ကျောချောင်းအတွင်း ယောထိပ်တန်း မှန်လုံအမှန်ယာဉ်တစ်စီး နစ်မြုပ်

ကျောချောင်းအတွင်း ယောထိပ်တန်း မှန်လုံအမှန်ယာဉ်တစ်စီး နစ်မြုပ်

ဆက်လက်ဖတ်ရှုရန်>>

ဂင်မ်ချီ Kimchi လုပ်နည်း

ပါဝင်ပစ္စည်းများကတော့ မုန်ညင်းထုတ်၊ မုန်လာဥဖြူ၊ မုန်လာဥနီ၊ ပန်းသီး၊ကိုရီးယားသစ်တော်သီး(ရနိုင်လျှင်) ကြက်သွန်ဖြူ၊ ကြက်သွန်နီ၊ ကြက်သွန်မြိတ်၊ ကူဆိုင်(ကြက်သွန်မြိတ်ကဲ့သို့အပင်သေး)၊ ဂျင်း၊ ဂျူံမှုန့်၊ ငံပြာရည်၊ဆား၊ သကြား၊ ငရုတ်ပွခြောက်၊နှမ်း တို့လိုအပ်ပါတယ်။

ဂင်မ်ချီအဖြူလုပ်တာနဲ့တော့ ဘာမှသိပ်မကွာပါဘူး။ ငရုတ်သီးပါတာနဲ့ မပါတာဘဲရှိမယ် ကျန်တာကတော့ တူပါတယ်။

ပထမဦးဆုံး မုန်ညင်းထုတ် ၂ပိသာခန့်ကို ရေဆေးပြီး အလယ်ကနေထက်ခြမ်းခွဲပြီး ဆားနဲ့နယ်ပြီး နွမ်းသွားအောင် ဖိပေးထားပါ။ ဂျူံမှုန်နှစ်ဆယ်သားခန့်ကို ခပ်ပစ်ပစ်ကြိုထားပြီး အအေးခံထားပါ။ ငရုတ်ပွခြောက်ကို အစေ့ထုတ်ရေစိမ်ပြီး ကြက်သွန်နီ ငါးဥ ကြက်သွန်ဖြူဥသေး သုံးဥ၊ ဂျင်းလက်တစ်ဆစ်ခန့် တိုကိုရောပြီး ညက်နေအောင်ကြိတ်ထားပါ။ မုန်လာဥဖြူ၊မုန်လာဥနီ၊ ပန်းသီး ၊ ကြက်သွန်မြိတ်၊ ကူဆိုင်တို့ကို လက်လေးသစ်ခန့် အချောင်းရှည်ရှည်လေးတွေလှီးထားပါ။

မုန်ညင်းထုတ်နွမ်းတာနဲ့ ရေအေးနဲ့ ဆေးပါ။ ပြီးရင် အရည်တွေကို ညစ်ပစ်ပါ။

အားလုံးပြီးတာနဲ့ ဇလုံခပ်ကြီးကြီးထဲကို ခုနက ကြိတ်ထားတဲ့ ငရုတ်သီးအနှစ်ကိုထည့် ဂျုံကြိူထားတာထည့် ငံပြာရည် သုံးဇွန်းထည့် သကြားတစ်ဇွန်းထည့် အရသာအပေါ့အငံကို မြည်းကြည့်ပါ။ လိုအပ်ရင်ထပ်ထည့်ပါ။ နှမ်းနည်းနည်းထည့်ပါ။ အားလုံးကို သမအောင်မွှေပြီး လှီးထားတဲ့ အသီးအရွက်တွေကိုထည့် သမအောင်လုပ်ပေးပါ။ ပြီးတာနဲ့ မုန်ညင်းထုတ်ကို ဇလုံထဲမှာလုပ်ထားတဲ့ အဆာတွေနဲ့ နှံ့အောင်လုပ်ပြီး ဘူးထဲကိုထည့်သိပ်ပါ။ တစ်ရက်လောက်ထားလိုက်ရင် စားလို့ရပါပြီ။ ရေခဲသေတ္တာထဲမှာ ထားရင်တော့ ကြာကြာထားလို့ရပါတယ်။ အပြင်မှာထားရင်တော့ ခဏလေးနဲ့ ချဉ်ပါတယ်။

မှတ်ချက်။ ။ ဂင်မ်ချီလုပ်တဲ့အခါ ဗီနီကာတို့ ကိုရီးယားငရုတ်ဆီ (gochujang)တို့လုံးဝမသုံးပါဘူး။သုံးမိမှာစိုးလို့ပါ။

ဆက်လက်ဖတ်ရှုရန်>>

ဒုတိယ အယ်လ်ဘမ် အတွက် တက်တူး ထပ်ထိုးဦးမည့် အဆိုတော်ပိုပိုနှင့် တွေ့ဆုံခြင်း

ရန်ကုန်၊ သြဂုတ် ၉။ အနုပညာကို အောက်ခြေမှ စလာခဲ့တဲ့ သူ့ရဲ့ ကြိုးစားမှုကို လူတိုင်းက သိကြသည်။ အောက်ခြေ ခိုင်မာမှု တွေနဲ့ အတူ "ချစ်ဖူး ခဲ့သမျှ" ပထမစီးရီး ထွက်ရှိ လာချိန် မှာတော့ ပရိသတ်၏ အသိအမှတ် ပြုခြင်း ခံရသလို သူ့ရဲ့ လက်မောင်းနဲ့ကျောပြင်က တက်တူးတွေက ပရိသတ်များ ကိုထပ်မံ ဖမ်းစားခဲ့တာ မို့မဇ္စျိမက ပိုပို၏ တက်တူး အကြောင်းကို ပွင့်လင်းစွာ မေးကြည့် ခဲ့သည်။

အဆိုတော် တစ်ဦးဖြစ်လာစေရန် ရုန်းကန်ခဲ့ရမှုများကို ပိုပိုက အင်တာဗျူးအတွင်း ဖွင့်ဟခဲ့သည်။ ဓာတ်ပုံ - လွင်မောင်မောင်

မေး။ ။ လက်ရှိ လှုပ်ရှားမှု တွေက……..။

ဖြေ။ ။ ဒုတိယ အခွေအတွက် လုပ်နေတယ်။ နယ်ရှိုးတွေ ဆိုနေတယ်။ ရန်ကုန် ရှိုးတွေလည်း သီဆို ဖြစ်တယ်။ စင်ကာပူမှာ ဗီစီဒီ ရိုက်ကူးဖို့ ရှိတယ်။ သီချင်းလည်း ရေးဖြစ်နေ ပါတယ်။ ဒုတိယ အခွေက နည်းနည်းတော့ ကြာဦးမယ်။ ဒီဇင်ဘာ လောက်မှာ ထွက်ဖြစ်မယ် ထင်တယ်။ အရင်တုန်း ကတော့ ဒီအခွေကို ကျွန်မ ချစ်သူလို့ ယာယီ ပေးထားတယ် အခုတော့ မပေးဖြစ် တော့ဘူး။ ဘာဖြစ်လို့လဲ ဆိုတော့ ဒီနာမည်က သူများ စီးရီးတွေနဲ့ ဆင်နေ လို့ပါ။

မေး။ ။ ဒီအခွေမှာ ဘယ်လို သီချင်းပုံစံမျိုး ထူးထူးခြားခြားတွေ ပါဖြစ်မလဲ။

ဖြေ။ ။ အခွေမှာ ထူးထူး ဆန်းဆန်းက ယောကျာင်္းလေး အတွက် ဆိုပြီးတော့ ရည်ရွယ် ထားတယ်။ လင်းမယား ရန်ဖြစ်တဲ့ အကြောင်းလေး တွေကို ရေးထား ပါတယ်။ တေးရေး ကတော့ ပိုပိုပဲလေ။ အားလုံးပေါင်း ၁၄ ပုဒ် ပါမှာ ဆိုတော့ ၁၃ ပုဒ်က ပိုပိုဘဲ ရေးထား တာပါ။ တစ်ပုဒ် ကတော့ တစ်ခြား တေးရေးပါ။

မေး။ ။ ဒီဒုတိယ အခွေက ပထမ အခွေလောက် အောင်မြင် ပါ့မလား ဆိုတဲ့ အတွေးမျိုးကော စိတ်ကူးမိလား ။

ဖြေ။ ။ ပိုပိုရဲ့ဒီဒုတိယ အခွေအတွက် အောင်မြင် ပ့ါမလား ဆိုပြီးတော့ စိတ်ခံစားချက်တော့ မရှိဘူး။ ယုံကြည်တယ် လူကြိုက် များမယ်လို့ ထင်တယ်။ ဘာဖြစ် လို့လဲ ဆိုတော့ ပထမ အခွေ တုန်းကလည်း ပေါက်ပါ့ မလား ဆိုတဲ့ အတွေးထက် စာရင် ဒီသီချင်း တွေကို ငါကြိုက်တယ်။ ငါကြိုက်တဲ့ သီချင်း တွေကို ပရိတ်သတ် တွေကို ချပြမယ်။ ဒီသီချင်း လေးတွေက ကောင်းတယ်။ မပေါက်ဘူး ဆိုတဲ့ ခံစားချက်လည်း မရှိဘူး။ ပေါက်မယ် ဆိုတဲ့ ယုံကြည်ချက် ကြီးကြီး မားမားလည်း မရှိဘူး။ ဒီသီချင်း တွေကို လူကြိုက်မယ်များမယ် ထင်ပြီးတော့ လုပ်ခဲ့တာ။ ပရိတ်သတ်တွေ ကြိုက်ခဲ့တယ်။ ဒီဒုတိယ အခွေကိုလည်း သေချာတယ် ပရိတ်သတ် ကြိုက်မယ့် သီချင်းတွေ ပါမယ်။

မေး။ ။ သရုပ်ဆောင် ဘက်ကို ကူးဖို့ရော အစီအစဉ်ရှိလား။

ဖြေ။ ။ သရုပ်ဆောင် ဘက်ကို ကူးဖို့က လောလောဆယ်တော့ မရှိသေးပါဘူး။ မအား တာလည်းပါတယ်။ လာပြီးတော့ ကမ်းလှမ်းမှု လည်းမရှိ သေးဘူး။ အကျီကြော်ငြာ အတွက် လာပြီး ကမ်းလှမ်းတာဘဲ ရှိသေးတယ်။ သရုပ်ဆောင် ဘက်က လောလောဆယ် မလုပ်ချင် သေးဘူး။ ပိုပိုက လူတစ်မျိုး ကိုယ်ကြိုက်မယ့် ဟာကိုဘဲ ရိုက်ချင်တယ်။ ကိုရီးယား ဆန်ဆန်၊ နိုင်ငံခြား ဇာတ်ရုပ်ကို ရိုက်တာမျိုးကို ရိုက်ဖြစ် မှာပါ။ ဇာတ်လမ်းတွဲ ကြီးတွေ ကို အရမ်း နှစ်သက်တဲ့ အထဲမှာ မပါတဲ့ အတွက် ရိုက်မယ် ဆိုရင် ဇာတ်လမ်းကို ကြည့်ပြီးမှ ရိုက်မှာပေါ့။ ကိုယ့်ဟာ ကိုယ် MTV ဘဲ ဒါရိုက်တာလုပ်၊ ကိုယ့်ဟာကိုယ် သရုပ်ဆောင် ကိုတော့ တစ်ကယ် လုပ်ဖြစ်မယ့် အလုပ်ပါ။

