အန္တရာယ်ရှိတဲ့ကာမစက်ရုပ်ကို ဆန့်ကျင်တဲ့လှုံဆော်ရေးတစ်ခုပြုလုပ်လာကြ

Roxxxy အမည်ရှိ Sex Robot လို့ခေါ်တဲ့ ကာမစက်ရုပ်ကို စတင် ရောင်းချခြင်းမပြုခင်မှာတင် ၄င်းစက်ရုံကို ဆန့်ကျင်တဲ့လှုံ့ဆော်ရေးတစ်ခု စည်းရုံးလှုံ့ဆော်ရေးသမားများက စတင်လိုက်ပါတယ်။

အဲဒီစက်ရုပ်ဟာလူ့အသိုင်းအ၀ိုင်းအတွက် အန္တရာယ်ဖြစ်စေနိုင်တယ်လို့ သတ်မှတ်ထားကြပါတယ်။ 

“ကာမစက်ရုပ်ကို ဆန့်ကျင်ရေးလှုပ်ရှားမှု” လို့အမည်ပေးထားတဲ့ လှုံ့ဆော်ရေးတစ်ခုကတော့ အဲဒီ ကာမစက်ရုပ်ဟာ လူသားတွေရရှိနိုင်တဲ့ ကာမခံစားမှုတွေကို အစားထိုးပေးစွမ်းနိုင်ပြီး ကုမ္ပဏီအချို့ဟာ အဲဒီစက် ရုပ်တွေကို စတင်ထုတ်လုပ်နေပြီဖြစ်တယ်လို့ ဆိုပါတယ်။ အဲဒီစက်ရုပ်တွေဟာ လူတွေအတွက် အန္တရာယ်ဖြစ်စေနိုင်တဲ့ အလားအလာများစွာရှိကြောင်း လှုံ့ဆော်ရေးသမားများက ပြီးခဲ့တဲ့ အင်္ဂါနေ့က ထုတ်ဖော်ပြော ကြားခဲ့ပါတယ်။

စက်ရုပ်ဖွံ့ဖြိုးတိုးတက်မှုနဲ့ ကျင့်ဝတ်များနှင့်ဆိုင်သည့် ဘာသာရပ်အား အထူးပြုလေ့လာနေသော အင်္ဂလန်နိုင်ငံ ဒီမောန့်ဖို့စ်တက္ကသိုလ်မှ ပညာရှင်တစ်ဦးဖြစ်သူ ကက်သလင်း ရစ်ချက်ဆင်ဟာ စက်ရုပ်ကာမဆန့်ကျင်ရေး လှုံ့ဆော်မှုကို ဦးဆောင်နေသူဖြစ်ပြီး ကာမစက်ရုံရဲ့အသွင်သဏ္ဍာန်တွေဟာ ကလေးငယ်တစ်ဦးပုံစံ သို့မဟုတ် အရွယ်ရောက်ပြီး အမျိုးသမီးတစ်ဦး ပုံစံမျိုးတွေနဲ့ ထွက်ရှိလာနိုင်တာမို့ အန္တရာယ်ရှိကြောင်း CNBC သတင်းဌာနကို ပြောဆိုထားပါတယ်။

“ဒီကိစ္စကိုအစပထမ သိရှိချိန်ကတော့ ဒါဟာ ကာမစက်ရုပ် သက်သက်ပဲ။ အန္တရာယ်လည်း မရှိနိုင်တဲ့အပြင် အမျိုးသမီးတွေနဲ့ ကလေးတွေအပေါ်မှာ ကျရောက်လာနိုင်တဲ့ အန္တရာယ်တွေတောင် လျော့နည်း သွားနိုင်တယ်လို့ ထင်ခဲ့မိပါတယ်။ ဒါပေမယ့် လေ့လာမှုစစ်တမ်းတွေကို ပြုလုပ်ခဲ့ပြီးတဲ့နောက်မှာတော့ ကျွန်မထင်မြင် ချက်က မမှန်တာကို သိလာတယ်။ ဒီစက်ရုပ်ဟာ လူ့အသိုင်းအ၀ိုင်းမှာရှိနေတဲ့ အမျိုးသမီးတွေ၊ ကလေးသူငယ်တွေ၊ လိင်ပြောင်းထားတဲ့ လူတွေအပေါ်ထားရှိတဲ့ လူတွေရဲ့ဆက်ဆံရေးကို ပိုမို ကောင်းမွန် လာစေမယ့်အစား ပိုမိုဆိုးရွားသွားစေနိုင်တာကို လေ့လာတွေ့ရှိခဲ့ရပါတယ်။ တကယ်ရှိတဲ့လောကကြီးမှာ ကာမဆက်ဆံရယူနိုင်ဖို့ တကယ့်လူသားတွေ ရှိနေပါသေးတယ်ဆိုတာကို အသိပေးချင်ပါတယ်။” လို့ သူမက ထပ်လောင်းပြောဆိုထားပါတယ်။

