အဘိဓမ္မာနေ့
မဟာ သက္ကရာဇ် ၁၀၉ ခုနှစ် ၀ါဆိုလပြည့်နေ့တွင် သုံးလူ့ထွတ်တင်ဘုရားရှင် သည် သန္တုတိ မယ်တော်မိ
နတ်သားအား အဘိဓမ္မာ တရားတော်ကို ဟောကြားခြင်းဖြင့် ကျေးဇူးဆပ်ရန် တာဝတိ ํသာနတ်ပြည်သို့ ကြွချီတော်မူသည်။
မြတ်စွာဘုရားရှင်သည် တာဝတိ ํํသာနတ်ပြည်၌ သတ္တမ၀ါကပ်တော်မူ၍ မယ်တော်မိနတ်သား အမှူးပြုသော
စကြာဝဠာတိုက်များစွာမှ လာရောက်ကြသော နတ်ဗြဟ္မာ အပေါင်းတို့အား ၀ါတွင်းသုံးလပါတ်လုံး နေ့ညမစဲ ကုသလာဓမ္မာ ၊
အကုသလာဓမ္မာ ၊ အဗျာကတာဓမ္မာ အစရှိသော အဘိဓမ္မာ တရားတော်မြတ်အား ဟောကြားတော် မူခဲ့ပါသည်။
တရားဟောတော်မူစဉ် နတ်ပြည်၌ မိမိနှင့် ထပ်တူထပ်မျှ တူညီသော ကိုယ်ပွား ရုပ်ပွားတော် ဖန်ဆင်း၍ ဤမျှ
အတိုင်းအတာရှိသော တရားတော်ကိုပါ မိမိ ကိုယ်စားဟောကြားစေဟု အဓိဌာန်ပြုကာ လူ့ပြည်စန္ဒကူးနံ့သာတောသို့
ကြွရောက်တော်မူ၍ ဟောကြားတော် မူပြီးသော အဘိဓမ္မာ တရားတော် များကို အကျဉ်းချုပ်ကာ ရှင်သာရိ ပုတ္တရာအား
ဟောကြားတော်မူသည်။ ထိုတရားတော် များကိုပင် ရှင်သာရိပုတ္တရာမထရ်က မိမိ၏ တပည့် ရဟန်းငါးရာကို အကျဉ်းအကျယ်
ပြန်လည် ဟောကြားခဲ့သည်။ အဘိဓမ္မာ တရားတော် ဟောကြားခြင်းသည် ထိုနှစ် သီတင်းကျွတ်လပြည့်နေ့တွင်
ပြီးဆုံးခြင်းသို့ ရောက်ရှိသည်။ ထိုနေ့ကိုပင် အဘိဓမ္မာ အခါတော်နေ့ဟု ခေါ်တွင်ပါသည်။
ဗုဒ္ဓအဘိဓမ္မာ သည် လောက သုံးပါးနှင့် နိဗ္ဗာန်သို့ရောက်ကြောင်းတရားများကို တကယ်အစစ်အမှန်ရှိသည့်
မရမတ္တတရား (၄) ပါး တို့ဖြင့် ခွဲခြမ်း စိတ်ဖြာ ဟောကြားထားသော တရားတော် ဖြစ်၏။
ပိဋကတ်သုံးပုံ ( ဓမ္မက္ခန္ဓာ ၈၄၀၀၀)---------->
သုတ္တန်ပိဋကတ်(သတ္တ၀ါတို့၏ အသိဉာဏ်နှင့်လျှော်ညီသော ဝေါဟာရများကိုအများဆုံးသုံး ဟောထားသည့် ဝေါဟာရဒေသနာ) (ဓမ္မက္ခန္ဓာ ၂၁၀၀၀)
