အမျိုးသမီးနှင့် ငြိမ်းချမ်းရေး

စစ်ပွဲတစ်ပွဲ အောင်နိုင်ဖို့ ရဲရင့်ပြတ်သား ခိုင်မာတဲ့ ဆုံးဖြတ်ချက်တွေ ချနိုင်ဖို့ လိုပါလိမ့်မယ်။ ဒါမျိုးကို ပုရိသ စစ်ဘုရင် တွေဟာ ပြည်သူတွေရဲ့ အသက်ပေါင်း များစွာနဲ့ စတေးပြီး သက်သေပြခဲ့ ပြီးပါပြီ။ ဒါဆို အမျိုးသမီး တွေက စစ်ရေးနဲ့ နိုင်ငံရေးမှာ ဘယ်လောက် အထိ အရေးပါ သလဲ။ သည်လို မေးလာခဲ့ရင် မိခင်စိတ်နဲ့ ကြင်နာစိတ် ရှိတဲ့ မိန်းမသား တွေဟာ ငြိမ်းချမ်းရေး လုပ်ငန်း အတွက် မရှိမဖြစ် လိုအပ်တယ်လို့ ပြန်ဖြေ နိုင်ပါတယ်။ စစ်ပွဲ တစ်ပွဲကို နိုင်အောင် တိုက်နိုင်ချင်မှ တိုက်နိုင်မှာ ဖြစ်ပေမယ့် ဒုက္ခ ဖြစ်နေသူ တွေကို ဖေးမ စောင့်ရှောက်တဲ့ နေရာ မှာတော့ မိန်းမသား တွေရဲ့ လက်တွေဟာ အရေးပါတဲ့ နေရာမှာ ရှိပါတယ်။

“သူဘာကြောင့် လဲကျနေလဲ ဆိုတာကို သိဖို့မလို ပါဘူး။ သူမတ်တပ် ပြန်ရပ်နိုင်အောင် ကူညီ ဖေးမဖို့က ကျွန်မရဲ့ အလုပ်ပါ” မာသာထရီဇာ ပြောခဲ့တာ ဖြစ်ပါ တယ်။ သန်းနဲ့ချီ ဒုက္ခရောက် နေတဲ့ အိန္ဒိယ ပြည်သူတွေကို ဖေးမ စောင့်ရှောက်ခဲ့ သူပါ။ အနာကြီး ရောဂါသည်တွေ၊ ၀မ်းရောဂါ သည်တွေ၊ အငတ်ဘေး ကြုံလို့ အရုပ်ကြိုးပြတ် လဲကျနေ သူတွေကို ထူမဖို့ ကြိုးစား ခဲ့သူ ဖြစ်ပါတယ်။ တကယ်တော့ သူဟာ အိန္ဒိယ လူမျိုး မဟုတ်ပါဘူး။ ဒါပေမယ့် ဆင်းရဲ ဒုက္ခရောက်နေ သူတွေကို ဆွေမျိုး သားချင်းလို စောင့်ရှောက်ခဲ့သူ ဖြစ်ပါတယ်။ အာရှ တစ်လွှား ဥရောပ အင်အားကြီး နိုင်ငံတွေရဲ့ စစ်အင်အား ပြိုင်ဆိုင်မှုမှာ အကျိုးအပဲ့ အပိုင်းအစ တွေကို တစ်စစီ ကောက်ယူ ပြန်ဆက်ဖို့ ကြိုးစားခဲ့တဲ့ အံ့ဖွယ် အမျိုးသမီး ဖြစ်ပါတယ်။

မာသာထရီဇာ လိုပဲ စစ်ပွဲကြားမှာ ဒဏ်ရာရ စစ်သားတွေကို နေ့ည ပြုစု စောင့်ရှောက်ပေး ခဲ့တဲ့ နိုက်တင်ဂေးလို အာဇာနည် သူနာပြု ဆရာမ ကြီးလည်း ရှိပါ သေးတယ်။ လက်ရှိ ကချင်စစ်ဘေးသင့် ဒုက္ခသည် စခန်းတွေမှာ ပြည်သူ တွေကို ကူညီ စောင့်ရှောက် နေတဲ့ လဖိုင်ဆန်းရော်ဆိုတဲ့ ကချင် အမျုိး သမီး ဟာလည်း မြန်မာ့ ငြိမ်းချမ်းရေး သမိုင်းကြောင်းမှာ မှတ်တမ်းတင် နိုင်ခဲ့ပါပြီ။ သူတို့လိုပဲ ကမ္ဘာ့ ငြိမ်းချမ်းရေး သမိုင်းမှာ ပါဝင်ခဲ့တဲ့ အမျိုးသမီးပေါင်း များစွာ ရှိပါ သေးတယ်။

