ဝက်ထီးကန်နဲ့ သိန်း ၁,၁၀၀ အရှုပ်အရှင်း

ပြည်ခရိုင်၊ ဝက်ထီးကန်မြို့ ဒေသခံ ၃ဝဝ ကျော်က မြို့အုပ်ချုပ်ရေးမှူးကို ရာထူးက ဖယ်ရှားပေးဖို့ ကြာသပတေးနေ့ နံနက်ပိုင်းက ဆန္ဒပြခဲ့ကြပါတယ်။

ေ

ရှးဟောင်းသမိုင်းဝင်ရေကန်ကြီးဖြစ်တဲ့ ဝက်ထီးကန်ဆိုတာကို အစွဲပြုပြီး မြို့ရဲ့နာမည်ကိုပါ ဝက်ထီးကန် လို့ ခေါ်ဝေါ်ခဲ့ကြပါတယ်။

ရေကန်ကြီးကို ပြန်လည် ပြုပြင်မွန်းမံဖို့အတွက် ၂၀၁၄ နှစ်စမှာပဲ ကျပ်သိန်းပေါင်း ၁,၁၀၀ ကို အစိုးရက ချပေးခဲ့ပါတယ်။

ဝက်ထီးကန်မြို့မိမြို့ဖတဦးဖြစ်တဲ့ ဦးမျိုးချစ်က အုပ်ချုပ်ရေးမှူးဟာ ငွေကြေးသုံးစွဲမှု စာရင်းရှင်းတန်းလည်း မပြုလုပ်သလို ကန်ပြုပြင်မွန်းမံမှုတွေလည်း ကျန်ရှိနေသေးတယ်၊ ဒါကြောင့် ငွေကြေး စီမံခန့်ခွဲတဲ့ အုပ်ချုပ်ရေးမှူးကို စုံစမ်း စစ်ဆေးမှုတွေပြုလုပ်ပေးဖို့ ဗဟိုအစိုးရအဆင့်၊ တိုင်းဒေသကြီးအစိုးရအဆင့်တို့ သိရအောင် တိုင်ကြားခဲ့တယ်၊ 

သို့သော်လည်း ထူးခြားမှု မရှိတဲ့အတွက် လမ်းပေါ်ထွက် ဆန္ဒပြရခြင်းဖြစ်တယ်လို့ ပြောပါတယ်။

“သမ္မတနဲ့ ဝန်ကြီးချုပ်ကို တိုင်ကြားထားတာလည်း ဘာမှ အရေးယူမပေးဘူး၊

သတင်းစာ ရှင်းလင်းပွဲလုပ်ပြီး ငွေစာရင်းရှင်းဖို့ တောင်းဆိုတာလည်း ခုထိမရှင်းဘူး၊

အဲဒါကြောင့် အခုလို လမ်းပေါ်ထွက် ဆန္ဒပြတဲ့အထိဖြစ်လာတာ။

ဆန္ဒပြလို့ ဒီပြဿနာ ပြေလည်သွားမှာ မဟုတ်ပေမဲ့ အရေးမယူမချင်း ကျနော်တို့ကတော့ ဆက်လုပ်သွားမှာပဲ”

ဝက်ထီးကန်မြို့ရဲ့ န၀င်းလမ်း၊ ဗိုလ်ရုံလမ်းနဲ့ ဦးဝိစာရလမ်းလို့ခေါ်တဲ့

ဝက်ထီကန်ပတ်လမ်းတလျှောက် ...

- ပြည်သူက ရွေးချယ်တင်မြှောက်ပေးပြီးပြည်သူ့သစ္စာ မစောင့် ပြည်သူကို စေတနာမထားတဲ့ အုပ်ချုပ်ရေးမှူးကို ချက်ချင်းဖြုတ်ပစ်၊

- မဟုတ်တာလုပ်တဲ့၊ ပြည်သူဘဏ္ဍာကို အလွဲသုံးစားလုပ်တဲ့ အုပ်ချုပ်ရေးမှူးကို ဘယ်သူကမှ အရေးယူမပေးလည်း ပြည်သူတွေအားလုံးသိရင် ပြည်သူတွေအရေးယူတာကိုခံရမယ်

စတဲ့ ပိုစတာတွေကို ကိုင်ဆောင်ထားကြတာပါ။ 

ပိုစတာထဲကအတိုင်း ကြွေးကြော်သွားကြတာလည်း တွေ့ရပါတယ်။ 

ဆန္ဒပြဦးဆောင်သူ မြို့မိမြို့ဖ ဦးမျိုးချစ်က ... 

