သမီးရည်းစားကြား အကြမ်းဖက်မှုများနှင့် ပြည်သူ့အသံ

သမီးရည်စား ချစ်သူစုံတွဲအချို့ကြား ခိုက်ရန်ဖြစ်ပွားရာမှ ဓားဖြင့်ထိုးကာ လူသတ်မှုကျူးလွန်သောဖြစ်ရပ်များ ယခုနှစ်ပိုင်းအတွင်း ကြုံတွေ့လာရသည်။ အထူးသဖြင့် ရန်ကုန်မြို့တွင်ဖြစ်သည်။ ထိုကဲ့သို့ဖြစ်စဉ်များကြောင့် သားသမီးရှိသောမိဘများနှင့်အမျိုးသမီးများကြား စိုးရိမ်မှုမြင့်တက်လာစေခဲ့သည်။ မူးယစ်ဆေးဝါးနှင့် အရက်သေစာသုံးစွဲမှုမြင့်တက်နေပြီး ပွင့်လင်းလာသော နိုင်ငံရေး အခြေအနေတွင် ချစ်သူ၊ သမီးရည်းစားများကြား ရမ်းရမ်းကားကားဖြစ်ပွားနေသော အကြမ်းဖက်မှုများနှင့်ပတ်သက်၍ ပြည်သူများ၏ အမြင်များကို စုစည်းဖော်ပြလိုက်ပါသည်။

ဦးမျိုးအောင်

ထောက်ကြန့်မြို့နယ်

အဓိကဖြစ်တာကတော့ အရက်သေစာနဲ့ မူးယစ်ဆေးဝါးကြောင့် လို့ထင်တယ်။ အခုလို ဖြစ်တာများလာရင်တော့ နောက်ပိုင်းမှာ တခြား လူငယ်တွေကလည်း အတုယူမှားလာနိုင်တယ်။ သမီးရည်းစား ပြဿနာ လေးကနေ လူသေလောက်တဲ့အထိကတော့ လုံးဝမဖြစ်သင့်ဘူးလေ။ မိန်းမတစ်ယောက်အတွက်နဲ့ အဲဒီလောက်ထိ ဖြစ်တာကတော့ အဓိပ္ပာယ် လည်း မရှိဘူးလေ။ လူငယ်တွေအနေနဲ့ အရမ်းလွတ်လပ်လွန်းရင်လည်း မကောင်းဘူး အခုလိုပိုပြီး ဖြစ်နိုင်ခြေရှိတယ်။

မသင်းစံပယ်လှိုင်

မြောက်ဥက္ကလာပမြို့နယ်

အစ်မ မူဆယ်ရောက်တုန်းကလည်း အဲဒီလိုမျိုးပဲ။ သမီးရည်းစားအ ချင်းချင်း ပြဿနာဖြစ်တာကနေ လူသေတဲ့အထိ ဖြစ်သွားတာမျိုး တွေ့ ခဲ့ဖူးတယ်။ အမှန်တော့ တစ်ယောက်နဲ့တစ်ယောက် နားလည်မှုလေး တွေ ထားမယ်ဆိုရင်တော့ ဒီလိုမျိုးမဖြစ်ဘူး။ မိန်းကလေးတွေဘက်က လွန်တာရှိသလို ယောက်ျားလေးတွေ လွန်တာတွေလည်း ရှိတယ်လေ။ နားလည်မှုလွဲလို့ အခုလိုဖြစ်တယ်လို့ ထင်တာပဲ။ မကျေနပ်တာကို ပွင့် ပွင့်လင်းလင်း မဖြေရှင်းဘဲနဲ့ နာကြည်းချက်ရှိလို့ အခုလိုမျိုးလုပ်လိုက် တယ်လို့ ထင်တာပဲ။ အခုခေတ်ကလည်း မူးယစ်ဆေးဝါးနဲ့ အရက်သေ စာကို လူငယ်တွေ ပိုပြီး သုံးလာကြတာကြောင့်လည်း ဖြစ်နိုင်တယ်။ ပုံမှန်အတိုင်းဆိုရင် အခုလို လူတစ်ယောက်အထိ သတ်ဖို့လည်း မဖြစ် နိုင်ဘူးလေ။

