၂၀၁၅ ရွေးကောက်ပွဲ ဘာကြောင့် အရေးကြီးသလဲ

ပြီးခဲ့တဲ့ အောက်တိုဘာ ၁၅ ရက်က မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချယ်ဟာ

ပြည်တွင်း သတင်းမီဒီယာ တာဝန်ရှိသူတချို့နဲ့ တွေ့ဆုံခဲ့ပါတယ်။ အဲဒီတွေ့ဆုံပွဲမှာ သူက အမေရိကန် အစိုးရအနေနဲ့ ၂၀၁၅ နောက်ပိုင်း မြန်မာနိုင်ငံရဲ့ ခေါင်းဆောင် ဘယ်သူဖြစ်သင့်တယ်ဆိုတဲ့ သဘောထားမျိုးမရှိဘဲ ရွေးကောက်ပွဲကို ဒီမိုကရေစီလုပ်ငန်းစဉ်အတိုင်း ပွင့်လင်းမြင်သာစွာ ကျင်းပဖို့၊ ရွေးကောက်ပွဲက တက်လာသူ တိုင်းပြည်ကို ခေါင်းဆောင်နိုင်ဖို့ စတာတွေကိုပဲ လိုလားတယ်လို့ ပြောဆိုခဲ့ပါတယ်။ ဒါ့အပြင် သူ့အနေနဲ့ လာမယ့် ရွေးကောက်ပွဲမှာ PR စနစ် ပြောင်းလဲကျင့်သုံးမယ့် ကိစ္စကိုတော့ စိတ်ပျက်စရာတစ်ခုအဖြစ် မြင်တယ်ဆိုပြီးလည်း ပြောဆိုခဲ့ပါတယ်။ ဒဲရစ်မစ်ချယ်ရဲ့ ပြောဆိုချက်ကို ဒီကနေ့ သုံးသပ်ကြည့်ကြရအောင်။

သူ ပထမဦးဆုံးပြောတဲ့ အမေရိကန်အနေနဲ့ ၂၀၁၅ ရွေးကောက်ပွဲအပြီး ဘယ်လို ခေါင်းဆောင်မျိုး၊ သမ္မတမျိုး မြင်တွေ့လိုတယ် ဆိုတဲ့ သဘောထားမျိုး မရှိဘူးဆိုတာကတော့ ရှင်းပါတယ်။ အမေရိကန်ဟာ မြန်မာ့ပြည်တွင်းရေးကို ဝင်စွက်ဖက်လိုခြင်း အလျဉ်းမရှိဘူး၊ မြန်မာပြည်သူတွေရဲ့ ရွေးချယ်မှုကို လေးစားတယ်လို့ ဆိုလိုက်တာပါ။ နောက်တစ်ခုကတော့ ၂၀၁၅ ရွေးကောက်ပွဲကို ပွင့်လင်းမြင်သာစွာ ကျင်းပဖို့ဆိုတဲ့ ကိစ္စပါ။ ဒီကိစ္စကတော့ အမေရိကန်တင်မက တခြား အနောက်နိုင်ငံတွေ၊ မြန်မာနိုင်ငံ အကျိုးစီးပွားကို လိုလားသူတိုင်းက ဒီကိစ္စစိတ်ပူပန်စွာ ပြောကြပါတယ်။ အကြောင်း

က သူတို့တွေအနေနဲ့ မြန်မာပြည်မှာ ဒီမိုကရေစီစနစ် ထွန်းကားစေချင်လို့ပါ။

ပြည်သူတွေလိုလားတဲ့ အစိုးရအဖွဲ့ကို အုပ်ချုပ်စေချင်လို့ပါ။ မြန်မာနိုင်ငံကို ဒီမိုကရေစီ လမ်းကြောင်းပေါ်ကို ရောက်ပြီ၊ မရောက်သေးဘူး တိုင်းတာရာမှာ လွတ်လပ် တရားမျှတတဲ့ ရွေး ကောက်ပွဲကျင်းပဖို့၊ အဲဒီ ရွေးကောက်ပွဲကနေ ပေါ်ပေါက်လာမယ့် အစိုးရသစ်ဟာ တိုင်းပြည်ကို စီမံခန့်ခွဲ အုပ်ချုပ်ခွင့်ရဖို့ဆိုတာ အချက်တစ်ချက်အနေနဲ့ ပါဝင်လို့ ဖြစ်ပါတယ်။

