ISIS အစ္စလာမ္မစ် စစ်သွေးကြွများက အီရတ်ကို ဂျုံစစ်ဆင်ရေး ဆင်နွှဲ

ISIS အစ္စလာမ္မစ် စစ်သွေးကြွများက အီရတ်ကို ဂျုံစစ်ဆင်ရေး ဆင်နွှဲ

ဆာလာပေါလစ် ဟာ အီရတ်နိုင်ငံ ထဲမှာ ISIS တွေ သိမ်းပိုက်ထားတဲ့ မိုဆူမြို့ မှာ ဂျုံစိုက်ပျိုး သူပါ။ စက်တင်ဘာ လဆန်းပိုင်းမှာ ISIS ရန်ကို ကြောက်လို့ မိသားစုနဲ့ အတူ ထွက်ပြေး ခဲ့ရပါတယ်။ အီရတ်မှာ နယ်မြေတွေ တစ်ခုပြီး တစ်ခု သိမ်းပိုက်နေတဲ့ ISIS ဟာ ဆာလာ ရဲ့ ဂျုံစိုက်ခင်း ကိုလည်း အလွတ်မပေးခဲ့ ပါဘူး။ ဂျုံစိုက်ခင်းကို စွန့်ခွာ ထွက်ပြေးပြီး နှစ်ပတ်ခန့် အကြာမှာတော့ ISIS ကနေ ဆာလာ ကို ဖုန်းဆက် ပါတယ်။

" ISIS ကပါ။ ကျွန်တော်တို့ ခင်ဗျားရဲ့ ဂျုံ သိုလှောင်ရုံကို ရောက်နေတယ်။ ခင်ဗျား ခရစ်ယာန် ဘာသာကနေ အစ္စလာမ်ဘာသာ ကို ကူးပြောင်းပြီး ISIS အတွက် ရန်ပုံငွေ အမေရိကန် ဒေါ်လာ ၅ဝဝ သွင်းမယ် ဆိုရင် ခင်ဗျားကို ဘယ်သူမှ လက်ဖျားနဲ့တောင် မတို့စေရ ပါဘူး ... '' လို့ ဖုန်းနဲ့ ပြောတာကို ဆာလာ က ငြင်းလိုက်တော့ ''ဒါဆိုလဲ ခင်ဗျားရဲ့ဂျုံတွေအားလုံး သိမ်းရ ပါလိမ့်မယ်လို့ ... '' ပြောပြီး ဆာလာ နဲ့ မိသားတစ်စု စိုက်ပျိုးပြီး ရိတ်သိမ်း ထားတဲ့ ဂျုံတွေ အားလုံးကို ယူသွား ပါတယ်။

ဆာလာ လိုပဲ စစ်ဘေး ကြောက်လို့ ထွက်ပြေးသွားတဲ့ လယ်သမား တွေလဲ အလားတူ ဖြစ်ရပ်မျိုးနဲ့ ကြုံတွေ့ခဲ့ရတဲ့ အတွက် ISIS ဟာ အီရတ်နိုင်ငံကို အငတ်ဘေး ဆိုက်အောင် ဂျုံစစ်ဆင်ရေး လုပ်နေပြီဆိုတာ ထင်ရှား ပါတယ်။ အခုဆိုရင် အီရတ်နိုင်ငံ ရဲ့ နှစ်စဉ်ထွက်ဂျုံ စုစုပေါင်း ပမာဏရဲ့ ၄ဝ ရာခိုင်နှုန်း ဟာ ISIS လက်ထဲ ရောက်နေပါပြီ။ ISIS ဟာ နယ်မြေတွေကို သိမ်းပိုက်ရုံတင် မက ကောက်ပဲသီးနှံ တွေနဲ့ ရေနံလို သယံဇာတ ပစ္စည်း တွေကိုလဲ လက်ဝါးကြီးအုပ် နေပါပြီ။

