ပါကစ္စတန် ဘာသာရေးခေါင်းဆောင် တာဟီရာ အူလ် ကာဒရီ ခေါင်းဆောင်တဲ့ ဆန္ဒပြသမားတွေဟာ စက်တင်ဘာလ ၁ ရက် မနက်ပိုင်းက နိုင်ငံတော် ရုပ်မြင်သံကြား ပါကစ္စတန်တီဗွီ အဆောက်အဦထဲ ၀င်ရောက်လာပြီး အစီအစဉ် ထုတ်လွှင့်မှုတွေကို ဆိုင်းငံ့ထားဖို့ အာဏာပိုင်တွေကို ဖိအားပေးခဲ့ပါတယ်။
ဆန္ဒပြသူတွေဟာ မြို့တော် အစ္စလာမ်မာဘဒ်က အနီရောင်ဇုန်လို့ သတ်မှတ်ထားတဲ့ အရေးကြီးနယ်မြေထဲ အဆောက်အဦထဲက တချို့ပစ္စည်း ကိရိယာတွေကို စတင်ဖျက်ဆီးခဲ့ တာကြောင့် ထုတ်လွှင့်မှုတွေလည်း ရပ်ဆိုင်းသွားခဲ့ရပါတယ်။
သံတမန် အဖွဲ့အစည်းတွေ၊ အဓိက ရုံးအဆောက်အဦတွေ တည်ရှိရာ အနီရောင်ဇုန် နယ်မြေကို ဖြတ်ကျော် မလာဖို့ ဆန္ဒပြခေါင်းဆောင်တွေ ကတိပြုထားပေမယ့် လုံခြုံရေးတာဝန်ရှိသူတွေက ဆန္ဒပြသူတွေကို မတားဆီးနိုင်ခဲ့ပါဘူး။
မနက်အစောပိုင်းကလည်း ၀န်ကြီးချုပ် နာဝပ်ဇ် ရှရစ်ဖ်ှရဲ့ နေအိမ်ဆီ ချီတက်လာတဲ့ ကာဒရီရဲ့နောက်လိုက်တွေကို အဓိကရုဏ်း နှိမ်နင်းရေး ရဲတွေက မျက်ရည်ယိုဗုံးတွေနဲ့ လူစုခွဲခဲ့ရာမှာ နှစ်ဖက် ထိပ်တိုက် ပဋိပက္ခတွေ ဖြစ်ခဲ့ပါသေးတယ်။
သြဂုတ် ၁၄ ရက်နေ့ကတည်းက စတင်ခဲ့တဲ့ ဆန္ဒပြပွဲတွေမှာ တာဟီရာ အူလ် ကာဒရီနဲ့ အင်မ်ရန်ခန် တို့ဟာ ၀န်ကြီးချုပ် နာဝပ်ဇ် ရှရစ်ဖ်ှကို ရာထူးကနေ နုတ်ထွက်ပေးဖို့ တောင်းဆိုနေတာပါ။
ဝန်ကြီးချုပ်ကတော့ သူတို့ရဲ့ တောင်းဆိုချက်တွေကို ပယ်ချလိုက်ပြီး နိုင်ငံရေး အကျပ်အတည်းတွေကို နိုင်ငံရေးနည်းနဲ့ တွေ့ဆုံဆွေးနွေးဖြေရှင်းကြဖို့ အတိုက်အခံ ခေါင်းဆောင် ၂ ဦး ကမ်းလှမ်းထားပါတယ်။
DVB
Yangon
0 comments:
Post a Comment