အနုပညာလောကမှာ ဖြေးဖြေးနဲ့မှန်မှန် လျှောက်လှမ်းနေရင်း သရုပ်ဆောင်ဖက် တစ်ခုထဲကို သာ အားကြိုးမာန်တက် ကြိုးစားပုံဖော်နေတဲ့ စိုးရန်အောင်က ခုလတ်တလော တပ်မတော်ဂုဏ်ပြု ဇာတ်လမ်းတွဲလေး ရိုက်နေတယ်လို့ သိရတာကြောင့် အဲ့ဒီအကြောင်း မေးကြည့်ဖြစ်တော့ “ဒီကားထဲမှာ ကျွန်တော် တပ်မတော်သားတစ်ယောက်အနေနဲ့ သရုပ်ဆောင်ထားပါတယ်။ တပ်မတော်နဲ့ပတ်သတ်တဲ့ အတွေ့အကြုံလေးက ရှေ့မှာ ကြယ်စင်မော်ကွန်းမှာလဲ ပါဖူးပြီးသား ဆိုတော့ သိပ်တော့ အထူးအဆန်းကြီး မဟုတ်ဘူးပေါ့။ ဇာတ်လမ်းတွဲ ရိုက်ရတဲ့ပေါ် အရမ်းလဲ ၀မ်းသာမိပါတယ်။ ကဲ ဟုတ်ပြီ။ ဇာတ်လမ်းတွဲရိုက်ပြီဆိုတော့ ကျွန်တော်တို့အဲ့ဒါကို မီဒီယာတွေ ရုပ်သံလှိုင်းတွေ၊ ပုဂ္ဂလိက ရုပ်သံလှိုင်းတွေမှာ အချိန်ပေးပြီး လွှင့်ပေးမယ်ဆိုရင် ဒါတကယ် ကောင်းတာပါ့။ ကျွန်တော်တို့ဒီမှာဆို ကျွန်တော်တို့ မြန်မာနိုင်ငံကို တခြားနိုင်ငံက ကားတွေက ကျွန်တော်တို့ရဲ့ရုပ်သံတွေမှာ နေရာယူလာကြတယ်။ အဲ့အတွက်ကြောင့် ကိုယ့်နိုင်ငံက ကားတွေအတွက် နယ်မြေ ကျဉ်းမြောင်းလာကြတယ်။ တကယ်သာနေရာပေးပြီး ပြပေးနိုင်မယ်ဆိုရင် ဒါအများကြီး ကောင်းမယ်လို့မျှော်လင့်နေမိပါတယ်။”လို့ သူက ဆိုပါတယ်။
အရင်ကထက်စာရင် လုပ်ပိုင်ခွင့်၊ လုပ်ခွင့်တွေ ပိုရမရ ဆိုတာနဲ့ ပတ်သက်ပြီး သူပြောပြသွားတာက “ကျွန်တော်တို့ဇာတ်လမ်းထဲမှာပါတဲ့ သရုပ်ဆောင်မှုတွေမှာ လိုအပ်တဲ့အပိုင်းတွေကို ဘယ်လိုမျိုး အထောက်အပံ့တွေပေးမလဲ ဆိုတဲ့အပိုင်းပေါ့။ ဥပမာ ကျွန်တော်တို့ ရွှေတိဂုံဘုရားရိုက်ချင်ရင် ချက်ချင်းသွားရိုက်လို့မရတဲ့ အပိုင်းတွေ အများကြီးရှိတယ်။ လေဆိပ်ဆိုလဲ ချက်ချင်းရိုက်လို့မရတဲ့ အပိုင်းတွေ အများကြီးရှိတယ်။ အဲ့လို အထင်ကရ နေရာတော်တော်များများက ချက်ချင်းရိုက်မယ်ဆို ရိုက်ခွင့်မပေးတာမျိုးတွေ ရှိတယ်။ ကျွန်တော်တို့ ရုပ်ရှင်လောကသားတွေအနေနဲ့ကလဲ လုပ်ပိုင်ခွင့်တွေ ရှိလာမယ်ဆိုရင် တိုးတက်မဲ့ အပိုင်းတွေ အများကြီးရှိပါတယ်။ ကျွန်တော်တို့ မြန်မာကား တော်တော်များများမှာဆို ဘုရားသွားမယ်ဆို ရွှေတိဂုံဘုရား တွေ့ရတဲ့ကားက တော်တော်လေး နည်းပါတယ်။ ဇာတ်လမ်းတွဲနဲ့ဗီဒီယိုဆို ဘယ်ဟာခက်ခဲတယ်။ ဘယ်ဟာ လွယ်ကူတယ်ဆိုပြီး မရှိပါဘူး။ ကျရာနေရာမှာ သရုပ်ဆောင်နိုင်ဖို့၊ ကိုယ့်ကာရိုက်တာ အံဝင်ခွင်ကျဖြစ်ဖို့ကိုပဲ ဦးစားပေးဖြစ်တယ်”တဲ့။
Trend
Yangon
0 comments:
Post a Comment