ပါလက်စတိုင်း ကလေးငယ် ၁၁ ဦးကို အစ္စရေး တပ်ဖွဲ့က အဓမ္မ ခေါ်ဆောင်

ဂျေရုဆလင် စက်တင်ဘာ ၂၂

အစ္စရေး တပ်ဖွဲ့ဝင်များ သည် အစ္စရေး နိုင်ငံက ပိုင်ဆိုင်သော အယ်လ်ကဒ် မြို့ဟောင်း (ဂျေရုဆလင်မြို့)အနီး ဝန်းကျင်၌ စီးနင်း ဝင်ရောက် ရှာဖွေမှုများ ပြုလုပ်စဉ် ပါလက်စတိုင်း ကလေးငယ် ၁၁ ဦး ကို အဓမ္မ ဖမ်းဆီး ခေါ်ဆောင် သွားကြောင်း သိရသည်။ ကလေးငယ် ရှစ်ဦးသည် ဂျေရုဆလင်မြို့ အရှေ့ဘက် ရက်စ်အယ်လ်အမဒ် အရပ်မှ ဖြစ်ပြီး ကျန်သုံးဦး သည် အယ်လ်အီဆာဝီယာအရပ်မှ ဖြစ်ကြောင်းနှင့် ၄င်းတို့ကို အစ္စရေး တပ်ဖွဲ့ဝင်များက စက်တင်ဘာ ၂၁ ရက်တွင် ဖမ်းဆီး ခဲ့ခြင်း ဖြစ်ကြောင်း ပါလက်စတိုင်း ဝါဒီ ဟေလ်ဝီ သတင်း ထုတ်ပြန်ရေး ဌာနက ပြောကြားသည်။ 

အစ္စရေး တပ်ဖွဲ့ဝင် များသည် လွန်ခဲ့သည့် လများ ကလည်း အနောက်ဘက် ကမ်းခြေ ဒေသတွင် စီးနင်း ဝင်ရောက် မှုများ လုပ်ဆောင် ပြီး ပါလက်စတိုင်း လူမျိုးပေါင်း များစွာကို ဖမ်းဆီးကာ ပြစ်မှု ဖော်ပြခြင်း မရှိဘဲ အကျဉ်း ထောင်များ အတွင်း ထိန်းသိမ်း ထားကြောင်းသိရသည်။

ပြည်ချစ်သား