မေး။ ။ ပိုပိုရဲ့ လက်မှာ တက်တူး ထိုးထားတာနဲ့ ပတ်သက်ပြီး ပြောပေးပါဦး။

ဖြေ။ ။ ပိုပိုက တက်တူးကို အရမ်း သဘောကျလို့ ထိုးထားတာပါ။ ဒုတိယ တေးစီးရီး အတွက် ပိုပို တက်တူးထပ် ထိုးဖို့ ရှိပါတယ်။ လောလောဆယ်တော့ မထိုး ဖြစ်သေးဘူး။ ဒုတိယ တေးစီးရီး ခေါင်းစဉ်ကို ထိုးသွားဖို့ ရှိပါတယ်။ ကျန်တဲ့ ဟာတော့ ထိုးဖို့ မရှိပါဘူး။ အဲဒါကို ကျောမှာဘဲ ထိုးဖြစ်မှာပါ။ ဘာဖြစ်လို့လဲ ဆိုတော့ ကျောက လူမမြင်ဘူး လေ ပရိတ်သတ် တွေ အမြင်မှာ မိန်းကလေး တစ်ယောက်က တက်တူးတွေနဲ့ အရမ်းကြီး ပွနေရင် အဆင်မပြေ ဘူးလေ ပြီးတော့လည်း ပိုပိုက အိမ်ထောင်လည်း မကျသေး ဘူးလေ။(ရယ်လျက်) တစ်ခါတစ်လေ ကြရင် တွေး မိတယ်။ ကိုယ့်မြန်မာ အ၀တ်အစားနဲ့ မင်္ဂလာဆောင် နေရင် တက်တူး တွေနဲ့ကြည့် မကောင်းဘူး ဆိုပြီး ကိုယ့်ဟာ ကိုယ်တွေးမိတယ်။

မေး။ ။ ကျောမှာ ထိုးမယ့် တက်တူးကိုကော ပရိသတ် တွေကို ဖော်ပြမှာလား။

ဖြေ။ ။ တက်တူးထိုးတာ ဒုတိယအခွေ အတွက်ဆိုတော့ ဒီတက်တူး တွေကို Mtv မှာ ဖော်ပြဖြစ်မယ် ထင်တယ်။ဘာဖြစ်လို့လဲ ဆိုတော့ ကြွားရ မယ်လေ။(ရယ်လျက်)

မေး။ ။ ပိုပိုရဲ့ ငယ်ဘ၀က အမှတ်တရလေး ပြောပြပေး ပါဦး။

ဖြေ။ ။ ပိုပို နှစ်တန်း သုံးတန်းလောက်မှာ ပိုပို့မှာ အဖေနဲ့ အမေ မရှိဘူး။ ဂရုလည်း မစိုက်ဘူး။ အဘွားကလည်း အသက်တော်တော် ကြီးပြီ ဆိုတော့ မိုးရွာတဲ့ အချိန် ကျောင်းကို လာမကြို နိုင်ဘူးပေါ့နော်။ ထီးလည်း မပါဘူး။ အဲဒီ တော့ စာအုပ်တွေ ရေစိုမှာစိုးလို့ ကျွတ်ကျွတ်အိတ် ထဲကို စာအုပ်တွေထည့် လွယ်အိပ်ကို အပြင်ကနေ ပြန်ထည့် တော့ မိုးရေထဲမှာ အိမ်ကိုပြေးပြေးပြီးတော့ ပြန်ရတာ ခဏခဏပါဘဲ။ အဲဒါကတော့ အမှတ်တရ ပါဘဲ။ ဖေဖေနဲ့ မေမေက ငယ်ငယ်လေး ကတည်းက အသက်မရှိ တော့တာ မဟုတ်ပါဘူး။ ကွဲသွား ကြတာပါ။ ပိုပို ၁၀ လသမီးမှာ အဖေနဲ့ အမေ ကွဲတယ်။ အမေက နောက်အိမ်ထောင် ပြုသွားတယ်။ အဖေကလည်း နောက်အိမ်ထောင် ပြုတာပါဘဲ။ပိုပိုလည်း အဘွားနဲ့ဘဲ ကိုယ့်ဟာကိုယ် နေခဲ့ရ တာပါ။ မောင်နှမလည်း မရှိပါဘူး။ တစ်ယောက်တည်း ပါဘဲ။

မေး။ ။ မိဘမဲ့တွေနဲ့ ပတ်သက်ပြီး ပရဟိတ တွေကော လုပ်ဖြစ်လား။

ဖြေ။ ။ ပိုပိုက အမြဲတမ်း ပရဟိတ လုပ်ပါတယ်။ အဆိုတော် မဖြစ်ခင် ကတည်းကပါ။ မိဘမဲ့ ကလေးတင် မကဘူး။ဈေးရောင်းနေတဲ့ ကလေးတွေပါ တွေ့ရင် သနားတယ်။ စံပယ်ပန်း ရောင်းစားတာ တွေ့တယ်။ သူတို့တွေက သူများ ကလေးတွေကို တောင်းစားတာ မဟုတ်ဘဲနဲ့ ဈေးရောင်း ဖြစ်တဲ့ အတွက် ကြုံရင် ကြုံသလို သူတို့ကို အားပေးတယ်။ အကုန်လုံး ၀ယ်ပြီးတော့။

မေး။ ။ အလှူအတန်း လုပ်ဖြစ်ရင်ကော မိဘမဲ့ ကလေးတွေ အတွက် အာဟာရ ဖြစ်စေမယ့် စကားတွေ ပြောဖြစ်လား။

ဖြေ။ ။ မိဘမဲ့ ကလေးတွေကို လှူဖြစ်တယ်ဆိုရင် စကားနဲ့လည်း အားပေးတယ်။ အစ်မလည်း မိဘမဲ့ တစ်ယောက်ပါ။ဒီလိုဘဲ ကြိုးစားရင်းနဲ့ အောင်မြင်တဲ့ အနုပညာရှင် တစ်ယောက် ဖြစ်လာတယ်။ ကလေးတို့လည်း အစ်မလိုဘဲ ကြိုးစားရမယ် ဆိုပြီး ပြောဖြစ်တယ်။

မေး။ ။ မိဘမဲ့ တစ်ယောက်ဖြစ်တဲ့ ပိုပိုရဲ့ စွဲမှတ်ထားတဲ့ ခံယူချက်ကော ပြောပြပေးပါဦး

ဖြေ။ ။ ပိုက်ဆံရှိတဲ့ ကလေးတွေက အဆိုတော် လုပ်မယ်ဆိုရင် သီချင်း တစ်ပုဒ်ကို အနည်းဆုံး ငါးသိန်းဆို လည်း သူတို့မိဘတွေက ၀ယ်ပေးမှာ ဘဲလေ။ ဒါပေမယ့် ပိုပိုတို့လိုမျိုး အောက်သက်ကြေ ခြင်းတွေ၊ကြိုးစား ခြင်းတွေ ဘာမှရှိမှာ မဟုတ်ဘူး။ မရှိတဲ့လူတွေ၊ ဆင်းရဲတဲ့ လူတွေက ပိုပြီးတော့ အခွင့်အရေး ရှိတယ်။ငါတို့မှာ မိဘမရှိလို့ ၊ ပိုက်ဆံမရှိလို့ စဉ်းစား ပြီးတော့ စိတ်ဆင်းရဲ နေမယ့်အစား အဲဒါကို မစဉ်းစား ပါနဲ့ ပိုပိုတို့မှာ ကြိုးစားခွင့်တွေ ရှိပါ တယ်။ ပိုပိုပြောမယ့် စကားလုံး တွေကို စာဖတ် ပရိတ်သတ် တွေကို တွေ့စေချင် ပါတယ်။ ပိုပို၁၀ တန်း အောင်တုန်းက အဆိုတော် လုပ်ခွင့် မရပါဘူး။ အခက်အခဲတွေ အများကြီး ရှိလို့လေ။ နောက်ပြီးတော့ အသက်၁၈ နှစ် တုန်းက ပရိုဂျူဆာ တွေကို ပြသေးတယ်။ သီချင်းလေး တွေကို စုစုပြီး တော့ပေါ့။ ဒါပေမဲ့ အဲဒါက အဆင်မပြေဘူး။ အသက်၂၀ အထိပေါ့။ တစ်ခါတစ်လေ ကြရင် ကိုယ့်ကိုယ်ကိုယ် အဆင်မပြေလို့ ငိုရတဲ့ ရက်တွေလည်း ရှိခဲ့တယ်။ အဲဒီ အချိန်တုန်း ကသာ ပိုပို အဆိုတော် ဖြစ်မယ်ဆိုရင် သေချာတယ် အောင်မြင်မှာ မဟုတ်ဘူး။ ဘာဖြစ်လို့လဲ ဆိုတော့ ၀မ်းစာ မပြည့်သေးတဲ့ အချိန်မှာ အလုပ် တစ်ခုကို လုပ်လည်း အောင်မြင်မှာ မဟုတ်ဘူး။ ပိုပိုကို ဆရာ ဦးစောနု ပြောဖူးတယ်။ ကြိုးစားပါ။ ကြိုးစား လို့ရှိရင် ပိုက်ဆံက နင့်နောက် လိုက်လာ လိမ့်မယ်။ ပိုက်ဆံနောက်ကို မလိုက်ပါ နဲ့ပေါ့ ပိုပိုလည်း ပိုက်ဆံနောက်ကို ဘယ်တော့မှ မလိုက်ဘူး။ ပိုပို အခွေထွက် လာတာ ပိုက်ဆံရှိလို့ ထွက်လာတာ မဟုတ်ဘူး ကြိုးစားလို့ ပိုက်ဆံရှိ လာတာပါ။