ကိုနေလင်းအောင်

လက်ဖက်ရည်ဖျော်ဆရာ၊ ရန်ကင်း

ဒီလိုတွေဖြစ်လာတော့ ပတ်ဝန်းကျင်အနေအထားမှာ မိဘတွေက ပူပန်မှုတွေ ရှိလာတာပေါ့။ ကျွန်တော့်ကိုဆိုလည်း မိဘတွေက ပိုမှာကြ တယ်။ ဒီလိုတွေကြားတော့ ကိုယ့်ကောင်မလေးကိုပိုပြီး ဆင်ခြင်ခိုင်းရ တယ်။ ပြီးရင် နားလည်မှုရှိအောင် ပိုပြောပြဖြစ်တယ်။ အခု ဖုန်းတွေ ၀င်လာရင် ကောင်မလေးကို မကိုင်ခိုင်းတော့ဘူး။ တော်ကြာ မသိတဲ့သူ တွေနဲ့သိပြီး ပြဿနာတက်မှာစိုးလို့။ ဆေးချတာတွေ၊ အရက်သောက် တာတွေက စိတ်ကို မထိန်းနိုင်စေတော့ ပြဿနာပိုဖြစ်ပွားလွယ်တယ်။ ဒါကြောင့် အဲဒါတွေ မလုပ်ဖို့ အိမ်က မှာတယ်။

ဦးစိုး

ရန်ကင်းမြို့နယ်နေ မိဘတစ်ဦး

အခုခေတ်ကလေးတွေက နှစ်ဦးသဘောတူနေကြတယ်။ ပြီးတော့ ပြဿနာတွေတက်ပြီ။ ဒီလိုနဲ့ သတ်တဲ့အထိ ဖြစ်လာတာပါတယ်။ အ ရက်တွေသောက်ပြီး လူတွေက ပိုမှားကြတာ။ လူတွေက အမှုမဲ့အမှတ်မဲ့ နေပြီး ပြဿနာဖြစ်မှ ဖြစ်တယ် မှတ်လို့မရဘူး။ အိမ်က သားသမီးတွေ ကိုလည်း ပိုမှာလာကြတယ်။ မှာပေမယ့် အခုခေတ် မိန်းကလေးတွေက လည်း ရဲကြတယ်။ ယောက်ျားတွေနဲ့ ရင်ပေါင်တန်းနိုင်တယ်ဆိုပြီးတော့ အကုန်လုပ်နေကြတော့မှာပေမယ့် စိတ်မချဘူး။ ဒီပြဿနာတွေက ပတ် ၀န်းကျင်က ကလေးတွေကို အတုယူမှားစေနိုင်တယ်။ နောက်ဆိုရင် ဒါ က မထူးဆန်းတဲ့ပုံစံ ဖြစ်သွားနိုင်တယ်။

