ဖိုနှင့်မ လိင်ပညာပေး(အသက် ၁၈ နှစ်ပြည့်မှ ကျန်းမာရေးဗဟုသုတအဖြစ်ဖတ်ပါ)

Globalization ဖြစ်စဉ်ကြောင့် ယဉ်ကျေးမှု ဓလေ့ထုံးစံတွေက

အနောက်တိုင်း ပုံစံအဖြစ် အသက်ဝင်လာပါပြီ။ ဒီတော့ လူမှုရေး ပြဿနာတွေ ပိုရှုပ်ထွေးလာတယ်။

ကူးစက်မှု ရောဂါတွေကလည်း အချိန်မတိုင်မီ ကတည်းက လက်ယပ်ခေါ် ဆောင်နေပြီ ဖြစ်ပါတယ်။ အစွမ်းထက်တဲ့

ဆေးဝါးတွေ၊ နည်းပညာ မြင်းမားတဲ့ ကုထုံးတွေ၊ ကြိုတင်ကာကွယ်နည်းတွေ ဘယ်လိုပဲ ဆန်းသစ်

တီထွင်နိုင်ပါစေ...

သဘာဝရဲ့ လှုံ့ဆော်မှုကြောင့်လား...

လူသားတွေရဲ့ တက်မက်မှုကြောင့်လား...

မတွေးတတ်တော့ပါဘူး။ လိင်ပြဿနာတွေကို တားဆီးထိန်းချုပ်ဖို့

တော်တော် ခက်လာတယ်။ ယနေ့ ရင်ဆိုင် ကြုံတွေ့နေရတဲ့ လိင်ပိုင်းဆိုင်ရာ ကိစ္စတွေကို ရှုမြင်

သုံးသပ်တဲ့အခါ အမြင်မတူရင် အထင်လွဲခံရမယ့် သဘောပဲ ရှိပါတယ်။

လိင်ဆက်ဆံခြင်းကြောင့် ဖြစ်တဲ့ ကျန်းမာရေး ပြဿနာတွေ

များပြားစေကာမူ အဓိက ဦးတည်ချက်က သက်တမ်းစေ့ အသက်ရှင် နေထိုင်သွားဖို့သာ အရေးကြီးတာ

မဟုတ်လား။ "လိင်ကိစ္စကို သိပ်နားလည် တတ်ကျွမ်းလို့တော့ မဟုတ်ဘူး။ ဒါပေမယ့် သိသလောက်

မြင်သလောက် ပညာပေးချင်ပါတယ်။"

ပညာပေး အနေနဲ့ ပြောရရင် လိင်ကိစ္စဟာ သဘာဝတရားနဲ့ ဆက်စပ်နေတယ်။

လူရော၊ တိရစ္ဆာန်ရော အဖိုအမ တိုင်းမှာ လိင်ဆက်ဆံခြင်း ရှိတဲ့အတွက် လောကကြီးမှာ မရှိမဖြစ်

လိုအပ်ပါတယ်။ ကောင်းတာရော၊ မကောင်းတာရော ဒွန်တွဲ နေတယ်ဆိုတော့ ကျွန်တော် သိသလောက် လိုက်နာသင့်တဲ့

အချက်လေးတွေ ရှိသလို ကိုယ်လိုရာ ကိုယ်တွေးပြီး လုပ်ချင်ရာ လုပ်နေတဲ့ သူတွေလည်း ရှိတယ်။

လိုက်နာသင့်တယ် ဆိုတဲ့ အပိုင်းမှာ တစ်လင် တစ်မယားစနစ်နဲ့ ကာကွယ် နေထိုင်သင့်တယ် ဆိုတာကို

ပြောချင်တာ။

လုပ်ချင်တာလုပ် နေကြတယ်ဆိုတာ ဒီအပေါ်မှာ ယောက်ျားရော၊

မိန်းမပါ အရမ်း စိတ်အား ထက်သန်ပြီး အမှန်တရားတွေ၊ ဖြစ်သင့်ဖြစ်ထိုက် တာတွေကို မမြင်တော့တဲ့