ဒီကာမစက်ရုပ်ဟာ အထူးအဆန်းတစ်ခုမဟုတ်ပေမယ့် ကာမဆက်ဆံတဲ့နေရာမှာ အစားထိုး အသုံးပြုနိုင်တာကြောင့် လူတွေစိတ်ဝင်စားမှု ရရှိလာတာနဲ့အမျှ အီလက်ထရောနစ်နဲ့ စက်ရုပ်တွေကို ထုတ်လုပ်နေကြတဲ့ ကုမ္ပဏီများကလည်း ဈေးကွက်ထဲမှာ ဒီစက်ရုပ်တွေ နေရာရလာဖို့ ကြိုးစားလာကြပါတယ်။ “Real Doll” လို့ အမည်ရတဲ့ ကယ်လီဖိုးနီးယန်းကုမ္ပဏီတစ်ခုဟာလည်း စကားပြောတတ်တဲ့ ရာဘာ ကာမ စက်ရုပ်တွေကို (၂၀၁၇)လောက်မှာ ထုတ်လုပ်ရောင်းချသွားဖို့ အစီအစဉ်ရှိတယ်လို့ သိရပါတယ်။

“True Companion” ကုမ္ပဏီမှ “Roxxxy”လို့ခေါ်တဲ့ ကမ္ဘာ့ပထမဦးဆုံး ကာမစက်ရုပ်ကို ဒီဇိုင်း စတင်ရေးဆွဲနေပြီဖြစ်ကြောင်း သတင်းပေးထားပါတယ်။ အမျိုးသမီးများအတွက် အမျိုးသား ကာမ စက်ရုပ်များကိုလည်း တီထွင်နေပြီဖြစ်တယ်လို့ ဆိုပါတယ်။ ကုမ္ပဏီမှ CNBC သတင်းဌာနကို သတင်းပေးချက်အရ ၄င်းအရုပ်များရဲ့အောက်ထစ်ဈေးနှုန်းဟာ ဒေါ်လာ (၆,၉၉၅) ဖြစ်ပြီး သီးသန့် ဒီဇိုင်းမှာယူရင်တော့ ဒေါ်လာ (၇၅,၀၀၀)လောက်ကုန်ကျမှာဖြစ်ပါတယ်။

“Roxxxyဟာ သင့်ရဲ့အကြိုက်အလိုက်တွေကို သိရှိမှာဖြစ်ပြီး သူမရဲ့အချစ်တွေကို ဖော်ပြနိုင်မှာဖြစ်တာမို့ သင်ရဲ့ ချစ်စရာကောင်းတဲ့ ချစ်သူတစ်ယောက်ဖြစ်နိုင်ပါတယ်။ သူမဟာ စကားလည်းပြောတတ်ပြီး သင်ပြောတာ တွေကို နားထောင်ပေးနိုင်ပါတယ်။ သူမဟာ သင့်အထိအတွေ့တွေကိုလည်း ခံနိုင်ပါသေးတယ်။ ပြောရမယ် ဆိုရင် သင့်အထိအတွေ့တွေမှာတောင် သူမကသာယာမှုကိုပြနိုင်ပါတယ်။” လို့“True Companion” ကုမ္ပဏီက ၄င်းရဲ့ဝက်ဆိုဒ်မှာ ရေးသားဖော်ပြထားပါတယ်။

Roxxxy စက်ရုပ်ကို တီထွင်သူ ဒေါက်ကလပ်စ် ဟင်းစ်ကတော့ သူ့ရဲ့တီထွင်မှုကို ကာကွယ်တဲ့အနေနဲ့ ဒီအရုပ်ဟာ လူ့အသိုင်းအ၀ိုင်းကို ထိခိုက်မှုရှိသွားမှာမို့လို့လားဆိုတဲ့ အမေးကို မေးမြန်းထားပါတယ်။ ဒီအရုပ်ဟာ လူ့သိုင်းအ၀ိုင်းမှာ အသုံးဝင်တဲ့အရာတစ်ခုအဖြစ် ရှိနေပါလိမ့်မယ်လို့ ဒေါက်ကလပ်စ်က CNBC ကို ပြောပါတယ်။

ဒါ့အပြင် “Roxxxyဟာ ခန္ဓာကိုယ်နဲ့ကာမလိုအပ်ချက်တွေကို ဖြည့်ဆည်းနိုင်ရုံမက လူမူရေးဆိုင်ရာ ပြောဆိုဆက်ဆံမှုတွေကိုပါ ဖြည့်ဆည်းပေးနိုင်ပါတယ်။ လူတွေအတွက် အကောင်းဆုံး လက်တွဲဖော်ဖြစ်လာဖို့ သီးသန့်တည်ဆောက်ထားတဲ့နည်းပညာတွေကို အသုံးပြုထားပါတယ်။ တကယ့်ဘ၀လက်တွဲဖော်အစစ်တွေကို အစားထိုးအတွက် ရည်ရွယ်ထုတ်လုပ်ထားတာမဟုတ်ဘဲ လိုအပ်တဲ့အချိန်တွေမှာ ဖြည့်စွက်အသုံးပြုလို့ရအောင် တီထွင်ထားတာပါ။” လို့ သူက ထပ်မံပြောဆိုထားပါတယ်။