ကိုနေဘုန်းလတ်

ဘလော့ဂါ

ဒါမျိုးက ပတ်ဝန်းကျင်အသိုင်းအ၀ိုင်းနဲ့ ဆိုင်မယ်ထင်တယ်။ ကျွန် တော်တို့ ပတ်ဝန်းကျင်မှာတော့ မရှိဘူး။ အမှန်အတိုင်းပြောမယ်ဆိုရင် ပြဿနာကို ပြေပြေလည်လည် ဖြေရှင်းလေ့ ဖြေရှင်းထရှိတဲ့လူတွေက အဲဒီလိုအလုပ်တွေ လုပ်လေ့လုပ်ထ မရှိဘူး။ အခုဖြစ်ပျက်နေတာက တ ချို့ကျတော့ လူငယ်တွေ ဆေးစွဲတာမျိုးတွေ ဖြစ်နိုင်တယ်။ အရမ်းဒေါသ ကြီးတာတို့ ဖြစ်နိုင်တယ်။ နောက်ပြီးတော့ ပညာရေးနဲ့လည်း ဆိုင်မယ်။ ဥပဒေလည်း နားမလည်တာပေါ့။ သမီးရည်းစား၊ လင်မယားတွေအနေ နဲ့က ပြဿနာမဖြစ်အောင်နေ၊ အဲဒီလိုနေလို့မှ ပြဿနာဖြစ်လာပြီ ဆို ရင်လည်း ငြိမ်းငြိမ်းချမ်းချမ်း ပြေပြေလည်လည် ဖြေရှင်းစေချင်တယ်။ ဒါက တရားဥပဒေစိုးမိုးရေးနဲ့လည်း တိုက်ရိုက်ဆက်စပ်တယ်။ လူတော် တော်များများက ကိုယ့်နည်းကိုယ့်ဟန်နဲ့ ဖြေရှင်းချင်ကြတာ။ မူးယစ် ဆေး၊ အရက် သောက်သုံးရင်လည်း အသိစိတ်မပျောက်အောင် သုံးစွဲ သင့်တယ်။ လူတစ်ယောက်ကို ဒီလိုရက်ရက်စက်စက် သတ်တယ်ဆို တာကလည်း အသိပျောက်သွားလို့ ဖြစ်တာ။ ဒီလိုဖြစ်စဉ်တွေ မဖြစ် အောင်ဆိုရင် အားလုံးက ဆက်စပ်ပတ်သက်နေတယ်။ အစိုးရကလည်း ဒါတွေကို အရက်၊ ဘီယာ၊ မူးယစ်ဆေး ပတ်သက်တာတွေကို မူဝါဒ ချပြီး လုပ်ရမှာဖြစ်သလို လူငယ်တွေ ပညာတတ်ဖို့၊ အလုပ်အကိုင်တွေ ရရှိဖို့ လိုတယ်။

မနီလာဝင်း

အင်္ဂလိပ်ဆရာမ၊ မန္တလေးမြို့

အရင်တုန်းကတော့ အခုလို မင်းမဲ့စရိုက်ဆန်ဆန်တွေ သိပ်မကြား ဖူးဘူး။ အခုနောက်ပိုင်းမှာ ဒီလိုဖြစ်ရပ်တွေ ပိုအဖြစ်များလာတာကြောင့် ညနည်းနည်းမိုးချုပ်ရင်ကို အပြင်မထွက်ရဲတော့ဘူး။ မန္တလေးမှာက ကျုံး ဘေးတို့ ဘာတို့မှာဆိုရင် လူပြတ်တော့ ဒုစရိုက်မှုတွေကလည်း အဖြစ် များတော့ သတိထားနေရတယ်။ သမီးရည်းစားအချင်းချင်းကြားမှာ အ ရက်မသောက်ဖို့ကစပြီး နားလည်မှုယူထားတော့ အခုလို ဓားထိုးမှုလို ပြဿနာတွေအထိ ဖြစ်လာမှာကို မစိုးရိမ်ဘူး။ အသိ ညီမတွေကိုတော့ အတွဲချိန်းရင် လူပြတ်တဲ့နေရာ၊ ဆိတ်ကွယ်ရာအရပ်တွေ သိပ်မသွားဖို့ သတိပေးထားတယ်။ မကောင်းမှုဆိုတာတွေက ဆိတ်ကွယ်ရာအရပ်မှာ ပဲ ဖြစ်တာများတာဆိုတော့။ နှစ်ဦးနှစ်ဖက် ယုံကြည်မှုရှိမယ်၊ နားလည်မှု ရှိမယ်ဆိုရင် ဒီလိုမျိုးတွေအထိ ဖြစ်လာနိုင်ဖို့မရှိဘူး။ ပြဿနာတစ်ခုချင်း စီ၊ သံသယတစ်ခုချင်းစီကို သေချာမဖြေရှင်းခဲ့ကြလို့သာ ဒီလိုမျိုးတွေ ဖြစ်ကြရတာကြောင့် စိတ်ထဲမှာ ဖြစ်နေတဲ့ မပြေလည်မှုတွေကို မျိုသိပ် မထားဘဲ ချက်ချင်းဖြေရှင်းသင့်တယ်လို့ ထင်တယ်။ တစ်ယောက်ချင်းစီ အနေနဲ့လည်း ကိုယ့်စိတ်အခြေအနေကို ပြန်သုံးသပ်ပြီး ကိုယ့်စိတ်ကိုယ် ရှင်းအောင် အမြဲထားသင့်တယ်။

