မလေးရှားနိုင်ငံ၊ ပီနန်ပြည်နယ်ရှိ ကင်ဆာရောဂါသည် အသက်ငါးနှစ် အရွယ် ကလေးငယ်သည် ရဲတပ်ဖွဲ့ဝင် တစ်ဦးဖြစ်ချင်ခဲ့ရာ ၎င်း၏ အိပ်မက်လက်တွေ့ ဖြစ်လာခဲ့ပြီ ဖြစ်သည်။
မိုဟမ္မဒ် အူဇာရီ အမ်ဇာနူး အက်ဇ်လန်သည် သငံရည် အကြိတ်များတွင် ဖြစ်ပွားသော ကင်ဆာရောဂါ ရှိနေပြီဖြစ်ကြောင်း ယမန်နှစ်တွင် စစ်ဆေး တွေ့ရှိခဲ့သည်။ သို့သော် ၎င်းသည် ကြာသပတေးနေ့တွင်မူ စုံစမ်းစစ်ဆေးရေး အရာရှိအဆင့် ရဲတပ်ဖွဲ့ဝတ်စုံ၊ အမည်ကတ်ပြားကို ၀တ်ဆင်ခွင့်ရရှိပြီး ရဲတပ်ဖွဲ့များ၏ လုပ်ငန်း တာဝန်များကို လေ့လာခွင့် ရရှိခဲ့သည်။
ဆီဘဲရန် ပဲရိုင် ဆီလာတန် ခရိုင်ရဲတပ်ဖွဲ့ ရုံးချုပ်တွင် ကလေးငယ်၏ ဆန္ဒပြည့်ဝခဲ့ကြောင်း ပီနန်ပြည်နယ် ရဲမှူး ဒါတတ်အက်ဘ်ဒူ ရာမင် ဟာနာဖီက ပြောဆိုခဲ့သည်။ ““ဒီနေ့မှာတော့ မိုဟမ္မဒ် အူဇာရီဟာ ရဲတပ်ဖွဲ့ဝင်ဖြစ်ချင်တဲ့ ဆန္ဒပြည့်ခဲ့ပါပြီ၊ ရဲတပ်သားတွေရဲ့ အလေးပြုတာကို ခံယူခဲ့ရပါတယ်၊ ပတ္တရောင် ကားထဲမှာလည်း လိုက်ပါခွင့် ရပါတယ်””ဟု ၎င်းက သတင်းထောက်များအား ပြောဆို ခဲ့သည်။
သားသမီး သုံးဦးအနက် အငယ်ဆုံး ဖြစ်သော မိုဟမ္မဒ်အူဇာရီသည် ကလေးငယ် ဘ၀ကတည်းက ရဲတပ်ဖွဲ့ဝင် ဖြစ်ချင်ခဲ့ပြီး မလေးလိုဂီရက်ခါစ်( အထူးရဲတပ်ဖွဲ့) အမည်ရှိ ဇာတ်လမ်းကို အမြဲလိုလို ကြည့်ရှုလေ့ ရှိကြောင်း ဖခင်ဖြစ်သူ အသက် (၄၆) နှစ်အရွယ် မိုဒ်နူးအက်ဇ်လန် အာမတ်က ပြောဆိုခဲ့သည်။
သားဖြစ်သူသည် ကွာလာလမ်ပူ ဆေးရုံကြီးတွင် တစ်လလျှင် တစ်ကြိမ် ကုသမှု ခံယူနေကြောင်း ၎င်းက ပြောသည်။ မိုဟမ္မဒ် အူဇာရီက ရဲတပ်ဖွဲ့ဝင် အားလုံးကို ကျေးဇူးတင်ကြောင်း ပြောဆိုခဲ့ပြီး တစ်ရက်သာ ရဲတပ်ဖွဲ့ဝင် ဖြစ်ခွင့် ရရှိခဲ့သော်လည်း တစ်သက်လုံး မေ့နိုင်တော့မည် မဟုတ်ကြောင်း ပြောဆိုခဲ့သည်။
Source:Bernama
The Messenger
Yangon
0 comments:
Post a Comment