Mizzima

ဆက်လက်ဖတ်ရှုရန်>>

မြန်မာယူ ၁၉ - ၃ဂိုး အင်ဒိုနီးရှားယူ ၁၉ - ၀

ဗီယက်နမ်နိုင်ငံက အိမ်ရှင်အဖြစ် လက်ခံကျင်းပလျက်ရှိသည့် ၂၀၁၄ အာဆီယံ ယူ ၁၉ ချန်ပီယံရှစ် ဘောလုံးပြိုင်ပွဲ အုပ်စု(က) ဒုတိယပွဲစဉ်အဖြစ် ယနေ့ညနေ ၄ နာရီတွင် မြန်မာယူ-၁၉ အသင်းနှင့် အင်ဒိုနီးရှားယူ-၁၉ အသင်းတို့ ယှဉ်ပြိုင်ကစားကြရာ မြန်မာအသင်းက အင်ဒိုနီးရှားအသင်းကို ၃-၀ ဖြင့် အနိုင်ရရှိ ခဲ့သည်။

မြန်မာအသင်းအတွက် အနိုင်ဂိုးများကို ၁၉ မိနစ်တွင် ငြိမ်းချမ်းအောင်က လည်းကောင်း၊ ၃၂ မိနစ်နှင့် ၆၄ မိနစ်တို့တွင် မောင်မောင်စိုးကလည်းကောင်း အသီးသီးသွင်းယူပေးခဲ့ကြပြီး နှစ်ပွဲကစား နှစ်ပွဲနိုင် ၆ မှတ်ဖြင့် အုပ်စုပထမရရှိကာ ဆီမီးဖိုင်နယ်သို့ တက်ရောက်သွားခဲ့သည်။

သတင်းနှင့်စာနယ်ဇင်းလုပ်ငန်း

ဆက်လက်ဖတ်ရှုရန်>>

MH17 အရာဝတ္ထု မျိုးစုံနဲ့ ဝင်ဆောင့် ခံခဲ့ရဟု ဆို

ဇူလိုင်လက ယူကရိန်းမှာ ပျက်ကျ ခဲ့တဲ့ မလေးရှား လေယာဉ် MH17 ဟာ အရာဝတ္ထု မျိုးစုံနဲ့ အရှိန် ပြင်းပြင်း ဝင်ဆောင့် ခံရလို့ လေထဲမှာ ပေါက်ကွဲ ခဲ့တာ ဖြစ်တယ်လို့ နယ်သာလန် စုံစမ်းရေး အဖွဲ့က ပြောကြား လိုက်ပါတယ်။

လေယာဉ် ပျံသန်းစဉ် စက်မှုပိုင်း ချို့ယွင်းချက် ဒါမှမဟုတ် လေယာဉ်မှူးဘက်က ချွတ်ယွင်းချက်တွေ မရှိခဲ့ဘူးလို့ နယ်သာလန် လေကြောင်း လုံခြုံရေး အရာရှိ တွေရဲ့ အစီရင်ခံစာမှာ ပါရှိပါတယ်။

ဒါကြောင့် ဒီလေယာဉ်ဟာ ဒုံးကျည် ထိမှန် ပြီး ပျက်ကျ ခဲ့တယ် ဆိုတာ ဒီ အစီရင်ခံစာက အခိုင်အမာ ညွှန်ပြနေတယ်လို့ မလေးရှား ဝန်ကြီးချုပ် နာဂျစ် ရာဇက်က ပြောပါတယ်။

ယူကရိန်း အရှေ့ပိုင်းကို မလေးရှား စုံစမ်း စစ်ဆေးရေးအဖွဲ့ နောက်တဖွဲ့ ထပ်လွှတ်ထားပြီး MH17 ရဲ့ ဇာတ်လမ်းစုံကို သိရဖို့နဲ့ ခရီးသည်တွေရဲ့ ရုပ်ကြွင်းအားလုံးကို ပြန်ရဖို့ အတွက် လေယာဉ်ပျက်ရာ နေရာမှာ အဲဒီအဖွဲ့ကို အပြည့်အဝ စစ်ဆေးခွင့် ပေးဖို့ လိုအပ်ကြောင်း မစ္စတာ နာဂျစ်က ပြောကြား ခဲ့ပါတယ်။

MH17 လေယာဉ်ပေါ်မှာ လူ ၂၉၈ ယောက် လိုက်ပါသွားပြီး အားလုံး သေဆုံးခဲ့ရတာ ဖြစ်ပါတယ်။

BBC Burmese 

ဆက်လက်ဖတ်ရှုရန်>>

ပါးစပ်(၂)ပေါက် နှုတ်သီး(၂)ပေါက် မျက်စိ(၃)လုံးနဲ့ ၀က်ကလေး

ပဲခူးတိုင်း၊ သာယာဝတီခရိုင်၊ နတ္တလင်းမြို့နယ်ထဲက ရွာတရွာမှာ ပါးစပ်ပေါက် ၊ နှုပ်သီး(၂)ပေါက်၊ မျက်စိ(၃)လုံးပါတဲ့၊ ၀က်ကလေးတကောင် မွေးဖွားခဲ့ပါတယ်။

Credit: DVB

ဆက်လက်ဖတ်ရှုရန်>>

ကနေဒါ စစ်သင်္ဘောအနီး ရုရှားလေယာဉ် လှည့်ပတ်ပျံသန်းမှုကို ကနေဒါ ကာကွယ်ရေးဝန်ကြီး ကန့်ကွက်......

NATO မဟာမိတ် တပ်ဖွဲ့အတွက် ပူးပေါင်း တာဝန်ထမ်းဆောင်နေသည့် ကနေဒါ ဖရီးဂိတ် စစ်သင်္ဘော တစ်စီးကို ရုရှားစစ်ဘက် လေယာဉ် တစ်စီးက လှည့်ပတ် ပျံသန်းခဲ့မှုကို ကနေဒါ စစ်ဘက်က ကန့်ကွက်ကြောင်း ကြေညာခဲ့သည်။

ရုရှားလေယာဉ်သည် ကနေဒါ စစ်သင်္ဘောကို ရန်လိုခြိမ်းခြောက်သည့် အခြေအနေမျိုး မရှိခဲ့သည့်တိုင် အဆိုပါ လုပ်ရပ်မျိုးသည် မလိုအပ်သည့် ရန်စမှုတစ်ခုဟု ကနေဒါ ကာကွယ်ရေးဝန်ကြီး ရော့ဘ် နစ်ကိုးလ်ဆင်က ဆိုသည်။ “လေယာဉ်က ခြိမ်းခြောက်တဲ့ အပြုအမူမျိုးတော့ မရှိခဲ့ဘူး။ ဒါပေမဲ့ ဒီလုပ်ရပ်မျိုးက အဓိပ္ပါယ်မဲ့ ရန်စမှု တစ်ခုပါ။ ဒီဖြစ်ရပ်ကနေ တင်းမာမှုတွေ ဆင့်ပွား ဖြစ်ပေါ်လာနိုင်တယ်”ဟု နစ်ကိုးလ်ဆင်က ဝေဖန်ခဲ့သည်။

HMCS Toronto သင်္ဘောသည် ဇူလိုင်လကုန်ကတည်းက ကနေဒါနိုင်ငံ၏ အတ္တလန္တစ် ကမ်းခြေမှ ခုတ်မောင်း ထွက်ခွာလာပြီး ပင်လယ်နက် ဒေသအတွင်း NATO တပ်ဖွဲ့၏ စစ်ဆင်ရေး အစီအစဉ် တစ်ရပ်တွင် ပူးပေါင်းခဲ့သည်။ သင်္ဘောပေါ်တွင် အမှုထမ်း (၂၅၀)နှင့် Sea King အမျိုးအစား ရဟတ်ယာဉ်များ တင်ဆောင်လာသည်။

ပင်လယ်နက်ထဲတွင် ကနေဒါ စစ်သင်္ဘောကို ရုရှားလေယာဉ် တစ်စီးက ချဉ်းကပ် လှည့်ပတ် ပျံသန်းခဲ့မှုအတွက် ရှုတ်ချကြောင်း အသိပေးမှုကို ကနေဒါနှင့် NAGTO တို့က ရုရှားထံ ပေးပို့ထားကြောင်းလည်း နစ်ကိုးလ်ဆင်က ပြောကြားသွားသည်။

7DayNews

ဆက်လက်ဖတ်ရှုရန်>>

သော့တံမလိုတဲ့ Bluetooth သော့အိမ်

Bluetoothစနစ် အသုံးပြုထားပြီး သော့တံမလိုတဲ့ သော့အိမ်တစ်မျိုးကို အမေရိကန်နိုင်ငံ၊ ယူတက်မြို့အခြေစိုက် Fuz ကုမ္ပဏီက ဖန်တီးခဲ့ပါတယ်။ သာမန်သော့အိမ်တွေလို သော့တံနဲ့ ဖွင့်စရာ မလိုတဲ့အတွက် Fuz ကုမ္ပဏီက သူတို့ရဲ့ သော့အိမ်ကို Noke (No key) လို့ နာမည်ပေးထားပါတယ်။ သာမန်သော့တွေက အပျောက်အရှ များတတ်ပြီး သော့ပွားရ ခက်ခဲပေမယ့် Noke သော့တွေကတော့ Bluetoothစနစ် အသုံးပြုထားလို့ အဲဒီဒုက္ခ ကင်းဝေးပါလိမ့်မယ်။

Bluetoothစနစ် အသုံးပြုထားတဲ့ Noke သော့အိမ်တွေကို iOs ဒါမှမဟုတ် Android app သုံး ပစ္စည်းတစ်ခုခုနဲ့ ဖွင့်ရမှာဖြစ်ပါတယ်။ Noke သော့အိမ် အသုံးပြုချင်တဲ့သူအနေနဲ့ Fuz ကုမ္ပဏီရဲ့ appကို သော့နဲ့ တွဲသုံးမယ့် iOs ဒါမှမဟုတ် Android ပစ္စည်းထဲ ထည့်သွင်းရမှာပါ။ ပြီးရင် သော့အိမ်နဲ့ သော့ဖွင့်မယ့် ပစ္စည်းတွေကို Bluetooth အမည်တူ ပေးရမှာဖြစ်ပါတယ်။ဒီအတွက် သော့အိမ်ကို နှစ်ယောက်မျှသုံးဖို့လည်းလွယ်ကူသွားပါတယ်။ သော့ဖွင့်ချင်တဲ့အခါ သော့အိမ်ခေါင်းကို လက်နဲ့ထိလိုက်ရင် သော့အိမ်ထဲမှာ ထည့်သွင်းထားတဲ့ ဆင်ဆာက

သော့ပိုင်ရှင် ဟုတ်၊ မဟုတ် စစ်ဆေးမှာဖြစ်ပြီး ကြိုးမဲ့ဆက်သွယ်မှု စနစ်အတွင်း သော့ပိုင်ရှင်ရှိမှ အလိုအလျောက် သော့ပွင့်မှာပါ။ Bluetooth 4.0 စနစ် အသုံးပြုထားတယ်လို့ သိရပါတယ်။