ဒီကိစ္စ နိုင်ငံတကာ မိသားစုက အရေးတကြီး ပြောဆိုနေရတာကလည်း အကြောင်းရှိပါတယ်။ ၁၉၆၂ ခုနှစ် ဗိုလ်ချုပ်နေဝင်း ဦးဆောင်တဲ့ စစ်အာဏာသိမ်းမှု ဖြစ်ပွားပြီးနောက်၊ နောက်တစ်ကြိမ် စစ်အာဏာသိမ်းတာ ခံလိုက်ရတဲ့ ၁၉၈၈ ခုနှစ်အထိ မြန်မာနိုင်ငံမှာ ပါတီစုံစနစ် မရှိသလို၊

ပါတီစုံပါဝင်ခွင့်ရတဲ့ ရွေးကောက်ပွဲတွေလည်း မရှိခဲ့ပါဘူး။ ၁၉၈၈ ခုနှစ်မှာ အာဏာသိမ်းခဲ့တဲ့ စစ်ကောင်စီကတော့ ရွေးကောက်ပွဲတွေ လုပ်ပေးမယ်။ ပြီးရင် သူတို့စစ်တန်းလျား ပြန်မယ်ဆိုပြီး တိုင်းပြည်ကို ကတိပေးခဲ့ပါတယ်။ ဒီလိုနဲ့ ၁၉၉၀ ပြည့်နှစ်မှာ လွတ်လပ်မျှတတဲ့ ပါတီစုံ ဒီမိုကရေစီ အထွေထွေ ရွေးကောက်ပွဲကြီး ကျင်းပပေးခဲ့ပါတယ်။ အားလုံးသိကြတဲ့ အတိုင်း ဒေါ်အောင်ဆန်းစုကြည် ခေါင်းဆောင်တဲ့ အန်အယ်ဒီ အမျိုးသားဒီမိုကရေစီ အဖွဲ့ချုပ်က မဲအပြတ်အသတ်နဲ့ အနိုင်ရခဲ့ပါတယ်။ ဒါပေမဲ့ စစ်အစိုးရဟာ အာဏာလွှဲမပေးရုံမျှမက လွှတ်တော်တောင် ခေါ်မပေးခဲ့ပါဘူး။

ဒီလိုနည်းနဲ့ စစ်အစိုးရဟာ ကိုယ့်ဘာသာကိုယ် စိတ်ကြိုက်ရေးဆွဲထားတဲ့ ၂၀ဝ၈ ဖွဲ့စည်းပုံ အခြေခံဥပဒေကို အတည်ပြုပြီး ၂၀၁၀ မှာ ပါတီစုံ အထွေထွေ ရွေးကောက်ပွဲ လုပ်ပေးမယ်လို့ ကြေညာပါတယ်။ ဒါပေမဲ့ အင်န်အယ်လ်ဒီနဲ့ အတိုက်အခံတွေ ပါဝင်ခွင့်မရအောင် နည်းပေါင်းစုံ

နဲ့ ကန့်သတ်လိုက်တဲ့အတွက် အားလုံးပါဝင်ယှဉ်ပြိုင်တဲ့ ရွေးကောက်ပွဲ မဖြစ်ခဲ့ပါဘူး။ ဒါတင်မက ရွေးကောက်ပွဲကိုလည်း မသမာမှု နည်းပေါင်းစုံ သုံးပြီး ကိုယ်လိုချင်တဲ့ ရလဒ် ရအောင် ကျင်းပခဲ့တာပဲ ရှိပါတယ်။ ဒါကြောင့်လည်း ၂၀၁၀ ရွေးကောက်ပွဲက ပေါ်ပေါက်လာတဲ့ လွှတ်တော်နဲ့အစိုးရအဖွဲ့

