လှိုင်သာယာ စက်မှုဇုန် (၃) ထဲက မာစတာစပေါ့ အားကစားဖိနပ်စက်ရုံမှာ စက်တင်ဘာ ၁၆ ရက် ညပိုင်းက အလုပ်သမားတွေနဲ့ ရဲတွေ ရုန်းရင်းဆန်ခတ် ဖြစ်ခဲ့ပါတယ်။
စက်ရုံထဲကို ရောက်နေတဲ့ အလုပ်သမားတွေကို ရဲတွေက ၀င်ရိုက်တာ လို့ အလုပ်သမား တယောက်က ပြောပါတယ်။ ပိတ်ထားတဲ့ စက်ရုံထဲကို မနက်ပိုင်းကတည်းက အလုပ်သမားချို့ ၀င်ရောက်နေတာဖြစ်ပြီး အလုပ်သမားညွှန်ကြားမှုဦးစီးဌာနက ညွှန်မှူးဦးဝင်းရှိန်ကိုလည်း စက်ရုံထဲမှာ ပိတ်ထားလိ်ုက်တယ်လို့ အလုပ်သမားတစ်ယောက်က ပြောပါတယ်။
“သမီးတို့ကို ဒီနေ့ (စက်တင်ဘာ ၁၆) မှာ လစာတွေပေးမယ်လို့ ပြောထားတယ်။ အဲဒါကိုပေးပါလို့ပြောတော့ ၁၀ လပိုင်း ၉ ရက်နေ့မှာမှ စက်ရုံကို လေလံတင်ပြီး ပေးနိုင်မယ်ပြောတယ်။ အဲဒါကြောင့် သမီးတို့လို ခံစားရအောင် ဦးဝင်းရှိန်ကိုလည်း စက်ရုံထဲမှာ ပိတ်ထားလိုက်တာ” လို့ အလုပ်သမားတစ်ယောက်က ပြောပါတယ်။
မာစတာစပေါ့ အားကစားဖိနပ်စက်ရုံဟာ ဇွန်လကတည်းက အလုပ်သမားလစာငွေတွေမရတဲ့အတွက် ကိုရီးယားအလုပ်ရှင်နဲ့ ပြဿနာ ဖြစ်နေပြီး အစိုးရတာဝန်ရှိသူတွေက ကြားဝင်ဖြေရှင်းပေးနေတဲ့ စက်ရုံဖြစ်ပါတယ်။
“အလုပ်သမားခေါင်းဆောင်ကို ဒီနေ့ အလုပ်သမားရုံးကို ချိန်းထားတယ်။ အဲဒါကို အလုပ်သမားတွေ ထဲမှာ ဒီနေ့ ငွေရမယ်လို့ အသံတွေထွက်နေတယ်” လို့ ကူညီ ဆောင်ရွက်ပေးနေတဲ့ ဦးဌေးက ပြောပါတယ်။
ညပိုင်းမှာတော့ ရဲတွေက စက်ရုံတံခါးကို ဖွင့်ပြီး အလုပ်သမားတွေကို ရိုက်နှက်လို့ လူ ၅၀ လောက် ဒဏ်ရာရသွားတယ်လို့ အလုပ်သမားတွေက ပြောပါတယ်။
“ဦးဝင်းရှိန်က အလုပ်သမားတွေကို ပြုံးပြုံးရွှင်ရွှင်ပဲဆက်ဆံတယ်။ ရဲတွေကတော့ ၀င်ရိုက်တယ်” လို့ ကိုယ်တိုင် အရိုက်ခံခဲ့ရတဲ့ မသန်းသန်းဝေက ဒီဗွီဘီကို ပြောပါတယ်။
စက်တင်ဘာ ၁၇ မနက်ပိုင်း စုံစမ်းကြည့်ရာမှာတော့ စက်ရုံမှာ ရဲတွေ ရှိနေသေးပြီး အလုပ်သမားတွေကတော့ ပြန်သွားကြပြီလို့ သိရပါတယ်။
DVB TV News
Yangon
0 comments:
Post a Comment