“သိန်း ၁,၁၀၀ ချပေးတယ်။

ရပ်မိရပ်ဖတွေနဲ့ ကော်မတီဖွဲ့ပြီး ဒါလုပ်ရမှာ။

ဒါပေမယ့် အုပ်ချုပ်ရေးမှူးက သူ့လူတွေနဲ့ ကော်မတီဖွဲ့ပြီး လုပ်တယ်။

ငွေစာရင်းရှင်းတမ်းကို ပွင့်လင်း မြင်သာစွာ ချမပြဘူး။ 

တကယ်လုပ်တာက သိန်း ၃၀၀ လောက်ပဲ ကုန်ပြီး သိန်း ၈၀၀ လောက် ပျောက်နေတယ်။

ရပ်မိရပ်ဖတွေက စာရင်းရှင်းပေးဖို့ ပြောတယ်။

ရှင်းမပေးဘူး။ ကန်ကိုလည်း ပြီးအောင် မလုပ်ဘူး။ လုပ်ဖို့က တစ်မိုင်ခွဲလောက် ကျန်နေသေးတယ်”

ဆန္ဒအပြခံရတဲ့ ဝက်ထီးကန်မြို့ အုပ်ချုပ်ရေးမှူး ဦးသန်းထိုက်ကတော့ ဆန္ဒပြသူတွေရဲ့ စွပ်စွဲချက်ကို ငြင်းပါတယ်။

ဦးသန်းထိုက်ဟာ အုပ်ချုပ်ရေးမှူး မလုပ်ခင်ကတော့ ဝက်ထီးကန်မြို့ရဲ့ ကြံ့ခိုင်ရေးနဲ့ ဖွံ့ဖြိုးရေးပါတီက စည်းရုံးရေးမှူး တယောက်ပါ။

ငွေကြေး အလွဲသုံးစား မလုပ်ဘူးလို့ သူက ပြောပါတယ်။

“ပုဂ္ဂိုလ်ရေး တိုက်ခိုက်နေတာပါ။ 

ကျပ်သိန်း ၃၀၀ ထဲနဲ့ စီမံကိန်းကြီးတစ်ခုလုံး လုပ်လို့ မရပါဘူး။ 

ကျပ်သိန်း ၁,၁၀၀ မှာ ကျပ်သိန်း ၁၁၀ ပဲ ပိုတာပါ”

ေ

ငွစာရင်းနဲ့ ပတ်သက်လို့လည်း သေချာ လုပ်ထားကြောင်း သူက ပြောပါတယ်။

“ငွေစာရင်းရှင်းတမ်းတွေနဲ့ ပတ်သက်ပြီး ၆ ကြိမ်လောက် ရှင်းပြီးပြီ။

ဝန်ကြီးချုပ်ထိလည်း ရှင်းလင်း တင်ပြပြီးပြီ။

ကျန်ငွေကိုလည်း ဘဏ်မှာ အပ်ထားပါတယ်”

ဒါကတော့ အငြင်းပွားဖွယ် ဖြစ်နေတဲ့ ကျပ်သိန်းပေါင်း ၁,၁၀၀ နဲ့ ရေကန်ပြန်လည်မွန်းမံရေး စီမံကိန်းအကြောင်း နှစ်ဘက် ပြောဆိုချက်တွေပါ။ 

ဒီရေကန်ကြီးဟာ တကောင်းခေတ်ကတည်း တည်ရှိခဲ့တယ်လို့ ယူဆနေကြပါတယ်။

ဧရာဝတီ