အစဉ်အလာနှင့်အမျိုးသမီး

အာရှ အစဉ်အလာ အရ အမျိုးသမီး တွေကို ဖိနှိပ် ချုပ်ချယ်မှု ကြီးကြီးမားမား မရှိပေမယ့် ဘာသာရေး အရ၊ လူမျိုးရေး အရ ထိန်းသိမ်း ထားတဲ့ ကျင့်ဝတ်တွေကြောင့် အမျိုးသမီး တွေဟာ ရှေ့တန်း ထွက်ရလေ့ သိပ်မရှိ ပါဘူး။ မိဘ ညီအစ်ကို မောင်ဖွား တွေရဲ့ စကားကို မြေ၀ယ်မကျ နားထောင်ရပြီး ဗိုင်းကောင်းကျောက် ဖိ နေထိုင်မှ သာ အမျိုးကောင်းသမီး အဖြစ် ပတ်ဝန်းကျင်က ရှုမြင် တတ်တဲ့ သဘော ရှိပါတယ်။ ဒီလို ယဉ်ကျေးမှု ရှုထောင့်က ကြည့်တဲ့ အမြင်တွေကြောင့် အမျိုးသမီး တော်တော် များများဟာ ရှေ့တန်း ထွက်ဖို့ကို တွန့်ဆုတ် တတ်ကြ ပါတယ်။ ဒါပေမဲ့ အခြားသော ရှုထောင့်များက ကြည့်မယ် ဆိုရင်တော့ ရှေ့တန်း ထွက်သင့်ရင် ထွက်ကြရမှာ ဖြစ်ပါတယ်။ ထွက်ဖို့ သတ္တိလည်း လိုအပ်လာ ပါပြီ။

ခေတ်ကာလ အခြေအနေ အရ အမျိုးသမီး တွေဟာ အမျိုးသား တွေနဲ့ ရင်ပေါင်တန်းဖို့ တန်းတူ အခွင့်အရေး ရဖို့ ဆိုတာမျိုး တွေကို အတိအလင်း ထုတ်ဖော် ပြော ကြား လာပါပြီ။ “စစ်ဖြစ်ပြီ ဆိုရင် ဒုက္ခ အများဆုံး ခံစားကြ ရတာက အမျိုးသမီး တွေနဲ့ ကလေး တွေပဲ။ ဒါကြောင့် ငြိမ်းချမ်းရေး ဆွေးနွေးတဲ့ အခါမှာ အမျိုးသမီး တွေ ရဲ့ အသံတွေ။ အမျိုးသမီးတွေ တင်ပြတာ တွေကို လက်ခံပေးဖို့ လိုတယ်။ လက်နက် ကိုင်ပြီး တိုက်နေတဲ့ ယောက်ျားတွေပဲ ဆွေးနွေးလို့ မရဘူး။ အမျိုးသမီးတွေ ပါဝင်မှု နည်းတယ် ဆိုတာ ဟုတ်ပါတယ်။ ပြည်သူ့ လွှတ်တော်က ဆိုရင် ငြိမ်းချမ်းရေး ဖော်ဆောင်မှု လုပ်ငန်းစဉ်မှာ ကျွန်မနဲ့ ဒေါ်မိအိမ် စန်း နှစ်ယောက်ပဲ ပါတယ်။ အမျိုးသမီး တွေ ငြိမ်းချမ်းရေးမှာ ပါဝင် လာမှုများ လာအောင် ဘယ်လို လုပ်ရမလဲ ဆိုတော့ မစဉ်းစား တတ်တော့ဘူး။ ကျွန်မက တည့်တည့် ပြောတော့ အစိုးရက မကြိုက်ဘူးလေ။ အခု ငြိမ်းချမ်းရေး လုပ်ငန်းတွေမှာ ကျွန်မကို မခေါ်တော့ဘူး။ အစတုန်းက ငြိမ်းချမ်းရေး လုပ်ငန်းစဉ် တွေမှာ ကျွန်မကို ဖိတ်ပါ သေးတယ်။ အခု မဖိတ် တော့ဘူး။ မိန်းမတွေကို ရှုပ်တယ်လို့ မြင်သလား။ တည့်တည့် ပြောလို့ မကြိုက်တာ လားတော့ မသိဘူး” လို့ ပြည်သူ့ လွှတ်တော် ကိုယ်စားလှယ်၊ လွှတ်တော် ငြိမ်းချမ်းရေး ဖော်ဆောင်ရေး လုပ်ငန်းစဉ် အဖွဲ့ဝင် ဒေါ်ဒွဲဘူက အမျိုးသမီးတွေ ရှေ့တန်း ထွက်တဲ့အခါ ပြုမူ ခံရပုံကို ပြောပါတယ်။