အပိုင်းတွေ ပါလာတာပေါ့။ ကြားဖူးနားဝကို အခြေခံပြီး ပြောရရင် ဒီကိစ္စကို ၀ါသနာပါလို့

လုပ်တဲ့သူတွေ ရှိသလို အလုပ်သဘောအရ လုပ်နေတဲ့ သူတွေလည်း ရှိတယ်။ ကျွန်တော့် အမြင်အရ အဲဒီနည်းနဲ့တော့ ပိုက်ဆံ မရှာသင့်ဘူး။

တခြား ကောင်းရောင်း ကောင်းဝယ် လုပ်စားသင့်တယ်လို့ပဲ

မြင်တယ်။ လိင်ကိစ္စကို သိပ်နား လည် တတ်ကျွမ်း နေလို့တော့ မဟုတ်ဘူး။ ကျွန်တော်က မကောင်းဘူးလို့

ဘယ်လောက်ပဲ ပြောပြော လုပ်ချင်တဲ့သူကလုပ် နေမှာပဲ။ နောက်ဆုံး အမြင်မတူရင် ကျွန်တော့်ကိုပဲ

အပြစ်တင် သွားကြမယ့် အနေအထားမျိုးရှိတယ်။ ကိုယ်တစ်ကိုယ် စိတ်တစ်မျိုးစီလေ။ သိသိကြီးနဲ့

မလိုက်နာတဲ့ သူက ဖြစ်ပြီးမှ သိမှာ။ မကောင်းမှန်းတော့ သိတယ်။ ထွေထွေထူးထူး မစဉ်းစားဘဲ

ဒါကို အရမ်းဝါသနာပါတဲ့ သူတွေက တကယ်ထိမှ သိမှာ။ မလုပ်တာ အကောင်းဆုံး၊ လုပ်မယ် ဆိုရင်လည်း

ဆင်ဆင်ခြင်ခြင်နဲ့ လိင်ဆက်ဆံပြီး ကာကွယ်သင့်တာ ကာကွယ်လို့ပဲ ပြောချင်တာ။

ကျွန်တော် အထက်တန်း ကျောင်းသားဘ၀ လောက်မှာတည်းက အိမ်နားကဆေးခန်းမှာ

ဘယ်သူနဲ့သွားပြီး ဘာဖြစ်လာလို့ ဆိုပြီး လာပြတဲ့ သူတွေရှိတယ်။ တချို့ကလည်း ဒီကိစ္စနဲ့ပတ်သက်ပြီး

ထွေထွေထူးထူးတွေ လုပ်လာကြတယ်။ များသော အားဖြင့် ဒီဆေးခန်းကို ဘယ်လို လူတွေလာလဲ။ လူပြော များတာကတော့

ဒီလို ကိစ္စတွေနဲ့ ပတ်သက်ပြီး အလာများတယ်လို့ ကြားဖူးထားတော့ မကောင်းဘူး ဆိုတဲ့အသိနဲ့ ရှောင်ကြဉ်တယ်။

သူများ နိုင်ငံမှာတော့ ယောက်ျားရော မိန်းမရော ထည့်လိုက်၊ ထုတ်လိုက်၊ ပြုပြင်လိုက်နဲ့ အကုန်လုံး အဆင်ပြေ နေကြတယ်။

မကောင်းဘူး မလုပ်နဲ့ ပြောရမလား၊ ကိစ္စမရှိဘူး လုပ်ချင်ရင် လုပ်လို့ ပြောရမလား။ မပြောတတ်တော့ဘူး။

ကြာလာရင် ကင်ဆာဘက် ပြောင်းသွားမယ်။ နောက်ဆုံးရလာဒ် ကတော့ ကင်ဆာ ဖြစ်စေမယ့် အပိုင်းတွေလို့ပဲ ထင်တယ်။

ကိုယ့်ဘာသာကိုယ် ဖြေရှင်းမယ်၊ ကိုယ်ဖြစ် ကိုယ်ခံမယ်၊ မကြောက်ဘူး လုပ်ချင်တယ် ဆိုလည်း

မတတ်နိုင်ဘူးပေါ့။ ဖွဲ့နွဲ့ပြီးတော့ ပညာမပေးတတ်ဘူးဗျ။ အခန့်မသင့်လို့

ရောဂါ ကူးစက်ခံရပြီ ဆိုရင်လည်း ဖြစ်ပြီးမှတော့ မတတ်နိုင်တော့ ဘူးပေါ့။

ရောဂါကို ခေါင်းထဲကထုတ်ပြီး ကျန်းကျန်းမာမာနေ၊ ကောင်းကောင်မွန်မွန် စားသောက်၊

ဘာသာရေး အားထုတ်၊ လေ့ကျင့်ခန်း မှန်မှန်လုပ်ရင် သက်တမ်းစေ့ နေကြရမှာပါ။ သွေးသွင်းမိလို့