အေးမြမြင့်မိုရ်

ကျောင်းသူ၊ Laurel Art အနုပညာသင်တန်းကျောင်း

သမီးရည်းစားတွေ ခုနောက်ပိုင်း ဓားနဲ့ထိုးတဲ့ ပြဿနာတွေက ပတ် ၀န်းကျင်ကို ရိုက်ခတ်မှု အရမ်းရှိတယ်။ သတင်းတွေပေါ်လာတော့ အခု နောက်ပိုင်း မိဘတွေက သားသမီးတွေကို စိတ်မချတော့ဘူး။ အပြင်ကို အရင်လို မလွှတ်တော့ဘူး။ မိန်းကလေးတွေလည်း လုံခြုံမှုအတွက် ည ရေးညတာအပြင်ထွက်ရတာမျိုးတွေတော့ ဆင်ခြင်နေရပြီပေါ့။ တကယ် လို့ အပြင်သွားမယ်ဆိုရင် ရည်စားနဲ့သွားသွား၊ သူငယ်ချင်းနဲ့ပဲ သွား သွား မိဘအုပ်ထိန်းသူကို အမှန်အတိုင်းပြောစေချင်တယ်။ ကိုယ်သွား မယ့်နေရာ၊ ပြန်ရောက်မယ့်အချိန်ကို အမှန်အတိုင်း ပြောစေချင်တယ်။ မိန်းကလေးအများစုက အယုံလွယ်တယ်။ ခေတ်ရေစီးကြောင်းအတိုင်း လေး မျှောပြီးနေကြတယ်။ ဒါကြောင့် စာများများဖတ်စေချင်တယ်။ အထူးသဖြင့် မှုခင်းစာစောင်တွေ ဖတ်စေချင်တယ်။ တကယ်လို့ ရည်း စားနဲ့ အပြင်ကိုသွားမယ်၊ လာမယ်ဆိုလည်း ကိုယ့်ရဲ့ အရင်းနှီးဆုံးသူ ငယ်ချင်းနဲ့ တိုင်ပင်သင့်တယ်။ မိဘဆိုရင်တော့ အကောင်းဆုံးပေါ့။ အဓိကကတော့ အယုံမလွယ်ဖို့ဘဲ။ အခုနောက်ပိုင်း မိန်းကလေးတွေ အသုံးတည့်မယ့် ပစ္စည်းလေးတစ်ခုပေါ်နေတယ်။ ငရုတ်ရည်ပုလင်းလေးတွေ လေ။ ကိုယ့်အပေါ် အန္တရာယ်ပြု နှောင့်ယှက်တဲ့သူပေါ်လာရင် အဲဒီ ငရုတ်ရည်နဲ့ မျက်လုံးကို ပက်ပစ်လိုက်လို့ရတယ်။ အနည်းဆုံး တစ်နာရီ လောက် ငရုတ်ရည်နဲ့ အပက်ခံရတဲ့သူက ကိုယ့်ကို ဘာမှ ပြန်မလုပ်နိုင်ဘူး။ ဒါကြောင့် တစ်နာရီအတွင်း ကိုယ့်အတွက် လွတ်မြောက်ရာလမ်းကို ရှာ လို့ရနိုင်တယ်။ ကိုယ့်ရဲ့ချစ်သူရည်းစား သူငယ်ချင်းတွေအနေနဲ့ မူးယစ် ဆေးဝါးသုံးနေတာတို့၊ အရက်သောက်တာတို့ကိုတွေ့လို့ တားဆီးလို့ မရရင် သူတို့မိဘတွေဆီကို သွားတိုင်တာဟာ အကောင်းဆုံး ဖြေရှင်း နည်းပဲ။

