အလုပ်အတွင်း ထိထိရောက်ရောက် အချိန်စီမံခန့်ခွဲနည်း

အချိန်ကို စီမံခန့်ခွဲရတာ လွယ်တဲ့ကိစ္စတော့ မဟုတ်ပါဘူး။ ကျွန်တော်တို့နေ့စဉ်ဘ၀မှာ စိတ်အနှောင့်အယှက် ဖြစ်စရာတွေ အများကြီးပါ။ အချိန်ကို ဘယ်လိုစီမံခန့်ခွဲရမယ်ဆိုတာ သိသွားပြီးရင်တော့ သင့်အတွက် အထောက်အကူ အများကြီးဖြစ်မှာပါ။ အထူးသဖြင့် ကျွန်တော်တို့ဟာ အိပ်တဲ့အချိန်ကလွဲလို့ ကျန်တဲ့အချိန် အများစုကို အလုပ်မှာ ကုန်ဆုံးရတဲ့အတွက် အလုပ်မှာ အချိန်စီမံ ခန့်ခွဲတတ်ဖို့ ပိုလိုအပ်ပါတယ်။

ဦးစားပေးရမှာတွေကို သတ်မှတ်ပါ

အလုပ်တွေ မြန်မြန်ဆန်ဆန်ပြီးမြောက်ဖို့ ဘယ်အလုပ်တွေကို အရင်ဆုံးလုပ်သင့်တယ် ဆိုတာကို လေ့လာ သင့်ပါတယ်။ တစ်နေ့တာလုပ်ရမယ့် အလုပ်တွေအကြောင်းကို ရှင်းရှင်းလင်းလင်း သိထားပြီး ဘာပြီးရင် ဘာလုပ်မယ်ဆိုတဲ့ အကြံဥာဏ်ရှိထားပြီးရင် အလုပ်တွေတစ်ခုပြီးတစ်ခု မြန်မြန်ဆန်ဆန် ပြီးသွားတာကို တွေ့ရမှာပါ။

အခက်ခဲဆုံးအလုပ်ကို အပြီးသတ်ပါ

တစ်နေ့တာအတွင်းမှာ အခက်ခဲဆုံးအလုပ်ကို အရင်ဆုံးအပြီးသတ်လုပ်ဆောင်ဖို့ အတော့်ကို အရေးကြီး ပါတယ်။ အခက်ခဲဆုံးအလုပ်ကို အီးရောအီးရော လုပ်နေရင် အဆုံးသတ်ခါနီးလေ ပိုပျင်းလေ ဖြစ်တော့မှာပါ။

အစီအစဉ်ဆွဲပါ

ဦးစားပေးသတ်မှတ်တာ၊ အခက်အခဲဆုံးအလုပ်ကို အရင်ဆုံးအဆုံးသတ်တာတွေဟာ တော်တော်လေး အထောက်အကူ ဖြစ်ပေမယ့် တစ်နေ့တာအတွင်း ကျန်ရှိသေးတဲ့ အလုပ်တွေအတွက် အစီအစဉ် ရေးဆွဲဖို့ လိုပါသေးတယ်။ နေ့လယ်စာမစားခင် ဘာတွေလုပ်မယ်။ နေ့လယ်စာစားပြီးရင် ဘာတွေလုပ်မယ်ဆိုတာတွေကို ဖြစ်နိုင်တဲ့ဘက်ကတွေးပြီး ရတဲ့အချိန်နဲ့ ပြီးအောင်လုပ်နိုင်တဲ့ အလုပ်နဲ့ကိုက်ညီမှုရှိအောင် အစီအစဉ်ဆွဲဖို့ လိုပါတယ်။

