ဦးလှဆွေရဲ့ ဆီဒိုနားဟိုတယ် သွား တောလား

လွှတ်တော် မင်းသားကြီး အမတ်မင်း ဦးလှဆွေရဲ့ ဆီဒိုနား ဟိုတယ်ကို ပထမဆုံး တက်ရောက်ခဲ့ဖူးတဲ့ အတွေ့အကြုံလေးပါ။ ပြောရရင် ဆီဒိုနား သွား တောလားပေါ့။ 

လွှတ်တော်အမတ် ဦးလှဆွေ (ဓာတ်ပုံ – ဦးလှဆွေ/facebook)

အပတ်စဉ် မရိုးရအောင် အတိတ်က အတွေ့အကြုံတွေနဲ့ ထင်မြင်ယူဆချက်၊ ယုံကြည်တာတွေကို ရဲရဲတင်း တင်း ဖေ့စ်ဘုတ်စာမျက်နှာကနေ ပုံမှန်လို ရေးပြတတ်တဲ့ ဦးလှဆွေရဲ့ အရေးအသားနဲ့ တင်ပြမှုလေး ကို ဧရာဝတီပရိသတ်လည်း ခံစားနိုင်ဖို့ ပြန်လည် ကူးယူဖော်ပြပေးလိုက်ပါတယ်။ 

ကြာတော့ ကြာပါပြီ - - - - 

(ဒါဆို တခုခုတော့ပြောဘို့ ပျိုးနေပြီဆိုတဲ့သဘောပေါ့ ) 

လွှတ်တော် ခေါ်ကာစ အချိန် ။

လူကြီး သား တယောက် မင်္ဂလာဆောင်တယ်။ ဆီဒိုးနားမှာပါ ။ တသက်နဲ့တကိုယ် တခါမှ မရောက်ဘူးပါ ဘူး။ အမတ်ဖြစ် မှ ဆီဒိုးနားတက်ဘူးတာပါ။ကျနော်နဲ့ဇနီး ဘာဝတ်သွားမလဲ တိုင်ပင်တယ်။

လူကြီးသားဆိုတော့ သူဌေးတွေ လာမှာ ။ ခပ်ညံ့ညံ့ ဝတ်ဖို့ မသင့်ဘူးပေါ့။ 

သူကလှည်းတန်း စိန်ဂေဟာ လှေ ကား ထစ် အတက် ဘယ်ဘက်ဘေးက လက်ဝတ်ရတနာအတုတွေ သွားဝယ်ပါတယ်။ ကျနော်က ယောင်္ကျား ဆိုတော့ ဘာမှ မလိုပါဘူး။

အမတ်မဖြစ်ခင်က ပဲစိုက်နှမ်းစိုက်လယ်ထွန် လုပ်ရင်းနဲ့ စိုက်ပျိုးရေးဆေးရောင်းတဲ့ မြန်မာ့သြဘာ ကုမ္ပဏီ နဲ့ ချိတ်မိရင်း ကိုယ်လဲ သုံး ။ သူများလဲ ရောင်း။ ယောက်ဖ ဝမ်းကွဲကလဲ ကိုယ်စားလှယ်လုပ်နေတော့ ကျနော်လဲ စိုက်ပျိုးရေးဆေး ကိုယ်စားလှယ်ဖြစ်လာပြီး သိန်း ၁၀၀ ရောင်းအား သုံးအားရှိလို့ နိုင်ငံခြား အလည်အပါတ် ဆိုပြီးသွား ရပါတယ်။ (ကြံ့ခိုင်ရေးပါတီက သူများတွေ အထပ်ထပ်သွားနေရပေမဲ့ တခါမှမလွှတ်သေး)။

နောက် ထပ်သိန်း ၁၀၀ ဘိုးထပ်ယူတော့ ကိုယ်တိုင်လဲ လွှတ်တော်တက်နေလို့ မရောင်းနိုင်တော့ ဘဲ သတ်မှတ်ချိန်ပြည့်တဲ့အခါ မကုန်တော့ ရှိတဲ့ ရွှေအကုန်ရောင်း ဆပ်ရပါတယ်။ 

