မြန်မာနဲ့ ဘင်္ဂလားဒေ့ရှ် နိုင်ငံအကြား ဆက်ဆံရေး တိုးတက် ကောင်းမွန် ရေးအတွက် မြန်မာနိုင်ငံက ကိုယ်စားလှယ် ငါးယောက် ဘင်္ဂလားဒေ့ရှ် နိုင်ငံကို သွားရောက်နေပါတယ်။
ရိုဟင်ဂျာနဲ့ ပတ်သက်တဲ့ အကြောင်းအရာတွေ၊ တရားမဝင် စိတ်ကြွဆေးပြား ကုန်ကူးမှု အကြောင်းတွေ၊ နှစ်နိုင်ငံနယ်စပ် အကြားမှာ ဖြစ်နေတဲ့ အငြင်းပွား မှုတွေကို ဖြေရှင်းဖို့ ဆက်ဆံရေး ရုံးထားရှိမယ့် ကိစ္စတွေအပြင် လုံခြုံရေး ဆွေးနွေးပွဲတွေ ပုံမှန် လုပ်ဆောင်နိုင်ဖို့ ဆွေးနွေး ကြမှာဖြစ်ကြောင်း The Daily Star သတင်းမှာ ဖော်ပြထားပါတယ်။
ဒါ့အပြင် လူကုန်ကူးမှု ကိစ္စနဲ့ ကူးသန်းရောင်း ဝယ်ရေး၊ ရင်းနှီးမြုပ်နှံရေး၊ ပညာရေး၊ စိုက်ပျိုးရေး၊ ကမ္ဘာလှည့် ခရီးသွား လုပ်ငန်းနဲ့ စွမ်းအင် လုပ်ငန်းတွေ အကြောင်းလည်း ဆွေးနွေးဖို့ရှိ တယ်လို့ ဆိုပါတယ်။
မြန်မာနိုင်ငံ သမ္မတ ဦးသိန်းစိန် ကိုလည်း ဘင်္ဂလားဒေ့ရှ် နိုင်ငံက နောက် တစ်ကြိမ် ဖိတ်ခေါ်ဖို့ ရှိတယ်လို့ လည်း သိရပါတယ်။
သမ္မတ ဦးသိန်းစိန်ဟာ ၂၀၁၂ ခုနှစ် ဇွန်လတုန်းက ဘင်္ဂလားဒေ့ရှ် နိုင်ငံကို သွားရောက် လည်ပတ်ဖို့ စီစဉ်ခဲ့ပေမယ့် ရခိုင်ပြည်နယ်မှာ ဘာသာရေး၊ လူမျိုးရေး ပြဿနာ ဖြစ်ခဲ့တဲ့ အတွက် ခရီးစဉ်ကို ဖျက်သိမ်းခဲ့ ရပါတယ်။
ဘင်္ဂလားဒေ့ရှ် နိုင်ငံမှာ ရိုဟင်ဂျာ ဒုက္ခသည် အယောက်ပေါင်း ၃၀၀၀၀ လောက် ဒုက္ခသည် စခန်းတွေမှာ နေထိုင်နေပြီး ဒုက္ခသည် အဖြစ် တရားဝင် အသိ အမှတ်ပြု မခံရသူ အများအပြား လည်း စခန်းအပြင် ဘက်မှာ နေထိုင်လျက်ရှိ ပါတယ်။
ABC
Yangon
0 comments:
Post a Comment