အမ်အေအိုင်လေကြောင်း တောင်ကိုရီးယားသို့ ပျံသန်းမည်

မြန်မာ့လေကြောင်း (အမ်အေအိုင်)သည် အောက်တိုဘာလ ၂၆ ရက်မှစ၍ အင်ချွန်း-ရန်ကုန် လေကြောင်း ခရီးစဉ်ကို စတင်ပျံ သန်းတော့မည်ဖြစ်သည်။

ဓာတ်ပုံ-MAI Wedsite

အမ်အေအိုင်သည် အင်ချွန်းနိုင်ငံတကာ လေဆိပ်နှင့် ရန်ကုန်နိုင်ငံ တကာလေဆိပ်တို့ အကြား ခရီးသည် ၁၇၅ ဦး စီးနင်းနိုင်သော အဲဘတ်စ် ၃၂၀ လေယာဉ်တစ်စင်းကို အသုံးပြုကာ တစ်ပတ်လျှင် ငါးကြိမ်ပျံသန်း သွားရန် စီစဉ်ထားသည်။

ကိုရီးယားတိုင်းမ်သတင်းစာက အမ်အေအိုင်၏ ကိုရီးယားနိုင်ငံရှိ မန်နေဂျာ ဒန်နီးကင်းမ်ကို တွေ့ဆုံ မေးမြန်းရာတွင် ၎င်းက မြန် မာ့လေကြောင်းက တတ်နိုင်လောက်သော လေယာဉ်ခဈေးနှုန်းဖြင့် ပျံသန်းပေး မည်ဖြစ်၍ ကိုရီးယားလူမျိုးများ မြန်မာနိုင်ငံသို့ ပိုမိုသွားရောက်ကြမည်ဟု မျှော်လင့်ကြောင်း ဖြေကြားခဲ့ သည်။

“ကျွန်တော်တို့လေကြောင်းလိုင်းက ဈေးနှုန်းနိမ့်တဲ့ လေကြောင်းလိုင်း မဟုတ်ပါဘူး။ မြန်မာနိုင်ငံဟာ ကိုရီး ယားလူမျိုးတွေအတွက် လူသိသိပ်များတဲ့နေရာတော့ မဟုတ်သေးပါဘူး။ ဒါပေမဲ့ မြန်မာနိုင်ငံက သဘာဝ အတိုင်းရှိနေတဲ့ အံ့ဖွယ်တွေနဲ့ ပြည့်နေတဲ့ နိုင်ငံ ပါ။ ကမ္ဘာကျော် စေတီပုထိုးတွေနဲ့ ရှေးဟောင်းပစ္စည်းတွေ ရှိနေတဲ့ ၀င့်ကြွားနိုင်တဲ့ နိုင်ငံပါ။ လာမယ့်နှစ်တွေမှာဆိုရင် လျင်မြန်တဲ့ အဟုန်နဲ့ မြန်မာနိုင်ငံကိုသွားကြတဲ့ ကိုရီးယားလူမျိုးတွေ အရေအတွက်တိုးလာပါမယ်”ဟု ၎င်းက ပြောသည်။

မကြာသေးမီနှစ်များအတွင်း ကိုရီးယားကုမ္ပဏီများ မြန်မာနိုင်ငံတွင် ရင်းနှီးမြှုပ်နှံမှုတိုး လာသဖြင့် မြန်မာနိုင်ငံကိုသွားသည့် စီးပွားေ ရးခရီးသွားများ တိုးတက်လာခဲ့သည်။

လက်ရှိ၌ အမ်အေအိုင်သည် အဲဘတ်စ်လေယာဉ် ခုနစ်စင်းဖြင့် ရန်ကုန်မှ စင်ကာပူ၊ ကွာလာလမ်ပူ၊ ဘန်ကောက်၊ ဂါယာ၊ ကွမ်ကျိုး၊ ဆီယမ်ရိ၊ ဖနွမ်းပင်မြို့တို့ကို ပြေးဆွဲလျက်ရှိသည်။