ဒီကာမစက်ရုပ်ကို လူမှုရေးလိုအပ်ချက်အတွက် အသုံးပြုနိုင်ရုံမက ကာမနဲ့ ပတ်သက်တဲ့ရောဂါများကို ကုစားဖို့ရန်လည်း အသုံးဝင်ပါတယ်။ ဒေါက်တာ ရစ်ချက်ဆင်နဲ့ ဆန့်ကျင်တဲ့ အချက်ကတော့ Roxxxy ဟာ လူကုန်ကူးမှုနဲ့အိမ်တွင်းအကြမ်းဖက်မှုများကို လျှော့ချရာမှာ အထောက်အကူပြုနိုင်မယ်လို့ ဒေါက်ကလပ်စ် ဟင်းစ်က ယုံကြည်ပါတယ်။ မည်သူမည်ဝါကိုမျှ အန္တရာယ်မပေးမချင်း ဘာပြဿနာမှ မရှိနိုင်ပါဘူးလို့လည်း သူက ဆိုပါတယ်။

ဆွီဒင်နိုင်ငံရှိ School of Informatics မှ အကြီးတန်း နည်းပြဆရာတစ်ဦးဖြစ်သူ အဲရက်ခ် ဘီးလင်းကတော့ “ကာမစက်ရုပ်ကို ဆန့်ကျင်ရေးလှုပ်ရှားမှု”ကို ထောက်ခံပြီး ပါဝင်နေသူဖြစ်ပါတယ်။သူက ဒီကာမစက်ရုပ်ကြောင့် လူသားတွေရဲ့ဆက်ဆံရေးအပေါ်ကျရောက်လာနိုင်တဲ့ မမြင်နိုင်သေးတဲ့ဆိုးကျိုးတွေအတွက် စိုးရိမ်မိတယ်”လို့ CNBC ကို ပြောပြထားပါတယ်။

“ယနေ့ခေတ်မှာ ကာမဆိုင်ရာ အသုံးပြုဖို့အတွက် အရုပ်များစွာ ထွက်ရှိ နေပြီးဖြစ်ပြီး အခုလည်း ကာမစက်ရုပ်ကို စတင်မိတ်ဆက်နေပါတယ်။ ဒါပေမယ့် ဒီလိုနည်းပညာတွေကို မိတ်ဆက်ပေးခြင်းဟာ လူအချင်းချင်း ဆက်ဆံရေးအတွက် ဖြစ်ပေါ်လာနိုင်တဲ့နောက်ဆက်တွဲ ဆိုးကျိုးတွေကို ထည့်သွင်းစဉ်းစားထားခြင်းမရှိတာကြောင့် ကျွန်တော့်အနေနဲ့ စိုးရိမ်မိပါတယ်။”

“ဒီအရုပ်ဟာ ကမ္ဘာနဲ့အ၀ှမ်း ခေတ်စားလာခဲ့ရင်တော့ လူတွေကို အထီးကျန်ဆန်သွားအောင် ပြုလုပ်ပစ်လိုက်တဲ့ နည်းပညာ ဖြစ်သွား နိုင်တယ်။ လူအချင်းချင်း ဆက်သွယ်မှုလိုအပ်ချက်တွေကို ဆက်လက်လေ့လာ ဖြည့်ဆည်းပေးနေရမယ့်အစား လူတွေဟာ online ကနေ ဒီအရုပ်တွေကို ၀ယ်ယူပြီး တစ်ဦးတည်း သီးခြားနေထိုင်တဲ့ ဘ၀နေထိုင်မှုတွေကို ပြုလုပ်လာနိုင်ပါတယ်။ ဒီကာမစက်ရုပ်ကို စတင်မိတ်ဆက်လိုက်ခြင်းဟာ မိမိရဲ့လက်တွဲဖော်တွေနေရာမှာ အစားထိုးလိုက်ခြင်းဆိုတဲ့ ခေတ်ရေစီးကြောင်းတစ်ခုဖြစ်လာနိုင်ပြီး လူသားချင်း ဆက်ဆံမှုကို အရေးမပါအောင် လုပ်ပစ်လိုက်ခြင်းပဲ ဖြစ်ပါတယ်။ ဒီအရုပ်တွေဟာ မကြာခင်ထွက်ရှိလာတော့မှာဖြစ်ပြီး ဘယ်လောက်ထိ ခေတ်စားသွားနိုင်လဲဆိုတော့ နောင်လာမယ့် (၅)နှစ်ကနေ (၁၀)နှစ်အတွင်းမှာ ကာမပစ္စည်းတွေရောင်းချနေတဲ့ သာမန် စတိုးဆိုင်တွေမှာတောင် လွယ်လွယ်ကူကူ ၀ယ်ယူနိုင်တဲ့အဆင့် အထိရောက်ရှိနိုင်ပါတယ်။” လို့ ဘီးလင်းက CNBC ကို ဆိုပါတယ်။

ခင်အေးမြလွင်

‪‎irrawaddy‬