိုကရေစီဆိုတဲ့ အသံကြားရုံနဲ့ ဆားတို့ ခံလိုက်ရတဲ့ တီလိုတွန့်မနေပါနဲ့တော့ ဒီမိုကရေစီဆိုတဲ့ စကားဟာ ပြည်သူတွေအတွက် ငှက်ဆိုးသံ မဟုတ်ပါဘူး။ ကျွန်တော်တို့ ပြည်သူတစ်ရပ်လုံး ကိုဒုက္ခနွံအတွင်းက ကယ်တင်နေတဲ့ ကယ်တင်ရှင်ရဲ့ အသံဖြစ်တယ်ဆိုတာ နားလည်ပေးပါ။

ဒါကြောင့် (၈-၁၁-၂၀၁၅)မှာကျင်းပတော့မဲ့ ဒီမိုကရေစီအထွေထွေရွေးကောက်ပွဲကြီးမှာ နိုင်ငံသားတစ်ဦးရဲ့

ရပိုင်ခွင့် မဲတစ်ပြားနဲ့ မိမိ မိသားစု အသိုင်းအဝန်းနဲ့ နိုင်ငံတော်အတွက် အကောင်းဆုံး ဆုံးဖြတ်ရွေးချယ်ပေး နိုင်ဖို့ ယုံကြည်ပါတယ်။ မိမိရဲ့မဲတစ်ပြားဟာ မိမိဒေသအတွက် ကိုယ်စားပြုပေးနိုင်မဲ့ လွှတ်တော်ကိုယ်စား လှယ်တစ်ဦးကို လွှတ်တော်ထဲ အရောက်ပို့ပြီး မိမိတို့ အရေးကိစ္စကို ဝန်ဆောင်မှုပြုပေးစေနိုင်သလို မိမိရဲ့လွှတ်တော်ကိုယ်စားလှယ်ဟာလည်း နိုင်ငံတော်အစိုးရဖွဲ့စည်းဖို့ သူ့ ရဲ့မဲတစ်ပြားနဲ့ ဖန်တီးနိုင်ခွင့်ရှိ သွားမှာပါ။

ဒါကြောင့်ခင်ဗျားဟာ နိုင်ငံတော်ရဲ့ကယ်တင်ရှင်ဆိုတာ ဘယ်တော့မှမမေ့ပါနဲ့ဗျာ။ ခင်ဗျားလောက်

အဖိုးတန်သူ ဘယ်မှာရှိပါတော့မလဲ။ ကဲ့... ခင်ဗျားရဲ့ အသည်းကြားက ဖြစ်လာတဲ့ မဲတစ်ပြားကို

ဦးနှောက်နဲ့ ဆင်ခြင်ရွေးချယ်ပေးမှာကို နိုင်ငံတော်နဲ့ ပြည်သူအားလုံး မျှော်နေကြပါပြီ..

အကောင်းဆုံး အမှန်ဆုံးရွေးချယ်နိုင်ပါစေ။

ဆောင်းပါးရှင်။ ။ သုတ (ရွှေမဟာ)

( ၂၃-၉-၂၀၁၅)

ဆက်လက်ဖတ်ရှုရန်>>

မိတ်ကပ်အထူးပြုလုပ်ချက်ပညာရှင် Hanna Yuri

မိတ်ကပ်ပညာရှင် Hanna Yuri အနေနဲ့ မိတ်ကပ်နဲ့ ပတ်သက်တဲ့ ပညာရပ်တွေကို သင်ကြားပို့ချပေးဖို့ အတွက် မိတ်ကပ်စတူဒီယို တစ် ခုကို အမှတ် ၁၂၊ ပန်းခြံလမ်း၊ စမ်းချောင်းမြို့နယ်မှာ ဖွင့်လှစ်ထားကြောင်း သိရပါတယ်။

” Yuri တို့ အခုလောလောဆယ် မိတ်ကပ် စတူဒီယိုဖွင့်ထားတယ်။ အလှအပမိတ်ကပ်လေးတွေကို မြန်မာမိန်းကလေးတွေအနေနဲ့ ဘယ် လိုပြင်ရမလဲ၊ ပြီးတော့ Professional Make Up Artist အနေနဲ့ သင်တန်းပို့ချနေတာရှိတယ်။ အခု ပထမ Class က ပြီးတော့မယ်။ ဒါက Soft Opening ပဲရှိသေးတယ်ရှင့်။ တကယ်ဖွင့်မှာက နိုဝင်ဘာလမှာပါ” လို့ Hanna Yuri က ပြောပါတယ်။

Hanna Yuri အနေနဲ့ ဒါရိုက်တာဝင်းထွန်းထွန်း ရိုက်ကူးနေတဲ့ “ဝိညာဉ်စိမ်း” ဇာတ်ကားကြီးမှာ မိတ်ကပ်အထူးပြုလုပ်ချက်တွေကိုလည်း တာဝန်ယူထားပါတယ်။ ပုပ္ပားမှာ သွား ရောက်ရိုက်ကူးနေတဲ့ အဆိုပါရုပ်ရှင်ဇာတ်ကားကြီးမှာ Hanna Yuri အနေနဲ့ ဘယ်လိုတာဝန်ယူ ထားလဲဆိုတာကတော့ ” ညီမတို့ကဇာတ်ကားတစ်လျှောက်လုံးဆိုရင် ဦးကျော်သူရယ်၊ ဦးရန်လေး(ရန်အောင်)ရယ်ကို သရဲဇာတ်ကောင် အနေနဲ့ ပြင်ရမယ်။နောက်ဆုံးအနေနဲ့ဆိုရင် မင်းသားတွေ ဘုန်းကြီးဝတ်တဲ့အခန်းမှာ ဦးရေပြားတွေကအစ ပြင်ရမယ်။ မကြီးစိုး (စိုးမြတ်သူဇာ) ကလွဲလို့ ကျန်တဲ့သူတွေ အကုန်လုံးကို ညီမတို့ ပြင်ပေးရမှာပါ။ ညီမရယ်၊ ညီမရဲ့ သူငယ်ချင်း Artist တစ်ယောက်ရယ် အ လုပ်တွဲလုပ်ဖြစ်တာပါ” လို့ Hanna Yuri က ဆိုပါတယ်။

ဝါရင့်သရုပ်ဆောင်တွေလည်းဖြစ်၊ ရုပ်ရှင်ဇာတ်ကားကြီးလည်းဖြစ်တဲ့အပြင် မိတ်ကပ်အထူးပြုလုပ်ချက်ကို အသားပေးထားတဲ့ ဇာတ် ကားဖြစ်တဲ့အတွက် ကြောင့် Hanna Yuri တို့အနေနဲ့ ဘယ်လိုပြင်ဆင်ရလဲလို့ မေးတဲ့အခါ ” ဒီဇာတ်ကားမှာ ဦးရန်လေးအနေနဲ့ ဆို ရင် သေတာမကြာသေးတဲ့သူပေါ့နော်။ ဖြူဖပ်ဖြူရော်နဲ့ ဝိညာဉ် ပြန်ခေါ်လာတဲ့ပုံစံကို ညီမတို့ ပြင်ရတာဆိုတော့ မျက်နှာအဖြူလေးချ လိုက် မယ်။ မျက်တွင်းလေးတွေ ချလိုက်မယ်ပေါ့။ ဒါမျိုးတွေ ပြင်ဆင်ပါတယ်။ ဦးကျော်သူဆိုရင်သေတာ ကြာပြီဆိုတော့ နည်းနည်းပို ဂရုစိုက် ရတယ်။ လူကြီးဖြစ်တဲ့အတွက် ရွှံ့အစား ကျန်တဲ့ပစ္စည်းတွေသုံးရတယ်။ အသေးစိတ်ပြုလုပ်ရပါတယ်” လို့ ပြောပါတယ်။

” ဝိညာဉ်စိမ်း” ဇာတ်ကားပြီးတဲ့အခါနောက်ထပ် ဇာတ်ကားတွေမှာကော မိတ်ကပ်နဲ့ပတ်သက်ပြီး ပါဝင်ဖြစ်ဦးမလား လို့မေးတဲ့အခါ ” အခုဒီဇာတ်ကားလေးကို လူတွေသိသွားတယ်။ ညီမတို့ Creation ကို စိတ်ဝင်စားတယ်။ နောက်ပိုင်းမှာလည်း ညီမတို့ကို ကမ်းလှမ်း တယ်” လို့ Hanna Yuri က ပြောပြခဲ့ပါတယ်။

Popular

ဆက်လက်ဖတ်ရှုရန်>>

ရှားစောင်းလက်ပက် နှင့် လူ့ကျန်းမာရေး

ရှားစောင်းလက်ပက်ဟာ အရေအပြား ကျန်းမာရေးအတွက် အကောင်းဆုံး သဘာဝဆေးတစ်မျိုး ဖြစ်ပါတယ်။

သူ့ရဲ့ အဓိက လုပ်ဆောင်ချက်ကတော့ အရေအပြားမှာ ရှိတဲ့ ဆဲလ်တွေ ကို အောက်စီဂျင်ဓာတ် ပေးစွမ်းခြင်း ဖြစ်ပါတယ်။ ယင်းသို့ ပေးစွမ်း ခြင်းဖြင့် တစ်ရှုးများကို အလိုလို ပြုပြင် သန်မာစေပါတယ်။ ဒီတော့ အရေအပြား အတွက် သူ့ရဲ့ ကောင်းကျိုးများက အောက်ပါ အတိုင်း ဖြစ် ပါတယ်။

မီးလောင်နာ၊ အရည်ကြည်ဖု၊ နေလောင်ဒဏ်ကြောင့် ပျက်ဆီးသော အရည်အပြား၊ ထိခိုက်ရှနာမှ ကျန်ရှိသော အမာရွတ်၊ အပူလောင်၊ ယားနာ၊ ဓာတ်မတည့်၍ ထသော အနီဖု၊ စပ်ဖျင်းဖျင်း အနာ၊ နှင်းခူ နှင့် အခြား အရေအပြားရောဂါတွေကို ရှားစောင်းလက်ပက် အသား (အနှစ်) လိမ်းပေးခြင်းဖြင့် ပျောက်ကင်းစေပါတယ်။