ဝိနယပိဋကတ်(တပည့်သာဝကများလိုက်နာရန်ဓမ္မအာဏာကိုအများဆုံးသုံးကာဗုဒ္ဓပညတ်တော်မူခဲ့သောအာဏာဒေသနာ (၀ိနည်း)) (ဓမ္မက္ခန္ဓာ ၂၁၀၀၀)
အဘိဓမ္မာပိဋကတ် (မဖောက်မပြန်မှန်ကန်သော သဘောတရားများ / အရှိတရား / အမှန်တရားကို အကြွင်းမရှိ ပြည့်စုံစွာ ဟောထားသည့် ပရမတ္တ ဒေသနာတော်) (ဓမ္မက္ခန္ဓာ ၄၂၀၀၀)
အဘိဓမ္မာ ပိဋကတ်သည် အခြား ပိဋကတ်များထက်
(၁) ဓမ္မက္ခန္ဓာ အရေအတွက် ပိုများခြင်း၊
(၂) ဟောကြားသော နည်းအရေအတွက် ပိုများခြင်း၊
(၃) သာလွန်ထူးဆန်းသည့် တရားတော်ဖြစ်ခြင်းတို့ကြောင့် (အဘိ=သာလွန်ထူးဆန်းသော ၊ ဓမ္မာ =တရားတော်) ဟု
အမည်တွင်၏။
ပရမတ် နှင့် ပညတ်
ပရမတ္တ = မရမ + အတ္ထ = မြတ်သော + အနက်သဘော
မဖောက်မပြန် တည့်မတ်မှန်ကန်သဖြင့် မြတ်သည်ဟုခေါ်ဆိုထိုက်သာ အမှန်တကယ်ရှိသည့် သဘာဝတရားများကို ပရမတ္တ
(၀ါ) ပရမတ် ဟုခေါ်၏။ ပရမတ်သည် ဉာဏ်ဖြင့် ခွဲခြမ်း စိစစ်လျှင် ဖောက်ပြန်ပျောက်ကွယ်ခြင်းမရှိဘဲ အမြဲ မှန်ကုန်မြဲမြံနေ၏။
ပညတ်သည် လူတို့သည် ခေါ်ဝေါ်ထားသောဝေါဟာရများဖြစ်ကာ အမှန်ရှိသည်ဟု ထင်ရသော်လည်း
ဉာဏ်မျက်စိဖြင့် ခွဲခြမ်းစိစစ်လျှင်ပျောက်ကွယ်သွား၏။ (ဥပမာ - လူ ၊ ခွေး ၊ ကျောင်း ၊ အိမ် ၊ မော်တော်ကား စသည့် အမည်ဝေါဟာရများ)
ပရမတ္တ (၄) ပါး
စိတ် စေတသိက် ရုပ် နိဗ္ဗာန်
(၁) (၅၂) (၂ဂ) (၁)
စိတ် = အာရုံကို သိတတ်သော တရား
စေတသိက် = စိတ်၌ မှီတွယ်၍ စိတ်ကို ခြယ်လှယ်သော သဘာဝတရား
ရုပ် = အပူအအေးစသောဆန့်ကျင်ဘက်အကြောင်းအရာများကြောင့် ဖောက်ပြန်တတ်သည့်သဘောတရား
နိဗ္ဗာန် = ဒုက္ခခပ်သိမ်းကင်းငြိမ်းရာ ချမ်းသာအစစ်အမှန်တရား
စိတ် + စေတသိက်= နာမ် = အာရုံသို့ ကိုင်းညွှတ်ပြီး အာရုံသို့ သိတတ်ခြင်း
လူနှင့် သတ္တ၀ါတို့သည် နာမ် ရုပ် အစုများသာဖြစ်ကြခြင်း နိဗ္ဗာန်၌ နာမ်ရုပ် မရှိချေ။ နာမ် ရုပ်မရှိသဖြင့် ထာဝရ ချမ်းသာ၏။ ဤသို့သော အဘိဓမ္မာ တရားတော် (၇) ကျမ်းရှိ၏။
