တာချီလိတ်မြို့ လွယ်တော်ခမ်း ပူးပေါင်းစစ်ဆေးရေးစခန်းအနီး ပစ္စတို ကျည်(၁၅၀)တောင့် သယ်ဆောင်လာသူအား ဖမ်းဆီးရမိ

ယနေ့ စက်တင်ဘာလ(၂၅)ရက် ညနေ(၅း၃၀)နာရီအချိန်တွင် တာချီလိတ်မြို့ လွယ်တော်ခမ်း ပူးပေါင်းစစ်ဆေးရေးစခန်းအနီးတွင် မူးယစ်တပ်ဖွဲ့စု(၃၀)တာချီလိတ်ပါဝင်သည့် ပူးပေါင်းအဖွဲ့မှ ထိုင်းနိုင်ငံထုတ် ပွိုင့် (၃၈)အမျိုးအစား ပစ္စတိုကျည် အတောင့် (၁၅၀)ကို သယ်ဆောင်လာသူနှင့်အတူ ကျည်များအား ဖမ်းဆီးသိမ်းဆည်းရမိကြောင်း သိရသည်။

ဖြစ်စဉ်မှာ တာချီလိတ်မြို့၊ လွယ်တော်ခမ်းပူးပေါင်းစစ်ဆေးရေး စခန်းအနီးတွင် ထိုင်းနိုင်ငံ၊ မယ်ဆိုင်မြို့နယ်၊ ထန်ပါကျုံရပ်ကွက်ဘက်မှ တာချီလိတ်ဘက်သို့ စက်ဘီးစီးနင်းရောက်ရှိလာသူ တင့်ဇော်အား မသင်္ကာ၍ အဆိုပါ ပူးပေါင်းအဖွဲ့မှ ရပ်တန့်စစ်ဆေးရှာဖွေရာ ၎င်းလွယ်ထားသည့် ကာကီရောင် ဇစ်တပ်လွယ်အိတ် (ဟောင်း)အတွင်းမှ BULLET MASTER CO,LTD တံဆိပ်ပါ အနက်ရောင် စက္ကူဗူးအတွင်းမှ ထိုင်းနိုင်ငံထုတ် ပွိုင့် (၃၈)အမျိုးအစား ပစ္စတို ကျည်(၅၀)တောင့်စီပါ (၃)ဗူး၊ စုစုပေါင်း(၁၅၀)တောင့်အား ရှာဖွေတွေ့ရှိသဖြင့် အဆိုပါကျည်များကို တရားမ၀င် သယ်ဆောင်လာသူ တင့်ဇော်အား တာချီလိတ်မြို့မရဲစခန်းတွင် (ပ)၁၉၈/၂၀၁၄၊ ရှမ်းလက်နက် ၁၂(ဂ)အရ အမှုဖွင့်အရေးယူ ဆောင်ရွက်ထားရှိကြောင်း သတင်းရရှိသည်။

Tachileik Online News