ရန်ကုန်၊ စက်တင်ဘာ ၁၀။ Good Old Days ရုပ်ရှင် ထုတ်လုပ်ရေးမှ ၂၀၁၄ ခုနှစ် ဒီဇင်ဘာ တွင် ပထမဆုံး စတင် ရိုက်ကူးမည့် သဲထိတ်ရင်ဖို ဇာတ်ကား ကို သရုပ်ဆောင် အသစ်များဖြင့် ရိုက်ကူး မည် ဖြစ်ပြီး ၂၀၁၅ ခုနှစ်တွင် လည်း ရုပ်ရှင် ဇာတ်ကား နှစ်ကား ထပ်မံ ရိုက်ကူးမည် ဟု ယင်းရုပ်ရှင် ထုတ်လုပ်ရေးမှ ဒါရိုက်တာ ထူးပိုင်ဇော်ဦး မှ မဇ္ဈိမကို ပြောသည်။
"ထိုင်း ဇာတ်ကားတွေမှာ ဆိုလည်း သရုပ်ဆောင် အသစ်တွေ ပါပေမယ့် ဇာတ်ကား ကောင်းရင် ပရိသတ် တွေက ကြည့် ကြတယ်။ ကျွန်တော်တို့ ဆီမှာလည်း သရုပ်ဆောင် အသစ်တွေ နဲ့ ဇာတ်ကား ကောင်းကောင်း ရိုက်ကူးရင် ဖြစ်နိုင်မှာပဲ ဆိုပြီးစီစဉ် လိုက်တာပါ။ ဇာတ်ကားနာမည်တော့ မပေးရသေးပါဘူး" ဟု ၎င်းက ပြောသည်။
ဒီဇင်ဘာလ တွင် ရိုက်ကူးမည့် ရုပ်ရှင် ဇာတ်ကား အတွက် သရုပ်ဆောင်သစ် များကို ၂၀၁၄ခုနှစ်အစပိုင်းကခေါ်ယူ ခဲ့ခြင်းဖြစ်ပြီး လာရောက် လျှောက်ထားသူ ၁၃၅ဦး ထဲမှ ၁၁ယောက်ကို ထပ်မံရွေးချယ်ပြီး ရိုက်ကူးကြခြင်း ဖြစ်သည်။
လက်ရှိတွင် ထို သရုပ်ဆောင် ၁၁ဦးကို သရုပ်ဆောင်ပိုင်း နှင့် ပတ်သက်ပြီး လေ့ကျင့်မှုများ ဆောင်ရွက် နေပြီးဇာတ်ကားနှင့် လိုက်ဖက်မည့် သရုပ်ဆောင်မှုများကို မူအဓိက ထားသင်ကြား ပေးလျက် ရှိသည်။
၂၀၁၅ ခုနှစ်တွင် ရုပ်ရှင် ဇာတ်ကား နှစ်ကား ထပ်မံ ရိုက်ကူးမည် ဖြစ်ခြင်းကြောင့် ၂၀၁၄ခုနှစ်စက်တင်ဘာ ၈ရက်တွင် သရုပ်ဆောင် သစ်များ စတင် ခေါ်ယူလျက် ရှိပြီးစိတ်ပါဝင်စား သူများ သည်စက်တင်ဘာ ၂၅ ရက်နောက်ဆုံးထားကာ လျှောက်ထား နိုင်သည်ဟု ယင်းရုပ်ရှင် ထုတ်လုပ်ရေးမှ ဒါရိုက်တာ ထူးပိုင်ဇော်ဦး ကပြောသည်။
"ဖောင်တွေ ခေါ်ပြီးတာနဲ့ လူတွေ့ စစ်ဆေးမှုတွေ လုပ်မှာပါ။ ရိုက်မယ့် ဇာတ်ကားက အချစ်ကား နဲ့ ဒရမ်မာ ဇာတ်ကား ဆိုတော့ အဲဒီ နှစ်ကား အတွက် လိုအပ်တဲ့ ဇာတ်ကောင် အတိုင်း သရုပ်ဆောင်တွေကို ရွေးချယ် သွား မှာပါ။ နောက်ပိုင်းမှာလည်း ဗီဒီယို ဇာတ်ကားထက် ရုပ်ရှင် ဇာတ်ကားတွေကို အဓိက ထားပြီး ရိုက်ကူး ဖို့ စီစဉ် ထားပါတယ်" ဟု ၎င်းက ထပ်မံ ပြောပြသည်။
၂၀၁၅ ခုနှစ်တွင် ရိုက်ကူးမည့် ရုပ်ရှင် ဇာတ်ကားနှစ်ကား တွင် အသက် ၁၈နှစ် မှ ၂၈နှစ် အတွင်း ရှိအမျိုးသား ၊ အမျိုးသမီး သည် လူအများနှင့် အတူတွဲဖက်ပြီး အလုပ်လုပ် လုပ်ရမည် ဖြစ်ခြင်းကြောင့် အကျင့်စရိုက် ၊ အနေအထိုင် နှင့်အပြောအဆို တို့ကောင်းမွန် ရမည်ဟု ၎င်းကပြောသည်။
"၀ါသနာရှင်တွေကသရုပ်ဆောင် လုပ်ငန်း အတွေ့အကြုံ ရှိဖို့ မလို ပါဘူး။သရုပ်ဆောင်ခြင်းကို အထူး စိတ်ပါဝင်စားစွာ လုပ်ကိုင် နိုင်သူ ဖြစ်ရ မဲ့အပြင် ရုပ် ရည် ချောမော ပြေပြစ်သူလည်း ဖြစ်ရပါမယ်။နောက်မူးယစ်ဆေးဝါး သုံစွဲသူ မဖြစ်ရ ပါဘူး။ အချိန်နဲ့ အလုပ်ကို လေးစားသူ ဖြစ်ရမယ်။
နောက်ပြီးရုပ်ရှင် ရိုက်မှာ ဆိုတော့သရုပ်ဆောင် တွေဟာ လေ့ကျင့်မှုတွေ၊ နောက် ရှုတင် အစမ်းရိုက်ကူးမှု တွေမှာနဲ့ လိုအပ်တဲ့ အချိန်တိုင်းမှာ အချိန်ပေး နိုင်သူဖြစ် ရပါမယ်။ သူတို့ ဆီက အနုပညာကြေးမတောင်းသလို အနုပညာကြေး ကိုလည်း ကျွန်တော်တို့မပေးပါဘူး။ ဒါပေမဲ့ ရိုက်ကူးချိန်မှာ လိုအပ်တဲ့ အဝတ်အစား၊ မိတ်ကပ် စတဲ့ လိုအပ်မှု ကိုတော့ ကျွန်တော်တို့တွေပဲ အကုန်အကျ ခံသွားမှာပါ"ဟု ဒါရိုက်တာ ထူးပိုင်ဇော်ဦးကပြောသည်။
၂၀၁၄ ခုနှစ် နှင့် ၂၀၁၅ ခုနှစ်တွင် ရိုက်ကူးမည့် ရုပ်ရှင်ဇာတ်ကား များကိုဝတ္ထု ၊ဇာတ်ညွှန်း နှင့်ဒါရိုက်တာကို ထူးပိုင်ဇော်ဦး ဖန်တီးရိုက်ကူး သွားမည်ဖြစ်ပြီး ရိုက်ကူး ပြီးစီးပါက ယင်းရုပ်ရှင်ကား များကို ဆင်ဆာ တင်ကာ ရုံတင် တန်းစီ စနစ်ဖြင့် ပြသ သွားမည် ဖြစ်သည်။
Yangon
0 comments:
Post a Comment