မျက်နှာကို လိမ်းပေးခြင်း၊ ကပ်ပေးခြင်းကလည်း မျက်နှာ အသား အရေ ပြုပြင်ခြင်း တစ်မျိုးပဲ ဖြစ်ပါတယ်။ ဝက်ခြံ၊ တင်းတိမ့် များ ပျောက် ကင်းပြီး အသားအရေ နူးညံ့ချောမွေ့ စေပါတယ်။ ဒါကြောင့် အလှကုန် ပစ္စည်းအချို့ နဲ့ ကိုယ့်သန့်စင်ဆေးရေ၊ ဆပ်ပြာတို့မှာ ရှားစောင်း လက်ပက် များ ထည့်သုံးခြင်း ဖြစ်ပါတယ်။

ယင်းကတော့ အပြင်က အသားအရေကို ကောင်းကျိုးပြုခြင်းမျှသာ ဖြစ်ပါတယ်။ အမှန်တော့ ရှားစောင်းလက်ပက်က ကိုယ်တွင်း ကျန်းမာရေးအတွက်လည်း အကျိုးထူးတဲ့ ဆေးဝါးတစ်မျိုးဖြစ်ပါတယ်။ နှလုံး၊ အဆုပ်၊ အသည်း နှင့် သက်ဆိုင်သော ရောဂါတော်တော်များများကို ပျောက်ကင်းစေပါတယ်။ အရက်နာ ကျသူများလည်း ရှားစောင်းလက်ပက် အစိမ်းလိုက် စားသုံးခြင်းဖြင့် အသည်း ကျန်းမာရေးကို ပြန်လည် ကောင်းမွန်စေတယ်လို့ သိရပါတယ်။

ကင်ဆာရောဂါအတွက် ဆေးဝါးတစ်မျိုးလည်း ဖြစ်တဲ့အတွက် ဆေးတွေမှာ လည်း ရှားစောင်းကို အသုံးပြုပါတယ်။ အဓိကကတော့ ကိုယ်တွင်းမှာ အပူ ကြောင့် ဖြစ်တဲ့ ရောဂါမှန်သမျှကို ကုသပေးခြင်း ဖြစ်ပါတယ်။ သွားကျန်းမာရေးအတွက်လည်း ကောင်းမွန်တဲ့အတွက် သွား တိုက်ဆေး တွေမှာလည်း တွေ့ရတတ်ပါသေးတယ်။

သူ အကျိုးမပြုတဲ့ နေရာက မရှိသလောက်ကို လူသားကျန်းမာရေးအတွက် တကယ်ကို အကျိုးပြုပါတယ်။ ဒါကြောင့်လည်း ရှားစောင်းလက်ပက် အချိုရေ၊ ယို၊ ဆေး၊ ကိုယ်သန့်စင် ဆေး၊ ဆပ်ပြာ အစရှိသဖြင့် ပေါ်ပေါက် လာရခြင်း ဖြစ်ပါတယ်။ 

--

Ref: medic facts

ဆက်လက်ဖတ်ရှုရန်>>

ရောင်ရမ်းခြင်းအတွက် Arnica ပန်း

photo -sanasana.com

ဒေစီပန်းနဲ့ ခပ်ဆင်ဆင် ပန်းတမျိုးဖြစ်တဲ့ Arnica ပန်းပါဝင်တဲ့ Homeopathic ခရင်မ်တွေ၊ ဂျယ်တွေ လိမ်းဆေးတွေကို ရောင်ရမ်းခြင်းနဲ့ အတွင်းကြေခြင်းများအတွက် အသုံးပြုလာကြတာကြာပြီ ဖြစ်ပါတယ်။ နာကျင် ရောင်ရမ်းနေတဲ့နေရာကိုပွတ်လိမ်းပေးနိုင်ပါတယ်။ ဒါပေမယ့် အရေပြားတွေ ကျိန်းစပ် လာမယ်ဆို ရင်တော့ ဆက်မသုံးပါနဲ့။

ဧရာဝတီ

ဆက်လက်ဖတ်ရှုရန်>>

အချစ်ဆိုတာ

လူတစ်ယောက်ကိုဘယ်လောက်ပဲ သေအောင်ကိုယ်ဘက်က

ပေးဆပ်ပြီးအစွမ်းကုန်ဘယ်လောက်ပဲ ချစ်ပြ…ချစ်ပြခဲ့…

သူဘက်ကမှကိုယ့်ကိုနားလည်မူ တစ်စုံတရာမှမပေးနိုင်ရင်

သူအပေါ်ချစ်ခဲ့မိတဲ့ ကိုယ်အချစ်တွေက အလကားပဲ…

ဘာမှဖြစ်လာမှာမဟုတ်ဘူး

နောက်ဆုံနာကျင်ခံစားရတဲ့သူဟာ ကိုယ်ပဲဖြစ်နေလိမ့်မယ်…

ပေးဆပ်တိုင်းလဲပြန်ရပါလို့၏လို့ မတောင်းဆိုချင်ပါဘူး…

ကိုယ်ချစ်တာကို သူအသိအမှတ်ပြုတာလေးကိုတော့

လိုချင်မိကြမှာပဲလေ…

တချို့ကအချစ်ဆိုတာ ပေးဆပ်ခြင်းတဲ့

မရလို့ ပါ…[ဝန်မခံရဲကြဘူး…]

အနည်းနဲ့အများမဖြစ်နိုင်စေဦးတော့ ဝေးမသွားပါစေန့လို့ စိတ်ထဲက တိုးတိုးလေးေ တာင်းဆိုနေကြဦးမှာပဲလေ…

တကယ်ဆို… အချစ်ဆိုတဲ့အရာကြီးက

အရမ်းတဖက်သတ်ဆန်တာပဲနော်လို့ 

တွေးမိလိမ့်မယ်…

ဘယ်လောက်ပဲ တစ်ဖက်သတ်ဆန်နေနေ

ကိုယ်တန်ဖိုးထားသလောက် ကိုယ့်အပေါ်ကို ပြန်ပြီးတန်ဖိုးမထား...

ကိုယ်အချစ်တွေကို အသိမှတ်မပြုပေးတဲ့ သူတစ်ယောက်ဟာ

တကယ်တော့ကိုယ်အချစ်နဲ့  မထိုက်တန်လို့ ပါ…

သူမရှိရင်မဖြစ်တော့ဘူးဆိုတဲ့ အတွေးတွေ သူမှသူဆိုထာထက်

သူတောင်နေနိုင်သေးတာပဲ ငါကရောဘာလို့မနေနိုင်ရမှာလဲ

သူတောင်မာနနဲ့ နေနိုင်သေးတာပဲ ငါကရောမာနနဲ့ပဲမလား

ဘာလို့မနေနိုင်ရမှာလဲ လို့ တွေးကြည့်ရမှာပါ…

တခါတခါအချစ်ဟာ မှန်တစ်ချပ်လို့ ကျင့်ကြည့်ရင်

ဘက်တူအချိုးကြပါတယ်…

တကယ်ချစ်စစ်ရိုးမှန်ခဲ့ရင်လဲ ကိုယ်ဘက်ကအဲလိုမျိုးတွေနဲ့

တွေးနေစရာကိုမလိုဘူး ခံစားနာကျင်နေရမှာလဲ

မဟုတ်ဘူးလေ…

ကိုယ်ခံစားချက်ကို သူနားလည်ပေးရုံနဲ့

တူညီတဲ့နားလည်မူလေးတွေနဲ့ ရှေ့ဆတ်မဲ့ခရီးမှာ

သာယာနေမှာအမှန်ပဲလေ…

zinyaw(no name)

Credit to ချစ်သူဆီသို့

ဆက်လက်ဖတ်ရှုရန်>>

နားလည်မှုနဲ့ တည်ဆောက်ထားတဲ့ ကော်ဘရာနဲ့ ခင်မဉ္ဇူခိုင် တို့ရဲ့ မိသားစုကမ္ဘာ

မိသားစုတစ်စုရယ်လို့ဖြစ်လာပြီဆိုရင် မိသားစုဝင်တွေဟာ တစ်ဦးအပေါ်တစ်ဦး နားလည်မှုတွေ၊ဖြည့်ဆည်းမှုတွေနဲ့ ပျော်ရွှင် ဖွယ် ကမ္ဘာတစ်ခုကို တည်ဆောက်ကြပါတယ်။ ကော်ဘရာနဲ့ ခင်မဉ္ဇူခိုင်တို့ဟာ အနုပညာလောကမှာ နေရာတစ်နေရာစီ အသီးသီး ရရှိထား သူတွေဖြစ်ကြပြီး နှစ်ယောက်တစ်ဘဝကို ထူထောင်ထားကြသူတွေလည်း ဖြစ်ကြပါတယ်။ သမီးလေးလည်း ရလာ ပြီဖြစ်တဲ့ ကော် ဘရာတို့မိသားစုရဲ့ ပျော်ရွှင်ဖွယ်ရာ မိသားစုပုံရိပ်များကို ဖော်ပြလိုက်ပါတယ်။

ကော်ဘရာ

ကျွန်တော်တို့က ၂ဝဝ၅ မှာ ချစ်သူတွေဖြစ်ကြ တယ်။ ၂ဝဝ၈ မှာ ခိုးပြေးတယ်။ ၂ဝဝ၉ မှာ မင်္ဂလာ ဆောင်ကြတယ်။ သမီးလေးကို ၂ဝ၁၄ နှစ်ဆန်းမှာမွေး တယ်။ သူ့ နာမည်ကိုတော့ မှူးမြတ်သခင်လို့ပေး ထားတယ်။ ကျွန်တော်တို့မိသားစုကတော့ နှစ်ယောက်သား တစ်ယောက်အလုပ်တစ်ယောက် ဝိုင်းကူ ပြီး လုပ်ပေးကြပါတယ်။ အခု အဓိကကတော့ သမီးအ တွက်ပဲ။ သမီးကငယ်သေးတော့ သူ့အနားမှာပဲ နှစ်ယောက်လုံးနေပေးတယ်။ မိဘနှစ်ယောက်လုံး အုပ်ချုပ်တဲ့ပုံစံမျိုးကို ကလေးမယူခင်ကတည်းက ကျွန်တော်တို့က

တိုင်ပင်ထားတယ်။ အလုပ်အား တဲ့အချိန်တိုင်းတော့ နှစ်ယောက်စလုံးက သမီးအ တွက် အချိန်ပေးတာများတယ်။