တိုင်းရင်းသား အမျိုးသမီးများ

နိုင်ငံ တစ်နိုင်ငံ တည်းမှာကို လူမျိုး အသီးသီးရဲ့ အမျိုးသမီးတွေ အပေါ် ထားတဲ့ အယူအဆ အမြင်တွေဟာ အနည်းငယ် ကွဲပြား နေတတ် ပါတယ်။ ဒါပေမဲ့ လူမျိုး မတူတဲ့ တိုင်းရင်းသား အမျိုးသမီး အားလုံးရဲ့ ငြိမ်းချမ်းရေး လိုလားတဲ့ အမြင် ကတော့ တူညီနေတာကို တွေ့ရ ပါတယ်။ စစ်ဖြစ်တဲ့ အခါ အဓိက ဒုက္ခရောက် ရတာ ကလေး၊ အမျိုးသမီးနဲ့ သက်ကြီး ရွယ်အိုတွေ ဖြစ်တာကြောင့် လက်ပွန်းတတီး နေသူချင်းရဲ့ ဒုက္ခကို အမျိုးသမီးတွေက ပိုနားလည် တတ်ပါတယ်။ စစ်နဲ့ ပဋိပက္ခ တွေကြောင့် ဖြစ်ရတဲ့ ဒုက္ခတွေကို မလိုလား ကြပါဘူး။ ရှင်စောပု မွန်အမျိုးသမီး စွမ်းဆောင်ရှင်များ အသင်း ဗဟို အတွင်းရေးမှူး မိသန်းရှင်က “ငြိမ်းချမ်းရေးကို တကယ် လိုချင်ကြ ရင်တော့ နှစ်ဖက်လုံးက အလျှော့အတင်း ညှိနှိုင်း လုပ်ဆောင်မှ ရလိမ့်မယ် ပေါ့။ အခု အနေအထားကို ပြောရရင် ဒီမိုကရေစီ ဆိုတာ ကလည်း ပြည့်ပြည့်၀၀ မရသေးတော့ ပြောဖို့က တော်တော် ခက်ပါတယ်။ တစ်ခု ပြောနိုင် တာက အရင်ထက် စာရင်တော့ အခြေအနေတွေ တိုးတက်မှု ရှိလာပြီပေါ့။ မငြိမ်းမချမ်း ဖြစ်ရင် အမျိုးသမီး တွေနဲ့ ကလေးတွေ ပိုခံစားရ တာကတော့ အမှန်ပဲ။ ဒါပေမဲ့ ကျွန်မတို့ မွန်တွေ အနေနဲ့တော့ အမျိုးသမီး တွေကို ခွဲခြား ထားတာမျိုး မရှိဘူး။ မွန်ပြည်သစ် ပါတီတွေ မှာလည်း အမျိုးသမီး တွေကို နေရာပေးတာ အများကြီး ရှိပါတယ်” လို့ ဆိုပါတယ်။