HIV ပိုး ကူးစက်ခံရတယ် ဆိုရင်တော့ မတန်ဘူးပေါ့။ တစ်ဖက်က သွေးသွင်းပေးတဲ့ သူတွေကိုလည်း

ပြောချင်တယ်။ ဒီသွေးဟာ Save ဖြစ်လား၊ မဖြစ်ဘူးလား၊ သေချာရဲ့လား ဆိုတာ စိစစ်ပြီးမှ သွေးသွင်းသင့်တယ်။

ခွဲစိတ်မှုတိုင်းက အသေးကနေ အကြီးအထိ ပိုက်ဆံပေးပြီး သွေးသွင်းရတာ များတာကိုး။ အသိမိတ်ဆွေတွေထဲမှာ

သွေးသွင်းပြီး မှ ဘီပိုး၊ စီပိုး ကူးစက်ခံရတာမျိုး ကြုံဖူးတယ်။ မဖြစ်သင့်ဘူး ပေါ့နော်။

ဘီပိုးဆိုရင်လည်း ကြိုတင် ကာကွယ်ထားလို့ ရတာပဲ။ ဒီတိုင်းပြည်မှာ အသိနောက်ကျလို့ ကာကွယ်ဆေး ထိုးသင့် ထိုးထိုက်တဲ့ အချိန်မှာ မထိုးနိုင်ခဲ့ကြဘူး။ ဝေဒနာရှင်တွေကို အားပေးစကား ပြောရုံကလွဲပြီး

ဘာမှ လုပ်ပေးလို့ မရဘူး။

အနေအထိုင် မတတ်လို့ ဖြစ်တာကတော့ ကိုယ့်ထိုက်နဲ့ ကိုယ့်ကံပဲ။

ဒါကျတော့ မရှောင်တတ်တော့ဘူးလား လို့ပဲ မေးလိုက် ချင်တယ်။ အခုအချိန်မှာ တံတွေးကနေတောင်

ကူးစက်နိုင်တယ် ဆိုမှတော့ ပြောရတာ တော်တော် ကျပ်နေပြီ။ သမီးရည်းစားတွေ မနမ်းကြနဲ့လို့

ပြောလို့လည်း မရဘူး။ တစ်လင် တစ်မယားစနစ် မကျင့်သုံးခင်မှာ လူတွေ တစ်ယောက်ပြီး တစ်ယောက်

ပြောင်းနိုင်တာပဲ။ စုံတွဲတွေက နင့်မှာ ဘာရောဂါရှိလဲ ဘယ်သူမှ မမေးဘူး။ တစ်ယောက်နဲ့ တစ်ယောက်

လက်မတွဲခင် တစ်လင် တစ်မယားစနစ် မကျင့်သုံးခင် ဒီလိုပဲ နေခဲ့တာပေါ့။ ခုခေတ်က ယောက်ျား မယူခင်

အကုန်စစ်ဆေးရမယ့် သဘောရှိတယ်။ စစ်ချက်တွေယူပြီး ကုလို့ရတဲ့ ရောဂါကု၊ ကုလို့မရတဲ့ ရောဂါမျိုးဆို

တစ်လင် တစ်မယားစနစ်နဲ့ သန့်သန့် ရှင်းရှင်းနေ။ လိုက်နာတာ မလိုက်နာတာ သူတို့အပိုင်း၊ မဖြစ်မနေ လုပ်ရမယ်ဆိုတာမျိုး ကတော့

လုံးဝမရဘူး။ ကိုယ်မပြောခင် ကတည်းက လိင်ပညာပေးတွေ သိချင် သိနေမှာပါ။ မလုပ်ချင်လို့ မလုပ်တာပဲရှိမယ်။

ဒါမှမဟုတ် တစ်ယောက်မဟုတ် တစ်ယောက် HIV ပိုး ကူးစက်ခံရပြီဆိုလည်း

နောက် Generation အတွက် ဘာလုပ်ရမလဲ။ ကလေး ယူလို့ မရလို့လား။ ရတာပဲ။ ဆရာဝန်နဲ့ သေချာ ဆွေးနွေးတိုင်ပင် ကြပေါ့။