(၁) ဓမ္မသင်္ဂဏီ ( ဓမ္မ အားလုံးကိုစုဆောင်း ထားသော ကျမ်း)
(၂) ၀ိဘင် ( ဝေဖန်ဆန်းစစ်ခြင်း)
(၃) ကထာ (အမှား၊ အယူမှားများကို ဖြေရှင်းခြင်း)
(၄) ပုဂ္ဂလပညာ (ပုဂ္ဂိုလ်နှင့်တွဲ၍ တိုက်ဆိုင် စစ်ဆေးကြည့်ခြင်း)
(၅) ဓာတုကထာ (ဓါတ်သဘောအားခွဲခြမ်းခြင်း)
(၆) ရမိုက် (ပြန်လည်စုစည်း၊ တွဲတရား / အစုံ)
(၇) ပဋ္ဌာန်း (အကြောင်းအကျိုး ဆက်သွယ်ခြင်း ၊ သဘောတရား ပြသခြင်း)
ဘ၀အကြောင်း ၊ လောက အကြောင်း တို့ကို အမှန်တကယ် ရှိသည့် ပရမတ္တတရားတို့ဖြင့်ရှင်းလင်းဖော်ပြ ထားသော ဗုဒ္ဓအဘိဓမ္မာသည် အဖိုးအတန်ဆုံး ဘ၀ပညာဖြစ်ပါသည်။ မှန်ကန်သော ဘ၀အမြင်နှင့် လောကအမြင်တို့ကို ရှင်းရှင်းလင်းလင်း ဖွင့်ဆိုထားသောကြောင့် လူတို့အား ချမ်းသာစေကာ ဗုဒ္ဓအဘိဓမ္မာအား သိနားလည်၍ ဗုဒ္ဓ၏ သဗ္ဗညုတ ဉာဏ်တော်ကို သံသယကင်းရှင်းစွာဖြင့် မြတ်နိုးပူဇော်နိုင်ပါပြီ။
လောကကြီးကိုလွမ်းမိုးခြယ်လှယ်နေကြသော၊ စိတ်စေတသိက်တို့ဧ။် သဘောသဘာဝများကို မခြွင်းမချန်
မှန်ကန်ပြည့်စုံစွာ၊ ဟောကြားထားသည့် ဗုဒ္ဓအဘိဓမ္မာသည် လူတိုင်းအတွက် မှန်ကန်တည့်မတ်သော၊ ဘ၀ဒသန(Life Philosophy) ဖြစ်ပေဧ။်။
လူတို့အားဆိုးသွမ်းယုတ်ညံ့ဆင်းရဲစေတတ်သည့် အကုသိုလ်စေတသိက်များကိုလည်းကောင်း၊ လူတို့ဧ။်ဘ
ဝကိုမြင့်မြတ်တင့်တယ်ချမ်းသာစေတတ်သည့် သောဘဏစေတသိက်များကိုလည်းကောင်း၊ ကောင်းမြတ်သည့်
လုပ်ငန်းများ၌ အောင်ပန်းဆင်စေတတ်သော ဗလအင်အားနှင့် အဓိပတိတရားများကိုလည်းကောင်း၊ ၀ဋ်ဆင်းရဲတွင်းမှလွတ်မြောက်စေပြီး၊အချမ်းသာဆုံးသန္တိသုခကိုရရှိစေတတ်သောကျင့်စဉ်အမှန်တရားကို လည်းကောင်း၊ဗုဒ္ဓအဘိဓမ္မာကတိတိကျကျညွန်ပြထားပါသည်။ယနေ့လောကသိပ္ပံပညာရပ်များအရှိန်အဟုန် တိုးတက်နေသော ခေတ်ကြီးတွင် တိုးတက်လျက်ရှိသော သိပ္ပံပညာနှင့် တစ်ကမ္ဘာလုံးမှအသိ အမှတ်ပြုထားသော ကမ္ဘာလုံးဆိုင်ရာဒသနိကနှင့် အတွေးအခေါ်ဘာသာရပ်(Global Science and Global Philosophy) များဧ။် (Main or Center Problem) အဓိကပြသနာရပ်ဖြစ်သော အရှိတရားနှင့်အမှန်တရားတည်း ဟူသော သဘောသဘာဝအား အဘိဓမ္မာတရားကဖြေရှင်းညွန်ပြထားခဲ့ပါဧ။်။
