ကမ္ဘာ့အကြီးဆုံး စားသောက်ဖွယ်ရာကြီးများ

(အသားညှပ်ပေါင်မုန်ကြီး )

ဒီပုံထဲက အသားညှပ်ပေါင်မုန့်ကြီးဟာ အသားအလွှာပေါင်း ၄၁ လွှာ သွတ်သွင်းထားတဲ့ ပေါင်မုန့်ကြီးပါ။ ဒီအသားညှပ်ပေါင်မုန့်ကြီးကို ၂၀၁၂ ခုနှစ် မေလ ၂၂ ရက်နေ့က အင်္ဂလန်နိုင်ငံမှာ ကျင်းပပြုလုပ်တဲ့ ပထမ တန်းစား စားကောင်းသောက်ဖွယ်များပြသတဲ့ပွဲအတွက် ပြုလုပ်ခဲ့တာပါ။

ဒီကြီးမားတဲ့ အသားညှပ်ပေါင်မုန့်ကြီးရဲ့ အမြင့်ဟာ ၁၅ လက်မရှိပြီး ၂၄ လက်မ ကျယ်ဝန်းပါတယ်။ ဒီ အသားညှပ်ပေါင်မုန့်ကြီးထဲမှာ ၀က်ပေါင်ခြောက် ၁၄၄၅ ဂရမ်၊ ဆလာမီ၊ ကြက်ဆင်နှင့် ၀က်ဆားနယ်ခြောက် ၂ ကီလိုဂရမ်၊ ၀က်အူချောင်း၊ အမဲအူချောင်း ၁ ကီလိုဂရမ် နှင့် ၀က်အူချောင်းလို အမျိုးအစားတမျိုးဖြစ်တဲ့ chorizo ၇၂၀ ဂရမ်တို့ပါဝင်ပါတယ်။

ဟော့ပ်ပေါ့ပ်အစားအစာ စားသောက်ပွဲတော်

တရုတ်ပြည် အနောက်တောင်ပိုင်းမှာရှိတဲ့ Chongqing မြို့ဟာ ဟော့ပ်ပေါ့ပ် အစားအစာကို စွဲလမ်းမြတ်နိုးဆုံး မြို့တမြို့အဖြစ် လူသိများ ထင်ရှားပါတယ်။ အဲ့ဒီလိုမြို့မှာ လူပေါင်းမြောက်များစွာ ပါဝင်ဆင်နွှဲကြတဲ့ ဟော့ပ်ပေါ့ပ် စားသောက်ပွဲကြီးကို ၂၀၁၃ ခုနှစ် စက်တင်ဘာ ၃၀ ရက်နေ့က ကျင်းပခဲ့တာပါ။

ပုံမှာမြင်တဲ့အတိုင်းပါပဲ။ အလွန်ကြီးမားကျယ်ပြန့်သော ဟော့ပ်ပေါ့ပ်အိုးကြီးပုံစံပြုလုပ်ထားတဲ့ အိုးရဲ့ ပတ် ပတ်လည်မှာ မြောက်များစွာသော လူတွေဟာ ဟော့ပ်ပေ့ါပ် အစားအစာကို မြန်ရေယှက်ရေ စားသောက် နေ ကြတာပါ။

ကမ္ဘာ့အကြီးဆုံး ကြက်ဥကြော်

ဒီပုံမှာ မြင်ရတဲ့ ကြက်ဥကြော်ကြီးကတော့ ကမ္ဘာပေါ်မှာ အကြီးဆုံးကြက်ဥကြော်ဆိုရင် မလွဲလောက်ပါဘူး။ ဒီမှာ ကြက်ဥအလုံးပေါင်း ၅၂၁၄ လုံးကို အသုံးပြုထားပြီး ဆီ ၂၀ လီတာ၊ ကြက်သွန်နီနဲ့ ကြက်သွန်ဖြူ ၅၀ ကီလိုဂရမ် ပါဝင်ပါတယ်။ ကြီးမားတဲ့ ကြက်ဥကြော်ကြီးကို ပြီးခဲ့တဲ့နှစ်က ပြင်သစ်နိုင်ငံရဲ့ Haux ဆိုတဲ့ မြို့ ငယ်လေးမှာ ပြုလုပ်ခဲ့တဲ့ ခရစ်တော်ပြန်လည်ရှင်သန်ထမြောက်ခြင်းပွဲတော်မှာ လူအယောက်ပေါင်း ၇၀၀ က သုံးဆောင်ခဲ့ကြပါတယ်။

ကြီးမားလှတဲ့ တို့ဖူးပြားကြီး

ဒီပုံမှာမြင်ရတဲ့ တို့ဖူးပြားကြီးကတော့ လူထောင်ပေါင်းများစွာ စားသုံးနိုင်တဲ့ တို့ဖူးကြီးပါ။ အချိန် ၈ တန်ရှိတဲ့ ဒီ တို့ဖူးကြီးကို Anhui ခရိုင်ရှိ Huainan မြို့မှာ ပြီးခဲ့တဲ့ စက်တင်ဘာ ၁၅ ရက်နေ့က တွေ့မြင်ခဲ့ရတာပါ။

ကြီးမားသောလမုန့်

တရုတ်ပြည်အလယ်ပိုင်း Xuchang မြို့ရှိ ရှော့ပင်းမော်လ်တခုမှာ ပြီးခဲ့တဲ့နှစ် ဆောင်းရာသီလယ် ပွဲတော် တခုတွင် အ၀ိုင်းပတ်လည် ၃၁.၄ လက်မရှိကာ ဂျုံမှုန့် ၄၀ ကီလိုဂရမ်ပါဝင်တဲ့ ကြီးမားသော လမုန့်ကြီးကို ပြုလုပ်ခဲ့ကြပါတယ်။

သစ်သီးမျိုးစုံပါဝင်ပြီး ရှည်လျားလှတဲ့ ကိတ်မုန့်ကြီး

တရုတ်ပြည်အရှေ့ပိုင်း Anhui ခရိုင် Huaibei မြို့တော်မှာ ပြီးခဲ့တဲ့ ဇန်န၀ါရီလ ၁၈ ရက်နေ့က ရောင်စုံ သစ်သီးဝလံများဖြင့် တန်ဆာဆင်ထားသော စတုရန်းပုံ ၂၄ မီတာရှည်လျားတဲ့ ကိတ်မုန့်ကြီးကို ပြုလုပ်ခဲ့ ပါ တယ်။

Ref: CCTV news

ဧရာဝတီ