အလုပ်စားပွဲကို ရှင်းထားပါ

ရှင်းလင်းနေတဲ့ အလုပ်စားပွဲဟာ ကြည့်ကောင်းရုံသာမက မလိုအပ်တာတွေအပေါ် အာရုံမစိုက်မိစေအောင် လုပ်ပေးနိုင်ပါတယ်။ စာရွက်ထုတ်တွေ၊ ဖိုင်တွဲတွေဟာ အလုပ်စားပွဲပေါ်မှာ ရှုပ်ပွနေရင် စိတ်အနှောင့်အယှက် ဖြစ်ရသလို အလုပ်ပြီးဖို့လည်း အခွင့်အလမ်း နည်းသွားပါတယ်။ စာရွက်စာတမ်းတွေ၊ အလုပ်စားပွဲပေါ်က ပစ္စည်းတွေကို တနင်္လာနေ့တိုင်းဖြစ်ဖြစ်၊ သောကြာနေ့တိုင်းဖြစ်ဖြစ် အစီအစဉ်တကျဖြစ်အောင် ရှင်းလင်း တတ်တဲ့ အကျင့်မျိုးကို မွေးမြူပါ။

လူမှုရေးမီဒီယာကို ပိတ်ထားပါ

ကမ္ဘာအနှံ့က လူ့အရင်းအမြစ်အဖွဲ့အစည်းတွေရဲ့ ပြဿနာတစ်ခုဖြစ်တဲ့ လူမှုရေးမီဒီယာဟာ အကြီးမားဆုံး ဖျောက်ဖျက်ပစ်လို့မရတဲ့ အလုပ်ယဉ်ကျေးမှုတစ်ခု ဖြစ်နေပါတယ်။ Facebook, Twitter, Whats App စတဲ့ လူမှုရေးမီဒီယာတွေ အားလုံးကို စမတ်ဖုန်းပေါ်မှာ လက်တစ်ချက်ထောက်လိုက်တာနဲ့ သုံးလို့ရနေပါတယ်။ ဒါကတော့ အလုပ်ကို အချိန်မီပြီးဖို့နဲ့ ပညာရှင်ဆန်ဖို့အတွက် သင့်ကိုယ်သင် ထိန်းချုပ်ရမယ့် ကိစ္စပါပဲ။

ငြင်းပယ်ပါ

ဖြစ်လေ့ဖြစ်ထရှိတဲ့နောက် အမှားတစ်ချက်ကတော့ အလုပ်အားလုံးကို တစ်ပြိုင်တည်းလုပ်ပြီး သူများတွေ အိမ်ပြန်မှ အလုပ်ပြီးသွားတာမျိုးဖြစ်ပါတယ်။ ဒီနေ့ခေတ်လို ဆရာကြီးတွေများတဲ့ခေတ်၊ ရာထူးတွေများတဲ့ ခေတ်မှာ သင့်အလုပ်နေရာက ဘာဆိုတာသိအောင် လုပ်ထားပါ။ အလုပ်အကြောင်းနဲ့ နှစ်စဉ်မျှော်မှန်းချက်တွေ အကြောင်းကို ပြန်လေ့လာပြီး သင်လုပ်ရမယ့် အလုပ်တွေပြီးရဲ့လားဆိုတာကို သိအောင်လုပ်ပါ။ အလုပ်တွေ ကျန်သေးတယ် ဆိုရင်တော့ အပိုတွေကို ငြင်းပယ်ပြီး သင်တာဝန်ယူထားရတဲ့ အလုပ်တွေကိုသာ ပြီးအောင် လုပ်ပါတော့။

ကိုယ့်ကိုကိုယ်ဆုချ

အထက်ပါ အချက်တွေအတိုင်း လုပ်ဆောင်ပြီးပြီဆိုရင်တော့ အလုပ်စောစောပြန်ပြီး ပျော်ပျော်နေလို့ရပါပြီ။ တစ်နေ့တာ အလုပ်ပြီးမြောက်တဲ့အတွက် ကိုယ့်ကိုကိုယ် စိတ်ဓာတ်အားပေးတဲ့အနေနဲ့ လက်ဆောင်လေး တစ်ခုခု ကိုယ့်ကိုကိုယ် ချီးမြှင့်လိုက်ပါ။

(မှတ်ချက်။ ၂၀၁၃ခုနှစ် နိုဝင်ဘာလထုတ်Trend Myanmar မဂ္ဂဇင်းမှ သီဟနိုင် ရေးသားသော ဆောင်းပါးမှ ကောက်နှုတ်ဖော်ပြပါသည်။)