အလုပ်သမားများ၏ လစာနှင့် နစ်နာကြေးပေးရန်တောင်းဆိုထားသော
လှိုင်သာယာ စက်မှုဇုန်(၃)ရှိ ကိုရီးယားလူမျိုးပိုင် မာစတာစပေါ့စက်ရုံတွင်
စက်တင်ဘာ ၁၆ရက်ညပိုင်းက ရဲများဝင်ရောက်ရိုက်နှက်မှုကြောင့်
အလုပ်သမား (၇)ဦးထက်မနည်း ဒါဏ်ရာရခဲ့ပြီး အမျိုးသမီးသုံးဦးကို
လှိုင်သာယာဆေးရုံသို့ ပို့ဆောင်လိုက်ရကြောင်း အလုပ်သမ မနုနုကြည်
က ပြောသည်။
စက်ရုံပစ္စည်းများ လေလံတင်ရောင်းချကာ လုပ်အားခပေးမည်ဟု
အလုပ်သမားဝန်ကြီးဌာနမှ ကတိပေးထားရာမှ ယနေ့တိုင် လုပ်အားလစာ
မရရှိသေးသောကြောင့် စက်ရုံအလုပ်သမားများနှင့် အလုပ်သမား
ညွှန်ကြားရေးမှူးချုပ် ဦးဝင်းရှိန် ညှိနှိုင်းရာမှ ရဲများက အင်အားသုံး
ဖြုခွင်းခဲ့ကြောင်း အလုပ်သမားများက ပြောသည်။
"ရဲတွေလာနေပြီ နင်တို့ ဒုက္ခရောက်တော့မယ်လို့ ဦးဝင်းရှိန် က ပြောတယ်၊
အဲလိုပြောပြီးတာနဲ့မကြာဘူး မီးတွေမှိတ်၊ သော့တွေခတ်ပြီးတာနဲ့ ရဲတွေက
သမီးတို့ကို ဝင်ရိုက်ပါတယ်"စက်ရုံအလုပ်သမ မသန်းသန်းဝေ က ပြောသည်။
အင်အားသုံးနှိမ်နင်းသော ရဲများကို အလုပ်သမားများက မီးသတ်ပုံးများဖြင့်
ပြန်လည် ပစ်ပေါက်ခဲ့ပြီး အပြန်အလှန် ရုန်းရင်းဆန်ခတ်မှုများ ဖြစ်ခဲ့ကြောင်း
သိရသည်။
"ရဲတွေက ညာသံပေးပြီးတော့ကို ဝင်ရိုက်တာ၊ အထဲမှာ အလုပ်သမားက
သုံးရာလောက်ရှိတာ"ဟု မသန်းသန်းဝေ က ပြောသည်။
ယင်းကိစ္စနှင့် ပတ်သက်၍ လှိုင်သာယာမြို့နယ် ရဲစခန်းသို့ သွားရောက်
မေးမြန်းခဲ့သော်လည်း ပြန်လည်ဖြေကြားခြင်း မပြုခဲ့ပေ။
ယနေ့မနက်ပိုင်းတွင် ရုန်းရင်းဆန်ခတ်မှုများ ဆက်လက်မဖြစ်ပွားတော့
သော်လည်း စက်ရုံတွင်း၌ ရဲများကနေရာယူထားပြီးအလုပ်သမားများကလည်း
စက်ရုံအပြင်ဘက်တွင် စုရုံးနေကြဆဲဖြစ်ကြောင်း သိရသည်။
The Myanma Age
Yangon
0 comments:
Post a Comment