ဌာနဆိုင်ရာယာဉ်များ စည်းကမ်းဖောက်ဖျက်မှုကိုလည်း အွန်လိုင်းက တိုင်ကြားနိုင်ပြီ

ရန်ကုန်၊ 

ဌာနဆိုင်ရာယာဉ်များ စည်း ကမ်းဖောက်ပါက ယာဉ်ထိန်းရဲတပ် ဖွဲ့သို့ တိုင်ကြားနိုင်ကြောင်း အမှတ် (၂) ယာဉ်ထိန်းရဲတပ်ဖွဲ့ခွဲမှူးရုံးမှ ဒုရဲ မှူးမျိုးအောင်မြင့်က ပြောသည်။

ယခုအချိန်၌ စည်းကမ်းဖောက် သည့်ယာဉ်များအား အွန်လိုင်းစာ မျက်နှာများမှ တိုင်ကြား၍ရသော ကြောင့် ယင်းကဲ့သို့စည်းကမ်းဖောက် သည့် ဌာနဆိုင်ရာယာဉ်များအား လည်း အွန်လိုင်းမှ တိုင်ကြား၍ရနိုင် ကြောင်း သိရသည်။

''စည်းကမ်းဖောက်တဲ့ သာမန် ယာဉ်တွေကို အွန်လိုင်းကနေ တိုင် ကြားလို့ရသလို ဌာနဆိုင်ရာ ယာဉ် တွေ စည်းကမ်းဖောက်ရင်လဲ တိုင်ကြား လို့ရပါတယ်။ အရေးလဲ ယူပါတယ်''ဟု ဒုရဲမှူးမျိုးအောင်မြင့်က ပြောသည်။

မကြာခင်အချိန်၌ စည်းကမ်း ဖောက်ဖျက်သည့် ဌာနဆိုင်ရာယာဉ် အား အရေးယူထားကြောင်းလည်း ထပ်မံပြောကြားသည်။

''ကျွန်တော်တို့ မကြာခင်က မှ ယာဉ်ထိန်းရဲတစ်ယောက်ကို လမ်း ပြောင်းပြန်မောင်းလို့ အရေးယူထား ပြီးပါပြီ။ ဘယ်လိုယာဉ်ပဲဖြစ်ဖြစ် စည်း ကမ်းဖောက်ရင် အရေးယူပါတယ်'' ဟု ယင်းကပြောသည်။

စည်းကမ်းဖောက်မှုများအား အွန်လိုင်းမှ တိုင်ကြားရာ၌ ကားနံ ပါတ်နှင့် ကားပုံသဏ္ဌာန် ထင်ရှားရန် မှာ အရေးကြီးကြောင်းလည်း သိရ သည်။

''အွန်လိုင်းကနေ တိုင်တဲ့နေရာ မှာကားနံပါတ်နဲ့ ကားပုံသဏ္ဌာန်က အရေးကြီးပါတယ်။ ပြီးတော့ ပုံက လဲ ပြစ်မှုထင်ရှားဖို့လိုပါတယ်။ တိုင် ကြားလာတာတွေကို ကျွန်တော်တို့ ကားနံပါတ်နဲ့ ကားအမျိုးအစားကို တိုက်ကြည့်ပါတယ်။ ပြီးတော့ ပြစ်မှု ထင်ရှားတဲ့ပုံဖြစ်မှ အရေးယူလို့ရတာ ပါ။ ပြီးတော့မှ ဒီကားပိုင်ရှင်ကရုံးမှာ လိုင်စင်သက်တမ်းလာတိုးမှ အရေး ယူတာပါ'' ဟု ဒုရဲမှူးမျိုးအောင်မြင့် ကပြောသည်။

ယင်းကဲ့သို့ စည်းကမ်းဖောက် မှုအား တိုင်ကြားရာ၌ လမ်းပြောင်း ပြန်မောင်းမှုမှာ အများဆုံးဖြစ်ကြောင်း လည်း ထပ်မံသိရှိရသည်။

''တိုင်ကြားတဲ့နေရာမှာ လမ်း ပြောင်းပြန်မောင်းမှုက အများဆုံး ပါပဲ။ ဒီလိုစည်းကမ်းဖောက်မှုကို ဓာတ်ပုံရိုက်ပြီး တိုင်ကြားမယ်ဆိုရင် Facebook-Yangon Traffic Police နဲ့ Gmail- whitep2014@gmail.com ကို တိုင်ကြားနိုင်ပါတယ်'' ဟု ပြောကြားသည်။

ယင်းကဲ့သို့ စည်းကမ်းဖောက် မှုအား အွန်လိုင်းမှတိုင်ကြားရာတွင် ဇွန်လတွင် ၄၅မှု၊ ဇူလိုင်လတွင် ၆၆ မှုနှင့် သြဂုတ်လတွင် ၁၃၃မှုရှိကြောင်း လည်း သိရသည်။

TheYangonTimes