ရခိုင် အမျိုးသမီး တေးသံရှင် တစ်ဦးဖြစ်တဲ့ မိုင်ကလည်း “ငြိမ်းချမ်းရေး ဆိုတာ လူတိုင်း လူတိုင်း အတွက် အင်မတန်မှ လိုအပ်တဲ့ အရာပါ။ ငြိမ်းချမ်းရေးကို ဘာနဲ့မှ လဲလို့ မရပါဘူး။ ငြိမ်းချမ်းနေရေးက နိုင်ငံ တစ်နိုင်ငံမှ လိုအပ်တာ မဟုတ်ပါဘူး။ မိသားစု တစ်စု အတွက်လည်း တစ်ယောက်နဲ့ တစ်ယောက် အဆင်ပြေဖို့ အတွက် ငြိမ်းချမ်းရေး လိုအပ် ပါတယ်။ အဲဒီ မိသားစုလေးဟာ အဆင်ပြေ ငြိမ်းချမ်းမယ် ဆိုရင် မိသားစု တစ်ခုလုံး စိတ်ချမ်းသာ တာပေါ့။ မိသားစုက မသင့်မြတ်ဘူး ဆိုရင် စီးပွားရေး၊ လူမှုရေး အစရှိတဲ့ အရာတွေပါ ထိခိုက် နိုင်ပါတယ်။ တိုင်းပြည် တစ်ပြည် မှာလည်း တိုင်းရင်းသား အချင်းချင်း သင့်မြတ်ပြီး ငြိမ်းချမ်းရေး လိုအပ် ပါတယ်။ တိုင်းရင်းသား အချင်းချင်း သင့်မြတ်မယ် ဆိုရင် စစ်ဆိုတာ ဘယ်တော့မှ ဖြစ်ပေါ်မှာ မဟုတ် ပါဘူး။ အေးချမ်းတဲ့ တိုင်းပြည် ဖြစ်တဲ့ အတွက် လူတိုင်း နေချင်ကြ မှာပါ။ အန်တီမိုင့် အနေနဲ့ ကတော့ တိုင်းရင်းသား၊ ညီအစ်ကို မောင်နှမ အကုန်လုံး အတွက်ကို အဆင်ပြေစေ ချင်တယ်။ ရခိုင် လူမျိုးတွေမှ မဟုတ်ပါဘူး။ ရခိုင် ပဋိပက္ခ ဖြစ်တဲ့ အချိန်တုန်း ကတော့ တိုင်းရင်းသားတွေ အတွက် အလွန် စိတ်မကောင်း ဖြစ်ခဲ့ရ ပါတယ။် ကိုယ့်လူမျိုးရော တစ်ခြားသူ တွေပါ ဒုက္ခတွေ ရောက်ခဲ့ ကြရတယ်။ အန်တီမိုင် ကတော့ လူမျိုးတိုင်းကို မေတ္တာထား ပါတယ်။ လူမျိုးတိုင်းမှာ ကောင်းတဲ့သူတွေ ရှိသလို ဆိုးတဲ့သူတွေလည်း ရြှိက ပါတယ။် မကောင်းတဲ့သူ တစ်စုကြောင့် ကောင်းတဲ့ လူတွေ ဒုက္ခရောက် ကြရတယ်။ ဒါကြောင့် ပဋိပက္ခ ဆိုတာကြီးကို လုံးဝ မဖြစ်စေချင် ပါဘူး”လို့ သူ့ရဲ့အမြင်ကို ပြောပါတယ်။