Noke သော့အိမ်တွေကို မာကျောမှု မြင့်မားတဲ့စတီးနဲ့ ပြုလုပ်ထားပြီး ဘက်ထရီမဖြည့်ဘဲ အမြဲသုံးနေရင်တောင် တစ်နှစ်ကြာ အသုံးပြုနိုင်တယ်လို့ Fuz ကုမ္ပဏီက ပြောပါတယ်။ သော့အိမ်နဲ့ ချိတ်ဆက်ထားတဲ့ ဖုန်းပဲဖြစ်ဖြစ် သော့အိမ်ပဲဖြစ်ဖြစ် ဘက်ထရီ ကုန်သွားတဲ့အခါ သော့အိမ်ခေါင်းကို လက်နဲ့ဘယ်နှစ်ချက် ဆက်တိုက်နှိပ်ရင် သော့ပွင့်သွားမယ်ဆိုတဲ့ လျှို့ဝှက်စနစ် ပါဝင်ပါတယ်။ ဖေဖော်ဝါရီလမှာ ဈေးကွက်ထဲရောက်လာမယ့် Noke သော့အိမ်တွေ ကြိုတင်မှာယူမယ်ဆိုရင် ၃၇ပေါင် ပေးချေရမှာဖြစ်ပြီး ထွက်မှဝယ်မယ်ဆိုရင် ၅၅ပေါင်လောက် ကုန်ကျမှာပါ။

Nz(ရိုးရာလေး)

Ref:Dailymail

ဆက်လက်ဖတ်ရှုရန်>>

နိုင်ငံတကာခြေစမ်းပွဲနှစ်ပွဲ ကစားလိုဟု အေဗရာမိုဗစ်တောင်းဆို

ရန်ကုန်၊ စက်တင်ဘာ ၈။ လာမည့် အောက်တိုဘာတွင် ဆူဇူကီးဖလား ခြေစစ်ပွဲဝင်ရောက် ယှဉ်ပြိုင်မည့် မြန်မာ့လက်ရွေးစင် အသင်း အနေဖြင့် ပြိုင်ပွဲမတိုင် မီ နိုင်ငံတကာခြေစမ်းပွဲနှစ်ပွဲခန့် ကစားလိုသည်ဟု မြန်မာ့လက်ရွေးစင် အသင်းနည်းပြချုပ် အေဗရာမိုဗစ်က တောင်း ဆိုခဲ့သည်။

ပုံစာ - မြန်မာ့လက်ရွေးစင် အသင်းနည်းပြချုပ် အေဗရာမိုဗစ်ကို အသင်းခေါင်းဆောင် ခင်မောင်လွင်၊ တိုက်စစ်မှူး ကျော်ကိုကိုတို့နှင့်အတူ တွေ့ ရစဉ်။ ဓာတ်ပုံ - ရဲဟိန်း

မြန်မာ့လက်ရွေးစင်အသင်း အနေဖြင့် ဆူဇူကီးဖလားခြေစစ်ပွဲတွင် လာအို၊ ကမ္ဘောဒီးယား၊ တီမော၊ ဘရူနိုင်း စသည့် အသင်း များနှင့် ငါးသင်းပတ်လည် ကစား ရမည် ဖြစ်ပြီးအုပ်စုပထမနှင့် ဒုတိယနှစ်သင်း နောက်ဆုံး အဆင့်အုပ်စုပွဲသို့ တက်ရောက် နိုင်မည် ဖြစ်သည်။

“ကျွန်တော်တို့အသင်းမှာ လက်ရှိ လူ အင်အားက အကောင်းဆုံး အနေအထား မှာ ရှိပါတယ်။ လာမယ့် ဆူဇူကီးဖလားမတိုင်ခင်မှာတော့ကစားသမား၃၅ ဦး လောက်ရွေးပြီး လေ့ကျင့်မှု ပြုလုပ်ချင်ပါ တယ်။ ဆူဇူကီးမတိုင်ခင် နိုင်ငံတကာ ခြေ စမ်းပွဲနှစ်ပွဲလောက် ကစားခွင့် ရချင်ပါတယ်။ ဒီခြေစမ်းပွဲမှာ ကစား သမားတွေရဲ့ အနေအထားကိုကြည့်ပြီး အပြီးသတ်ရွေးချယ်လို့ အဆင်ပြေမှာပါ”” ဟု အေဗရာမို ဗစ်က ပြောသည်။

မြန်မာ့လက်ရွေးစင်အသင်းမှာ ဖိလစ် ပိုင်ငြိမ်းချမ်းရေးဖလားပြိုင်ပွဲကို ဆူဇူကီး ခြေစစ်ပွဲအကြို ပြင်ဆင်မှု အဖြစ် ၀င်ရောက် ယှဉ်ပြိုင်ခြင်းဖြစ်ပြီး ယင်းပြိုင်ပွဲမတိုင်မီတွင် ဂျေ-လိဂ်ကလပ် ဆီရီဇိုအိုဆာကာ၊ ဗီယက် နမ်လက်ရွေးစင်အသင်းများနှင့် ခြေစမ်းပွဲ များ ကစားခဲ့သည်။

Mizzima

ဆက်လက်ဖတ်ရှုရန်>>

အိုစမာဘင်လာဒင်အား ပစ်ခတ်စဉ်က ၀တ်ဆင်ခဲ့သည့် US Navy SEAL တပ်ဖွဲ့ဝင်၏ အင်္ကျီအား ၉/၁၁ အမှတ်တရပြတိုက်တွင် ပြသ

၂၀၁၁ ခုနှစ်အတွင်းက ပါကစ္စတန်နိုင်ငံ၊ အဘာ့တာ ဘတ်အရပ်ရှိ အိမ်တစ်လုံးသို့ US Navy SEAL တပ်ဖွဲ့က ၀င်ရောက်စီးနင်းခဲ့ပြီး အယ်လ်ခိုင်ဒါခေါင်းဆောင် အိုစမာဘင်လာဒင်အား ပစ်ခတ်ခဲ့သည့် တပ်ဖွဲ့ဝင်၏ အင်္ကျီအား ၉/၁၁ အမှတ်တရပြတိုက်တွင် ပြသလိုက်ကြောင်း သိရသည်။

အဆိုပါ Navy SEAL တပ်ဖွဲ့ဝင်သည် အိုစမာဘင်လာဒင်အား သေနတ်ဖြင့် သုံးချက်ပစ်ခတ်ခဲ့စဉ်က ယင်းအင်္ကျီကို ၀တ်ဆင်ထားခဲ့ခြင်းဖြစ်သည်။

လုံခြုံရေးအတွက် ၎င်း၏ အမည်အား ထုတ်ဖော် ပြောကြားခဲ့ခြင်းမရှိသကဲ့သို့ ယခုပြသထား သည့် အင်္ကျီတွင်လည်း အမည်အား ရေးသားထားခြင်းမရှိပေ။

အဆိုပါအင်္ကျီအား ပြတိုက်တွင် ထားရေးအတွက် ကြားဝင်ဆောင်ရွက်ပေးခဲ့သူ လွှတ်တော်အမတ် ကာရိုလင်းမာရိုနေက “အကြမ်းဖက်နှိမ်နှင်းရေး စစ်ပွဲတွေ အတွက် အသက်တွေကို ရင်းနှီးမြှုပ်နှံထားတဲ့ အမျိုးသား၊အမျိုးသမီးတွေရဲ့ သတ္တိတွေကို ဂုဏ်ပြုပြီး ၉/၁၁ တိုက်ခိုက်ခံရမှုကို အမှတ်တရ ရှိစေဖို့အ တွက် Seal Team Six တပ်ဖွဲ့ဝင်က သူ့အင်္ကျီကို ပြတိုက်အတွက် လှူဒါန်းခဲ့ခြင်း ဖြစ်ပါတယ်” ဟု ပြောကြားသည်။

Ref:India Today

ဆက်လက်ဖတ်ရှုရန်>>

ဂန်းနား တစ်ယောက်ကဲ့သို့ အမြဲခံစားနေရဟု ချယ်လ်ဆီး ကွင်းလယ်လူ ဖာဘရီဂတ်စ် ထုတ်ဖော်

လန်ဒန်၊ စက်တင်ဘာ ၉။ နွေရာသီ အပြောင်းအရွှေ့ ကာလတွင် အာဆင်နယ်၏ လန်ဒန်မြို့ခံပြိုင်ဘက် ချယ်လ်ဆီး အသင်းသို့ ပေါင်သန်း ၃၀ ဖြင့် ပြောင်းရွှေ့ ခဲ့ သော်လည်း မိမိကိုယ်ကိုယ် 'ဂန်းနား'(အာဆင်နယ် အသင်း၏ အမည်ပြောင်) တစ်ယောက် အဖြစ် အမြဲ မှတ်ယူ ထားကြောင်း ကွင်းလယ်လူ ဖာဘရီဂတ်စ်က ထုတ်ဖော် ၀န်ခံ လိုက်သည်။

စပိန် ကွင်းလယ် ကစားသမားသည် စတမ်းဖို့ဒ် ဘရစ်ခ်ျတွင် ခြေစွမ်းပြနေပြီး လက်ရှိရာသီတွင် အသင်းဖော်များ ဂိုးသွင်း နိုင်အောင် လေးကြိမ် ပံ့ပိုးပေး ထားသည်။ ဖာဘရီဂတ်စ်သည် ငယ်ဘ၀ကလပ် ဘာစီလိုနာမှ ပြောင်းရန် ပြင်ဆင်စဉ်က အသင်းဟောင်း အာဆင်နယ်သို့ ပြန်လည် ပြောင်းရွှေ့လိုခဲ့သော်လည်း ချယ်လ်ဆီး ကို ရွေးချယ် လိုက်ခြင်း ဖြစ်သည်။