တွေဟာ ပြည်သူ့ဆန္ဒနဲ့အညီ ဒီမိုကရေစီနည်းကျ ပေါ်ပေါက်လာတဲ့ လွှတ်တော်နဲ့ အစိုးရအဖွဲ့အဖြစ် အသိအမှတ်မပြုခဲ့ပါဘူး။ တကယ်လို့သာ ၂၀၁၅ ခုနှစ်မှာ လွတ်လပ်ပြီး တရားမျှတတဲ့ ရွေးကောက်ပွဲကျင်းပ ပေးနိုင်ခဲ့ရင်၊ အဲဒီရွေးကောက်ပွဲ ရလဒ်ကနေ ပြည်သူတွေရဲ့ဆန္ဒနဲ့အညီ ပေါ်ပေါက်

လာမယ့် သမ္မတနဲ့ အစိုးရအဖွဲ့ကို လက်ရှိ အစိုးရအဖွဲ့က အေးအေးချမ်းချမ်း အာဏာလွှဲပြောင်းပေးခဲ့ရင်၊ တပ်မတော်ကလည်း အသိအမှတ်ပြုရင် မြန်မာ့သမိုင်းအတွက် အလွန့်အလွန် အရေးပါတဲ့ အချိုးအကွေ့ မှတ်တိုင်ကြီးတစ်ခု ဖြစ်လာမှာပါ။ အဲလို အခြေအနေမျိုးကသာလျှင် မြန်မာနိုင်ငံ

ဒီမိုကရေစီလမ်းကြောင်းပေါ် စရောက်ပြီလို့ ပြောဆိုနိုင်မှာဖြစ်ပြီး တိုင်းပြည်တည်ငြိမ်ရေးကိုလည်း အထောက်အကူပြုစေမှာ ဖြစ်ပါတယ်။

အဲလို တိုင်းပြည်တည်ငြိမ်မှု၊ နိုင်ငံတကာ အစိုးရတွေရဲ့ အသိအမှတ်ပြုမှုတွေနဲ့ မှသာလျှင် နောက်ပိုင်း မြန်မာနိုင်ငံထဲ ရင်းနှီးမြှုပ်နှံမှုတွေ ပိုမိုဝင်ရောက်လာပြီး ဖွံ့ဖြိုးတိုးတက်မှုကိုလည်း ဆက်ပြီးဆောင်ကျဉ်းနိုင်မှာ ဖြစ်ပါတယ်။ ဒါကြောင့် ၂၀၁၅ ရွေးကောက်ပွဲကို အရေးကြီးတယ်လို့ ဆိုနေ

ကြတာ ဖြစ်ပါတယ်။ ဒီနေရာမှာ ၂၀၁၅ ရွေးကောက်ပွဲကြီး တရားမျှတစွာ ကျင်းပဖို့ဆိုတာကလည်း ပြဿနာတွေ စိန်ခေါ်မှုတွေ အများကြီးရှိနေပါတယ်။ အရေးအကြီးဆုံးအချက်ကတော့ ဒိုင်လူကြီးနဲ့ ဒိုင်အဖွဲ့ဝင်တွေဟာ စစ်ဗိုလ်ချုပ်ဟောင်း တစ်ယောက်နဲ့ စစ်ဗိုလ်ဟောင်းတွေ စုဖွဲ့ထားတဲ့ အဖွဲ့အစည်းတစ်ခု ဖြစ်နေတာပါ။ အကြောင်းကတော့ ရွေးကောက်ပွဲ ဝင်ပြိုင်ကြမယ့် ပါတီကြီးတွေထဲမှာ လက်ရှိအာဏာလည်းရ၊ စစ်ဗိုလ်ချုပ်ဟောင်းတွေနဲ့ဖွဲ့ထားတဲ့ ပြည်ခိုင်ဖြိုးပါတီ ရှိနေလို့ပါပဲ။

