ကချင်နဲ့ ရခိုင်ပြည်နယ်ထဲက ဒုက္ခသည်စခန်းတွေမှာ ကလေးအယောက် ၁၀၀ မှာ ၈ ယောက်လောက်သာ ပညာသင်ကြားဖို့ အခွင့်အလမ်း ပုံမှန်ရရှိတယ်လို့ နိုင်ငံတကာ အကူအညီပေးရေးအဖွဲ့တွေက ပြောကြားလိုက်ပါတယ်။
ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) ရဲ့ မြန်မာပြည်ဆိုင်ရာ မဟာဗျူဟာစီမံကိန်း အချက်အလက် တုတ်ပြန်ချက်ချက်မှာ ကချင်နဲ့ ရခိုင်ပြည်နယ်ထဲက ဒုက္ခသည် ကလေးငယ် ၂ သိန်းကျော်ရဲ့ ပညာရေးအခြေအနေနဲ့ ပတ်သက်ပြီး ထည့်သွင်းဖော်ပြထားတာပါ။
ရခိုင်ပြည်နယ်က မွတ်စလင် ဒုက္ခသည်စခန်းတွေမှာ ကလေး ၈ ရာခိုင်နှုန်းခန့်သာ အလယ်တန်းပညာကို သင်ကြားခွင့်ရပြီး မြန်မာနဲ့ သချာင်္ ၂ ဘာသာကိုပဲ တနေ့ ၂ နာရီ သင်ကြားခွင့်ရနေတယ်လို့ ကုလသမဂ္ဂ ကလေးသူငယ်များဆိုင်ရာ ရန်ပုံငွေအဖွဲ့နဲ့ Save the Childrenတို့ ပူးပေါင်း အကောင်ထည်ဖော် ဆောင်ရွက်နေတဲ့ အရေးပေါ်ပညာရေး ကဏ္ဍ ညှိနှိုင်း ဆောင်ရွက်ရေးမှူး အာလို ကစ်ချာမင်က ပြောပါတယ်။
“လက်ရှိမှာတော့ အသက် ၅ နှစ်နဲ့ ၁၁ နှစ်အောက်ကလေးတွေက တနေ့ ၂ နာရီ သချာင်္နဲ့ မြန်မာ ဘာသာကို သင်ယူခွင့်ရနေပါတယ်။ တခြားလူမှုရေး သင်ခန်းစာတွေကို သင်ပေးဖို့အတွက်တော့ အရင်းအမြစ်မရှိပါဘူး။”
ရခိုင်ပြည်နယ်က ဒုက္ခသည်စခန်းတွေမှာ ကလေး ၁ သိန်း ၅ သောင်း ၆ ထောင်လောက်ရှိနေတာပါ။
ကချင်ပြည်နယ် စခန်းတွေမှာ ကလေး ၅ သောင်း ၆ ထောင်လောက်ရှိနေပြီး အစောပိုင်း ကာလ မူကြိုကလေးသူငယ် စောင့်ရှောက်ရေးနှင့် ဖွံ့ဖြိုးတိုးတက်ရေး (ECCD)၊ မူလတန်းနဲ့ အလယ်တန်းပညာ သင်ကြားဖို့ စိန်ခေါ်မှုတွေ ရှိနေတယ်လို့ သူက ပြောပါတယ်။
ကလေးတွေက မူလတန်းပညာကို သင်ကြားခွင့်ရပေမယ့် အလယ်တန်းကို ဆက်လက် သင်ကြားချင်တယ်ဆိုရင်တော့ ပဋိပက္ခတွေကြောင့် အဝေးမှာသွားရောက် ပညာသင်ကြားရသလို တရုတ်-မြန်မာ နယ်စပ်တွေမှာ သွားရောက်သင်ကြားတဲ့ ကလေးတွေအတွက် လူကုန်ကူးခံရနိုင်တဲ့ စိန်ခေါ်မှုတွေ ရှိနေတယ်လို့ အာလိုကစ်ချာမင်က ပြောပါတယ်။
ကလေးတွေက သူတို့ရဲ့ ရပ်ရွာကို မစွန်ခွာချင်ပေမယ့် ပညာသင်ရဖို့ အဝေးကို သွားရသလို ကလေးကာကွယ်ရေးကိစ္စတွေအတွက် ဆရာဆရာမကို သင်တန်းတွေ ပေးရတယ်လို့ ဆိုပါတယ်။
ကချင်လွတ်လပ်ရေးအဖွဲ့ ဒုက္ခသည်ကယ်ဆယ်ရေးကော်မတီဥက္ကဋ္ဌ ဆလန်ကဘာ ဒွဲပီဆာက ကျောင်းသားတွေက များပြီး ကျောင်းအဆောက်အဦတွေ မလုံလောက်သလို ကျောင်းသားမိဘတွေဆီကနေ ငွေကြေးကောက်ခံဖို့လည်း အခက်အခဲရှိတယ်လို့ ပြောပါတယ်။
ရခိုင်နဲ့ကချင်ပြည်နယ် ရွှေ့ပြောင်း ဒုက္ခသည်စခန်းတွေမှာ ကလေး ၂ သိန်း ၂ ထောင်လောက် ရှိပါတယ်။
အသံဖိုင်နားဆင်ရန်
https://soundcloud.com/dvbradio/kh-children-16092015
Yangon
0 comments:
Post a Comment