"ကိုယ့်ကိုယ်ကိုယ် ဂန်းနား တစ်ယောက်လို အမြဲခံယူထားပြီး အာဆင်နယ်ရဲ့ အမ်းမရိတ်စ်ကွင်းထဲပြန်ရောက်တဲ့အခါ ထူးခြားတဲ့ အခိုက်အတန့် ဖြစ်လာမယ် ဆိုတာကို သိထားပေမယ့် ကျွန်တော် ကိုယ့်ကိုယ်ကိုယ် ထိန်းချုပ်နိုင်မှာပါ။ ကျွန်တော် အဲဒီအသင်းမှာ ဘာစီလိုနာနဲ့ ချန်ပီယံလိဂ် ဖိုင်နယ် ကစားရတာကို မှတ်မိနေတယ်။ ဘာစီလိုနာ ဟာ ကျွန်တော် ငယ်ငယ်လေး ကတည်းက အားပေးခဲ့၊ ကစားခဲ့ဖူးတဲ့ အသင်းဖြစ်ပေမဲ့ အဲဒီပွဲမှာတော့ အာဆင်နဲ့နဲ့ အတူနိုင်ပွဲရယူ ချင်ခဲ့တယ်ဆို တာ ကျွန်တော် ကျိန်ပြောဝံ့ပါတယ်။ ဒါကြောင့် ကျွန်တော် အာဆင်နယ်ကို ပြိုင်ဘက် အဖြစ်ရင်ဆိုင်ရတဲ့ အခါမှာလည်း လက်ရှိမှာ ကျွန်တော် ဘယ်အသင်း အတွက် ကစားနေတယ်၊ အသင်းဖော်တွေက ဘယ်သူ၊ ဘယ်အသင်းအတွက် အကာအကွယ် ပေးနေတယ် စတာတွေကို အာဆင်နယ် ပရိသတ်တွေ နားလည်ပေး နိုင်မယ် ဆိုတာကို အကြွင်းမဲ့ ယုံကြည်ပါတယ်"ဟု ဖာဘရီဂတ်စ်က အယ်လ်ပိုက်စ် သို့ပြောသည်။

အဆိုပါကွင်းလယ်ကစားသမားသည် အာဆင်နယ်တွင်ကစားစဉ်က ချယ်လ်ဆီးနှင့်တွေ့သည့်ပွဲများတွင် ပြဿနာများစွာရှိခဲ့သော် လည်း အဆုံးသတ်တွင် ချယ်လ်ဆီး သို့ရောက်သွားသဖြင့် အံ့အားသင့်ဖွယ်ဖြစ်ခဲ့ရသည်။ "လွန်ခဲ့တဲ့ငါးနှစ်လောက်က ကျွန်တော့်ကို ချယ်လ်ဆီး အသင်းမှာ မော်ရင်ဟိုလက်အောက်မှာ ကစားရမယ်လို့ လာပြောတဲ့သူရှိရင် သူ့စကားကိုယုံမိမှာမဟုတ်ပါဘူး။ ဒါပေမဲ့ ဒါဟာ ဘ၀ပါပဲ။ ကျွန်တော့်အေးဂျင့်ကို အသင်းရှာပေးဖို့ ကျွန်တော်ပြောခဲ့တယ်။ ချယ်လ်ဆီးက ကမ်းလှမ်းလာတယ်။ လန်ဒန်ကိုပြန်ရမယ်၊ ပြီးတော့ ကျွန်တော် အကောင်း ဆုံး စွမ်းဆောင်နိုင်ခဲ့တဲ့မြို့။ ဒီလောက်ကောင်းတဲ့ ထွက်ခွာမှုမျိုး မရှိတော့ဘူး။ မော်ရင်ဟိုနဲ့စကားပြောကြည့်တော့လဲ သူပြောတာ က ကျွန်တော်ကြားချင်တဲ့ စကားတွေ။ တန်ဖိုးထားခံရသလို ခံစားရတယ်။ ကျွန်တော်က တစ်စုံတစ်ရာ အရေးပါနေတဲ့ အစိတ်အပိုင်းတစ်ခုလို ခံစားလိုက်ရတယ်"ဟု ဖာဘရီဂတ်စ်က ချယ်လ်ဆီးသို့ရောက်ဖြစ်ခဲ့ခြင်းအပေါ် ရှင်းပြသည်။

Ref: Daily Mail

ဆက်လက်ဖတ်ရှုရန်>>

တစ်ကမ္ဘာလုံး အင်တာနက်အသုံးပြုနိုင်ရန် ဖေ့ဘွတ်ကုမ္ပဏီက ဒေါ်လာဘီလျံနှင့်ချီ၍ သုံးစွဲမည်

ကမ္ဘာပေါ်မှ လူအားလုံး အသုံးပြုနိုင်ရန် Facebook Inc(FB.O) က ဒေါ်လာဘီလျံနှင့်ချီ သုံးစွဲ သွားမည်ဟု ဖေ့စ်ဘွတ်၏ အမှုဆောင်အရာရှိချုပ် မာ့ခ်ဇက်ကာဘာ က ပြောကြားသည်။

“ကျွန်တော်တို့ ဖြစ်စေချင်တာကတော့ ကမ္ဘာပေါ်က လူတွေ တစ်ဦးနဲ့ ချိတ်ဆက်နိုင်ဖို့ပါပဲ။ ဒီလိုအခြေ အနေဖြစ်လာဖို့ ဖေ့စ်ဘွတ်အနေနဲ့ လာမယ့်ဆယ်စုနှစ် အတွင်းမှာ ဒေါ်လာ ဘီလျံနဲ့ချီသုံးစွဲ လိုက်ရင် ရေရှည်မှာ ကျွန်တော်တို့အတွက်ရော ကမ္ဘာကြီးအတွက်ပါ ကောင်းသွားမှာပါ” ဟု ဇက်ကာဘာက ပြောကြားသည်။

၂၀၁၄ ခုနှစ်တွင် ကမ္ဘာပေါ်၌ အင်တာနက်အသုံးပြုသူ ၃ ဘီလျံအထိ ရှိလာနိုင်ကြောင်း International Telecommunications Union (ITU) က ထုတ်ပြန်ထား သည်။ ၎င်းတုိ့အနက် ၁ ဒသမ ၃ ဘီလျံခန့်မှာ ဖေ့စ်ဘွတ်အသုံးပြုသူများဖြစ်ကြောင်း သိရသည်။

ကမ္ဘာပေါ်တွင် အကြီးဆုံးလူမှုကွန်ရက်ကုမ္ပဏီဖြစ်လာသည့် ဖေ့စ်ဘွတ်က ဖုန်းအော်ပရောတာများနှင့် ပူးပေါင်းကာ အာဖရိကနှင့်အာရှတိုက်များတွင် အင်တာနက် အသုံးမပြုနိုင်သူများအတွက် Internet.org ကို ၂၀၁၃ ခုနှစ်အတွင်းက စတင်ခဲ့ပြီး ဘီလျံနှင့်ချီသော လူများ ဆက်သွယ်နိုင်ရန် ကြိုးပမ်းခဲ့သည်။

“အင်တာနက်ကို လူတိုင်းအသုံးပြုနိုင်မယ်ဆိုင် ကျွန်တော်တို့အားလုံးရဲ့ စီးပွားရေးလုပ်ငန်းတွေ ပိုမို တိုးတက်လာစေနိုင်ပါတယ်” ဟု ဇာကာဘာ က ပြောကြားခဲ့သည်။

Ref: Reuters

ဆက်လက်ဖတ်ရှုရန်>>

အမေရိကန်ဂျာနယ်လစ်နှစ်ဦးကို သတ်ဖြတ်ခဲ့သည့် IS အဖွဲ့ဝင် ဗြိတိန်နိုင်ငံသား၏ နောက်ကြောင်းကို အမ်အိုင်-၅ ထောက်လှမ်းရေးအဖွဲ့က ခြေရာခံမိ

အမေရိကန်ဂျာနယ်လစ်နှစ်ဦးဖြစ်သည့် ဂျိမ်းစ်ဖိုလေနှင့် စတီဗင်ဆော့လော့ဖ်ကို ခေါင်းဖြတ်သတ်ဖြတ် ခဲ့ သည့် အစ္စလာမ္မစ်စစ်သွေးကြွ IS အဖွဲ့ဝင်မှာ ဗြိတိန်နိုင်ငံ သား ဂျီဟာဒီဂျွန်ဆိုသူဖြစ်ကြောင်း အမ် အိုင်-၅ ထောက်လှမ်းရေးအဖွဲ့က ရာနှုန်းပြည့်နီးပါး ယုံကြည်ထားကြောင်း ထုတ်ပြန်ထားသည်။

ဂျီဟာဒီဂျွန်သည် IS အဖွဲ့အတွက် ရန်ပုံငွေရှာဖွေပေးခြင်း၊ သွားရောက်ပူးပေါင်းခြင်းတို့ မလုပ်ဆောင်မီ က အာရပ်လူမှုရေးအဖွဲ့အစည်း များအတွက် ငွေကြေးစုဆောင်းပေး ခဲ့သည်။

ဂျီဟာဒီဂျွန် အရှေ့အလယ်ပိုင်းဒေသသို့ ထွက်ခွာမသွားမီနှင့် အမေရိကန်ဂျာနယ်လစ်နှစ်ဦး အား ခေါင်းဖြတ်မသတ်မီက အကြမ်းဖက်နှိမ်နှင်းရေးအဖွဲ့ခေါင်းဆောင် များက ၎င်းအား စောင့်ကြည့်ခဲ့ကြ သည်။

ဂျီဟာဒီသည် လန်ဒန်အခြေစိုက် အာရပ်အကူအညီပေးရေးအဖွဲ့အစည်းများအတွက် ငွေကြေးစု ဆောင်းသူအဖြစ် ဆောင်ရွက်ခဲ့ကြောင်း အမ်အိုင်-၅ ထောက် လှမ်းရေး အဖွဲ့က ထုတ်ပြန်ခဲ့သည်။

သို့သော် ဂျာနယ်နှစ်ဦးအား ခေါင်းဖြတ်သတ်သည့် ဗီဒီယိုအတွင်း ပါလာသည့်စကားသံသည် ခေါင်း ဖြတ်သူ၏ အသံဟုတ်၊မဟုတ်ကို သံသယဖြစ်မှုအချို့လည်း ရှိနေသေးသည်။ ထို့ပြင် ဆော့တ်လော့က အသတ်မခံရမီ အမေရိကန်အစိုးရသို့ ပြောကြားခဲ့သည့် စကားကဲ့သို့ ဗီဒီယိုတွင်းမှ အစိတ်အပိုင်းအချို့ သည် ဖန်တီးထားမှုများလည်း ဖြစ်နိုင်ကြောင်း သုံးသပ်မှုများလည်း ရှိနေသည်။

မည်သို့ပင်ဖြစ်စေ ဂျီဟာဒီဂျွန်သည် အီရတ်နှင့်ဆီးရီးယားစစ်မြေပြင်သို့ ရောက်ရှိနေသည့် ဗြိတိန် အစိုးရက အလိုရှိနေသူ ရာပေါင်းများစွာအနက်မှ တစ်ဦးဖြစ် သည်။

ဂျီဟာဒီဂျွန်နှင့်ပတ်သက်၍ စုံစမ်းမှုများ ပြုလုပ်ရန် ဗြိတိန်နိုင်ငံတွင် ရောက်ရှိနေသော အမေရိကန် အက်ဖ်ဘီအိုင်အရာရှိများထံ ၎င်း၏အချက်အလက်များအား အမ် အိုင်-၅ က လွှဲပြောင်းပေးထား ကြောင်း သိရသည်။