ISIS ဟာ ဂျုံကို စိတ်ကြိုယ် ခြယ်လှယ်ပြီး ငွေရမယ့် လမ်းစတွေ ထွင်နေပါတယ်။ သူတို့နဲ့ ဘာသာရေး ပြိုင်ဘက်တွေ ဖြစ်တဲ့ ခရစ်ယာန်နဲ့ ယာဇီဒီ လူနည်းစု တွေကို ဂျုံလိုပင်မ အစားအစာ ဖြတ်တောက် ထားသလို သူတို့နဲ့ ပေါင်းစပ်ထားတဲ့ ဆွန်နီ မွတ်ဆလင် တွေကိုလဲ ဂျုံနဲ့ပဲ ထိန်းထားပါတယ်။ အီရတ်နိုင်ငံရဲ့ မြောက်ပိုင်း ထမင်းအိုးလို့ ခေါ်လို့ရတဲ့ ဂျုံစိုက်ခင်း တွေမှာ ISIS က သူ့လူတွေ လွှတ်ထားပြီး ဂျုံရောင်းဝယ် ဖောက်ကားမှု မှန်သမျှကို ထိန်းချုပ်ထား ပါတယ်။

ဒါဟာလဲ ISIS ဟာ Al Qaeda ထက် ကြောက်ဖို့ ကောင်းရတဲ့ အကြောင်းရင်း တွေထဲက တစ်ခုပါပဲ။ ISIS ဟာ Al Qaeda ကနေ ပေါက်ဖွား လာတယ် ဆိုပေမယ့် Al Qaeda ဟာ အသေခံ ဗုံးဖောက်ခွဲဖို့၊ ချုံခို တိုက်ခိုက်ဖို့ပဲ အာရုံစိုက် ပါတယ်။ ISIS စစ်သွေးကြွ တွေကတော့ သူတို့ကို သူတို့ အစိုးရတပ်ဖွဲ့ လို့လဲ ခံယူထားပုံ ရပါတယ်။

ISIS ဟာ အီရတ်နိုင်ငံ မှာပဲ ဂျုံကို လက်ဝါးကြီးအုပ် ထားတာ မဟုတ်ပါဘူး။ ဆီးရီးယားမှာလဲ ဂျုံစိုက်ခင်း သုံးပုံတစ်ပုံ လောက်ကို အပိုင်စီး ထားပြီးပါပြီ။ ဂျုံရောင်းရငွေ အပြင် လုပ်ငန်းရှင်တွေ ဆီကနေ အခွန်လဲ ကောက်ပါတယ်။ အနောက်တိုင်း သားတွေကို လုယက်တာ၊ ဓားစာခံ ဖမ်းတာတွေ အမြဲ လုပ်နေပြီး ပြည်တွင်း ရေနံထုတ်လုပ်မှု ကိုပါ အပိုင်စီး ထားပါတယ်။ ISIS ဟာရေနံ ရောင်းဝယ်မှု ကနေ လစဉ် အမေရိကန် ဒေါ်လာ သန်းနဲ့ချီ ရနေလို့သာ အမေရိကန် ဦးဆောင်တဲ့ မဟာမိတ် တပ်ပေါင်းစုကြီး ကို ဆက်လက် ခုခံဖို့ လူသူ လက်နက် အင်အားတွေ ရှိနေသေး တာပါ။ ဒါကြောင့်လဲ မဟာမိတ် တပ်ပေါင်းစုက အဲဒီ ရေနံသန့်စင် စက်ရုံတွေကို သဲကြီးမဲကြီး ဖျက်ဆီး နေတာ ဖြစ်ပါတယ်။

ISIS တွေဟာ လယ်ယာမြေ တွေကနေ ဂျုံတွေကိုပဲ သိမ်းတာ မဟုတ်ပါဘူး။ တွေ့တွေ့သမျှ အသားစား၊ နို့စား တိရစ္ဆာန်တွေ ကိုလဲ ယူပါတယ်။ သြဂုတ်လ အစောပိုင်း ကဆိုရင် ဂျုံစိုက်ခင်း တစ်ခုကနေ ရိတ်သိမ်းပြီးဂျုံ ၅၄ တန် ယူသွားသလို ကြက် အကောင်ရေ ၂ဝဝ နဲ့ ခို ၃၆ ကောင်ကိုပါ ယူသွား ခဲ့တာပါ။ ဒါ့အပြင် မီးစက်၊ ကားလို အဖိုးတန် ပစ္စည်း တွေကိုလဲ တွေ့မရှောင် အကုန်ယူ သွားလေ့ ရှိပါတယ်။ လမ်း တစ်လျှောက် မှာလဲ မြေမြှုပ်မိုင်းတွေ ထောင်ထား ခဲ့တတ်ကြတဲ့ အတွက် ဒေသခံ တပ်ဖွဲ့က ပြန်သိမ်းပိုက် ပြီးတဲ့ မြို့ရွာတွေ ကိုတောင် လူထုက မပြန်ရဲ ပါဘူး။ မြေမြှုပ်မိုင်း ရန်ကို ကြောက်လို့ပါ။ ဒီလို အောင်မြင် ဖြစ်ထွန်းတဲ့ ဂျုံစိုက်ခင်းတွေ ဖြစ်လာဖို့ တောင်သူတွေက အနှစ် ၂ဝ လောက် ကြိုးပမ်းခဲ့ ရပါတယ်။ အခုတော့ ISIS က ရက်ပိုင်း အတွင်း ဒါတွေကို အပိုင်စီး လိုက်တာပါ။ တောင်သူများ အဖို့တော့ ဘဝကို သုညကနေ ပြန်စရ ပါတော့မယ်။

