အကြမ်းဖက် IS ကို အာရပ်တွေကပါ ချေမှုန်းတော့မည်

ဆီးရီးယား နှင့် အီရတ်တွင် တစ်နေ့ တစ်ခြား အင်အား ကြီးထွားလာကာ အကြမ်းဖက် လုပ်ရပ်များ တိုးမြှင့် ပြုလုပ် လာနေသော အစ္စလာမ် နိုင်ငံတော် အဖွဲ့(IS) ကို နိုင်ငံတကာ အသိုင်းအ၀ိုင်း နှင့် ပူးပေါင်းပြီး တိုက်ခိုက် ချေမှုန်းဖို့ အာရပ် အဖွဲ့ချုပ်က ဆုံးဖြတ်လိုက်ပြီ ဖြစ်ကြောင်း အဖွဲ့ချုပ် ဥက္ကဋ္ဌ နာဘီလ် အယ်လ် - အာရဘီက ကြေညာသည်။ 

အာရပ်အဖွဲ့ချုပ် အဖွဲ့ဝင် နိုင်ငံများ၏ နိုင်ငံခြားရေး ၀န်ကြီးများ အစည်းအဝေးကို တနင်္ဂနွေနေ့တွင် ကိုင်ရိုမြို့၌ ကျင်းပခဲ့သည်။ ဂျီဟတ် အကြမ်းဖက် အဖွဲ့ IS ကို နိုင်ငံရေး နည်းအရရော၊ စစ်ရေး နည်းအရပါ တိုက်ခိုက် ချေမှုန်းသွားရန် အာရပ် အဖွဲ့ချုပ် ကိုယ်စားလှယ်များက တစ်ညီတည်း သဘောတူ ခဲ့ကြသည်။ IS သည် အာရပ် နိုင်ငံများ၏ ရပ်တည်မှုကိုပါ ခြိမ်းခြောက် နေကြောင်း အဖွဲ့ချုပ်က ပြောသည်။ 

IS အပြင် အခြားသော ဂျီဟတ် အကြမ်းဖက် အဖွဲ့အစည်း များကိုပါ ချေမှုန်း သွားမည် ဖြစ်သည်။ အကြမ်းဖက် လုပ်ငန်း တန်ပြန်ရေး အတွက် နိုင်ငံရေး၊ လုံခြုံရေး နှင့် အတွေးအခေါ် ဆိုင်ရာ စစ်မျက်နှာများ ကိုပါ ဖွင့်သွားမည် ဖြစ်ကြောင်း အာရပ် အဖွဲ့ချုပ်က ကြေညာသည်။ 

နိုင်ငံတကာ အသိုင်းအ၀ိုင်းက IS ကို ချေမှုန်းမည့် အစီအစဉ်ကို ကြိုဆိုကြောင်း အီရတ် အစိုးရ ကလည်း ထုတ်ပြန် ပြောကြား ထားသည်။ IS အကြမ်းဖက် အဖွဲ့သည် ဆီးရီးယား နှင့် အီရတ် နယ်မြေ အများအပြားကို သိမ်းပိုက်ကာ အစ္စလာမ် နိုင်ငံတော် ထူထောင်ကြောင်း ကြေညာ ထားသည်။ အမေရိကန်က IS အဖွဲ့များကို လေကြောင်း တိုက်ခိုက် နေခြင်းကို လက်စားချေသော အားဖြင့် ပြီးခဲ့သည့် လပိုင်းက အမေရိကန် သတင်းထောက် နှစ်ဦးကို ခေါင်းဖြတ် သတ်ဖြတ်ကာ သတ်ဖြတ်ပုံ များကိုပါ ဗီဒီယို ရိုက်ပြီး အွန်လိုင်းသို့ တင်ခဲ့သဖြင့် ကဗ္ဘာတစ်ဝန်းက စက်ဆုပ် ရွံ့ရှာခဲ့ရသည်။ 

Source: AFP 

Messenger