ကမ္ဘာ့အံ့ဖွယ်ခုနှစ်ပါးဝင် ဂီဇာပိရမစ်ကို ဘယ်လို တည်ဆောက်ခဲ့သလဲ

အမေရိကန်နိုင်ငံ အင်ဒီယားနား တက္ကသိုလ်က ရူပဗေဒ ပညာရှင်တွေကတော့ ဂီဇာပိရမစ် တည်ဆောက်ရာမှာ ကျောက်တုံးတွေကို အနား(၁၂)နားပါတဲ့ ဒိုဒက် ကက်ဂွန် (Dodecagon)ပုံစံပြောင်းပြီး သယ်ခဲ့ကြဖွယ်ရှိတယ်လို့ သုံးသပ်ပါတယ်။ အီဂျစ်ဘုရင် ကူဖူရဲ့ ဂူသင်္ချိုင်း ဂီဇာ ပိရမစ်ကို ဘီစီ ၂၅၆၀မှာ တည်ဆောက်ပြီး ဘီစီ ၂၅၄၀မှာ ပြီးစီးတယ်လို့ အီဂျစ်သမိုင်း လေ့လာသူတွေက ယူဆခဲ့ကြပါတယ်။ ဂီဇာပိရမစ်ဟာ ကမ္ဘာ့အံ့ဖွယ် ခုနှစ်ပါးထဲမှာ ရှေးအကျဆုံးဖြစ်သလို စက်ကိရိယာ အကူအညီမပါဘဲ

လူသားတွေတည်ဆောက်တဲ့ အဆောက်အဦတွေအနက် အမြင့်ဆုံးအဖြစ် မှတ်တမ်းတင်ခံခဲ့ရပါတယ်။

လွန်ခဲ့တဲ့နှစ်ပေါင်း (၄၅၀၀)ကျော်က ဂီဇာပိရမစ်ကြီး တည်ဆောက်ရမှာ

ကျောက်တုံးတွေကို ဘယ်လို သယ်ခဲ့တယ်ဆိုတာနဲ့ ပတ်သက်ပြီး ထင်မြင်ယူဆချက် အမျိုးမျိုး ရှိခဲ့ပါတယ်။ ပိရမစ်ကြီးကို နှစ်တန်ခွဲလေးတဲ့

ကျောက်တုံးပေါင်း ၂.၄သန်းနဲ့ နှစ်(၂၀)နီးပါး တည်ဆောက်ခဲ့ရတာဖြစ်ပြီး

ကျောက်တုံးတွေကို နိုင်းမြစ်ဝှမ်းကနေ သယ်ယူခဲ့ရတာ ဖြစ်ပါတယ်။ ထုံးကျောက်၊ နှမ်းဖတ်ကျောက်တွေ အသုံးပြုထားပြီး ကူဖူဘုရင် ခန်းဆောင်မှာရှိတဲ့ နှမ်းဖတ်ကျောက်တွေက အကြီးဆုံးပါပဲ။

(၁၂)နှစ်ဆက်မြောက် ဘုရင် ဒီဂျီဟူတီဟိုတက်ရဲ့ ဂူသင်္ချိုင်းမှာ ပိရမစ်တည်ဆောက်ဖို့ ကျောက်တုံးတစ်တုံးကို လူ ၁၇၂ဦး စွတ်ဖားနဲ့ဆွဲနေတဲ့ပုံ ပါဝင်နေလို့ ကျောက်တုံးသယ်ရာမှာ စွတ်ဖားတွေ အသုံးပြုကြလိမ့်မယ်လို့ ထင်မြင်ချက်ပေးကြသလို တချို့တွေက ရေစီးလမ်းဖောက်ပြီး ကျောက်တုံးတွေကို

ရေထဲမျောလိမ့်မယ်၊ ပုခက်လို ပစ္စည်းမျိုးကို သုံးခဲ့လိမ့်မယ်၊ ကွေးထားတဲ့ သစ်သားတွေကို ကျောက်တုံး တစ်ဖက်တစ်ချက်မှာထားပြီး လိမ့်ရလွယ်အောင် လုပ်ခဲ့လိမ့်မယ် ဆိုပြီး ဖြစ်နိုင်ခြေ အမျိုးမျိုး သုံးသပ်ခဲ့ကြပါတယ်။

ဒါပေမဲ့ အင်ဒီယားနား တက္ကသိုလ်က ရူပဗေဒ ပညာရှင်တွေကတော့ ကျောက်တုံးရဲ့ မျက်နှာပြင်တိုင်းမှာ သစ်လုံးတွေချည်ပြီး ကျောက်တုံးကို ဒိုဒက်ကက်ဂွန်ပုံ

ပြောင်းလိုက်ရင် မြေပေါ်ကိုသက်ရောက်နေတဲ့ ဖိအားလျှော့ပါးစေပြီး ရွှေ့လျားပွတ်တိုက်မှုရဲ့ မြောက်ဖော်ကိန်း ၀.၃အထိ ဖြစ်သွားလို့ ကျောက်တုံးအလေးချိန်ရဲ့ ၀.၁၅ ဆ အားစိုက်ရုံနဲ့ ကျောက်တုံးကို ရွှေ့အောင်လိမ့်နိုင်လိမ့်မယ်လို့ လက်တွေ့ပြသခဲ့ပြီး ပိရမစ် ဆောက်သူတွေ အဲဒီနည်းကို သုံးခဲ့ဖွယ်ရှိတယ်လို့ ဆိုပါတယ်။

ပိရမစ်တွေ တည်ဆောက်ကြတဲ့အခါ အမြင့်ပိုင်းနဲ့ အနိမ့်ပိုင်းကို ဆက်သွယ်ထားတဲ့ အတွင်းပိုင်းဆင်ခြေလျောလမ်းကနေ ကျောက်တုံးတွေကို ဆွဲယူပြီး စီခဲ့ကြမယ်လို့ နှစ်တော်တော်ကြာ ယူဆခဲ့ကြပေမယ့် နယူးပို့တ်က အင်ဂျင်နီယာတစ်ယောက်ကတော့ အဲဒီအယူအဆကို ပယ်ချပါတယ်။ ပိရမစ်တွေ တည်ဆောက်နည်းကို စဉ်းစားရင် ရှေးဟောင်း သုတေသီတစ်ယောက် အမြင်ထက် အင်ဂျင်နီယာ တစ်ယောက်ရဲ့ အတွေးအခေါ်နဲ့ပဲ စဉ်းစားသင့်တယ်လို့ ပီတာဂျိမ်းက ပြောပါတယ်။

သူ့အယူအဆကတော့ ပိရမစ်ဆောက်တဲ့အခါ ထောင့်လေးထောင့်မှာ အရင်ကျောက်တုံးတွေစီမယ်။ အလယ်မှာ ဗဟိုချက်တစ်ခုထားမယ်။ အဲဒီဗဟိုချက်ပေါ်မှာ ရုပ်အလောင်းတွေထည့်ဖို့ ကျောက်ကန်ခန်းဆောင် တည်ဆောက်မယ်။ အတွင်းပိုင်းမှာ ပိုသေးတဲ့၊ ပိုပေါ့ပါးတဲ့ ကျောက်တုံးတွေကို ထားပြီး တစ်လွှာချင်းဆင့် တည်ဆောက်မယ်၊ ပိရမစ်အပြင်ပိုင်းမှာ ထုထည်ကြီးတဲ့ ကျောက်တုံးကြီးတွေကို အသုံးပြုပြီး ငြမ်းဆင်တည်ဆောက်မယ် ဆိုတာပါပဲ။

Nz(ရိုးရာလေး)

Ref:Dailymail