ဒါ့အပြင် နောက်ထပ် အရေးကြီးတာတွေက နိုင်ငံတကာ စောင့်ကြည့်လေ့လာရေး အဖွဲ့တွေကို လေ့လာခွင့်ပြုဖို့ ကိစ္စပါ။ ဒီကိစ္စ ရွေးကောက်ပွဲကော်မရှင် ဥက္ကဋ္ဌက ဘာကတိမှ ပေးမထားသေးပါဘူး။ ဒါ့အပြင် အမြဲတန်း အဆင်သင့်ဖြစ်နေရမယ့် မဲပေးပိုင်ခွင့်ရှိသူစာရင်း ဆိုတာမျိုးကလည်း

ဘယ်နေမှန်းတောင် မသိနိုင်သေးတဲ့ အခြေအနေပါ။ အဘက်ဘက်က စိုးရိမ်နေရပါတယ်။ ဒီအထဲ ထပ်ပြီး စိုးရိမ်လာရတာက နာယက သူရဦးရွှေမန်း ဦးဆောင်တဲ့၊ စစ်ဗိုလ်ဟောင်း ပြည်ခိုင်ဖြိုးအမတ်တွေ လွှမ်းမိုးထားတဲ့ လွှတ်တော်ကနေ လာမယ့် ရွေးကောက်ပွဲကို PR လို့ခေါ်တဲ့ အချိုးကျ ကိုယ်စားပြုစနစ် ပြောင်းလဲကျင့်သုံးဖို့ အသည်းအသန် ကြိုးစားနေတဲ့ ပြဿနာပါ။ ပြောရရင် ညောင်နှစ်ပင် ညီလာခံကနေ ပြည်သူလူထုကို အနိုင်ကျင့်ပြီး ၂၀ဝ၈ ဖွဲ့စည်းပုံကို အတင်းအကျပ် အတည်ပြုခဲ့သလို အခုလည်း လွှတ်တော်ကို လွှမ်းမိုးထားနိုင်တယ်ဆိုတဲ့ အခြေအနေကိုအားကိုးပြီး အနိုင်ကျင့် စနစ်ပြောင်းမယ့် အခြေအနေ တွေ့မြင်နေကြရပါတယ်။ ဒါကတော့ အတော် စိုးရိမ်ဖို့ ကောင်းပါတယ်။

အကြောင်းကတော့ PR စနစ်ကိုသာ ကျင့်သုံးရင် ဒီစနစ် ကျင့်သားမရတဲ့အတွက် ရွေးကောက်ပွဲမှာ အခက်အခဲတွေကြုံရနိုင်ပါတယ်။ မဲမသမာမှုတွေ ပိုပြီး ပေါ်ပေါက်နိုင်ပါတယ်။ မဲဆန္ဒနယ်တစ်ခုချင်း အနိုင်အရှုံး မရှိတဲ့အတွက် မဲစာရင်းဘယ်လောက် မသမာ လုပ်လိုက်သလဲ အလွယ်တကူ မသိ

နိုင်သလို၊ အလွယ်တကူ စောဒကတက်လို့လည်း မလွယ်နိုင်လို့ပါ။ နောက်အရေးကြီး ပြဿနာက ဖွဲ့စည်းပုံအရ သမ္မတရွေးရာမှာ စစ်ဗိုလ်အမတ်တွေက ၂၅ ရာခိုင်နှုန်းအသာစီး ရယူထားပြီးသားကို စစ်ဗိုလ်ဟောင်း ပါတီက နောက်ထပ်အခွင့်အရေး ထပ်လိုချင်နေလို့ပါပဲ။ အားလုံးကို ခြုံငုံသုံးသပ်

လိုက်ရင် အမေရိကန်သံအမတ်ကြီး ဒဲရစ်မစ်ချယ် ပြောတာတွေဟာ မြန်မာ့နိုင်ငံရေး ဝင်စွက်လိုခြင်း အလျဉ်းမရှိသလို၊ မြန်မာပြည်သူလူထုရဲ့ လိုလားချက်၊ တိုင်းပြည်ရဲ့ အကျိုးစီးပွားနဲ့ တစ်ထပ်တည်းကျပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်

mizzima