မ၀တ်ရည်လင်း

စားသောက်ကုန်လုပ်ငန်း၊ မန္တလေးမြို့

တစ်ယောက်နဲ့တစ်ယောက် ဘယ်လို relationship မျိုးပဲဖြစ်ပါစေ ထိန်းချုပ်နိုင်စွမ်းတော့ ရှိရမယ်။ ကိုယ့်စိတ်၊ ကိုယ့်ဒေါသကို မထိန်းချုပ် နိုင်ကြလို့ အခုလိုတွေ ဖြစ်ကြရတာလို့ မြင်တယ်။ တချို့ ကောင်လေး တွေ ဆေး (မူးယစ်ဆေး)သုံးတယ်။ အဲဒီလို သုံးနေကြလို့လည်း ကိုယ့် ရည်းစားကို မမှတ်မိဘဲ အခုလို သတ်တာတွေဘာတွေထိ ဖြစ်လာရတာ ပဲ။ ကိုယ့်ရည်းစားကို အရက်၊ မူးယစ်ဆေး မသုံးနဲ့လို့ ထိန်းချုပ်မယ့်အစား သူတို့ကိုယ်တိုင် မကောင်းမှန်းသိလို့ မသုံးတာမျိုးပဲ ဖြစ်စေချင်တယ်။ တစ်ယောက်နဲ့တစ်ယောက်ကြားမှာ ရိုးသားမှုရှိရင် ဒါမျိုးတွေ ဖြစ်မလာနိုင်ပါဘူး။ ကိုယ့်ညီမတွေ၊ အသိတွေကိုတော့ ရည်းစားဆိုတဲ့အဆင့်က အချိန်မရွေးပြတ်သွားနိုင်တဲ့ အခြေအနေဖြစ်လို့ မိန်းကလေးတွေအနေနဲ့ ကိုယ့်ကိုယ်ကိုယ် ထိန်းသင့်တယ်လို့ ပြောထားတယ်။ ဒီလိုမျိုးတွေမဖြစ်ဖို့ ပညာပေးတတ်တဲ့၊ ဆုံးမတတ်တဲ့ပတ်ဝန်းကျင် ရှိဖို့လည်းလိုမယ်။ စာအုပ်စာပေတွေ ဖတ်ပြီး အမှန်တကယ် စဉ်းစားချင့်ချိန်နိုင်တဲ့သူတွေမှာတော့ ဒါမျိုးတွေ ဖြစ်မလာနိုင်ဘူးပေါ့။

ဦးမောင်အေး

စမ်းချောင်း

ဒီလိုမျိုးတွေ တော်တော်များများ နေရာတွေမှာ မြင်၊ ကြား၊ တွေ့ နေရလို့ နောင်ဖြစ်လာမှာကိုလည်း စိုးရိမ်ကြောင့်ကြတာပေါ့။ ပတ်ဝန်း ကျင်အနေအထားမှာလည်း သုံးသပ်စရာဖြစ်လာတယ်။ သူ့အတွက်ရော၊ ကိုယ့်အတွက်ရော ဘာမှအကျိုးမရှိတဲ့အခြေအနေမျိုးပေါ့။ ကိုယ့်ရဲ့ သားသမီးတွေကအစ အနီးက လူငယ်တွေကို သွန်သင်ဆုံးမရတယ်။ လူငယ်သဘာဝဆိုတာက တစ်ဦးနဲ့တစ်ဦး စိတ်ထားချင်း၊ စရိုက်ချင်း၊ အပြောအဆိုချင်း၊ ကိုယ်ကျင့်တရားချင်း တူရင်တော့ အဆင်ပြေတယ်။ စိတ်ချမ်းသာတာပေါ့။ လူတစ်ယောက်ရဲ့ ကာရိုက်တာကို တစ်ခဏတာ အတွင်းကြည့်ပြီး မယုံကြည်ဖို့၊ ဒီလူကို တကယ်ချစ်တယ်ဆို သူ့ရဲ့နောက် က သမိုင်းကြောင်းကို လေ့လာ။ ပတ်ဝန်းကျင်အနေအထားကို စုံစမ်းရ မယ်။ ဒါမှ မိသားစုရော၊ ပတ်ဝန်းကျင်ရော၊ လူ့အဖွဲ့အစည်းရော စိတ် ချမ်းသာမှု ရှိမှာပေါ့။ ခုခေတ်လူငယ်တွေက မကောင်းတဲ့ အကျင့်ကို အ တုယူချင်တာ မြန်တယ်။ လက်တည့်စမ်းချင်တယ်။ သွေးတိုးစမ်းချင်တာ မကောင်းတဲ့ လက္ခဏာပေါ့။

