ဒူးအရွတ် ဒဏ်ရာကြောင့် အိုဇေးလ် ၂၀၁၄ နှစ်အကုန်အထိ အနား ယူရမည်

အာဆင်နယ်အသင်း၏အဓိက ကွင်းလယ်ကစားသမားတစ်ဦးဖြစ်သည့် အိုဇေးလ်သည် ဒူးအရွတ်ဒဏ်ရာကြောင့် သုံးလခန့် အနားယူရတော့ မည်ဖြစ်သည်။ နိုင် ငံတကာပွဲစဉ်များကစားရန် ဂျာမနီအသင်းသို့ သွားရောက်ချိန်တွင် အိုဇေးလ်၏ ကြံ့ခိုင်မှုကို စစ်ဆေးရာတွင် ထိုဒဏ်ရာကို တွေ့ရှိခဲ့ခြင်းဖြစ်သည်။

လက်ရှိအာဆင်နယ်အသင်းတွင် ဂီရော့ဒ်၊ ဒီဘူချီ၊ ရမ်ဆေး၊ အာတီတာ စသည့် အဓိက ကစားသမားများ ဒဏ်ရာရရှိနေသည့်အတွက် အိုဇေးလ်၏သတင်းသည် အာဆင်နယ်အသင်းနှင့် အာစင်ဝင်းဂါးအတွက် ကြီးမားသော ထိုးနှက်ချက်တစ်ခု ဖြစ်လာခဲ့သည်။

အိုဇေးလ်၏ ဘယ်ဘက်ဒူးအရွတ်တွင် အနည်းငယ်စုတ်ပြဲနေသည့်အတွက် ယခုလတွင်ကစားမည့် ပိုလန်၊အိုင်ယာလန်တို့နှင့်ပွဲစဉ်များအပြင် နိုဝင်ဘာလတွင်က စားရမည့် ဂျီဘရော်တာ၊ စပိန် တို့နှင့်ပွဲစဉ်များတွင်လည်း ပါဝင်ကစားနိုင်မည်မဟုတ်ကြောင်း ဂျာမနီဘောလုံးအဖွဲ့ချုပ်က အတည်ပြုသည်။

“MRI ဆေးစစ်ချက်တွေအရ အိုလ်ဇေးရဲ့ ဘယ်ဘက်ဒူးအပြင်ဘက်အရွတ်က အနည်းငယ်ပျက်စီးနေပါတယ်။ဒီဒဏ်ရာကို ပြုစုကုသပြီးရင် ခြောက်ပတ်လောက် လှုပ်ရှားလို့ ရမှာ မဟုတ်ပါဘူး။ သူ့အနေနဲ့ အနည်းဆုံး ၁၀ ပတ်နဲ့ ၁၂ ပတ်လောက် အနားယူရပါလိမ့်မယ်” ဟု ဂျာမနီအသင်းက ကြေညာသည်။

အာဆင်နယ်အသင်း၏ကြံ့ခိုင်ရေးနည်းပြ ဖော်ဆိုင်တီသည် ဂျာမနီအသင်းနှင့် ပူးပေါင်းဆောင်ရွက်လျက်ရှိသော်လည်း အသင်းသို့ အိုဇေးလ်ပြန်မရောက်သေး သည့်အတွက် ဒဏ်ရာနှင့်ပတ်သက်ပြီး အတည်ပြုနိုင်ခြင်း မရှိသေးကြောင်း အာဆင်နယ်အသင်းက ကြေညာသည်။

ထိုဒဏ်ရာကြောင့် အိုဇေးလ်သည် အာဆင်နယ်အသင်း၏ ပွဲစဉ် ၁၆ ပွဲခန့်ကို လွဲချော်ရတော့မည်ဖြစ်သည်။ ထိုပွဲစဉ်များတွင်အန်ဒါလက်ခ်ျ၊ ဒေါ့တ်မွန်၊ဂါလာတာ စာရေးတို့နှင့် ကစားရမည့် ချန်ပီယံလိဂ်ပွဲစဉ် လေးပွဲနှင့် မန်ယူ၊ လီဗာပူးလ်တို့နှင့် ပွဲစဉ်များ ပါဝင်လျက်ရှိသည်။

Mizzima