ဂျိမ်းစ်ဖိုလေ

Ref:The Mirror

ဆက်လက်ဖတ်ရှုရန်>>

ဘီလ်ဘာအိုနှင့် ပွဲစဉ်တွင် မက်ဆီ ဂိုးလေးရာ ပြည့်မြောက်ဖွယ်ရှိ

ကမ္ဘာကျော်ဘောလုံးသမားမက်ဆီသည် လာမည့်စနေနေ့တွင် ဘီလ် ဘာအိုနှင့်ယှဉ်ပြိုင်ရမည့်ပွဲစဉ်၌ ကစားသမားဘ၀ တစ်လျှောက်ဂိုးလေးရာပြည့်မြောက် သွားဖွယ်ရှိနေသည်။

အသက် ၂၇ နှစ်အရွယ်ရှိမက်ဆီသည် ယခုအချိန်တွင် ဂိုးပေါင်း ၃၉၈ဂိုးသွင်း ယူခဲ့ပြီး ဖြစ်သည်။ စပိန်နေ့စဉ်ထုတ် သတင်းစာ Mundo Deportivo ကမက်ဆီ သည် ဘီလ်ဘာအိုနှင့်ပွဲစဉ်တွင် အားကစားလောက၏ပါရမီရှင်တစ်ဦးဖြစ်လာနိုင်ကြောင်း ချီးကျူးရေးသားထားသည်။

မက်ဆီသည် ဘာစီလိုနာအသင်းအတွက် ၃၅၆ ဂိုးသွင်းယူထားပြီးအာဂျင်တီးနားလက်ရွေးစင်အသင်းအတွက် ၄၂ ဂိုးသွင်းယူပေထား သည်။

အာဂျင်တီးနား အသင်းကို ကမ္ဘာ့ဖလားတွင် ဒုတိယဆုရရှိစေ ရန်စွမ်းဆောင်ပေး ခဲ့သည့်မက်ဆီသည် ပြိုင်ပွဲ၏အကောင်း ဆုံးကစားမားဆု ကိုအငြင်းပွားဖွယ် ရရှိခဲ့သူလည်း ဖြစ်သည်။

ဘာစီလိုနာအသင်းက ဗီလာရီးယဲလ်အသင်းကို အနိုင်ရခဲ့သည့်ပွဲစဉ်တွင် မက်ဆီသည်ပေါင်ခြံဒဏ်ရာအနည်းငယ်ရရှိခဲ့သည့်တွက်ဂျာမနီ၂-၄အာဂျင်တီးနားချစ် ကြည်ရေးခြေစမ်းပွဲစဉ်ကိုလွဲချော်ခဲ့ရသည်။ သို့သော် လာမည့်ဘီလ်ဘာအိုနှင့် ပွဲစဉ်တွင် ပြန်လည်ပါဝင်နိုင်မည် ဖြစ်သည်။

ယခုရာသီအတွက်လိဂ်ပြိုင်ပွဲဂိုးကို အယ်လ်ချီနှင့်ပွဲစဉ်တွင် သွင်းယူခဲ့ပြီးဖြစ်သည်။မက်ဆီသည် ဘာစီလိုနာအသင်းအတွက် လာလီဂါပွဲစဉ် ၂၄၀ ကစားခဲ့ရာတွင် ၂၄၅ဂိုးသွင်းယူထားနိုင်ပြီး လာလီဂါသမိုင်းတစ်လျှောက်စတုတ္ထဂိုးအများဆုံးသွင်းသူအဖြစ် ရပ်တည်နေသည်။

ပြီးခဲ့သည့်နှစ်က စီရော်နယ်ဒိုမှာ ကမ္ဘာ့အကောင်းဆုံးဘောလုံးသမားဆုကိုရရှိခဲ့သည့်အတွက် မက်ဆီမှာ မှေးမှိန်နေခဲ့ရသည်။ သို့သော်အသစ်ထွက်ရှိလာသည့် ဖီဖာ ၁၅ ဂိမ်းအသစ်တွင်မက်ဆီ၏စွမ်းရည်စုစုပေါင်းတန်ဖိုးမှာ ၁၀၀ တွင် ၉၂ အထိရှိပြီးအမြင့်ဆုံးအဖြစ်သတ် မှတ်ခံ ထားရသည်။

မက်ဆီ၏သွင်းဂိုးများ

ဘာစီလိုနာ ပွဲ ဂိုး

လာလီဂါ ၂၄၀ ၂၄၅

ပြည်တွင်းဖလားပွဲများ - ၃၉

ချန်ပီယံလိဂ် ၈၆ ၆၇

ဖီဖာကမ္ဘာ့ကလပ် ၄ ၄

UEFA စူပါဖလား ၃ ၁

အာဂျင်တီးနား ၉၃ ၄၂

ရည်ညွှန်း ဒေးလီးမေးလ်

ဆက်လက်ဖတ်ရှုရန်>>

နီကာရာဂွာနိုင်ငံ မြို့တော်အနီးသို့ ဥက္ကာခဲတစ်ခု ကျရောက်

နီကာရာဂွာနိုင်ငံ၊ မာနာဂူရာ မြို့တော်တွင် မြို့ခံများ ထိတ်လန့်ခဲ့ရသည့် အမျိုးအမည်မသိ ပေါက်ကွဲသံကြီးမှာ ဥက္ကာခဲတစ်ခု ကျရောက်မှုကြောင့်ဟု အစိုးရ တာဝန်ရှိသူများက ပြောကြားခဲ့သည်။

စက်တင်ဘာ (၆)ရက် ညပိုင်းက ဒေသခံများသည် အလွန်ကျယ်လောင်သည့် ပေါက်ကွဲသံကြီး တစ်ခုကို ကြားခဲ့ရပြီးနောက် ကောလာဟလ သတင်းအမျိုးမျိုး ပျံ့နှံ့ခဲ့သည်။ နောက်ပိုင်း စစ်ဆေးမှုများအရ မာနာဂူရာရှိ နိုင်ငံတကာ လေဆိပ်၏ အပြင်ဘက် သစ်တောဧရိယာအတွင်း ဥက္ကာခဲတစ်ခု ကျရောက်ခဲ့၍ဟု ဖော်ထုတ် တွေ့ရှိခဲ့သည်။

သို့သော်လည်း ပေါက်ကွဲမှု ဖြစ်ပွားသည့် အချိန်တဝိုက်တွင် ကောင်းကင်ယံ၌ ထူးခြားသော မြင်ကွင်း တစ်စုံတစ်ရာ မရှိခဲ့ဟု မြို့ခံများက ဆိုသည်။ “အဲဒီအချိန်လောက်တုန်းက အိမ်ရှေ့ဆင်ဝင်မှာ ထွက်ထိုင်နေတာပဲ။ ဘာမှမတွေ့လိုက်ပါဘူး။ ရုတ်တရက် အသံ အကျယ်ကြီး ကြားလိုက်ရတယ်။ ပထမတော့ ဗုံးလို့ ထင်မိလိုက်ပါသေးတယ်။ ပေါက်ကွဲတဲ့ တုန်ခါလှိုင်းမျိုး ခံစားမိလို့ပါ”ဟု လေဆိပ်အနီးတွင် နေထိုင်သည့် ဂျော့ဂ်ျ ဆန်တာမာရီယာက ပြောကြားခဲ့သည်။

အလယ်ပိုင်း အာဖရိကဒေသရှိ နိုင်ငံ၏ အစိုးရ ပြောရေးဆိုခွင့်ရ အမျိုးသမီး ရိုဆာရီယို မာရယ်လိုက ကော်မရှင်ဖွဲ့ စစ်ဆေးမှုများအရ သေးငယ်သည့် ဥက္ကာခဲတစ်ခု ကျရောက်ခြင်းဟု ဖော်ထုတ်နိုင်ခဲ့ကြောင်း ဆိုသည်။ သူမက အဆိုပါ ဥက္ကာခဲသည် ကမ္ဘာအနီး ဖြတ်သန်းသွားသည့် ဥက္ကာခဲကြီး တစ်ခုခုမှ ပဲ့ထွက် လွင့်စင်လာခြင်း ဖြစ်နိုင်ကြောင်းလည်း မှတ်ချက်ပေးခဲ့သည်။ သို့သော်လည်း ဖြစ်ရပ်ကို အသေးစိတ် အဖြေထုတ်နိုင်ရန်အတွက် နီကာရာဂွာ အစိုးရ အနေဖြင့် နိုင်ငံတကာ ကျွမ်းကျင်သူများကို အကူအညီ တောင်းခံသွားရန် စီစဉ်ထားကြောင်းလည်း သိရသည်။

စုံစမ်းရေး ကော်မတီတွင် ပါဝင်သည့် မီးတောင်ပညာရှင် တစ်ဦးက ကျရောက်လာသည့် ဥက္ကာခဲသည် အချင်း (၃၉)ပေနှင့် အမြင့် (၁၆)ပေရှိကြောင်း ဆိုသည်။ ၎င်းက ဥက္ကာခဲသည် ပျက်စီး ပြိုကွဲသွားခြင်း၊ သို့မဟုတ် မြေကြီးထဲ နစ်မြုပ်သွားခြင်းနှင့် ပတ်သက်၍ မည်သို့ ဖြစ်ပျက်သွားသည်ကိုမူ တိတိကျကျ ဖြေကြားမသွားခဲ့ချေ။

_Ref: Independent.ie

ဆက်လက်ဖတ်ရှုရန်>>

ဓမ္မစေတီခေါင်းလောင်းဆယ်ယူမှုမှာ စက်တင်ဘာ ၈ရက်တွင် တစ် လပြည့်ပြီဖြစ်သော်လည်း ထူးခြားမှုတစ်စုံတစ်ရာမရှိသေး

ရန်ကုန်၊

ဓမ္မစေတီ ခေါင်းလောင်းဆယ်ယူမှုမှာ စက်တင် ဘာ ၈ ရက်တွင်တစ်လပြည့်ပြီ ဖြစ် သော်လည်း ထူးခြားမှုတစ်စုံတစ်ရာ မရှိသေးကြောင်း သိရသည်။

ခေါင်းလောင်းရှာဖွေမှု အတွက် ဦးစံလင်းတို့အဖွဲ့မှ သြဂုတ်လ ၈ ရက်တွင် ဗညားလတ်သုံးထပ်သင်္ဘော နှင့်ပရိတ်ရွတ်ခြင်းများပြုလုပ်၍ ရန် ကုန်ဆိပ်ကမ်းမှ ယခုခေါင်းလောင်း တူးဖော်ရာနေရာသို့ စတင်ထွက်ခွာ ခဲ့ပြီး သြဂုတ်လ ၉ရက်တွင် ရေထဲ သို့ စဆင်းကာ ယခုစက်တင်ဘာလ ၈ ရက်တွင် တစ်လပြည့်မြောက်ခဲ့ပြီ ဖြစ်ကြောင်း သိရသည်။