အရင်ကတော့ ဘာမှမကွာဘူး ထင်တာ။ အိမ် ထောင်ကျသွားပြီး လင်မယားနှစ်ယောက်ဖြစ်တဲ့အချိန် ထိ ဘာမှမပြောင်းလဲဘူး။ ဒါပေမဲ့ ကလေးရလာတဲ့အခါ မှာတော့ ကွာသွားတယ်။ တချို့ကိစ္စတွေမှာ တစ် ခုခုယှဉ်လာရင် မိသားစုအတွက်ကိုပဲ ပိုစဉ်းစားဖြစ်လာတယ်။ အစစ အရာရာ မိသားစုအတွက်၊ ကလေး အတွက်ဆိုတာမျိုးပဲ တွေးဖြစ်တယ်။

ကလေးက အဖေရော၊ အမေရောရဲ့ ဗီဇတော့ပါ တယ်။ ကျွန်တော် အိမ်မှာ ဂစ်တာ တီးရင် သူက သီချင်းတွေလိုက်အော် တယ်။ ဆိုတာတော့ ဝါသနာပါမယ် ထင်ပါတယ်။ သူဝါသနာပါရင် တော့ လုပ်ပေးမှာပါ။

ခင်မဉ္ဇူခိုင်

အရင် အပျိုဘဝကရော၊ သူနဲ့ အိမ်ထောင်ကျပြီး နှစ်ယောက်ဖြစ် လာတော့ရော တော်တော်လေး လွတ် လပ်တယ်။ လင်မယားနှစ်ေ ယာက် လျှောက်သွား၊ လျှောက်စားပေါ့။ အခု သမီးလေးလည်း ရှိလာပြီဆိုတော့ ဘာပဲ လုပ်လုပ် သူ့အတွက်စဉ်းစားပေးရတယ်။ တစ်နေ ရာသွားရင်တောင် သူနဲ့အဆင်ပြေ မယ့်နေရာ၊ သူဘာစားမလဲ၊ သူစားဖို့ အဆင် ပြေတဲ့နေရာ၊ ဒါတွေကို စဉ်းစားပေးရတယ်။ သူ့ကို စမွေးကတည်းက နာ့စ်တွေဘာတွေနဲ့ လည်းမထားဘဲ ကိုယ်ပဲထိန်းတာဆိုတော့ သူက အမေမှအမေပဲဆိုတော့ တခြားအလုပ်တွေ သိပ်မလုပ်ဖြစ်ဘူး။ သူနဲ့ပဲ အချိန်ကုန်နေတာ။ ဇာတ်ကားလေးတွေ ရိုက်ကူးထားတာတော့ရှိ တယ်။ ကိုယ်ကားရိုက်တဲ့အချိန်ဆို သူ့ကို ကိုကော်ဘရာနဲ့ ထားခဲ့ရတယ်။

ကလေးရှိလာပြီ ဆိုရင် တော့ မိခင်မေတ္တာလို အပ်ပါတယ်။ ကလေးတစ်ယောက် မွေးပြီးပြီဆို ကတည်းက သူ့ကို သေချာပျိုး ထောင် ချင်တယ်။ သူ့ဘဝကို အမြင့်တစ်နေရာရာ ရောက် စေချင်တယ်။ အဲဒီအတွက် ဘာပဲလုပ်လုပ် သူ့အတွက်ပဲ စဉ်းစားလုပ်ဖြစ်တယ်။ ညီမ တို့မိသားစုအနေနဲ့ တစ် ယောက်နဲ့တစ်ယောက် စည်းတွေ၊ ဘောင်တွေနဲ့ ကန့်သတ် ထားတာမရှိဘူး။ ကိုယ့်အသိစိတ်နဲ့ ကိုယ် လင်မ ယားနှစ်ယောက်က သူ့ တာဝန်ကိုယ့်တာဝန် မခွဲဘဲ လုပ်ကြတယ်။ ကိုယ် လည်း သူ့ကိုကူ၊ သူလည်း ကိုယ့် ကိုကူပြီးမခွဲခြားဘဲ တိုင်တိုင် ပင်ပင်နဲ့ နေထိုင်ကြပါတယ်။

ရဲရဲ

Popular

ဆက်လက်ဖတ်ရှုရန်>>

ကာချုပ်၏စကားနှင့် ဒေါ်အောင်ဆန်းစုကြည်၏ မိန့်ခွန်း ဒီမိုကရေစီအရွေ့သို့ တွန်းခြင်းလေလား

ရန်ကုန်၊စက်တင်ဘာ ၂၃

သမ္မတသည် အမျိုးသမီးဖြစ် စေ၊ အမျိုးသားဖြစ်စေ လက်ခံသည် ဟု ကာချုပ်၏စကား နှင့် အမျိုးသား ဒီမိုကရေစီအဖွဲ့ချုပ်နှင့်တပ် မတော် ကြား သံသယများ ဖယ်ရှား၍ ပူးပေါင်းဆောင်ရွက်ချင်သည်ဟု ဒေါ်အောင်ဆန်းစုကြည်၏ မိန့် ခွန်း၌ထည့်သွင်းပြောဆိုမှု တို့သည် ဒီမိုကရေစီအရ အပြုသဘော ဆောင် လာသည်ဟု ပါတီအချို့နှင့် နိုင်ငံရေးသမားအချို့က ထောက်ခံ ကြိုဆိုလိုက်ကြသည်။

ယခုလ ၂၁ ရက်နေ့ညက ထုတ်လွှင်ခဲ့သောNLD ပါတီ၏မဲ ဆွယ်ဟောပြောမှုတွင် ဥက္ကဋ္ဌ ဒေါ် အောင်ဆန်းစုကြည်က မြန်မာ့တပ် မတော်ကို ဒီမိုကရေစီစံနှုန်း စံထား များနှင့်အညီ တိုးတက်ခေတ်မီ ပြည့်စုံစွာ၊ နိုင်ငံနှင့် ပြည်သူလွတ်လပ်လုံခြုံအေးချမ်းရေးတို့ကိုအခိုင် အမာကာကွယ်ပေးမည့် အားကိုးရ သည့်အဖွဲ့အစည်းတစ်ခုဖြစ်စေလို ကြောင်း၊ အဖွဲ့ချုပ်နှင့်တပ်မတော် အကြားရှိ သံသယများကို ဖယ်ရှား ၍ ပြည်ထောင်စုအရေး၊ ဒီမိုကရေ စီအရေးအတွက် အပြန်အလှန်ယုံ ကြည်လေးစားစွာဖြင့် ပူးပေါင်း ဆောင်ရွက်ချင်ကြောင်း၊ ဖွဲ့စည်း ပုံအခြေခံဥပဒေ ပြင်ဆင်ပြောင်း လဲရေးတွင်လည်း နိုင်ငံတည်ငြိမ်မှု၊ အေးချမ်းမှုကိုမထိခိုက်စေဘဲ ပြည် သူ့ဆန္ဒနှင့် ကိုက်ညီစွာ အတူတူ လုပ်ဆောင်ချင်ကြောင်း ပြောကြား ခဲ့သည်။ ထိုသို့ ပြောဆိုမှုအပေါ် နိုင်ငံရေးလေ့လာသုံးသပ်သူအချို့ နှင့် နိုင်ငံရေးပါတီများက အမြင် အမျိုးမျိုးဖြင့် ဝေဖန်သုံးသပ်ခဲ့ကြ သည်ကို တွေ့ရသည်။

တိုင်းရင်းသားစည်းလုံးညီညွတ်ရေးပါတီမှ ဗဟိုအလုပ်အမှုဆောင် ကော်မတီဝင်ဦးဟန်ရွှေက ”အရင် တုန်းက အတိုက်အခံအနေနဲ့လုံးဝ အဆင်မပြေခဲ့ဘူး။ ဒါပေမဲ့ အခု ဒီလို စကားတွေ ထွက်လာတယ်ဆို တာကလည်း အပြုသဘောဆောင် လာတယ်လို့ ပြောရမှာပါပဲ။

ဒီမိုက ရေစီစနစ်ကိုသွားတဲ့အခါမှာ ဒီမို ကရေစီယဉ်ကျေးမှုရှိတယ်။ ဒါက မတူတာကို စားပွဲဝိုင်းမှာ ညှိကြတာ ဒီမိုကရေစီယဉ်ကျေးမှုပဲ။ ဒီလို ပြောင်းလဲလာတယ်လို့ ထင်ပါတယ်” ဟု သုံးသပ်ပြောဆိုခဲ့သည်။

ဒေါ်အောင်ဆန်းစုကြည်၏ ဟောပြောမှုထုတ်လွှင့်မှုမတိုင်မီ ယင်းနေ့ နံနက်ပိုင်းက နေပြည် တော်၌ တပ်မတော်ကာကွယ်ရေး ဦးစီးချုပ်နှင့် သတင်းမီဒီယာများ တွေ့ဆုံစဉ် ဖွဲ့စည်းပုံအခြေခံ ဥပ ဒေအရ ဖြစ်လာသော သမ္မတသည် အမျိုးသမီးဖြစ်စေ၊ အမျိုးသာြး ဖစ် စေလက်ခံသည်ဟု ကာချုပ်က မီဒီ ယာများကို ပြောကြားခဲ့သည်။ ထို့ ကြောင့် ဒေါ်အောင်ဆန်းစုကြည် မိန့်ခွန်းနှင့် ကာကွယ်ရေး ဦးစီးချုပ် တို့၏ ပြောဆိုမှုများသည် တိုက် ဆိုင်ခြင်းထက် ထူးဆန်းမှုတစ်ခုဖြစ် နေသည်ဟု နိုင်ငံရေးလေ့လာသုံး သပ်သူများက ပြော ဆိုကြသည်။

၁၉၉ဝ ခုနှစ် ရွေးကောက်ပွဲ တွင် အနိုင်ရရှိခဲ့သော လွှတ်တော် ကိုယ်စားလှယ်တစ်ဦးဖြစ်သူ ဦးဒေး ဗစ်လှမြင့်က ”သူတို့ နှစ်ယောက် ပြောတာ ဆက်စပ်မှုတော့ရှိတာ ပေါ့။ ကောင်းတဲ့ဘက်မှာသွားပြီး တူနေတယ်ဆိုရင်တော့ လက်ခံရ မှာပေါ့။ ဒါပေမဲ့ ကာချုပ်ပြောတဲ့ ဖွဲ့စည်းပုံအခြေခံဥပဒေအရ သမ္မတ ဖြစ်တဲ့သူက အမျိုးသမီးဖြစ်စေ၊ အမျိုးသားဖြစ်စေ လက်သင့်ခံတယ် ဆိုတာ ဒေါ်အောင်ဆန်း စုကြည်ကို ရည်ညွှန်းတာမဖြစ်နိုင်ဘူး။ ဒါပေမဲ့သူ့စကားအပေါ် ပြန်ပြောချင်တာ က အမျိုးသမီးတစ်ဦးကို သမ္မတ မဖြစ်အောင်လုပ် ထားတဲ့ ပုဒ်မ ၅၉(စ)ကို ပြင်ပေးလိုက်ရင် သူပြော တဲ့စကားတွေက ပိုပြီးကောင်းမှာ ပါ။ ဒီပုဒ်မပြင်ဖို့က သူတို့က အဓိ ကကျနေတော့ေ လ”ဟု သုံးသပ်ခဲ့ သည်။

