ရုရှား ချေချင်းညာက ဒေသ မြို့တော် ဂရော့ဇနီတွင် အသေခံဗုံးခွဲ တိုက်ခိုက်မှုကြောင့် ရဲတပ်ဖွဲ့ဝင် (၅) ဦး သေဆုံးပြီး အနည်းဆုံး လူ (၁၂) ဦးခန့် ဒဏ်ရာရခဲ့ကြောင်း သိရသည်။
ရုရှား ပြည်ထဲရေး ၀န်ကြီးဌာနမှ ထုတ်ပြန်ချက်တွင် ရဲများက လူငယ် တစ်ဦးကို ရှာဖွေ စစ်ဆေးနေစဉ် ထိုလူငယ်က အသေခံ ဗုံးခွဲ လိုက်ခြင်း ဖြစ်ကြောင်း သိရသည်။ ဂရော့ဇနီ မြို့မှာ ရုရှားနှင့် ချေချင်း ခွဲထွက်ရေး ၀ါဒီများ ဖြစ်ပွားခဲ့သည့် တိုက်ပွဲများတွင် ကြားခံ ပျက်စီး ခဲ့သည့် မြို့ဖြစ်ခဲ့ပြီး ပြီးခဲ့သည့် နှစ်ပိုင်းများ အတွင်း ငြိမ်သက်စွာ တည်ရှိ နေခဲ့သည်။ အသေခံ ဗုံးခွဲခဲ့သူ လူငယ်မှာ အသက် (၁၉) နှစ်ခန့် ဖြစ်သည့် အော့ပတီ မူဒါရော့ဗ် ဆိုသူ ဖြစ်ပြီး ထိုဂရော့ဇနီ မြို့ခံပင် ဖြစ်ကြောင်း ရဲက ဆိုသည်။ ရုရှား ပြည်ထဲရေး ၀န်ကြီးဌာန ကလည်း ၎င်းသည် မြို့မှ နှစ်လခန့် ပျောက်သွား ပြီးနောက် မိသားစု နှင့်လည်း အဆက်အသွယ် ပြတ်တောက် နေခဲ့သူ ဖြစ်ကြောင်း ဆိုသည်။
ဗုံးပေါက်ကွဲမှုတွင် ရဲများ သေဆုံးမှုကို ဖော်ပြခဲ့ သော်လည်း အရပ်သားများ မည်မျှ သေဆုံးသည်ကို ဖော်ပြခြင်း မရှိဘဲ ဒဏ်ရာရသူ စာရင်းသာ ဖော်ပြခဲ့သည်။ ရုရှား ပြည်ထဲရေး ၀န်ကြီး ဗလာဒီမီယာ ကိုလိုကော့ဆက်က ၎င်းသည် ထိုသို့ အကြမ်းဖက် တိုက်ခိုက်မှု များကို တားဆီးနိုင်ရန် အတွက် ရဲတပ်ဖွဲ့ဝင်များကို အထူးတပ်ဖွဲ့ တစ်ခု ဖွဲ့စည်းပေး သွားမည် ဖြစ်ကြောင်း ဆိုသည်။
ချချင်း ခေါင်းဆောင် ရမ်မဇန် ကတ်ဒီ ယော့ကမူ အသေခံ ဗုံးခွဲသူသည် အများပြည်သူ အားလပ်ရက်တွင် ပျော်ရွှင် နေသည်ကို ဖျက်ဆီးရန် ကြိုးပမ်းသော်လည်း အောင်မြင်မှု မရခဲ့ကြောင်း မှတ်ချက်ပေးသည်။ အာဏာပိုင်များက ထိုပေါက်ကွဲမှုကို စီစဉ်ခဲ့သည့် အကြမ်းဖက် သမားများကို ဖော်ထုတ် ဖမ်းဆီးနိုင်အောင် ကြိုးပမ်းလျက် ရှိသည်။
Source: BBC
Yangon
0 comments:
Post a Comment