ပြန်ယူပါလို့ တောင်းတောင်းပန်ပန် ပြောလဲ မြန်မာ့သြဘာက ခပ်တည်တည်ပါဘဲ။

ဒါနဲ့ အဲ့တုန်းက ဝယ်ထားတဲ့ europian suit လေးက တခါဘဲ ဝတ်ရသေးတော့ ဆီဒိုးနားလဲ တခါမှ မရောက်ဘူးတော့ တန်အောင်လို့ လူကြီးသား မင်္ဂလာဆောင်၊ ဒါဘဲဝတ်မယ်ကွာ ဆိုပြီး ချ ဝတ်လိုက်ပါ တယ်။

အိမ်က ဒဂုန်ဂျစ်နဲ့ အချိန် ကွက်တိသွားတော့ ကားရပ်ရမယ့်နေရာ အတော်ရှာ ရ ပါတယ်။

အထဲရောက်တော့ သတိုးသား အဖေ လူကြီးက သားနားနေတဲ့ ကျနော့်ကို "လှဆွေ ဘယ်နိုင်ငံက

ပြန် လာ တာလဲ " လို့ ရင်းရင်းနှီးနှီး မေးပါတယ် ။ 

ကျနော်က " ဂန့်ဂေါရီးယား ကလာတာပါ " လို့ ဖြေလိုက်တော့ ရယ် ပါတယ်။ 

ဒါနဲ့သတိုးသားအဖေ လူကြီးနဲ့လည်း ရင်းနှီးစွာ စကားပြောနေတယ်၊ လာတဲ့နိုင်ငံ ကလည်း ဂန့်ဂေါရီး ယား ဝတ်စားထားတာကလဲ europian ရုပ်ကလဲ အသန့် ။

ဇနီး ကလည်း ပြိုးပြိုးပျက်ပျက် တွေနဲ့ ဆိုတော့ နေရာချပေးတဲ့ စာပွဲထိုးခေါင်းဆောင် က ဆရာလာပါ ဆိုပြီးခေါ်သွားပါတယ်။

ပြီးတော့ VIP 2 ဆိုတဲ့ စာပွဲမှာနေရာချထားပါလေရော ။ ခပ်တည်တည်နဲ့ ထိုင်တာပေါ့ ။

အဲ့မှာ ကြိုတင်ရောက်နေတဲ့ အမတ် ဦးရှု့မောင်တို့က ဟိုးနောက်ခပ်ဝေးဝေးမှာ ထိုင်ရတာတွေ့ပါတယ်။ သူတို့ကနုတ်ဆက်ပေမဲ့ ကျနော်က နေရာကောင်းမှာထိုင်ရတော့ ခပ်တည်တည်လုပ်နေလိုက်ပါတယ်။ 

VIP 2 မှာဘယ်သူတွေ လဲ သိပါဘူး ဒါပေမဲ့ အားလုံးက တိုက်ပုံတွေ နဲ့ ပါ ကျနော်တယောက်ဘဲ Euro နဲ့ပါ။ 

အဲ့မှာ ရွှေတောင် ဆောက်လုပ်ရေးက အောင်ဇော်နိုင်ကိုတော့သိတယ် ။ သူကမြန်မာ့ အသံ ကို ဦးကျော်ဆန်းနဲ့ ပူးပေါင်းဆောက်ခဲ့တာကိုး။

မကြာခဏ ကျင်းပပေးတဲ့ ဂေါက်ပွဲ တခုမှာ ဒုတိယ ရတော့သူက ဆုပေးလို့ ဆုံဘူးတာပါ။ ၁၄" TV ပါ။ သူနဲ့ သူ့ အဖွဲ့ ကိုအောင်သန်း ကလွဲပြီး ကျန်တဲ့သူတွေ တယောက်မှမသိပါဘူး။

ကျနော် က အေးဆေးဖြစ်ပေမဲ့ ကျန်တဲ့ လူတွေက လူစိမ်း ဖြစ်နေတော့ နေမထိထိုင်မသာ ဖြစ်နေ ပုံရ ပါတယ်။ ပုံစံ ကလည်း သားနားနေတော့ဘယ်ကလုပ်ငန်းရှင်လဲ သိခြင်ပုံရ တာလဲပါမှာပေါ့ ။

ဒါနဲ့ တရုတ်ပုံ တယောက်က မနေသာတော့ဘဲ "ဒီဝိုင်းမှာ အားလုံးကတော့ သိပြီးသားပေါ့နော် '"ဆိုပြီး ကျနော့်ကိုဘဲ မိတ်ဆက်ပေးတာက 