နိုင်ငံရေး လေ့လာသုံးသပ်သူတစ်ဦးဖြစ်သူ မြန်မာနိုင်ငံရှေ့နေ များကွန်ရက်မှ တရားလွှတ်တော် ရှေ့နေ ဦးကြီးမြင့်ကလည်း ယခု ကဲ့သို့ ပြောဆိုလိုက်သော နှစ်ဖက် စကားသည် သံတမန် စကားပြော ခြင်းနှင့်တူပြီး ကာချုပ်ပြောစကား မှာ မြန်မာ့ဒီမိုကရေစီအရေးသည် တင်းကျပ်မှုမရှိဟူသည့် အဓိပ္ပာယ် သက်ရောက်ကြောင်းကိုလည်း သုံး သပ်ခဲ့သည်။

ထို့ပြင် ယင်းနေ့မှာပင် ကာချုပ် က တပ်မတော်အနေဖြင့် အာဏာ သိမ်းရန် အစီအစဉ်မရှိကြောင်းနှင့် ၄င်းကိုယ်တိုင်လည်း မကြိုက်ေ ကြာင်း ပြောခဲ့သေးသည်။

ထိုစကားနှင့်ပတ်သက်၍ ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သူ ကိုမင်းကိုနိုင်က လွန်ခဲ့သည့် ၂၇နှစ် သြဂုတ်လ ၂၆ ရက်နေ့က မြန်မာ့တပ်မတော်ကို ပြည်သူလူထုအားကိုးရသည့် တပ် မတော်ဖြစ်ပါစေဟု နိုင်ငံရေးအင် အားစုများက ရွှေတိဂုံဘုရား အ နောက်ဘက်မုခ်တွင် တောင်းဆိုခဲ့ ဖူးသေးသည်ဟု ပြန်လည်ပြောပြ သည်။

”အခုတစ်ကြိမ်ကလည်း ထပ် ပြီးဖိတ်ခေါ်လိုက်တဲ့သဘောပါပဲ”ဟု ကိုမင်းကိုနိုင်က ကာချုပ်၏စကားအပေါ် မှတ်ချက်ပြုသည်။

P-News

ဆက်လက်ဖတ်ရှုရန်>>

တောင်းသည့်ဆုများပြည့်စေချင်

တစ်ချို့ ပြင်းပြသော “စိတ်ဆန္ဒ ” ကို “စေတနာ” ဟု မှတ်ယူနေသည်။

“စေတနာ”သည်သာ “ကံ” ဖြစ်သည်။ “ကံ”သည် “အလုပ်” ဖြစ်သည်။

”ကံ”သုံးပါးကိုလူတိုင်းသိ၏။ စိတ်စေတနာသည် မည်သို့ကောင်းစေကာမူ

လက်တွေ့လုပ်ဆောင်ရသော “ကာယကံအမှု” သည် ချွတ်ချော်ပါ က “ကံ”မကောင်းနိုင်တော့။

ကောင်းကံ ပျက် လျှင် မိမိ၏ စေတနာ သည် သေထဲရေသွန် အချည်းအနှီးဖြစ်ရလေသည်။

သာဓက တစ်ခုဆောင်ရသော်……ရဟန်း၊သံဃာ တို့ ဆွမ်းဘုန်းပေးလျှင် ၊ လက်နှစ်ဖက်ဖြင့် မသုံးရပါ။

ကိုက်ဖဲ့ ဆွဲဖဲ့၍ လည်း မသုံးရပါ။ အာပတ်သင့်၏။ ဤသည်ကို မသိ၍ အသားဟင်းဆွမ်း ကပ်သည်ဆိုပါစို့။

အလှူရှင်က စေတနာဗလဗွ နှင့် လူတွေကိုကျွေးမွေးသလို လက်သီးဆုပ်လောက်အတုံးကြီးများ ချက်၍

ဆွမ်းကပ်မည်ဆိုလျှင်…………ဘုန်းဘုန်းတို့ မည်သို့ သုံးဆောင်ရမည်နည်း။

ဤဒါနသည် စိတ်စေတနာ ကောင်းမွန်သော်လည်း..ကာယကံအမှုလွဲချော်၍ ဒါနမမြောက်နိုင်တော့။

မိမိချက်လှူတဲ့ အသားဟင်း ဘုန်းဘုန်းတို့ မသုံးဆောင်တော့ အလှူရှင်မှာလည်း

စိတ်ချမ်းသာနိုင်မည်မဟုတ်တော့။

————————————————————————————

ဒါနအမှု၊သီလအမှု တို့ကို မနောကံ ဖြင့်ပြုလုပ်လျှင်မည်သို့မျှ ပြည့်စုံနိုင်မည်မဟုတ်ပါ။

ကာယကံ၊၀စီကံတို့ဖြင့်သာ ပြုလုပ်ရသောအမှုတို့ဖြစ်ပေသည်။

သို့အတွက် မည်သို့ပင်စိတ်ကောင်းရှိစေကာမူ အ ဂါဝရ ဖြစ်သော ကိုယ်အမူအရာ။နှုတ်အမူအရာသည်

ဒါန၏အကျိုးကို ပြည့်စုံစွာခံစားရမည်မဟုတ်ပါ။ သို့အတွက် ဘုရားရှင်ရှေ့သို့ရောက်နေသော

မိမိ၏အပြုအမူကိုအမြဲသတိပြုရာသည်။

အ ဂါဝရ ကိုရှောင်လျက် ဂါရ၀တရားအပြည့်ဖြင့် ရိုသေလေးမြတ်စွာ ဘုရားရှင်အား ပူဇော် ဒါနပြုကြပါစို့။

————————————————————————————–

ဘုရားရှင်အား ကျွန်ုပ်တို့ အောင်သပြေ၊ပန်း ၊ရေချမ်း၊ဆီမီးများ ကပ်လှူ ပူဇော်ကြ၏ ။

ဒါနပြုကြ၏။ ဘုရားမသုံးသောဝတ္ထုပစ္စည်းများ ကို ကျွန်ုပ် တို့ ကပ်လှူပူဇော်နေခြင်းသည်..

ကံ ၊ ကံ၏အကျိုးကို လုံးဝဥဿုံ ယုံကြည်၍ ပဲ မဟုတ်ပါလား။

လောကီ။လောကုတ် နှစ်ဖြာအကျိုးအတွက် ကောင်းခြင်းမင်္ဂလာ အဖြာဖြာကိုရယူပိုင်ဆိုင်၍

နောက်ဆုံး ဘ၀တွင် နိဗ္ဗာန်ကို မျက်မှောက်ပြုနိုင်သောအထောက်အပံ့ကောင်းကိုရလိုသောကြောင့်

သက်တော်ထင်ရှားဘုရားရှင်ဟုရည်မှတ်လျက် ဒါနအမှုကို ပြုလုပ်ခြင်းဖြစ်သည်မှာ ထင်ရှားလှ၏။

————————————————————————————–

ဤသည်တို့ကို ထောက်ရှုလျှင် ဘုရားရှင်အား လှူဒါန်းဆက်ကပ်သည်ဆိုသည်မှာ…

တကယ်တော့ ကျွန်ုပ်တို့ သည် ဗုဒ္ဓဘုရားရှင်ထံတော်အပါးတွင် ကျန်ုပ်တို့ လိုချင်သောအရာကို

တောင်းခံနေခြင်းသာဖြစ်ပေတော့သည်။

===============================================

ဒါန ဟူသည် အလှူ ၊ ပေးကမ်းစွန့်ကြဲခြင်း စသည့်အဓိပ္ပာယ်ကို ဆောင်သည်ဖြစ်ရာ

တစ်ခါခါ ကျွန်ုပ်တို့အမှတ်မှားလေ၏ ။

ဒါနသည် အလှူခံပုဂ္ဂိုလ်အပေါ်လိုက်၍ ရရှိသောအကျိုးကျေးဇူးမှာ ကွဲပြားခြားနားလေသည်။

သို့သော် ပါရမီမြောက်ဒါနအတွက်ဆိုလျှင်မူ အလှူခံပုဂ္ဂိုလ် ရွေးချယ်ရန်မလို။

ဒါနဖြစ်မြောက်ရန်သာ လိုရင်းအဓိကဖြစ်လေသည်။

အမှန်တကယ် မကွယ်ဝှက်တမ်း ၀န်ခံရမည်ဆိုလျှင်အလှူခံပုဂ္ဂိုလ်သည် မိမိထက် သီလ၊သမာဓိ ၊ ပညာ ၊

ပိုမြင့်နေလျှင်(သို့မဟုတ်)ရာထူး၊ ဓနဥစ္စာ ပိုကြီးသောသူများ ဖြစ်နေလျှင် မိမိပြုသောဒါနသည် ပေးကမ်းစွန့်ကြဲခြင်းမဟုတ်ဘဲ၊ ၄င်းပုဂ္ဂိုလ်ထံ မှ တစ်ခုခုကို

တောင်းခံခြင်းဖြစ်ကြောင်း မှာ သိသာထင်ရှားလှသည်။

ဂါရ၀တရားဖြင့်ပူဇော်ပါ

ဗုဒ္ဓဘာသာဝင် တို့၏ အိမ်တိုင်း၌ ဘုရားကျောင်းဆောင်ရှိ၏ ။သက်တော်ထင်ရှားဘုရားအမှတ်ဖြင့်

ကိုးကွယ်ပူဇော်လေ၏။

သို့အတွက်လည်းအိမ်၏ကျက်သရေ တိုးမြင့်လေ၏။ သို့သော် တခါခါ ကျွန်ုပ်တို့မေ့လျော့လေ၏။

အိမ်ဦးခန်း ကျောင်းဆောင်အတွင်း၌ ဘုရားရှင်သီတင်းသုံးနေသည်ကို မေ့လျော့လေ၏။

ဤသို့သောအခါမျိုးတွင် အိမ်ပေါ်၌ ကြမ်းတမ်းသောစကားများ၊အမနာပစကားများပြောဆိုမိကြလေ၏။

ရုတ်ရင်းသောအမှုများကိုလည်းပြုလုပ်မိကြလေ၏။ သင့် တော်ပါ၏လော။

ဤသို့နှိုင်းယှဉ်ကြည့်ပါ။

မိမိအိမ်ပေါ်တွင် ရာထူးကြီး ဧည့်သည်တစ်ယောက်ရှိလျှင်ပင် ကြမ်းတမ်းသောစကားများမပြောဆိုပဲ

ရုတ်ရင်းသောအမှုများ မပြုလုပ်ဘဲ ရှောင်ကျဉ်တတ်သာ သူများသည်….