သားသမီး မလိုချင်သေးဘူး ဆိုရင် ကွန်ဒုံးသုံး။ ကျူးလွန်တော့မယ် ဆိုရင် ဘယ်သူမှ ကွန်ဒုံး ဆောင်ထားမှာ

မဟုတ်ဘူး။ တွေ့ဆုံတဲ့ နေရာတွေပေါ်မှာလည်း မူတည်သေးတယ်။ နေရာတိုင်းမှာ ကွန်ဒုံးရနိုင်တယ်။

ပါးစပ်က ထုတ်ပြောဖို့ မလိုဘူး။ ကြောက်ရွံ့ပြီး ကွန်ဒုံးသုံးဖို့ မပြောဖြစ်တာလည်း ဖြစ်မှာပေါ့။

မသေချာရင် ကြိုတင် ပြင်ဆင်ထားပါ။ နိုင်ငံခြားမှာ အလုပ် သွားလုပ်နေတဲ့ ယောက်ျားကို အိမ်ကနေထိုင်ပြီး စိတ်ပူ စိတ်ဆင်းရဲ နေမယ့်အစား ' လုပ်စရာ ရှိတာလေးလည်းလုပ်၊ ကွန်ဒုံး လေးလည်းဆောင်ထား၊

ယူပြီးမှ ငါ့ကို စိတ်ဆင်းရဲအောင်မလုပ်နဲ့'လို့ပဲ ပြောရမှာပေါ့။ ယောက်ျားနဲ့ အကွဲမခံနိုင်ဘူး ဆိုရင်

Safety ဖြစ်အောင် လုပ်ခဲ့လို့ပဲ ပြောရတော့မှာလေ။ လိင်ပညာပေးတဲ့ နေရာမှာ ကွန်ဒုံးသုံးသင့်တယ် ဆိုတာ

ကျွန်တော် ပြောမှမဟုတ်ပါဘူး။ တစ်ကမ္ဘာလုံး ပြောနေကြတာပဲ။ ကွန်ဒုံးကိုမှ မကြိုက်ဘူး ဆိုရင်

ကျွန်တော့်အနေနဲ့ ဘာမှ မပြောတော့ဘူး။ လိုက်နာတဲ့ သူတွေအများကြီး ရှိနေပါတယ်။ တချို့က ဆေးလိပ် မသောက်ဘူး၊

ကွမ်းမစားဘူး၊ အရက်မသောက်ဘူး၊ ငါတို့က တစ်လိုင်းတည်း ဆိုတာမျိုး ရှိတယ်။ သူတို့ကို ကြည့်လိုက်ရင်

အမြဲတမ်း ကျော့ကျော့မော့မော့ ပြင်ပြင်ဆင်ဆင်နဲ့။ အဲဒီ တစ်လိုင်းတည်းကို စနစ်တကျ ကာကွယ်

လိုက်နာ နေဖို့ပဲ လိုတယ်။

ကျွန်တော့် သူငယ်ချင်းထဲမှာကိုက ကွန်ဒုံး သုံးလေ့မရှိတဲ့ သူတွေရှိတယ်။

အားလုံးက မိသားစု ဆန်ဆန် ရင်းရင်းနှီးနှီး တွေ့ဆုံနေကြတော့ လိင်ကိစ္စတွေနဲ့ ပတ်သက်ပြီး

အချင်းချင်း လုံးဝမပြော သလောက်ကို ရှားပါးပါတယ်။ ဒါကြောင့် ကျွန်တော့် အနေနဲ့ သိသလောက် မြင်သလောက်ပဲ

ပညာပေးနိုင်ပါတယ်။

မိမိဆန္ဒတစ်ခုတည်းကို ရှေ့တန်းတင်ပြီး ကျက်စား ပျော်ပါး နေကြမယ်ဆိုရင်

အနာဂတ်ဟာ ဘာအရောင်း ပြောင်းပြီး ဘယ်လို ရပ်တည်နေထိုင် သွားမလဲဆိုတာ ဘယ်သူကများ သိနိုင်၊ မြင်နိုင်၊ ပြောနိုင်ပါမလဲ.........။

စိမ်းဝါမြဦး

Ref: Myanmar People Magazine (Issue 8.1, August 2009)

From: HIM