နိုင်ငံရေးနှင့်အမျိုးသမီး

တကယ်တမ်း နိုင်ငံရေး လုပ်ငန်း လုပ်ဆောင်တဲ့ နေရာမှာ အမျိုးသား ဖြစ်ခြင်း၊ အမျိုးသမီး ဖြစ်ခြင်းက အရေးပါ လှတဲ့ ကိစ္စရပ် မဟုတ်ပါဘူး။ နိုင်ငံ့အကျိုး၊ ပြည်သူ့ အကျိုး ဘယ်လောက်ထိ ဆောင်ရွက် နိုင်တယ် ဆိုတဲ့ အညွှန်းကိန်း ကသာ အရေးပါတဲ့ ကိစ္စဖြစ်ပါတယ်။ နိုင်ငံ့အကျိုး၊ ပြည်သူ့အကျိုး ဆောင်ရွက် နိုင်မယ် ဆိုရင် အမျိုးသား ဖြစ်စေ၊ အမျိုးသမီး ဖြစ်စေ ပြည်သူက လေးစား ချစ်ခင်မှာပဲ ဖြစ်ပါတယ်။ နိုင်ငံရေးမှာ အမျိုးသမီးတွေ ပါဝင်ခွင့်နဲ့ ပတ်သက်ပြီး ၈၈မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့ အစည်းက ကိုဂျင်မီက“အမျိုးသမီးတွေ ပါဝင်ခွင့် နည်းနေတာ ကတော့ နေရာတိုင်း မှာပဲလေ။ Gender အမြင်နဲ့ ခွဲခြမ်း စိတ်ဖြာပြီး ပြောတဲ့ အပိုင်းက တစ်ပိုင်းပေါ့။ တကယ် ပါဝင်သင့် ပါဝင်ထိုက်တဲ့ သူတွေ ဆိုရင်တော့ ကျွန်တော်တို့က ကျား/မ မခွဲခြားဘဲ ကြိုဆိုရ မှာပဲ။ ကိုယ်စားပြုတဲ့ လူတွေတော့ ဖြစ်ဖို့ လိုတာပေါ့။ ငြိမ်းချမ်းရေးက အခုမှ ဆွေးနွေးပွဲ အဆင့်မှာပဲ ရှိသေးတာ။ အပစ်အခတ် ရပ်စဲရေး စာချုပ် မချုပ်နိုင် သေးဘူး။ တကယ် ငြိမ်းချမ်းရေး ဖော်ဆောင် ကြပြီ ဆိုရင် အမျိုးသမီးတွေ အများကြီး ပါဝင်လာ ရမယ်လို့ ကျွန်တော် ထင်ပါတယ်။ အများကြီး ဖြစ်လာမှာပါ။ သူတို့မှာလည်း ကိုယ်ပိုင် ဆုံးဖြတ်ချက်တွေ၊ အတွေး အခေါ်တွေ ရှိတာပဲ။ တချို့ အပိုင်းတွေဆို ကျွန်တော် တို့ထက် သာလွန် တာတွေတောင် ရှိတယ်။ သူတို့ လုပ်ဆောင် နိုင်ပါ လိမ့်မယ်” လို့ သုံးသပ် ထားပါတယ်။

အဆိုတော် မိုင်က “အခုခေတ်မှာ အမျိုးသမီး တွေကလည်း အမျိုးသား တွေနဲ့ ရင်ပေါင်တန်းပြီး စီးပွားရေး မှာကော၊ လူမှုရေး မှာပါ လုပ်ဆောင် နေကြပြီလေ။ အမျိုးသမီး တွေလည်း အမျိုးသားများ နည်းတူတန်းတူ အခွင့်အရေးတွေ ရပြီး အရေးပါတဲ့ ကဏ္ဍတွေမှာ ပါဝင် လုပ်ဆောင်ခွင့် ရစေချင် ပါတယ်။ အမျိုးသမီး များကိုလည်း အမျိုးသားများ နည်းတူ နေရာပေးစေ ချင်ပါတယ်”လို့ ဆိုပါတယ်။

ကျား/မ ဖြစ်ခြင်းထက် ပြည်သူတွေ အပေါ်ထားတဲ့ ကောင်းမွန်တဲ့ ရည်ရွယ်ချက်နဲ့ အရည်အချင်း ကသာ အရေးပါတယ် ဆိုတာကို သက်သေပြ နိုင်ခဲ့သူ ကတော့ ဒေါ်အောင်ဆန်းစုကြည် ဖြစ်ပါတယ် ဗိုလ်ချုပ်အောင်ဆန်းရဲ့ သမီးဖြစ်တဲ့ အတွက် ပြည်သူတွေရဲ့ လေးစားမှုကို ရတာမျိုးထက် နိုင်ငံရေးနဲ့ ပတ်သက်လို့၊ ငြိမ်းချမ်းရေး ဆောင်ရွက်မှုနဲ့ ပတ်သက်လို့ ပင်ကို အရည်အချင်း ရှိတာကြောင့် ငြိမ်းချမ်းရေး နိုဘယ်ဆုကို ဒေါ်စုကြည် ရယူနိုင်တာပဲ ဖြစ်ပါတယ်။ “ကျွန်မတို့ နိုင်ငံမှာ အားလုံး ငြိမ်းငြိမ်း ချမ်းချမ်းနဲ့ အေးအေး ဆေးဆေးနဲ့ သာသာ ယာယာနဲ့ နေနိုင်ဖို့။ အဲဒီတော့ နိုင်ငံ တစ်နိုင်ငံဟာ တိုးတက်ဖို့ သာယာဖို့ ဆိုတာ ပထမ ဦးဆုံးတော့ ငြိမ်းချမ်းဖို့ လိုပါတယ်။ အဲဒီတော့ ကျွန်မရဲ့ မွေးနေ့ ဆုတောင်း ကတော့ ကျွန်မတို့ အားလုံး ငြိမ်းချမ်း ကြပါစေ ဆိုတဲ့ ဆုတောင်းပါပဲ” လို့ ဒေါ်အောင်ဆန်း စုကြည်က သူမရဲ့ အသက် ၆၆ နှစ်ပြည့် မွေးနေ့မှာ သူမရဲ့ ဆုတောင်းကို ပြောပြခဲ့ ပါတယ်။ သူမဟာ အခုအသက် ၇၀ အတွင်း မှာပါ။