လူနတ်ဗြဟ္မာအပေါင်းတို့၏ပူဇော်ခြင်းအထူးကိုခံယူတော်မူထိုက်သော သုံးလောကထွဋ်ထား မြတ်ဘုရား

အရှေ့ကျတော့ ပြောချင်ရာပြော၊လုပ်ချင်ရာလုပ်၍ ဖြစ်ပါမည်လော။

မိမိအိမ်ပေါ်တက်သည်နှင့် ဘုရားရှင်ရှိနေပါလားဆိုသော အသိသတိအမြဲကပ်လျက် နေသင့်လှပေ၏။

ဤသို့သော အခြေခံအချက်များအစပြင်ဆင်နေထိုင်လျက် ။ ဘုရားရှင်အား အလေးအမြတ်ထား ဂါရ၀တရားဖြင့်ပူဇော်မှသာ လျှင်..

ညောင်သီးမျှလောက်သောအလှူသည် ညောင်ပင်ကြီးလောက်ရရှိပေလိမ့်ဖြစ်ပေတော့သည်။

—————————————————————————

“ပန်း”

ပန်း တို့ မည်သည် မြင်ရသူတို့၏ စိတ်ကို ကြည်လင်စေ၏။ လက်တွေ့တွင် ဒီပန်းကလေးတစ်ပွင့်

လှ လှချည်ရဲ့ဆိုပြီး ချွေဖဲ့ ဖျက်ဆီး သွားသူများကို ကျနော်မတွေ့ဖူးပါ။(ဗွီဒီယို၊ရုပ်ရှင် ရိုက်ကွက် မှအပ)

ပန်းမကြိုက်သူများပင်လျှင် ပန်းကိုမြင်လျှင် စိတ်ကိုလန်းဆန်းစေသဖြင့် မြတ်နိုးစိတ်များဝင်ရောက်၍

ချစ်ခင်ကြပေ၏။

သို့အတွက် ပန်းသည် လူတို့အတွက်အသုံးတော်ခံဖြစ်လာရပေသည်။

-မိမိစိတ်များကြည်လင်လန်းဆန်းစေရန် အိမ်၌ပန်းပင်စိုက်ခြင်း ၊ အလှပန်းအိုးများပြင်ဆင်ခြင်းဖြင့်လည်းကောင်း

- ချစ်သူ၏စိတ်ကို ပြောင်းလဲစေရန် ချစ်သူ့လက်ဆောင်ဖြင့်လည်းကောင်း

- လူမမာများ စိတ်အားငယ်မှုကိုဖြေဖျောက်ရန်ပန်းစည်းလက်ဆောင်အဖြစ်လည်းကောင်း

-နောက်ဆုံး မိမိနှင့်အလွန်ကျွမ်းဝင်သူ၏ နောက်ဆုံးခရီးတွင် စိတ်လက်ပေါ့ပါးစွာ ခရီးဆက်နိုင်အောင်

အသုဘပို့ရာတွင် ပန်းခွေ၊ပန်းခြင်း၊ပန်းစည်းများဖြင့် လိုက်ပါပို့ဆောင် နှုတ်ဆက်ကြလေသည်။

တချို့ပန်းသည် ရနံ့မရှိ၊ အချို့ပန်းများသည် ရနံ့ရှိ၏။ ပန်းတို့ရနံ့သည် လေသင့်ရာ မွှေးပျန့်ကြိုင်လှိုင်ပေရာ…..

ဘုရားရှင်ထံတော်ပါး ဂါရ၀တရားအပြည့်ဖြင့် ပိုးကိုက်ပွင့်ဖတ် နှင့် ညှိုးနွမ်းနေသောပန်း မပါသော

လန်းဆန်းသန့်စင်သည့်ပန်းများကိုဆက်ကပ်လှူဒါန်းခြင်းသည်..

“မျက်နှာမြင် ချစ်ခင်စေမည့် အကျိုးကို ယခုဘ၀တွင်ပင်မုချ ရရှိနိုင်ပေမည်။”

“မိမိ၏ဂုဏ်သတင်းကျော်ဇောမှုသည်လည်း လူသတင်းလူချင်းဆောင်လျက်

ပန်းရနံ့ ကဲ့သို့ပြန့်နှံ့မည် ” ဖြစ်ပေတော့သည်။

——————————————————————————————————

“ရေ ချမ်း”

ရေ သည် အေးမြခြင်း၊စီးဆင်းခြင်း၊ကြည်လင်စေခြင်း၊သန့်ရှင်း စင်ကြယ်စေခြင်း၊စုစည်းမှုကိုပေးခြင်း၊စိုပြေလန်းဆန်းစေခြင်း၊

ဆာလောင်မွတ်သိပ်မှုကိုပြေပျောက်စေနိုင်ခြင်း စသည့်ဂုဏ်ရည်သတ္တိများရှိ၏။

“ရေအသက်တစ်မနက်”ဆိုသကဲ့သို့ ရေသည် လူတို့အသက်ရှင်ရန်အတွက် မရှိမဖြစ်လိုအပ်သောဓာတ်တစ်မျိုးဖြစ်ပေသည်။

သို့အတွက် ဘုရားရှင်အားဆက်ကပ်မည့် “သောက်တော်ရေချမ်း” ကို အမှုံ အမွှား ကင်းစင်အောင်သေချာစွာစစ်၍ ၊သန့်ရှင်းသောခွက်တွင်ထည့်ပြီး

ရိုသေလေးမြတ်စွာဆက်ကပ်ပါက…အထက်ကပြဆိုခဲ့သော ရေ၏ ဂုဏ်သတ္တိ များ ကို သင် မုချရရှိပေမည်။

အထူးသဖြင့် ..

အသက်ရှည်ခြင်း၊အသားအရည်စိုပြေခြင်း၊ စိတ်အေးချမ်းခြင်း၊စိတ်ကြည်လင်ချမ်းမြေ့ခြင်း၊အငတ်ဘေးမကြုံခြင်း၊ဆွေမျိုးမိတ်သင်္ဂဟ ပေါများခြင်း၊

ခေါင်းဆောင်နိုင်မှုစွမ်းရည်၊အတွေးအကြံများနှင့်ကျင့်စဉ်များတွင် မောဟကင်းခြင်း ..စသော အကျိုးတို့ကိုယခုလက်ရှိဘ၀မှာပင် ခံစားရပေမည်။

ရေလှူအကျိုး(၁၀)ပါးရှိသည်ကို အရွယ်ရောက်ပြီး ဗုဒ္ဓဘာသာဝင်တိုင်းသိ၏ ။

ဤအကျိုး(၁၀)ပါးသည် အလှူခံပုဂ္ဂိုလ်က ရသောအကျိုးများသာဖြစ်၏။

ဒါနပြုသူအနေနှင့်မူ ဤရေဒါနကြောင့် အလှူခံပုဂ္ဂိုလ်သည် ဤအကျိုးကျေးဇူးများကို

ခံစားရပေသည်။ရရှိပါပေသည်ဟု နှလုံးသွင်းလျက် ဖြစ်ပေါ်လာသော ပီတိကိုပွားများရာ၏။

ကျန်ုပ်၏ လက်တွေ့လုပ်ဆောင်ချက်များအရ ၊ဘုရားသောက်တော်ရေခွက် သည် ဖန်ခွက် အစား ကြေး(ကြီး)ခွက်ကို အသုံးပြုလျှင် ပိုမိုအကျိုးပေးမြန်ကြောင်း သိရှိရပါသည်။

————————————————————-

“ ဆီမီး ”

“မီး” သည် အလင်းဓာတ်ကို ထုတ်လွှတ်သည်။ သို့အတွက် အမှောင်ကိုပယ်ခွင်းနိုင်၏။

ထိုအလင်းဓာတ်သည် အလွန်လျင်မြန်သော သွားနှုံးရှိ၏။ မိုင်ပေါင်းလွန်စွာကွာဝေးသော်လည်း

အမှောင်တွင် ထိုအလင်းကိုမြင်နိုင်စွမ်း၏။ တစ်တိုင်သောဆီမီးဖြင့် မြောက်များစွာသော ဆီမီးများသို့

ပုံတူပွားကူးသော်လည်း မူလဆီမီး၏ အလင်းဓာတ်သည် လျော့ကျသည်ဟုမရှိ…စသော ဂုဏ်သတ္တိဖြင့်

ပြည့်စုံလေသည်။

သို့အတွက်..သက်တော်ထင်ရှားဘုရားရှင်အားရည်မှန်း၍ ဆီမီး(သို့မဟုတ်)

ဖြောင့်စင်းနေသောအလင်းတိုင်(ဖယောင်းတိုင်)မီး

ပူဇော်ခြင်းဖြင့် အထက်ပါ ဆီမီး၏အကျိုးကျေးဇူးများရရှိနိုင်လေသည်။

အထူးသဖြင့်…ပညာသင်ကြားရာတွင်တတ်မြောက်ရန်လွယ်ကူခြင်း၊လျင်သောဥာဏ်ပညာ၊

ဇ၀နဥာဏ်ကောင်းခြင်းအတတ်ပညာဖြင့်ကျော်ဇောခြင်း။ အ၀ိဇ္ဇာကိုပယ်ဖျောက်နှိင်သော

ဝိဇ္ဇာဟုခေါ်သော “အသိ”ပညာရရာရကြောင်း၏ ကောင်းသောအထောက်အပံ့ကိုရခြင်း..

စသည်တို့ကို ယခုမျက်မှောက်ဘ၀တွင်မုချ ရရှိမည်ဖြစ်သည်။

………………………………………………………………….

