အိမ်ထောင်ပြုရန် စဉ်းစား နေသည့် စိုင်းစိုင်းခမ်းလှိုင်

 

အဆိုတော် သရုပ်ဆောင် စိုင်းစိုင်းခမ်းလှိုင်ကအိမ်ထောင်ပြုရန် စဉ်းစားနေပြီး၎င်း၏မင်္ဂလာ ပွဲကို ၂၀၁၇ခုနှစ်တွင်ကျင်းပဖြစ်မည် ဟု မဇ္ဈိမကို ပြောသည်။

“အချစ်ရေး နဲ့ပတ်သက်ပြီး အခု လောလော ဆယ်တော့ ဘယ်သူနဲ့ ဆိုပြီးပြော စရာ မရှိသေးဘူး။ ဒါပေမယ့် အသက်အရွယ် အရ အိမ်ထောင် ပြုသင့်တဲ့ အရွယ် ကိုရောက်ပြီလို့ ခံစား ရတယ်” ဟု ၎င်းကပြောသည်။ မိန်းကလေး ပရိသတ်အများအ ပြား၏အားပေးမှုကို ခံနေရသည့် စိုင်းစိုင်းခမ်းလှိုင်၏အချစ်ရေးမှာပရိသတ် များအလွန်စိတ်ဝင်စားသည့် ကိစ္စ တစ်ခုဖြစ် ပြီး လွန်ခဲ့သည့် နှစ်များ အတွင်းကနာမည်ရမင်းသမီးတစ်ဦးနှင့်နာမည်ကြီးကာပရိသတ်များ၏စိတ်ဝင်တစားစောင့် ကြည့် ခြင်းကို ခံခဲ့ရ သေးသည်။ ၎င်းတို့ စုံတွဲကို အင်မတန်လိုက်ဖက်သည်ဟု အများက သုံးသပ်ခဲ့ ကြသော်လည်း၎င်းတို့၏အ ချစ်ရေးသည် အကြောင်းအမျိုး မျိုးကြောင့် ပျက်ခဲ့ရသည်။ အချစ်ရေး ကိစ္စများ ပြီးပြတ် ခဲ့ပြီဖြစ်သော်လည်း ၎င်းတို့ သည် အနုပညာအလုပ်များကိုဆက်လက်လက်တွဲလုပ်ကိုင်ခဲ့ကြခြင်းကြောင့် ပရိသတ်များက ချစ်စိတ်မပျက်ပြယ်ကြသေးဟု ယခု အချိန်ထိသုံးသပ်ပြောဆိုနေဆဲ ဖြစ်သည်။

စိုင်းစိုင်းခမ်းလှိုင် သည် သရုပ်ဆောင် အလုပ်နှင့် ဂီတ အနုပညာ အလုပ်နှစ် ခုစလုံးကို မျှတအောင် လုပ်ကိုင်လျက် ရှိပြီးယ နေ့ အချိန်ထိ ဆယ်ကျော်သက် မိန်း ကလေး များ၏ အားပေးခြင်းကို ခံရကာ မိုးရာသီ ဂီတ ဆုပေးပွဲ၌ ပရိသတ် အကြိုက် ဆုံးအနုပညာ ရှင်ဆုဖြစ်သည့် "I Love Artist Make Award" ဆုကို ရရှိခဲ့ သည်။ ၎င်း၏ ပြင်ပ ဇာတ်ကောင်စရိုက်နှင့်လိုက် ဖက်သည်တက္ကသိုလ် ကျောင်းသား၊ အချစ်ကားများနှင့် မေတ္တာဘွဲ့ ဇာတ်ကားများကိုရိုက်ကူးလျက်ရှိပြီးလုံးဝမ ရိုက် ဖူး သေးသည့် ဆိုးပေတေသည့် ဇာတ်ရုပ်များကိုလည်း တိုးချဲ့ ရိုက်ကူး သွားရန် စီစဉ်လျက် ရှိသည်ဟု ဆိုသည်။

ဂီတပိုင်းနှင့် ပတ်သက်ပြီးလည်း စိုင်းစိုင်းခမ်းလှိုင်က “ကျွန်တော်ဒိတ်ဒိတ်ကြဲ ဗီစီဒီ ထွက်ပါ့မယ်။ ထွက်ပြီးရင် single သီချင်း အသစ်လေးတွေလည်း ဖြန့်ဖို့ ရှိပါ တယ်။ အယ်လ်ဘမ် သစ်ကတော့ ၂၀၁၅ ထဲမှာ မှပဲလုပ်ပါတော့မယ်။ ခုလော လောဆယ်လျာထား တာကတော့ Snare အဖွဲ့ရဲ့ Frenzo ကပဲထုတ်လုပ်တာ ဆိုတော့ နိုဝင်ဘာ ၁၅ ရက်နေ့လို့မှန်းထား တယ်။ အဲဒါကြောင့်သူနဲ့ မတိုက်ဘဲ သူ့နောက် တစ်လလောက် ခြားပြီးမှ ထွက်ဖို့ စီစဉ်ထားတယ်”ဟုဆိုသည်။

Mizzima