''ဘာမှထူးခြားတာတော့ မရှိ သေးပါဘူး။ အခုလက်ရှိသူတို့အား လုံး ကျန်းကျန်းမာမာနဲ့ တူးဖော်မှု ကို ဆက်လက် လုပ်ဆောင်နေတယ်။ အင်တာနက်မှာ ကရိန်းကြိုးနဲ့ ခေါင်း လောင်း

သယ်တယ်ဆိုတာကလဲ ကော လာဟလတွေပါ''ဟု ပြန်ကြားရေး အဖွဲ့မှ ဦးကြည်ဝင်းက ပြောသည်။

ဦးစံလင်းမှာ ခေါင်းလောင်းတွေ့ ရှိပြီဖြစ်ပြီး နှစ်ပတ်အတွင်း ကုန်းပေါ် အရောက်တင်မည်ဟု ဇူလိုင် ၂၅ ရက် တွင်ပြုလုပ်သော သတင်းစာရှင်းလင်း ပွဲတွင် ပြောကြားထားပြီး သြဂုတ် ၂၆ရက်တွင်လည်း ပြန်ကြားရေးအဖွဲ့ မှ ခေါင်းလောင်းတွေ့ရှိပြီဟု သတင်း ထုတ်ပြန်ခဲ့သည်။ 

သို့သော် ခေါင်းလောင်းတည်ရှိ ရာနေရာနှင့် မည်သို့မည်ပုံ ဆယ်ယူ မည်ဆိုသည်ကို အတိအလင်း သတင်း ထုတ်ပြန်ခြင်းများ လုပ်ဆောင်ခြင်း မရှိသေးကြောင်း သိရသည်။

''ယုံတဲ့သူလဲ ရှိသလို မယုံတဲ့ သူလဲရှိတယ်။ သူတို့အနေနဲ့လဲ မတွေ့ ဘဲနဲ့တော့ သိန်းထောင်ချီအကုန်ခံ တူးမှာမဟုတ်ဘူး။ အဲတော့ စောင့် ကြည့်ရမှာပဲ။ ဘယ်သူမှ အတိအကျ ပြောနိုင်တာမဟုတ်ဘူး'' ဟု ခေါင်း လောင်းဆယ်ယူရာနေရာသို့ လာ ရောက်ကြည့်ရှုသူ ဦးခင်စိုးက ပြော သည်။

ခေါင်းလောင်းတူးဖော်ရာ နေရာ အနီးတစ်ဝိုက်တွင် သာသနာ့အလံ လွှင့်ထူထားသော ရေယာဉ်ငယ်တစ်စီး မှလည်း အနီးတစ်ဝိုက်သို့ လှည့်လည် သွားလာနေကြောင်း သိရသည်။

သောင်တူးခြင်းလုပ်ငန်းကို ရေ ကျချိန်တွင်ပြုလုပ်ကာ သံမဏိကြိုး နှစ်ကြိုးကိုရေထဲသို့ ချထားကြောင်း လည်း သမ္ဗန်သမား ကိုထွန်းအောင် ကပြောသည်။

''ရေကျချိန်ဆိုရင် သောင်တူး ပြီး ရေငုပ်တာတွေလုပ်တာ တွေ့ တယ်။ သံမဏိကြိုးတွေကိုလဲ ရေ ထဲကို လျှော့ပြီးချထားတာ တွေ့ရ တယ်။ ရေငုပ်ချိန်ဆိုရင်တော့ သမ္ဗန် လေးထွက်လာတယ်''ဟု ယင်းက ဆက်လက်ပြောသည်။

ယင်းအပြင် ယခုရက်ပိုင်းအ တွင်းကလည်း ခေါင်းလောင်းကြီး ဆယ်ယူရရှိနေပြီဆိုပြီး ရိုက်ကူးထား သည့်ဓာတ်ပုံများလည်း ဖေ့စ်ဘွတ်ခ် စာမျက်နှာများတွင် ပျံ့နှံ့လျက်ရှိနေ ကြောင်းလည်း သိရသည်။

''ဒီပုံတွေကဖိုတိုရှော့လား၊ အ မှန်လားတော့မသိဘူး။ ခေါင်းလောင်း ပုံနဲ့တော့တူတယ်။ အမှန်တကယ် ဆိုရင်တော့ သတင်းထုတ်ပြန်မှာပေါ့။ အဝေးက ရိုက်ထားတာဆိုပေမယ့် အနီးကပ်ဆိုရင် ခေါင်းလောင်းပုံက အတော်ကြီးတဲ့ပုံပဲ။ အမှန်ဆိုရင် တော့ အနီးကပ်ကြည့်ချင်တယ်'' ဟု ဖေ့စ်ဘွတ်ခ်သုံးစွဲသူ ကိုသက်နိုင်က ပြောသည်။

ယင်းနှင့်ပတ်သက်ပြီး ခေါင်း လောင်းဆယ်ယူရေး ပြန်ကြားရေးအ ဖွဲ့မှတာဝန်ရှိသူ ဦးကြည်ဝင်းက ''ဒီဓာတ်ပုံက အမှန်မဟုတ်ပါဘူး။ အဲ ဒီလောက်လဲ မလွယ်ကူပါဘူး။ အမှန် တကယ်ဆယ်ယူရရှိပြီဆိုရင် သတင်း ထုတ်ပြန်ပေးမှာပါ'' ဟု ပြောသည်။

ခေါင်းလောင်းတူးဖော်မှုလုပ်ငန်း ကို ဆက်လက် လုပ်ဆောင်လျက်ရှိပြီး အေးရှားပွိုင့်ဘိုးလိန်းဝင်းအတွင်း လာရောက်ကြည့်ရှုသူ သိသာစွာ လျော့ကျသွားကြောင်းလည်း သိရ သည်။

လက်ရှိတွင် ခေါင်းလောင်းကို ကြိုးသိုင်းမှုလုပ်ငန်းများ လုပ်ကိုင် လျက်ရှိနေပြီး တူးဖော်ရရှိပါက ရွှေတိဂုံစေတီတော်တွင် ပြန်လည် တင်လှူမည်ဟုလည်း ခေါင်းလောင်း ဆယ်ယူရေးပြန်ကြားရေးအဖွဲ့က သတင်းထုတ်ပြန်ထားသည်။

အဆိုပါ ဓမ္မစေတီခေါင်း လောင်းဆယ်ယူမှုလုပ်ငန်းများကို ပြီးခဲ့သည့် သြဂုတ် ၈ရက်နေ့က စတင်လုပ်ကိုင်ခဲ့ခြင်းဖြစ်ပြီး ယင်း ခေါင်းလောင်းကြီး ဆယ်ယူရန်အ တွက် ရေငုပ်သမားဆယ်ဦး အပါ အဝင်အဖွဲ့ဝင် ၈ဝဖြင့် လုပ်ဆောင် ခဲ့ခြင်းဖြစ်သည်။

MTZ

Democracytoday

ဆက်လက်ဖတ်ရှုရန်>>

ရိုဟင်ဂျာ ဆိုသူများနှင့် KIA/KIOမှ ဗိုလ်မှူးကြီး ဂျိမ်းစ်တွေ့ဆုံ

၂၀၁၄ ခု မတ်လ ၂ ရက်နေ့မှာ RSO တာဝန်ခံ ၊ ဘင်္ဂါဘီများနှင့် KIA/KIO မှ ဗိုလ်မှူးကြီး ဂျိမ်းစ် ၊ 

BRAT မှ ဦးမောင်ကျော်နု ၊ Abdul Mah Boud ၊ Younus Grameya ၊ Abdu Slam ၊ 

Nassir Ahamed ၊ Anwar Arkani ၊ Koir Khan ၊ Mamuda ၊ Deen Mohamed (ဧည့်သည် ) တို့ တွေ့ဆုံခဲ့ကြပါသည် ။

ထိုတွေ့ဆုံပွဲတွင် ရိုဟင်ဂျာ ဆိုသူများမှ ကချင်ပြည်နယ်တွင် ရိုဟင်ဂျာ

တပ်မတော်အဖြစ် တည်ထောင်ရန် ၊ တပ်နေရာ အခိုင်အမာ ပေးရန် နှင့်

၎င်းတို့သည်လည်းတိုင်းရင်းသားများ ဖြစ်သဖြင့် တိုင်းရင်းသားအခွင့်အရေး ရရှိရန်

တိုက်ပွဲဝင်လိုကြောင်း ၊ KIA/KIO အဖွဲ့အစည်းများနှင့်ပူးပေါင်းပြီး

မြန်မာ့ အစိုးရအား တိုက်ခိုက်လိုကြောင်းများ ပြောဆိုဆွေးနွေးခဲ့ကြပါသည် ။

အစိုးရနှင့် တိုင်းရင်းသားလက်နက်ကိုင် အဖွဲ့အစည်းများအကြား ငြိမ်းချမ်းရေးအတွက်

တစ်နိုင်ငံလုံး အပစ်အခတ်ရပ်ဆဲရေး ဆွေးနွေးပွဲများ အပြီးတွင်

၉၀ ရာခိုင်နှုန်း သဘောတူညီမှုများ ရှိနေသော်လည်း ၊

ယခုအခါ ရိုဟင်ဂျာ ဆိုသူများနှင့်လက်ခံတွေ့ဆုံ ဆွေးနွေးမှုများရှိနေခဲ့ကြပါတယ် ။

သြဂုတ်လ ၁၅ ရက်နေ့တွင် ပြည်ထောင်စု ငြိမ်းချမ်းရေးဖော်ဆောင်ရေး

လုပ်ငန်းကော်မတီ(UWPC)နှင့် တိုင်းရင်းသားလက်နက်ကိုင်အဖွဲ့ များ၏

တစ်နိုင်ငံလုံး အပစ်အခတ်ရပ်ဆဲရေးဆိုင်ရာ

ညှိနှိုင်းရေးအဖွဲ့ (NCCT) တို့နှင့်တစ်နိုင်ငံလုံး အပစ်အခတ်ရပ်ဆဲရေးစာချုပ် (မူကြမ်း) အတွက်ဆွေးနွေးပွဲကိုမေ့လျော့နေပြီဟု သုံးသပ်ရပါတယ် ။

ငြိမ်းချမ်းရေး နှင့် တစ်နိုင်ငံလုံး အပစ်အခတ်ရပ်ဆဲရေး ကို မလိုလားသော အပြုအမှုများ ရှိနေပြီလားဟု မေးခွန်း ထုတ်စရာ ဖြစ်လာပါတယ် ။ ထိုကဲ့သို့ ရိုဟင်ဂျာ ဆိုသူများ၏