၁၉၉ဝ ပြည့်နှစ်မှာ အီရတ်သမ္မတေ ဟာင်း ဆက်ဒမ်ဟူစိန် က ကူဝိတ် ကို ကျူးကျော် ဝင်ရောက်ခဲ့လို့ အမေရိကန်နဲ့ မဟာမိတ်များရဲ့ ထိုးစစ် ဆင်နွှဲမှုကို ခံခဲ့ရသလို နောက်ပိုင်း စီးပွားရေး ပိတ်ဆို့မှုကိုလဲ ပြင်းပြင်း ထန်ထန် ခံခဲ့ ရပါတယ်။ ဒီတော့ ဟူစိန်ကလဲ အီရတ် နိုင်ငံမှာ အစားအသောက် ခွဲဝေရေး စနစ်ကို တင်းတင်း ကျပ်ကျပ် ထုတ်ပြန်ခဲ့ ပါတယ်။ နောက်ပိုင်းမှာ ကုလသမဂ္ဂ ရဲ့အစားအစာ နှင့် ရေနံ လဲလှယ်တဲ့ စနစ်ကို လက်ခံကျင့်သုံး ခဲ့ပါတယ်။ အဲဒီတုန်း ကတည်းက အီရတ်ပြည်သူ သုံးပုံနှစ်ပုံ ခန့်ဟာ ကုလသမဂ္ဂ ရဲ့ ရေနံအစားပေး အစားအစာ ရယူခြင်း စနစ်နဲ့ပဲ ၂ဝဝ၃ ခုနှစ်အထိ ရှင်သန်ခဲ့ ရပါတယ်။

အခု နောက်ပိုင်း အထိကို အီရတ်နိုင်ငံမှာ အစားအသောက် ခွဲဝေမှု အချိုးအစား မညီမျှတဲ့ ပြဿနာ ရှိနေ ပါသေးတယ်။ အီရတ်ပြည်သူ လေးပုံ တစ်ပုံခန့် ဟာ အစိုးရက ခွဲဝေပေးတဲ့ အစားအစာ အပေါ် မှီခို နေရဆဲ ဖြစ်နေပေမယ့် နောက်ထပ် လေးပုံတစ်ပုံ လောက်မှာတော့ အစားအစာ တွေက အလျှံပယ် ဖြစ်နေပါတယ်။ ဒီလို အခြေအနေမျိုးမှာ ဂျုံကို ထိန်းချုပ်လိုက် နိုင်တဲ့ ISIS ရဲ့ သြဇာအာဏာ ကြီးထွား လာတာ မဆန်းပါဘူး။ ISIS ဟာ တီဂရစ်မြစ် တစ်လျှောက် နိုင်နာဗေ ပြည်နယ်ထဲက ဂျုံစိုက်ခင်း ကိုးခုလုံးကို ထိန်းချုပ် ပါတယ်။ ဒီပြည်နယ်ရဲ့ မြို့တော် မိုဆူကို သိမ်းပိုက် ပြီးတော့ သုံးလအတွင်းမှာ ISIS က အတင်းအဓမ္မ သိမ်းပိုက်ခဲ့တဲ့ ဂျုံတန်ချိန်ပေါင်း သောင်းနဲ့ချီ ရှိနေပါတယ်။ ဒီလောက်နဲ့ မကျေနပ်သေးဘဲ ISIS ဟာ သြဂုတ် ၇ ရက်မှာ မာ့ခ်မာမြို့ ကို တိုက်ခိုက် သိမ်းပိုက်ခဲ့ ပါတယ်။ မာ့ခ်မာမှာ ဂျုံတန်ချိန် ၂၅ဝဝဝဝ ထွက်တဲ့ စိုက်ခင်းတွေ ရှိပါတယ်။ ဒါဟာ အီရတ် တစ်နိုင်ငံလုံး ရဲ့ နှစ်စဉ် ဂျုံစိုက်ပျိုး ထုတ်လုပ်မှု ရဲ့ ရှစ်ရာခိုင်နှုန်း နီးနီး ရှိပါတယ်။