ငြိမ်းချမ်းရေး ဆွေးနွေးပွဲနှင့် မြန်မာ အမျိုးသမီးများ

စက်တင်ဘာ ၁၃ရက် နေ့က သမ္မတရုံး ပြည်ထောင်စု ၀န်ကြီး ဦးအောင်မင်းက ငြိမ်းချမ်းရေး လုပ်ငန်းစဉ်မှာ ပါဝင်သင့် ပါဝင်ထိုက်တဲ့ သူတွေကို ပါဝင်ခွင့် ပေးမယ်လို့ ပြောထား ပါတယ်။ ဒီနေရာမှာ အမျိုးသမီး တွေရဲ့ အခန်း ကဏ္ဍက အရေးပါတဲ့ အတွက် နိုင်ငံရေး အသိုင်းအ၀ိုင်း ထဲကို ၀င်ရောက် လာတဲ့ မြန်မာ အမျိုးသမီး တွေရဲ့ အမြင် အယူအဆ တွေကို တင်ပြချင် ပါတယ်။ “လက်မှတ် ထိုးမယ်။ စားပွဲဝိုင်း ပေါ်မှာ ရောက်နေပြီး ထိုးပြီလား ... ထိုးပြီလား ဆိုတာ ငြိမ်းချမ်းရေးကို တကယ် လို့ချင်လို့ ရင်ခုန် ခဲ့ရတာ နှလုံး ရောဂါတောင် ဖြစ်တော့မယ်။ တစ်ခု ရှိတာက ဘာကြောင့် ကြန့်ကြာ နေရတာလဲ ဆိုတာ သူတို့ပဲ သိကြ လိမ့်မယ်။ အပစ် အခတ် ရပ်စဲရေး လက်မှတ်ထိုး လိုက်ရင် အရင်လို ပြန်ဖြစ် မလား။ အရင်တစ်ခေါက် တုန်းကလည်း အပစ်အခတ် ရပ်စဲရေး သဘောတူ ခဲ့ကြတာ နောက်တော့ ပြန်ဖြစ် တာပဲ။ တစ်ခါ သေဖူး ပျဉ်ဖိုး နားလည် ဆိုတဲ့ စကားကလည်း ရှိသေး တာကိုး။ ငြိမ်းချမ်းရေး လုပ်ငန်း စဉ်တွေ လုပ်တဲ့ အခါ မှာလည်း ဥပဒေ မူဘောင်တွေနဲ့ ခိုင်ခိုင်မာမာ လုပ်ဆောင်ဖို့ လိုတယ်။ ဥပဒေ အရင်ပြု ပြီးမှ ငြိမ်းချမ်းရေး လုပ်ငန်းစဉ် တွေကို ဆွေးနွေး လုပ်ကိုင် သင့်တယ်” လို့ ပြည်သူ့လွှတ်တော် ကိုယ်စားလှယ် ဒေါ်ဒွဲဘူက သုံးသပ်ပါတယ်။

