စပိန်၊ သြဂုတ် ၂၈။ မန်ယူအသင်းသို့ ဗြိတိန်စံချိန်တင် ပြောင်းရွှေ့ကြေးဖြင့် ပြောင်းရွှေ့သွားခဲ့ပြီးနောက် အာဂျင်တီးနား တောင်ပံကစားသမား ဒီမာရီယာက ရီးယဲလ်အသင်းပရိသတ်များထံသို့ နှုတ်ဆက်စာတစ်စောင် ရေးသား ပေးပို့ခဲ့သည်။ ထိုစာတွင် ဒီမာရီယာက ရီးယဲလ်အသင်းကို စွန့်ခွာခဲ့ခြင်းသည် ၎င်း၏ဆန္ဒမဟုတ်ကြောင်းနှင့် ရီးယဲလ်ကို စွန့်ခွာရန် မည်သည့်အခါကမှ မစဉ်းစားခဲ့ကြောင်း ရေးသားထားသည်။
“ရီးယဲလ်အသင်းမှာ ကျွန်တော်ရဲ့ ကျင်လည်မှုက ပြီးဆုံးသွားခဲ့ပါပြီ။ အရာရာအားလုံးကို ရရှိနိုင်ဖို့ မဖြစ်နိုင်ဘူးဆိုတာ ကျွန်တော့်ရဲ့ နည်းပါးတဲ့ အတွေ့အကြုံအရသိပါတယ်။ ဒီစာက ဒီအချိန်မှာ ကျွန်တော်ဘယ်လိုခံစားနေရတယ်ဆိုတဲ့ အကြောင်း အားလုံးကို သိစေပါလိမ့်မယ်။ ရီးယဲလ်အသင်းအင်္ကျီကို ၀တ်ဆင်ကစားခဲ့ရတဲ့ လေးနှစ်တာ ကာလက တကယ်ကို ဂုဏ်ယူဖို့ကောင်းပါတယ်။ အသင်းဖော်တွေနဲ့ အတူ ရရှိခဲ့တဲ့ အောင်မြင်မှုတွေကြောင့် မာနလည်း တက်မိပါတယ်။ ဒီနေ့ ကတော့ ကံမကောင်းတဲ့နေ့ပါ။ ရီးယဲလ်ကနေ ထွက်ခွာရပါတော့မယ်။ အားလုံးကို ရှင်းရှင်း လင်းလင်းသိစေချင်ပါတယ်။ ဒါက ကျွန်တော့်ရဲ့ဆန္ဒ လုံးဝမဟုတ်ပါဘူး”
“ချန်ပီယံလိဂ်ဖလားကို ရရှိပြီးတဲ့နောက် ကမ္ဘာ့ဖလားယှဉ်ပြိုင်ဖို့ ကျွန်တော်သွားခဲ့ပါတယ်။ အဲ့ဒီအချိန်မှာ ရီးယဲလ် အသင်းက ကျွန်တော့်အနာဂတ်နဲ့ပတ်သက်ပြီး အချက်ပြမှု ရရှိလာလိမ့်မယ်လို့ မျှော်လင့်ခဲ့ပါတယ်။ ဒါပေမယ့် ရောက်မလာခဲ့ပါဘူး။ လိမ်လည် ပြောဆိုမှုတွေ အများအပြားပဲ ရရှိခဲ့ပါတယ်။ သူတို့ဟာ ကျွန်တော့်ကို အသင်းကနေထွက်ခွာသွားဖို့ အလိုရှိခဲ့ကြပါ တယ်။ တစ်စုံတစ်ဦးကြောင့် ကျွန်တော့်ရဲ့ဘောလုံးသမားဘ၀က ကံမကောင်းခဲ့ပါဘူး။ တရားမျှတမှုဆိုတာ ဘာလဲလို့ မေးချင်ပါတယ်။ မန်ချက်စတာယူနိုက်တက်မှာ ဒါကို ရှာဖွေတွေ့ရှိလိမ့်မယ်လို့ မျှော်လင့်ပါတယ်။ ဒီအသင်းကလည်း ကမ္ဘာပေါ်မှာ အကြီးကျယ်ဆုံး ကလပ်အသင်းတစ်သင်းပါ။ ဒီမှာ သမိုင်းတစ်ခုကို ရေးထိုးနိုင်မယ်လို့ မျှော်လင့်ပါတယ်။ မန်ယူမှာ ကစားသမားကောင်းတွေနဲ့ လက်တွဲရမှာဖြစ်လို့ ကံကောင်းပါတယ်။ အဓိကရည်မှန်းချက်က ချန်ပီယံလိဂ်ဝင်ခွင့်ရရှိဖို့ ကျွန်တော်ထင်ပါတယ်”
“ရီးယဲလ်အသင်းမှာ ကျွန်တော့်အနေနဲ့ ကွင်းအတွင်း ကွင်းပြင် အမှားတွေလုပ်ခဲ့မိတယ်ဆိုရင် အားလုံးကို တောင်းပန် ပါတယ်။ တစ်စုံတစ်ဦးကို နစ်နာစေလိုတဲ့ ရည်ရွယ်ချက်နဲ့ လုပ်ဆောင်ခဲ့ခြင်းမျိုးလုံးဝ မရှိပါဘူး။ ရီးယဲလ်အသင်း အတွက် နောက်ဆုံးကစားခဲ့တဲ့ အချိန်အထိ စွမ်းဆောင်နိုင်သလောက် အတတ်နိုင်ဆုံးပေးဆပ်ခဲ့တာပါ။ အချိန် တိုင်းမှာ ထောက်ခံမှုပေးခဲ့ကြတဲ့ အသင်းဖော်တွေကို ကျေးဇူးတင်ပါတယ်။ ဒီအသင်းက ၀န်ထမ်းတွေနဲ့ အလုပ်လုပ်ကိုင်ရတာ တကယ်ကို ကောင်းမွန်ပါတယ်။ ကျွန်တော့် သမီးလေးမွေးဖွားခဲ့ရာ စပိန်နိုင်ငံကိုလည်း ကျေးဇူးတင်ပါတယ်။ ကျွန်တော့်ရဲ့ နှလုံးသားထဲမှာ ဒါတွေက အမြဲ ရှိနေမှာပါ။ ရီးယဲလ်အသင်းက အောင်မြင်မှုတွေကို အမြဲဆာလောင်နေပြီး ရှေ့ကိုပဲ အမြဲကြည့်တဲ့အသင်းပါ။ အနာဂတ်မှာ ရီးယဲလ်အသင်း ဒီထက်ပိုပြီး အောင်မြင်ပါစေ။ ရီးယဲလ်အသင်းထာဝရ အောင်မြင်ပါစေ” ဟု ရေးသားထားသည်။
Ref: footballespana
Yangon
0 comments:
Post a Comment