"ကျနော်က ထွန်းမြင့်နိုင်ပါ (လော်စစ်ဟန် သား)သူက ဦးနေအောင်တို့ ဇနီးမောင်နှံပါ(ဦးအောင်သောင်း သား နေအောင်) သူက အောင်ဇော်နိုင်ပါ (ဦးအိုက်ထွန်းသား) အကိုကြီးက ဘယ်ကလည်း "ဆိုပြီး မေးပါ

လေ ရော။ 

ကျနော်က "ဂန့်ဂေါ က ဦးလှဆွေ ပါ'"ဆိုတော့ နေအောင်က "ဘာအလုပ်လုပ်သလဲ" လို့ မေးပါတယ် ။ 

ကျနော်က "လယ်ယာ လုပ်ငန်း လုပ်ပါတယ် လက်ရှိတော့ အမတ်ပါ " လို့ ဆိုတော့ အားလုံး ငြိမ်သွား ကြပါတယ် ။

ဘာမှ အထင်ကြီးစရာမရှိတဲ့ ကျနော်ဟာ ဆွမ်းဆန်ထဲ ကြွက်ချေးရောနေပြီလို့ ယူဆသွားဟန်ရှိပါတယ် ။

အဲ့ချိန်မှာ သတိုးသား/သမီး တွေ ဘာညာဘာညာ လုပ်ပြီး အစောကတည်းက မကျေမချမ်း ဖြစ်နေ တဲ့ နေအောင်က " နေပါဦး ခင်ဗျားတို့ အမတ်တွေ လွှတ်တော်ချိန် မဟုတ်ရင် ဘာတွေလုပ်ကြသလဲ။ လွှတ်တော်ထဲမှာရော ဘာတွေလုပ်နိုင်လို့ လဲ ရှင်းပြစမ်းပါ " လို့ ပေ၊ တင်ကြီး ညှော်ပါလေရောဗျာ။

သူ့မိန်းမ က မျက်နှာပျက် သွားပေမဲ့ ရယ် နေပါတယ် ။ သူ့ မိန်းမ နားကလောက်ကြီးတဲ့ စိန် နာကပ်ကြီး မျိုးပန်ထားတဲ့ ကျနော့်ဇနီးက သိသိသာသာမျက်နှာပျက်သွားပါတယ် ။

တော်တန်ရုံ လူဆိုရင်တော့ ဘာပြောရမှန်းသိမယ်မထင်ဘူး ။ ကျနော်ကတော့ စားစရာရှိတာစား ။ စားပွဲထိုး ဆီက ရေတခွက်တောင်း အာလုပ်တွေဘာတွေ ကျင်းပြီးမှ

" အောင်ဇော်နိုင်တို့ အခုလုပ်နေတဲ့ ဘီလူးချောင်း ၃ စီမံကိန်းကို အဲ့မှာရပ်ပေးပါ ။ ဂန့်ဂေါက မြစ်သာ တမံ ကို ဦးစားပေးပါလို့လွှတ်တော်မှာ ကျနော်ပြောခွင့်ရှိတယ် ။ အဲ့ အဆိုကို မဲခွဲခွင့်လည်းရှိတယ်" လို့ပြောလိုက်တော့ -----

ေ

အာင်ဇော်နိုင်ရဲ့ ပါတနာ ကိုအောင်သန်း က "ဟာ ဦးလှဆွေ အဲ လိုမလုပ်ပါနဲ့၊ ညစာ ဘယ်မှာစီစဉ်ပေး ရမလဲ" လို့ နောက်ပါတယ်။ 

ဒီစကား သိပ်မယုံ ကြပါဘူး။

နောက် လ အနည်းငယ်ကြာတော့ ဒါထက်ကြီးတဲ့ မြစ်ဆုံးကြီးပါ ရပ်ပြစ်လိုက် ပါလေ ရော။ 

တနေ့ အောင်ဇော်နိုင်နဲ့ ပြန်တွေ့ပါတယ်။ 

"ကိုလှဆွေ ခင်ဗျားဆီက သင်ယူစရာတွေ ရှိနေတယ်ဗျာ " လို့ ပြောပါတယ်။ကျန်လူတွေ မတွေ့ဖြစ်ပါဘူး။ အေးဆေးပါ။ 

(လှဆွေ) ~

ဧရာဝတီ