ပန်း၊ရေချမ်း၊ဆီမီး ၊အလင်းတိုင်များဖြင်ဘုရားရှင်အားဆက်ကပ်လှူဒါန်း ရသောဤဒါနသည် ငွေကုန်ကြေးကျအနည်းဆုံး

ဖြင့် ၍ နေ့စဉ်နေ့တိုင်း အိုးမကွာ အိမ်မကွာ ကရိကထမများဘဲ ပြုလုပ်နိုင်သော ဒါနမျိုးဖြစ်ပေရာ.

အာစိဏ္ဏကံမြောက်ဒါနလည်းဖြစ်ပေ၏။

ညောင်သီးလောက်လှူ၍ ညောင်ပင်ကြီးလောက်ရနိုင်သည့်အလှူမျိုးဖြစ်ပေသည်။

အထူးအကြံပေးလိုသည်မှာ

ဗုဒ္ဓဘာသာဝင်မိဘများအနေဖြင့် မိမိနေအိမ်ရှိဘုရားကို ပန်း၊ရေချမ်း၊ဆီမီး ကပ်လှူရသောအလုပ်ကို

တစ်ဦးတစ်ယောက်တည်း ပုံမှန်မလုပ်ဆောင်ဘဲ မိသားစုဝင်အားလုံးပုံမှန် အာစိဏ္ဏကံ ကုသိုလ်ရကြ

လေအောင် ဆောင်ရွက်ကြပါဟု အကြံပြုပါသည်။

မိမိပြုသည့်“ကံ” မိမိထံ အမှန် ပဲ့တင်ပြန် လိမ့် မည် ”ဟုသင်ယုံကြည်လျှင်……..

ဘုရားရှင်ထံချဉ်းကပ်စဉ် မှ ဒါနပြုပူဇော်ပြီး ပြန်ထွက်လာ သည်အထိ “ကံ”သုံးပါးစလုံး သည်

ဂါရ၀တရားအပြည့်ဖြင့်ရိုသေလေးမြတ် ကျိုးနွံ စွာ ကျင့်ဆောင် ဒါနပြုကြပါစို့။

ပန်း၊ရေချမ်း၊ဆီမီး ၊အလင်းတိုင်များဖြင်ဘုရားရှင်အာဆက်ကပ်လှူဒါန်းပူဇော်၍

”အရဟံ” ဂုဏ်တော်ပုတီး ၉ ပတ် ရွတ်ဆိုပွားများမည်ဆိုလျှင်…..

ရန်သူပင် ချစ်ခင်စိတ်ဝင်လာမည်ဖြစ် ၍ အထက်ပြဆိုခဲ့သော ပန်း၊ရေချမ်း၊ဆီမီးတို့၏

အကျိုးများကို မုချ ရကြမည်ဖြစ်ပေတော့သည်။

အကျိုးကျေးဇူးမခံစား ရပါက သင်၏ လုပ်ဆောင်ချက်“ကံ” သုံးပါးတွင်တစ်ခုခုလွဲချော်နေ၍ ဖြစ်ပေမည်။

တောင်းသည့်ဆုများပြည့်ကြပါစေ။ ဆုတောင်းတိုင်းလည်းပြည့်ကြပါစေ။

Credit : lwintmgmg

ဆက်လက်ဖတ်ရှုရန်>>

ကိုယ့်ကိုယ်ကို ပုံသွင်းလို့ ရချင်တဲ့ မင်းသမီးလေး

အနုပညာအား ကောင်းတဲ့ သရုပ်ဆောင် အေးမြတ်သူက သူမအနေနဲ့ ကိုယ့်ကိုယ်ကိုယ် ပုံသွင်းလို့ရတဲ့ သူလိုမျိုး အမြဲ ဖြစ်ချင်တယ်လို့ ပြောသွားခဲ့ပါတယ်။

“ညီမက ကိုယ့်ဘာသာကိုယ် ဘယ်လို ကာရိုက်တာမျိုးနဲ့ လိုက်တယ်ဆိုပြီး သတ်မှတ် ထားတာမျိုးတွေတော့ မရှိပါဘူး။ ကိုယ့်ဆီရောက်လာတဲ့ ကာရိုက်တာကို အကောင်းဆုံး လုပ်မယ်ဆိုတာပဲ စဉ်းစားတယ်။ ပြောရရင် ကိုယ်တိုင်ပဲ လိုသလို ပုံသွင်းနိုင်တဲ့ သရုပ်ဆောင် ဖြစ်ချင်တယ်။ ဒါပေမဲ့ ပရိသတ်က သတ်မှတ်ပေးရင်တော့ သူတို့က ကိုယ့်ကို အကဲဖြတ် ပေးနေတယ် ဆိုတော့ ပိုသိမှာပေါ့နော်။ ကာရိုက်တာ တစ်ခုတည်းနဲ့ လိုက်တယ်ဆိုတာမျိုးတော့ ညီမမသတ်မှတ်ဘူး၊ အရာရာအားလုံးက ကိုယ်နဲ့ လိုက်ဖက်ညီရမယ် ဆိုတာကိုပဲ ညီမတွေးတယ်”လို့ ပြောပြသွားပါတယ်။


အေးမြတ်သူက ရုပ်ရှင်ကားကြီးတွေလည်း ရိုက်ကူးထားတာ ရှိတယ်လို့ သိရပါတယ်။
messenger

ဆက်လက်ဖတ်ရှုရန်>>

စပ်ကူး မတ်ကူးကာလ အစိုးရနှင့် ပြည်သူများ၏ ပဟေဋိ သမ္မတလောင်းလျာ

၂ဝ၁၅ နိုဝင်ဘာရွေးကောက်ပွဲတွင် ဝန်ကြီး ၁၈ပါး လွှတ်တော်ကိုယ်စားလှယ်အဖြစ် ဝင်ရောက်အရွေးခံကြမည်ဟု သတင်းစာဂျာနယ်များ တွင် ဖတ်ရှုလိုက်ရသည်။ ထို့ပြင် စက်တင်ဘာလ ၈ ရက်နေ့ မှစတင်၍ မိမိတို့၏ မဲဆန္ဒနယ်မြေများအတွင်း အောင်နိုင်ရေး မဲဆွယ် စည်း ရုံးနေကြပြီ။ ကျန်ရှိ ဝန်ကြီးများ၏ သက်တမ်းမှာလည်း မကြာတော့ပါ လပိုင်းသာ အသက်ရှိတော့သည်။ ဝန်ကြီးဌာနများ၏ တာဝန်ကို အမြဲ တမ်း အတွင်းဝန်များက အစိုးရသစ်ဝန်ကြီးများ မရှိခင်…တာဝန်ယူထားရမည်ဖြစ်သည်။

ဝန်ကြီးဌာနများအတွက် စိုးရိမ်ပူပန်မှု

လက်ရှိ မြန်မာနိုင်ငံရေးတွင် ဦးဆောင်ပါတီကြီးအတွင်းမှာပင် အုပ်စုဖွဲ့နေသည်ကို မြင်လာရသည်။ တပ်မ တော် ကျောထောက်နောက်ခံ တင်းမာအုပ်စုကတစ်ခု၊ ဒီမိုကရေစီ အသွင်ပြောင်းမှုကို အမြန်ဆုံး လုပ်ဆောင်လို သောအုပ်စုက တစ်ခုနှင့် မည်သည့်ဘက်ကိုမှ လိုက်ပါလိုစိတ် မရှိသော ကြားနေအုပ်စုများ အသွင် မြင်တွေ့နေရသည်။ ယခုအချိန်တွင် သမ္မတ၏ ဦးဆောင်မှုနှင့် သွားနေသော ဝန်ကြီး ရထား ၃၆ တွဲမှာ မြေနိမ့်မြင့် မညီသော သံလမ်းတွင် သွားနေရသည့် ရထားအိုကြီး တစ်စီး ဒယီးဒယိုင်ဖြင့်တ အိအိ ရွေ့နေ သလို မြင်ေ တွ့နေရပေပြီ။ ၃၆ ခုသော ရထားတွဲများတွင် အချို့မှာ တွဲစောင့်မရှိ။ ယာယီတွဲစောင့်များနှင့်သာ။ တွဲစောင့်ရှိသော ရထားတွဲမှ တွဲစောင့် များမှာလည်း မကြာမီ မိမိတို့တာဝန် ပြီးဆုံးတော့မည်ဟု မရေမရာသော ပူပန်မျက်နှာများကို မြင်တွေ့နေရ သည်။

ထို့ပြင် ရထားတွဲထဲတွင် လိုက်ပါနေသည့် ခရီးသည် ဝန်ထမ်းနှင့် ပြည်သူ များက ဘယ်ဘူတာဆိုက်မည်ကို အတိအကျ မသိသလို ညအမှောင်ကြီးထဲတွင် ဖြတ်သန်းနေရသော ရထားတွဲကြီးရှေ့တွင် ဘယ်လို ဒုက္ခနှင့်ရင်ဆိုင်ရမလဲ …ဟူသော စိုးရိမ်ကြောင့်ကြမှုများကို ခံစားနေကြရသည့်အဖြစ် ကြုံနေ ရပေပြီ။သက်ဆိုင်ရာဝန်ကြီးဌာန အရာရှိကြီးများအားလုံး၏ စိုးရိမ် ပူပန်မှု အများဆုံးမှာ ရွေးကောက် ပွဲကြီးပြီးလျှင် သမ္မတ ဘယ်သူဖြစ်လာမလဲ။ အလွန်ပင် အရေးကြီးလှသော အချက်ဖြစ် သည်။ မိမိတို့ နိုင်ငံအတွက် ၅ နှစ်တာ ခေါင်းေ ဆာင်သွားမည့်သူ ဘယ်သူလဲ ..ဝေဝါးနေဆဲဖြစ်သည်။ သမ္မတလုပ်မည်ဟု ပြောသူနှစ်ဦး ပေါ်ထွက်လာသည်။ ပထမဆုံး ဒေါ်အောင် ဆန်း စုကြည်၊ ..ဒုတိယ သူရဦးရွှေမန်း။ ၎င်းကလည်း မိမိသမ္မတလုပ်လိုသည်ဟုဆိုသည်။ ..နောက်မှ လက်ရှိ သမ္မတ ဦးသိန်းစိန်၊ ၎င်းက လည်း ပြည်သူက နှစ်သက်လျှင် သမ္မတပြန်လည်လုပ်လိုသည်ဟု ဖွင့်ပြောလာသည်။ သို့ရာတွင် ယခုလွှတ်တော်ကိုယ်စား လှယ် လောင်း အဖြစ် ဝင်ရောက်ယှဉ်ပြိုင်မည့် စာရင်းတွင်မပါ။