ISIS ရဲ့ဂျုံစစ်ဆင်ရေး ဟာ အောင်မြင်တယ်လို့ ဆိုရမှာပါ။ အခုကိုပဲ အဲဒီဂျုံကို စိုက်ခဲ့တဲ့ မြို့သူမြို့သား တွေ ကိုယ်တိုင်က သူတို့စိုက်ခဲ့တဲ့ ဂျုံကို သူတို့ပြန်ပြီး ဈေးကြီးပေး ဝယ်နေ ရပါတယ်။ ဒါ့အပြင် နောက်လိုက် ဆွန်နီ မွတ်ဆလင် များကလဲ မလှန်ရဲ ပါဘူး။ လက်နက် အင်အား ဘယ်လောက် ကောင်းကောင်း အစားအသောက် တော့ နေ့စဉ် သုံးကြိမ် လိုနေတာမို့ ဂျုံပုံပေါ် ထိုင်နေတဲ့ ISIS ပြောသလိုပဲ ဆွန်နီတွေက လုပ်နေရ တာပါ။

ISIS တွေက ဂျုံအဝယ်ဒိုင် တွေလဲဖွင့်ထားပြီး ဘယ်သူ လာရောင်းရောင်း အစစ်အဆေး အမေးအမြန်း မရှိ ဝယ်ပါတယ်။ ဈေးကိုသူတို့ စိတ်ကြိုက် နှိမ်ပြီးပေးတာ တစ်ခုပါပဲ။ ဒီတော့ တောင်သူတွေမှာ အဆမတန် နှိမ်ထားတဲ့ ဈေးနှုန်းနဲ့ ရောင်းချ ရပါတယ်။ မရောင်းရင် သူတို့က သိမ်းမှာပဲလေ။ အစိုးရကို ယူသွားရောင်းဖို့ ကလဲ ISIS ထိန်းချုပ်တဲ့ နယ်မြေ ဖြစ်နေလေတော့ ဂျုံတစ်ပွင့် ကိုတောင် ISIS မသိဘဲ ထုတ်သွားဖို့ ဆိုတာ မဖြစ်နိုင်ပါဘူး။ဒါ့ပြင် ISIS တွေဟာ အီရတ်နဲ့ ဆီးရီးယားမှာ သူတို့ သိမ်းပိုက်ခဲ့တဲ့ နယ်မြေ တွေထဲက သုံးလို့ရတဲ့ အဆောက်အအုံ နဲ့ ယန္တရား တစ်ခုကိုမှ မဖျက်ဆီး ခဲ့ပါဘူး။ စက်ရုံ၊ အလုပ်ရုံ၊ ဆည်၊ ကား၊ စိုက်ခင်း၊ မွေးမြူရေးခြံ အားလုံးကို သူတို့က ဆက်လက် ကြီးကြပ် လုပ်ကိုင် စေတာပါ။

ISIS ဆိုတဲ့ အစ္စလာမ် နိုင်ငံတော် စစ်သွေးကြွ တွေဟာ နာမည်နဲ့ လိုက်အောင် ကိုယ်ပိုင် နိုင်ငံတော် တည်ဆောက်ဖို့ကို မဟာမိတ် တိုက်လေယာဉ် တွေ အဆက်မပြတ် ပစ်ခတ်နေတဲ့ ကြားက ကြိုးပမ်းနေဆဲ ဖြစ်ပါကြောင်း လေ့လာရေးသား တင်ပြ လိုက်ရ ပါတယ်။

PyiChitThar