လေကြောင်းတိုက်ခိုက်မှုကြားမှ IS က ဆီးရီးယားနယ်စပ်မြို့ တစ်မြို့ ကို သိမ်းပိုက်

အမေရိကန်ဦးဆောင်သော မဟာမိတ်တပ်ပေါင်းစုက လေကြောင်းတိုက်ခိုက်မှုများ ဆက်တိုက်ဆိုသလို ပြုလုပ်ကာ ဆီးရီးယားနှင့် အီရတ်နိုင်ငံများအတွင်း IS ပစ်မှတ်များကို ဖျက်ဆီးပစ်နေသော်လည်း IS စစ်သွေးကြွများက တူရကီ နယ်စပ်ရှိ ဆီးရီးယားမြို့ တစ်မြို့ ကို ယနေ့ တွင် ထပ်မံသိမ်းပိုက်လိုက်သည်။ 

ယနေ့ တွင်ပင် ဗြိတိန်နိုင်ငံကလည်း IS ချေမှုန်းရေးတွင်ပါဝင်ရန် သဘောတူညီခဲ့ပြီး အီရတ်နိုင်ငံ IS ပစ်မှတ်များကို လေကြောင်းမှ တိုက်ခိုက်ဖျက်ဆီးပစ်ရန် ပါလီမန်အတွင်း ထောက်ခံမဲ ၅၄၂ မဲ၊ ကန့် ကွက်မဲ ၄၃ မဲဖြင့် ဆုံးဖြတ်ချက် ချမှတ် သဘောတူညီခဲ့ကြခြင်းဖြစ်သည်။ 

IS ရဲ့ အန္တရယ်ဟာ ကမ္ဘာရဲ့ အဝေးဖက်ခြမ်းမှာဖြစ်နေတာမဟုတ်ပါဘူး။ ကျွန်တော်တို့ နဲ့  နီးကပ်နေတဲ့ မြေထဲပင် လယ် ကမ်းရိုးတမ်းတစ်လျှောက်မှာ ဖြစ်နေတာပါ။ IS ဟာ ကျွန်တော်တို့ နိုင်ငံနဲ့ လူမျိုးတွေကို အန္တရယ်ပေးမယ်လို့  ပြောင်ပြောင်တင်းတင်း ကြော်ငြာထားပါတယ်။ အချိန်မနှောင်းခင် လှုပ်ရှားရပါမယ်ဟု ဗြိတိန်ဝန်ကြီးချုပ် ဒေးဗစ် ကင်မရွန်းက ပြောသည်။ 

ယခုအပတ်အထိ အမေရိကန်နှင့်လက်တွဲကာ IS ချေမှုန်းရေးတိုက်ပွဲဝင်နေသော အနောက်နိုင်ငံမှာ ပြင်သစ်တစ်နိုင် ငံတည်းသာရှိပြီး သြစတျေးလျ၊ နယ်သာလန်၊ ဘယ်လဂျီယံနိုင်ငံတို့ က ယခုအပတ် တနင်္လာနေ့ တွင်မှ IS ချေမှုန်း ရေးတွင် ပါဝင်လာခြင်းဖြစ်ကာ ဒိန်းမတ်နိုင်ငံက ယနေ့ မှ မိမိနိုင်ငံကလည်း တိုက်လေယာဉ်များ စေလွတ်မည်ဟု အကြောင်းပြန်ခဲ့ခြင်းဖြစ်သည်။ 

ဤသို့ အနောက်အင်အားစုပါဝင်လာခြင်းမရှိမှီ IS တိုက်ခိုက်ရေးတွင် အာရပ် နိုင်ငံ များကသာ တက်တက်ကြွကြွ ပါဝင်ခဲ့ပြီး IS စစ်သွေးကြွများ အင်အားကြီးလာသည်ကို သိရှိစိုးရိမ်ပြီး ယခုကဲ့သို့  ပူေးပါင်း ချေမှုန်းခြင်းဖြစ်ကြောင်း သိရသည်။ 

အိုဘားမားသည် အီရတ်စစ်မြေပြင်ကို ၂၀၁၁ ခုနှစ်မှစ၍ စွန့် ခွာခဲ့ပြီး ယင်းနှစ်တွင်ပင် ဆီးရီးယား၏ပြည်တွင်းစစ် အရေးကို ကိုင်တွယ်ရင်း အီရတ်၊ဆီးရီးယားအရေးတွင် အလိုအလျှောက် ပါသွားကာ IS စစ်သွေးကြွများနှင့် ထိပ် တိုက်တွေ့ ခဲ့ခြင်းဖြစ်သည်။ 

ပြင်သစ်ကမ္ဘာလှည့်ခရီးသည်တစ်ဦးကို အယ်လဂျီးရီးယားသူပုန်များက ခေါင်းဖြတ်သတ်ပြခဲ့ပြီးသည့်နောက် ပြင်သစ် နိုင်ငံက IS ချေမှုန်းရေးတွင် ပါဝင်နေခြင်းကို ပြင်သစ်လူထုက တစ်ခဲတက်ထောက်ခံခဲ့ပြီး များမကြာမှီ ပြင်သစ်က ဆီးရီးယားပစ်မှတ်များကိုလည်း ပါဝင်ချေမှုန်းဖွယ် ရှိနေသည်။ 

အခြားဥရောပနိုင်ငံများက စစ်ရေးအကူအညီ တောင်း ခံထားသော အီရတ်နိုင်ငံတွင်းရှိ IS ပစ်မှတ်များကိုသာ တိုက်ခိုက်ရန် သဘောတူထားပြီး ဆီးရီးယားသမ္မတ အာဆာ့ ဒ် က မိမိနိုင်ငံပိုင်နယ်ထဲ အခြားနိုင်ငံစစ်လေယာဉ်များ ပျံသန်းတိုက်ခိုက်မှုကို ခွင့်ပြုခြင်း၊ ဆန့် ကျင်ခြင်း တစ်စုံတရာ မရှိဘဲ တုံဏှိဘာဝေလုပ်နေကြောင်း သိရသည်။ 

အမေရိကန်က အီရတ် IS ပစ်မှတ်များကို စတင်တိုက်ခိုက်နေခဲ့သည်မှာ တစ်လခန့် ရှိနေပြီး ဆီးရီးယားကိုတိုက်ခိုက် နေသည်မှာ ၄ ရက်ခန့် ရှိပြီဖြစ်သည်။ ယခုအခါ IS များသည် ၄င်းတို့ ထိန်းချုပ်သောနယ်မြေများတွင် ကိုယ်ယောင် ဖျောက်နေထိုင်နေကြပြီဖြစ်သည့်အတွက် IS ပစ်မှတ်များကို ရှာဖွေရာတွင်လည်း တစ်စထက်တစ်စ ခက်ခဲလာပြီ ဖြစ်ကြောင်း သိရသည်။