ရွေးကောက်ပွဲကြီးလုပ်ရန် ၂ လခန့်သာ လိုပါတော့သည်။ ယခု အချိန်တွင် နိုင်ငံကို ဦးဆောင်မည့် သမ္မတ လောင်းလျာ ဘယ်သူဟု မဲဆန္ဒ ရှင်ပြည်သူများက အသေအချာပင် သိရှိသင့်သည့် အချိန်ကို ရောက်ရှိနေပြီ ဖြစ်ပြီး ¤င်းသမ္မတလောင်းအတွက် ဦးတည်ကာ မဲ ပေးကြ ရတော့မည့် အရေးကို ကွင်းကွင်း ကွက်ကွက် မြင်နေ သင့်ပေပြီ။ အချိန်လည်း တန်ပေပြီ။

သို့ရာတွင်နံပါတ် (၁) ဒေါ်အောင်ဆန်းစုကြည် ပုဒ်မ ၅၉ (စ) အရ သမ္မတ လုံးဝရွေးချယ်ခံခွင့် မရှိတော့ပြီ။ နံပါတ် (၂) သူရဦးရွှေမန်း ပါတီဥက္ကဋ္ဌကြီး နေရာမှ မကြာသေးခင်က လျောကျသွားခဲ့ရသည်။ နံပါတ် (၃) လက်ရှိသမ္မတကြီး ဦးသိန်းစိန် ဆိတ်ဆိတ်နေနေသည်။ နံပါတ် (၄) ဒေါက်တာအေးမောင်. ပြည်သူ့လွှတ်တော်၊ အမျိုးသားလွှတ်တော်ကိုယ် စားလှယ်အဖြစ် အရွေးမခံဘဲ ရခိုင်ပြည် နယ် လွှတ်တော်ကိုယ်စားလှယ်အဖြစ် အရွေးခံမည်ဖြစ်သည်။ မြန်မာကြီး ၆ ကြီးထဲကျန် ၂ ဦးဖြစ်သည့် ဦးခင်အောင်မြင့်နှင့် ဗိုလ်ချုပ်မှူးကြီး မင်းအောင်လှိုင် ယခုအထိ သမ္မတလုပ်မည်ဟု လေသံထွက် မလာကြသေးပါ။

အစိုးရပါတီကြီးအတွင်းမှာလည်း ဘယ်သူသမ္မတလောင်းဟု ထုတ်ဖော်သူမရှိသလို အတိုက်အခံပါတီကြီး အတွင်းကလည်း မည်သူ့ကို သမ္မတတင်မည်ဟု ဖွင့်ဟခြင်းလုံးဝမရှိသေးပါ။ ပြည်သူများအတွက် အမှောင်ထုကြီး အတွင်း စမ်းတဝါးဝါး ဖြတ်မောင်းနေရသော ရ ထားကြီးအတွင်း အတွေး စိတ်ကူးဝေဝါးနေဆဲ။၎င်းကို နိုင်ငံရေးပါတီခေါင်းဆောင် အများစုကပင် မိမိတို့ အမှန်ပင် မသိမပြောတတ် မခန့်မှန်းတတ်ဟု ပြောလာပါသည်။ ၂ဝ၁ဝ ရွေးကောက်ပွဲတုန်းကတော့ သမ္မတဖြစ်လာမည့်သူ သူရ ဦးရွှေမန်း (သို့ မဟုတ်) ဦးသိန်း စိန်ဟု အတိအကျ ခန့်မှန်းပြောခဲ့ကြသည်။ ပြိုင်မည့်အတိုက် အခံပါတီလည်း မရှိသေးသောကြောင့် ကွင်းကွင်းကွက် ကွက် မြင်နိုင်ပါသည်။ ယခုတစ်ကြိမ်တွင် အစိုးရပါတီကြီးကလည်း သမ္မတလောင်းလျာ မမြင်ရသေး။ အတိုက် အခံပါတီကြီးကလည်း မဖော်ပြနိုင်သော အဖြ စ်ကြောင့် မဲဆန္ဒရှင်များ အားမလိုအားမရ ဖြစ်သည်ကတော့ အမှန်ပင်။

ဘာကြောင့်လဲ

ဤကဲ့သို့ အခြေအနေများ ဖန်တီးလာရခြင်းသည် ဖွဲ့စည်းပုံ အခြေခံ ဥပဒေ၏ များစွာသော အားနည်းချက်များကြောင့်အပြင် အင်အားကြီး ပါတီကြီးများအတွင်း သမ္မတလောင်းလျာဟူ၍ ဒီမိုကရေစီနည်းလမ်းတကျ ရွေးချယ်သတ်မှတ် တင်မြှောက်မှု မရှိသေးခြင်း တို့ကြောင့် ဖြစ် သည်ဟု ထင်မြင်ယူဆမိပါသည်။ တစ်နည်းအားဖြင့် အားနည်းလှသော ဖွဲ့စည်းပုံအခြေခံဥပဒေကြောင့် လူပုံအလယ်မှာ သမ္မတလောင်း ဟု ဖော်မပြရဲသည့်အဖြစ် ကြုံနေကြရပေပြီ။

ထိုသို့ အကျိုးဆက်များကြောင့် ဆက်စပ်နေသည့် အကျိုး ဆက်များမှာ (၁) ပြည်သူများ ရွေးကောက်ပွဲအပေါ် အယုံ အကြည်မရှိ ဖြစ် လာနိုင် သည်။ (၂) ဝေဝါးနေသော အဓိက အကြောင်းအရာတစ်ခုကြောင့် မဲဆန္ဒရှင် ပြည်သူများ ရွေး ကောက်ပွဲအပေါ် စိတ်ဝင်စားမှု အားနည်း လာခြင်း (၃) ထို့ပြင် နိုင်ငံ တကာမှ စောင့်ကြည့်လေ့လာသူ သုတေသီပညာရှင်များက မြန်မာ့နိုင်ငံရေး အနာဂတ်ကို Negative ဟု မြင် သွားနိုင်ခြင်း (၄) စပ်ကူးမတ်ကူးကာလအတွင်း အစိုးရ ဝန်ကြီးဌာနများအတွင်း အချောင်ထုတ် လာဘ်စားမှုများ ပိုမိုများလာခြင်းနှင့် လုပ်ငန်းတာဝန်များ အကောင်အထည်ဖော်မှုကို အားနည်း သွားစေမည် ဖြစ်သည်။ဒီမိုကရေစီခေတ်တွင် မိမိကိုယ်ကိုယ် သမ္မတလုပ် လို သည်ဟု ပြည်သူ ရှေ့တွင် မားမားမတ်မတ်ရပ် ထုတ်ဖော် အာမခံရဲသည့် သမ္မတလောင်း လျာများ မဟုတ်သူ သမ္မတ မိုးပေါ်ကျ တစ် ဦး ဖြစ်လာလျှင်တော့ ပဟေဠိများက ပြည်သူ့ ရင်ထဲ ရှိနေဦးမည်သာ။

Popular

ဆက်လက်ဖတ်ရှုရန်>>

ရေပန်းစားနေတဲ့ အရပ်ရှည်ဆေးဆိုတာ တကယ်ပဲ အရပ်ရှည်နိုင်သလား

ဒေါက်တာတင့်ဆွေနှင့် မေးမြန်းခြင်း

လူတွေ ကြားထဲမှာ ရေပန်းစားနေတဲ့ အရပ်ရှည်ဆေးဆိုတာ တကယ်ပဲအရပ်ရှည်နိုင်သလား သိချင်သူတွေအများကြီးရှိမှာပါ။ တ ကယ်တော့ အရပ်ရှည်ဆေးထဲမှာပါတဲ့ ကယ်လ်ဆီယမ်ကြောင့် အဲဒီဆေးတွေဟာ လူတွေရဲ့ အရိုးကိုပိုခိုင်မာအောင် လုပ်နိုင်ပေမယ့် အရပ်ကိုတော့ အမှန်တကယ် မရှည်နိုင်စေပါဘူး။ လူတွေအတွက် ကယ်လ်ဆီယမ်ဟာ အများကြီးရှိရင်လည်း ဆိုးကျိုးတွေပေးနိုင်သလို နည်းသွားရင်လည်း မကောင်းပါဘူး။ လူတစ်ယောက်အရပ်ရှည်ခြင်းဟာ မျိုးရိုးဗီဇနဲ့လည်းသက်ဆိုင်သလို ကိုယ့်ရဲ့အနေအထိုင်၊ အစား အသောက်တွေနဲ့လည်း သက်ဆိုင်နေပါတယ်။ အသက် ၂၅ နှစ်ကျော်ရင်တော့ အရပ်ဆက်ရှည်ဖို့ ခဲယဉ်းသွားပါပြီ။ ဒါပေမဲ့ အရပ်ရှည် ချင်သူတွေအတွက် သောက်သင့်တဲ့ ဆေးတွေနဲ့စားသင့်တဲ့ အစားအစာတွေရှိသလို မှန်ကန်တဲ့အနေအထိုင်တွေရှိမယ်ဆိုရင် အရပ်ဆက် ရှည်ဖို့ နည်းလမ်းလေးတွေ ရှိပါတယ်။ ဒါတွေနဲ့ပတ်သက်ပြီး အွန်လိုင်းကနေ ကျန်းမာရေးနဲ့ ဆေးပညာ အမေး အဖြေတွေ ဖြေကြားပေး တဲ့ ဒေါက်တာတင့်ဆွေကို မေးမြန်းထားပါတယ်။