ကမ်းလှမ်းမှုများကိုသဘောတူ ကြည်ဖြူစွာဖြင့် လိုက်လျောမည်ဆိုပါက

ငြိမ်းချမ်းရေး ဆွေးနွေးပွဲများသို့ ကြိမ်ဖန်များစွာ တက်ရောက်နေသော KIA

ဒုတိယ စစ်ဦးစီးချုပ်ဂွမ်မော် မသိကျိုးကျွန်ပြုနေသည်လားဆိုတာ 

စဉ်းစားရခက်ပါတယ် ။ ကချင်ပြည်နယ် အတွင်းမှာ ၂ နှစ်ကျော် ပြည်တွင်းစစ်များကြောင့် ဒုက္ခရောက်နေသော မိမိ တိုင်းရင်းသားများအပေါ် ငဲ့ညာမှုသည်

တိုင်းတပါးသား ဘင်္ဂလီတို့အား မိမိတို့နယ်မြေခွဲဝေပေးပြီး နောက်ဆုံးချိန်တွင်

တစ်နိုင်ငံလုံးအား အုပ်စိုးသွားစေရန် ရည်ရွယ်ကြံစောင်နေသကဲ့ သို့ဖြစ်နေပါသည် ။

အလားတူ ရိုဟင်ဂျာ ဆိုသည့် အမည်နာမသည် မြန်မာနိုင်ငံတွင် ဘယ်သော အခါမှ

တိုင်းရင်းသား စာရင်း သွင်းထားခြင်း မရှိခဲ့တာကို

• နဂါးမင်း(၀ါ) ကုလားပြေး စစ်ဆင်ရေး (၁၉၇၈ – ခု မေလ(၅)ရက်နေ့မှ ဇွန်လ (၅)ရက်)နှင့်

• ဟင်္သာစီမံချက် ( ၁၉၇၈ ခု သြဂုတ်လ (၃၁) ရက်နေ့မှစ၍ ၁၉၈၀ ပြည့်နှစ် ဇန်န၀ါရီလ (၅)ရက် တို့က သက်သေခံထားပါသည် ။

ထိုအချင်းအရာကို ကြည့်ခြင်းအားဖြင့် မြန်မာနိုင်ငံတွင် ရိုဟင်ဂျာ တိုင်းရင်းသားဟူ၍

မရှိခဲ့တာကို သိလျှက် KIA/KIO တို့ တိုင်းရင်းသား အရာသွင်း လက်ခံဆွေးနွေးခြင်းဟာ 

ထာဝရ ငြိမ်းချမ်းရေးနှင့် တိုင်းပြည် တိုးတက်ရေးကို များစွာ အနှောင့်အယှက်များ ပြုလုပ်လိုကြောင်း ပေါ်လွင်နေပါတယ် ။

မိမိဒေသအတွင်းရှိ မိမိအဖွဲ့အစည်းရဲ့လုပ်ပိုင်ခွင့်ရရှိရေးနှင့်

မိမိတို့အဖွဲ့အစည်း ရေရှည်ရပ်တည်ရေးကို ဦးစားပေးလျှက်ရှိပါသည် ။

စစ်မှန်သော ငြိမ်းချမ်းရေးဆိုတာ အဖွဲ့အစည်း တစ်ခုတည်းအပေါ် မူတည်ခြင်း မဟုတ်ပဲ မိမိတို့၏ တစ်မျိုးသားလုံးအပေါ် မူတည်နေသည်ဆိုတာကို KIA/KIO ခေါင်းဆောင်များ သတိမမူ ဂူမမြင်လျှက် ရှိနေတာကို ဆင်ခြင်စေလိုကြောင်း အကြံပြု ရေးသားလိုက်ပါတယ် 

Video Link

https://www.youtube.com/watch?v=1k68QDebvRE

ဆက်လက်ဖတ်ရှုရန်>>

ဆရာတော် ဦးဥတ္တမပုံတော် ကိုင်ဆောင်၍ နိုင်ကျဉ်းရုံးထိ လမ်းလျှောက်

ပျံလွန်တော် မူသည်မှာ ၇၅ နှစ်ပြည့်ပြီ ဖြစ်သော ဆရာတော် ဦးဥတ္တမပုံတော်ကို ကိုင်ဆောင်၍ ဆရာတော် ဦးရက္ခဝံသက စက်တင်ဘာ ၈ ရက်တွင် တစ်ကိုယ်တော် လမ်းလျှောက် ဆန္ဒဖော်ထုတ်ခဲ့သည်။

ဆရာတော်ဦးရက္ခဝံသက ဆရာတော် ဦးဥတ္တမကို နိုင်ငံရေးအကျဉ်းသား အဖြစ် သတ်မှတ်ပေးရန် တောင်းဆိုပြီး ပုံတော်ကိုင်၍ ဆန္ဒဖော်ထုတ်ခဲ့ခြင်းဖြစ်သည်။

ဆရာတော် ဦးရက္ခဝံသသည် ရန်ကုန်မြို့၊ ကျောက်တံတား မြို့နယ်၊ မဟာဗန္ဓုလပန်းခြံရှေ့မှ စတင်ပြီး တာမွေမြို့နယ်၊ ၁၅၄လမ်း ရှိ နိုင်ငံရေးအကျဉ်းသားဟောင်းများရုံးသို့ ဆရာတော်ဦးဥတ္တမပုံတော်ကို ကိုင်ဆောင်ကာ လမ်းလျှောက်ခဲ့ပြီး ယင်းပုံတော်ကို သွားရောက်အပ်နှံခဲ့ခြင်း ဖြစ်သည်။

ဆရာတော် ဦးရက္ခဝံသ၏ ပြန်ကြားရေး တာဝန်ခံဖြစ်သူ ဒီမိုကရေစီအင်အားစုမှ ဦးသန်းရွှေက “မြန်မာနိုင်ငံမှာ ပထမဆုံးနိုင်ငံရေးအကျဉ်းသားဖြစ်ခဲ့တဲ့ ဆရာတော်ဦးဥတ္တမကို အသိအမှတ်ပြုတဲ့ အနေနဲ့ နိုင်ငံရေးအကျဉ်းသားဟောင်းများရုံးမှာ ဆရာတော်ဓာတ်ပုံကို သွားရောက်ပို့တာဖြစ်တယ်” ဟု ပြောသည်။

ဆရာတော်ဦးဥတ္တမ ပျံလွန်တော်မူခဲ့သော ၇၅ နှစ်ပြည့် အခမ်းအနားကို စက်တင်ဘာ ၉ရက်တွင် ရန်ကုန်မြို့ MCC ခန်းမတွင် ပြုလုပ်သွားမည် ဖြစ်သည်။

ဆရာတော် ဦးရက္ခ၀ံသသည် အကျဉ်းထောင်များ အတွင်းရှိ နိုင်/ကျဉ်းဟောင်းများ လွတ်မြောက်ရန် အတွက် မန္တလေးမြို့မှ ရခိုင်ပြည်နယ် အထိ လမ်းလျှောက် ဆန္ဒပြခဲ့သေးသည်။

မဇ္ဈိမ

ဆက်လက်ဖတ်ရှုရန်>>

SSA(ရွက်ဆစ်) အဖွဲ့ ထောင်ထားသော တိုက်မိုင်းတစ်လုံးနင်းမိပေါက်ကွဲ၍ တောင်ယာမှ ပြန်လာသူတစ်ဦး ပြင်းထန်စွာ ဒဏ်ရာရရှိ

ရှမ်းပြည်နယ် (တောင်ပိုင်း) မောက်မယ်မြို့နယ် ကဒူးလေး ကျေးရွာအုပ်စု ဒုံပုံရွာအနီးတွင် စက်တင်ဘာ ၅ ရက်နေ့ နေ့လယ် ၁၂ နာရီခန့်တွင် SSA(ရွက်ဆစ်) အဖွဲ့ ထောင်ထားသော တိုက်မိုင်းတစ်လုံးနင်းမိပေါက်ကွဲမှုကြောင့် တောင်ယာလုပ်ကိုင်သူ ဒေသခံတစ်ဦး ပြင်းထန်စွာ ဒဏ်ရာရရှိခဲ့ကြောင်း ယင်းဒေသခံများထံမှ သိရှိရသည်။

ဖြစ်စဉ်မှာ မိသားစုများနှင့် အတူ တောင်ယာလုပ်ကိုင်ပြီး ပြန်လာသူ ဦးဗွာ ၄၂ နှစ် (ဘ) ဦးဘဲသည် ရွာ၏ မြောက်ဘက် ၃ မိုင်ခန့် အရောက်၌ တိုက်မိုင်းတစ်လုံး နင်းမိ ပေါက်ကွဲပြီး ဘယ်မေးရိုး အောက်ပိုင်း၊ ဘယ်ခါးနှင့် ညာတင်ပါး တို့တွင် မိုင်းစထိမှန်ကာ ဘယ်လက်ဖျံရိုး ကျိုးသည့် ဒဏ်ရာများ ရရှိခဲ့သည်။ အဆိုပါ မိုင်းနင်းမိလူနာကို တာဝန်ရှိ သူများနှင့် ဒေသခံ ပြည်သူများက နယ်မြေခံ ဆေးတပ်ရင်းသို့ ပို့ဆောင်ကာ ဆေးဝါးကုသမှု ခံယူလျက်ရှိကြောင်း သိရှိရသည်။

"အုံးကနဲ အသံအကျယ်ကြီး ကြားပြီး မြေကြီးတွေ ဖွာခနဲ ဖြစ်သွားတယ်။ မီးခိုးတွေပြယ်တော့ ကြည့်လိုက်တော့ အဖေ မှောက်ပြီး အော်နေတာတွေ့ရတယ်။ သွေးတွေလည်း အများကြီးပဲ။ ကျန်တဲ့သူတွေ ဘာမှ မဖြစ်တာ အတော်ကံကောင်းတယ်" ဟု ဦးဗွာနှင့် အတူပြန်လာသူ

မိသားစုဝင်တစ်ဦးက ပြောသည်။

ဒေသခံပြည်သူများအနေဖြင့် အေးချမ်းစွာလုပ်ကိုင်စားသောက်လိုသော်လည်း မကြာခဏ လူသစ်စု၊ ဆက်ကြေးကောက်၊ ရိက္ခာတောင်းခြင်းတို့ပြုလုပ်ခံရသည့်အပြင် မိုင်းနင်းမိမည့် အန္တရာယ်ကြောင့် သွားရေးလာရေး အခက်တွေ့လျက်ရှိကြောင်း သတင်းရရှိသည်။

စိုင်းထက်ဇော်

ရှမ်းသတင်းစဉ်

ဆက်လက်ဖတ်ရှုရန်>>