ကိုထွေးအောင်လွင်

Paper Artist

ကျွန်တော်တို့ ပတ်ဝန်းကျင်မှာတော့ သိပ်မကြားဖြစ်ဘူး။ အဓိက ကတော့ လူငယ်တွေ မူးယစ်ဆေးနဲ့ အရက်ကြောင်ပြီးတော့ ဖြစ်တာလို့ မြင်တယ်။ တိုင်းပြည်စီးပွားရေးမကောင်းတာ၊ ပညာရေးစနစ် နိမ့်ကျ တာကြောင့်လည်း ဖြစ်နိုင်တယ်။ ပညာမတတ်တော့ အတွေးအခေါ် ခေါင်းပါးတယ်။ တချို့ကျတော့ ပညာတတ်တယ် စဉ်းစားဉာဏ် မရှိ ဘူး။ မိန်းကလေးအနေနဲ့ ဆင်ခြင်သင့်တယ်။ အဓိကကတော့ ကျောင်း သူတွေပေါ့။ အ၀တ်အစား၊ အနေအထိုင် ဆင်ခြင်ရမယ်။ နောက်ပြီး တော့ အမျိုးသမီးတွေကလည်း ရည်းစားနှစ်ယောက်၊ သုံးယောက်ကို တစ်ပြိုင်တည်းထားတာတို့ မလုပ်သင့်ဘူး။ တစ်ယောက်တည်းကိုပဲ မိသားစုအသိုင်းအ၀ိုင်းကို အသိပေးပြီးတော့ တွဲသင့်တယ်လို့ မြင်တယ်။ ယောက်ျားလေးတွေအနေနဲ့ အပျော်ထားတာမျိုး မလုပ်သင့်ဘူး။ အ ပျော်ကနေ အပျက်မဖြစ်အောင် ဆင်ခြင်သင့်တယ်။

ကိုထက်မြက်

ကျောင်းသား

မိန်းကလေးတွေ တော်တော်များများ တုန်လှုပ်ကြတယ်။ စတာ၊ နောက်တာကအစ။ အဲဒီလိုလုပ်တော့ မကောင်းဘူးပေါ့နော်။ နောက်လူ တွေ ၀န်မလေးတော့ဘူးပေါ့။ ကျွန်တော်တို့ကအစ သတိပေးရတယ်။ ငါတို့ကို စိတ်လွတ်အောင် မလုပ်နဲ့။ စိတ်ဆိုးလာရင် ဘာမှမသိတော့ ဘူး။ မင်းတို့လည်းဆင်ခြင်ပါ။ ရှေ့မှာ သာဓကရှိတယ်နော်။ တစ် ယောက်နဲ့တစ်ယောက် နားလည်မှုပေါ့။ တစ်ယောက်အမှားကို တစ် ယောက်က ထောက်ပြနိုင်ရမယ်။ တစ်ဖက်လူ ရှင်းပြတာကို အချိန်ပေး ပြီး နားထောင်လိုက်ရင် အားလုံးအဆင်ပြေသွားလိမ့်မယ်။ အရမ်းချစ်လို့ သာ နားလည်ပေးရတာ ဘယ်ကောင်မလေးကမှ ကိုယ့်ချစ်သူကို အရက် သောက်တာ မကြိုက်ဘူး။ မကောင်းဘူးဆိုတာသိရင် ယောက်ျားလေးပဲ ဖြစ်ဖြစ်၊ မိန်းကလေးပဲဖြစ်ဖြစ် လမ်းခွဲသင့်တယ်။

7Day Daily