အမျိုးမျိုးသော ထွက်ပေါ်နေတဲ့ အရပ်ရှည်ဆေးတွေက တကယ်အရပ်ရှည်နိုင်ပါသလား ဆရာ။

ကြော်ငြာဆေးသာ ဖြစ်တယ်။ ကယ်လ်စီယမ် ကောင်းပါတယ်။ ဒါပေမဲ့ အရပ်မရှည်စေပါဘူး။ မ သင့်သူသောက်ရင် ဆိုးစေနိုင် တယ်။ လူတစ်ယောက်ရဲ့ အရပ်ကို မျိုးဗီဇနောက်ခံနဲ့ ပတ်ဝန်းကျင် အကြောင်းခံတွေကနေ သက်ရောက်တယ်။ လူတစ်ယောက်ဟာ အ ရွယ်ရောက်ချိန်နောက်မှာ အရပ်ပို မရှည်တော့ပါဘူး။ အဲဒီဆေးတွေ က ကယ်လ်စီယမ်ဓာတ်ကို အဓိက ထားတယ်။ အမျိုးသမီးတိုင်း အ သက် ၃ဝ-၃၅ ကျော်ရင် နေ့တိုင်း သောက်ရတယ်။အရိုးပါးမှာကို ကာ ကွယ်ဖို့ပါ။ကလေးငယ်တွေလည်း အရိုးပျော့မရှိအောင် အချိန်အ ဆ နဲ့ သောက်ရတယ်။ လူ့အရပ်ဆိုတာ သူ့အရိုးတည် ဆောက်ထားမှုမှာ မူတည်တယ်။ အရိုးကိုပိုခိုင်အောင် သာဆေးနဲ့လုပ်နိုင်တယ်။ ပို ရှည် စေဖို့မရပါဘူး။ ဒါဟာဆရာဝန်တွေလည်း မတတ်နိုင်တဲ့အရာပါ။

အရပ်ရှည်ဆေးတွေရဲ့ ကောင်းကျိုးနဲ့ ဆိုးကျိုးတွေ ပြောပြပေးပါ ဆရာ။

ကြော်ငြာဆေးတွေမှာ ဘေး ထွက် ဆိုးကျိုးသုတေသန မရှိပါ။ အဲ့အတွက် အရပ်ရှည်တယ်ဆိုပြီး မပြောသင့်ပါဘူး။ အဲဒီဆေးတွေ ထဲမှာ ကယ်လ်ဆီယမ်တွေ အများ ကြီးပါတယ်။

သွေးထဲမှာ ကယ်လ်စီယမ် အရမ်းများနေရင် Hyperparathyroidism လို့ခေါ်တဲ့ ဟော်မုန်းများမယ်။ အဲဒါဆိုကင်ဆာဖြစ်နိုင်ခြေ ဝ ဒသမ ဝ၁ ရာခိုင်နှုန်းရှိတယ်။ အဆုတ်ကင်ဆာလည်း ဖြစ်နိုင်တယ်။ နောက်ပိုင်းတွေမှာ ရင်သားကင်ဆာ၊ ကျောက်ကပ်ကင်ဆာ၊ ဦးခေါင်းနဲ့ လည်ပင်းကင်ဆာတွေလည်း ဖြစ်နိုင်တယ်။ ကယ်လ်ဆီယမ်အလွန်များခြင်းကြောင့်ဖြစ်တဲ့ Milk-Alkali Syndrome လို့ ခေါ်တဲ့ ရောဂါနဲ့ Sarcoidosis လို့ ခေါ်တဲ့ရောဂါတွေ၊ အရိုးရောဂါတွေ ဖြစ်နိုင်ပါတယ်။

သဘာဝနည်းနဲ့ အရပ်ရှည်ခြင်းကို ထိန်းသိမ်းနိုင်မယ့် နည်းလမ်းလေး တွေ ပြောပြပါဆရာ။

အာဟာရ ပြည့်ပြည့်ဝဝ စား သုံးပါ။ ကျန်းမာနေစေရမယ်။ ကိုယ်လက်လေ့ကျင့်ခန်း၊ ဆန့်တန်းမှုပါ တဲ့အားကစားဥပမာရေကူး၊ တင်းနစ် ကစားပေးပါ။ ဘားတန်းကနေ အောက်တွဲလောင်းချနည်းလုပ်ပါ။ အနေအထိုင်ကအစပြင်ပါ။ ခါး မတ်မတ်ထိုင်၊ ခါးဆန့်လမ်းလျှောက် ပါ။ တစ်နေ့ ၈ နာရီအိပ်စက်ပါ။ အရပ်ရှည်ချင်သူတွေ သောက်ဖို့ ကောင်းတဲ့ဆေးနဲ့ စားဖို့ကောင်းတဲ့ အစာမှာ ဗီတာမင်(ဒီ)၊ ပရိုတင်း၊ ဗီတာမင်(အေ)၊ ကယ်လ်စီယမ်နဲ့ ဓာတ်ဆားတွေ ပါသင့်တယ်။

လူတွေအနေနဲ့ ပျမ်းမျှအရပ် ဘယ်လောက်ထိ ရှည်နိုင်ပါသလဲ ဆရာ။

လူတွေပျမ်းမျှ အရပ်ဘယ်လောက်ရှည်သလဲဆိုတာ အတော်ကွဲပြားတယ်။ မလွဲနိုင်တာက ယေဘုယျ ယောက်ျားတွေက မိန်းမတွေထက် ရှည်တယ်။ မိန်းကလေး တွေဟာ သူတို့ရှိနေတော့မယ့် အရပ်အမောင်းကို ယောက်ျားလေးတွေထက် စောပြီးရောက်လာကြတယ်။ အ ပျိုဖြစ်တာက လူပျိုဖြစ်တာထက် စောလို့ဖြစ်ပါတယ်။ မျိုးဗီဇက အဓိကကျတယ်။ ၆ဝ ရာခိုင်နှုန်းကနေ ၈ဝ ရာခိုင်နှုန်းထိက မိဘတွေရဲ့ အ ရပ်နဲ့ ဆက်စပ်တယ်။ မိခင်ကိုယ်ဝန်ဆောင်စဉ်က အစားအသောက်နဲ့ လည်းဆိုင်တယ်။ ကလေးဘဝမှာ စားတဲ့ အစားအစာနဲ့လည်း ဆိုင် တယ်။ လူ့အရပ်ရှည်မှုဟာ အရိုး ရှည်တွေ (ပေါင်နဲ့ခြေသလုံး) တွေက အဓိကဖြစ်တယ်။ ပေါင်ရိုးနဲ့ ခြေသလုံးရိုး။ ဒါတွေ ဆက်မ ရှည်တော့ ချိန်မှာ ရပ်တန့်သွားတယ်။ နစငစ့ပျနေူစူအေနျ ဆိုတာ ပိတ်သွားချိန်မှာ ဆက်မရှည်တော့ဘူး။

လူတစ်ယောက်က ဘယ်အသက် အရွယ်ထိ အရပ်ဆက်ရှည်နိုင်ပါသလဲရှင့်။

အရိုးရှည်တွေထိပ်မှာရှိတဲ့ အဲဒီအရိုးနုတွေက အရွယ်အလိုက် တဖြည်းဖြည်းမာလာပြီး အရိုးမာ တွေဖြစ်လာ တယ်။ ခြေထောက် ပိုင်းကလူ့အရပ်နဲ့ တစ်ဝက် လောက် ဆိုင်တယ်။ Ossification အရိုးမာတွေဖြစ်လာတဲ့ အသက်အပိုင်း အခြားတွေရှိတယ်။ မိန်း ကလေးက ၅ နှစ်ကနေ ၁၂ နှစ်၊ ယောက်ျား လေးက ၅ နှစ်ကနေ ၁၄ နှစ်တွေ မှာ အများဆုံးသော အရိုးတွေက Hard Bone အရိုး မာေ တွ ဖြစ်နေကြပြီ။၁၇၊ ၂ဝနှစ်ရောက်ရင် လက်နဲ့လက်ပြင် ရိုးတွေမှာ အရိုးမာ ဖြစ်တယ်။ ၁၈၊ ၂၃ နှစ်ရောက် ရင် ခြေေ ထာက် ပိုင်းအ ရိုးတွေ အရိုးမာဖြစ်တယ်။ ၂၃၊ ၂၅ နှစ်မှာ ဆိုရင်တော့ ရင်ညွန့်ရိုး၊ ညှပ်ရိုးနဲ့ ခါးရိုး တွေက အရိုးမာဖြစ်ကြပြီ။ အသက် အစိတ်မှာ အား လုံးပြည့်စုံသွား မယ်။ အသက် ၂၅ကျော်ရင် မရှည် ချင်နဲ့တော့။ ဆက်မရှည်တော့ပါဘူး။ ဒီနောက်ပိုင်းမှာ နည်းနည်းရှည်လာနိုင်တာတော့ ရှိနိုင်ပါ တယ်။ အသက် သိပ်ကြီးချိန်မှာ တော့ဆက်မရှည်တော့တာ သေချာတယ်။ ကျောရိုးမကြီးက အရိုးတွေကြားကအရိုးနုလေးတွေ အပေါ် မှာမူတည်လို့အဲဒီလိုဖြစ်တာ။ အားတက်စရာ ပြောရရင် ကျောရိုးမကြီးမှာ အရိုးပေါင်း ၃၃ ခုရှိပေမယ့် ၂၄ ခုကတစ်ခုနဲ့တစ်ခု ဆက်မသွားကြဘဲနေရစ်တယ်။ဒီအချက်ကို အရပ် ရှည်ဖို့ အသုံးချနိုင်တယ်လို့ ဆို တယ်။ ကျောရိုးမကြီးဟာလည်း လူ့အရပ်ရဲ့ ၃၅ ရာ ခိုင်နှုန်းနဲ့ဆိုင်တယ်။

ထပ်မံဖြည့်စွက် ပြောချင်တာများ ရှိရင်ပြောပေးပါဦး ဆရာ။

ဆွီဒင် (အူပန်ဆာလာ) တက္ကသိုလ်က ဒေါက်တာအီဗာက ပြောပါတယ်။ ကယ်လ်စီယမ် သိပ်များသွားရင် ဆိုးကျိုးပေးတယ်တဲ့။ သူ့အဖွဲ့ ကနေ ၁၉၁၄ ကနေ ၁၉၄၈ အတွင်းမှာ မွေးဖွားခဲ့ကြတဲ့ အမျိုး သမီးပေါင်း ခြောက်သောင်းကို လေ့လာပြီးမှ အဲဒီလိုပြောတာပါ။ ၁၉ နှစ် ဆက်တိုက်လေ့လာမှု ပြုခဲ့ တာ ဖြစ်ပါတယ်။ ဒါကြောင့်အရပ် ရှည်ဆေးကိုအလွန်အကျွံမသောက် သုံးသင့်ပါဘူး။ ကယ်လ်ဆီ ယမ် ကများရင်လည်း မကောင်းဘူး။ နည်းလွန်းရင်လည်းမကောင်းပါဘူး။

Popular

ဆက်လက်ဖတ်ရှုရန်>>