အဘိဓမ္မာတရားအား ဥာဏ်ဖြင့် ဟုတ်တိုင်းမှန်စွာ နားလည်လာပါက (စာသဘောတရား သို့မဟုတ်
သုတပညာဖြင့်သေချာစွာနားလည်မိပါက) ခန္ဓာကိုယ်ထဲ ငါ ဟု စွဲမှတ်ယူအပ်သည့် အသက်ကောင် ၊ ၀ိဉာဉ်ကောင် ၊ လိပ်ပြာကောင် တို့ မရှိကြောင်း ကို ဘွင်းဘွင်းကြီး သိမြင်သွားပါလိမ့်မည်။ ယင်းကဲ့သို့ ငါစွဲ ဟူသည့် သက္ကာယ ဒိဠိ နှင့် ရတနာသုံးပါးအပေါ်တွင် ယုံမှား သံသယ ဖြစ်မှုတည်း ဟူသော ၀ိစိကိစ္ဆာ တို့ကင်းပလောက်အောင် အမြင်ကြည်လင်လာသည့်အခါ စူဠသောတာပန်(သောတာပန်အငယ်စား) အဖြစ်သို့ရောက်ရှိပြီး နောက်ဘ၀အတွက် အပါယ်တံခါးပိတ်လေပြီ။ ဘ၀အမြင်မှန်တည်းဟူသော အဘိဓမ္မာ မျိုးစေ့သည် လူချမ်းသာနှင့် သန္တိသုခ ဟူသည့် ထာဝရ ချမ်းသာတို့ ရှင်သန်ပေါက်ဖွားလာအောင် ဧကန်အကျိုးဆောင်ပေးမည်ဖြစ်ပေသတည်း။
ဒိုင်ယာရီကျောက်ဆောင်ဆိုဒ်မှတဆင့်
ထိုင်းနိုင်ငံ လိပ်ကျွန်းတွင် ဗြိတိန်စုံတွဲကို သတ်ခဲ့သည်ဟုဆိုကာ ဖမ်းဆီးခံထားရသည့် မြန်မာနှစ်ဦးကို မြန်မာကိုယ်စားလှယ်အဖွဲ့ သွားရောက်တွေ့ဆုံ မေးမြန်းခဲ့ရာ ပြစ်မှုကျူးလွန်ခြင်း ရှိမရှိ တိတိကျကျ ပြန်လည်ဖြေကြားခြင်း မရှိကြောင်း ကိုယ်စားလှယ်အဖွဲ့ ခေါင်းဆောင် မြန်မာသံရုံးမှ ကောင်စစ်အရာရှိ ဦးထွန်းအေးက ပြောကြားသည်။
အာရှယူ-၁၉ ပြိုင်ပွဲတွင် ၀င်ရောက်ယှဉ်ပြိုင်မည့် မြန်မာယူ-၁၉ အသင်းသည် အုပ်စုတွင်းပြိုင်ဘက် ထိုင်းအသင်းမှလွဲ၍ ကျန်နှစ်သင်း၏ ခြေစွမ်းကိုမသိရှိသည့်အတွက် အုပ်စုအဆင့်မှ ကျော်ဖြတ်ရန် ရုန်းကန်ရနိုင်ကြောင်း အသင်းလက်ထောက်နည်းပြ ဦးညီညီလတ်က ပြောသည်။
Yangon