ရှင်စောပု မွန်အမျိုးသမီး စွမ်းဆောင်ရှင်များ အသင်း အတွင်းရေးမှူး မသိန်းရှင် ကတော့ “ငြိမ်းချမ်းရေး လက်ရှိ လုပ်ကိုင် နေတဲ့ ဆွေးနွေးနေတဲ့ အပိုင်းမှာ အမျိုးသမီးတွေ ပါဝင်မှု နည်းတာဟာ အစိုးရက ဖိတ်မှ မဖိတ်တာ။ အောက်ခြေ အဖွဲ့တွေ ကလည်း အမျိုးသမီး တွေကို ဖိတ်ဖို့ လိုတယ်။ တကယ် ငြိမ်းချမ်းရေးကို သွားကြမယ် ဆိုရင်တော့ တက်ရောက် ဆွေးနွေးတဲ့ ကိုယ်စားလှယ်တွေ။ ဒိုင်လူကြီး လုပ်တဲ့ လူတွေက ကောင်းဖို့ လိုတယ်။ တရားမျှတ မှုကို လိုလားတဲ့ လူတွေ ဖြစ်ဖို့ လိုတယ်”ဟု ပြောကြားခဲ့သည်။ ၈၈ မျိုးဆက် ပွင့်လင်း လူ့အဖွဲ့ အစည်းက မမီးမီး ကလည်း “ငြိမ်းချမ်းရေး ဆွေးနွေးပွဲ တွေမှာ အမျိုးသမီး တွေလည်း ပါဝင်သင့် ပါတယ်။ ပြီးပြည့်စုံတဲ့ ဆုံးဖြတ်ချက်တွေ ဖြစ်ဖို့ပေါ့။ ငြိမ်းချမ်း ရေးကို ထိန်းသိမ်း ထားနိုင် ဖို့လည်း အရေးကြီး ပါတယ်။ ကျွန်မတို့ ပါဝင် ဆွေးနွေးခွင့် ရပြီ ဆိုရင် ငြိမ်းချမ်းရေးရဲ့ အခြေခံ အကြောင်းအရာ တွေကို ဆွေးနွေး ချင်ပါတယ်။ ရာသက်ပန် ငြိမ်းချမ်းရေး ရဖို့ပေါ့”လို့ ဆိုပါတယ်။

ယခုနှစ် အတွင်း ဧပြီလနှင့် မေလ အတွင်း ကောက်ယူ ခဲ့တဲ့ သန်းခေါင် စာရင်းအရ ရှေ့ပြေး လူဦးရေ စာရင်းမှာ မြန်မာနိုင်ငံတွင်း ရှိနေသူ ဦးရေမှာ ၅၁ သန်းကျော် ရှိပါတယ်။ အဲဒီ လူဦးရေ စာရင်းမှာ ကျား/မ အရေအတွက် ကွာဟမှုကို ကြည့်မယ် ဆိုရင်လည်း အမျိုးသမီး ဦးရေဟာ နှစ်သန်း ကျော်လောက် ပိုမို များပြား နေပါတယ်။ အမျိုးသမီးတွေ ပါဝင်မှုနှုန်းဟာ လူဦးရေရဲ့ ၅၁ဒသမ ၈ ရာခိုင်နှုန်းထိ ရှိနေတယ် လို့လည်း သန်းခေါင်စာရင်း ထုတ်ပြန်ချက် (၁)မှာ ဖော်ပြ ထားပါတယ်။ အခုလို အမျိုးသမီး လူဦးရေ များပြား နေပေမယ့် နိုင်ငံရေး လှုပ်ရှားမှု၊ ငြိမ်းချမ်းရေး အကောင် အထည်ဖော် ဆောင်ရွက်မှု တွေမှာ အမျိုးသမီးတွေ ပါဝင်ခွင့် ရရှိမှုဟာ နည်းပါးနေ ပါတယ်။ ဒါ့အပြင် လွှတ်တော်နဲ့ အစိုးရ အဖွဲ့မှာ အမျိုး သမီးတွေ ဦးဆောင် တာဝန်ယူမှု အပိုင်း ဟာလည်း မှေးမှိန်နေ ပါသေးတယ်။ ကျား/မ ခွဲခြားမှုတွေ၊ ရိုးရာ အစဉ်အလာတွေ ဘယ်လောက် ရှိနေပါစေ အရည်အချင်း ပြည့်ဝမယ် ဆိုရင်၊ အများအကျိုး လိုလားမယ် ဆိုရင် အမျိုးသမီးတွေ အတွက် နေရာပေးဖို့ ၀န်မလေး သင့်ပါဘူး။ အမျိုးသမီး တွေရဲ့ အခန်းကဏ္ဍ အရင်ကထက် ပိုမိုထိရောက် ပီပြင် လာခဲ့ရင် မြန်မာပြည်ရဲ့ ငြိမ်းချမ်းရေး ပန်းခင်းကြီး အတွက် အကောင်းဆုံး ဥယျာဉ်မှူးတွေ ဖြစ်လာ မှာပါ။

Written by သတင်းအဖွဲ့

mizzimaburmese.