ဆီးချိုရောဂါ ဖြစ်ရခြင်း အကြောင်းရင်း

ဆီးချိုရောဂါ သည် ယခုမှ ပေါ်လာသော ရောဂါမဟုတ် ရှေးနှစ်ပေါင်း ထောင်ကျော်က အိန္ဒိယနိုင်ငံမှ လာသော အာယုဗေဒဆေး ပညာတွင် 'မဓုပမေဟ' ဟူသော ဆီးကို ပုရွက်ဆိတ်များ အုံသောရောဂါ အကြောင်းကို ဖော်ပြ ထားသည်ကို တွေ့ရသည်။ အချိုကြိုက်ပြီး အချိုဓာတ် များသော အစားအစာ များကို လွန်ကဲစွာ စားသောက် သူများတွင် ဖြစ်တတ်သော ရောဂါအဖြစ် ဖော်ပြ ထားသည်ကို တွေ့ရသည်။

ဆီးချိုရောဂါ သည် အသက်ကြီးမှ ဖြစ်သော ရောဂါမျိုးမဟုတ်၊ ဆီးချိုမျိုးရိုး ပါလာသူ များသည် ငယ်စဉ် သက်လတ်ပိုင်း ကပင် ဆီးချိုရောဂါ ခံစားလာ ရသည်ကို တွေ့ရသည်။ ကံ၊ စိတ်၊ ဥတု၊ အာဟာရ တွင် ကံကြောင့် ဖြစ်သော ဆီးချိုရောဂါ ဟု ဆိုရမည် ဖြစ်သည်။ ဆီးချိုသည် ကူးစက်ရောဂါ မဟုတ်သော်လည်း မျိုးရိုးစဉ်ဆက် ဖြစ်တတ်သော ရောဂါမျိုး ဖြစ်သည်။ မိဘဘိုးဘွားတွင် တစ်ဦးဦး ဆီးချိုရောဂါ ရှိခဲ့လျှင် မိမိ လက်ထက်တွင် ငယ်စဉ်ကပင် သတိထားပြီး အချိုကြိုက်သော အလေ့ကို ရှောင်ကြဉ် ခြင်းဖြင့် ကာကွယ်နိုင် ပေသည်။

အသက်ကြီးမှ ဖြစ်သောရောဂါ တစ်နည်းအားဖြင့် မျိုးရိုးလိုက်ခြင်း မဟုတ်ဘဲ မိမိ၏ အနေအထိုင် အစားအသောက် အမှားကြောင့် ဖြစ်သော ဆီးချိုရောဂါကို ဆီးချိုရောဂါ အမျိုးအစား (၂)အဖြစ် ဆရာဝန် ကြီးများက သတ်မှတ်သည်။ အချိုဓာတ် များသောအစာ၊ အဆိမ့်အအီ များသောအစာ၊ အဆီနှင့် တွဲနေသော အသားကို အစားများသူ များတွင် ဖြစ်နိုင်သည်။ အချိန် ကြာမြင့်စွာ ရေခဲရိုက်ပြီး သိမ်းထားသော အစာနှင့် ရေခဲသေတ္တာ မှအစာကို စားသုံးမှု များခြင်း ကြောင့်လည်း ဆီးချို ဖြစ်နိုင်သည်။ ထမင်း စားပြီးတိုင်း အချိုရည် သောက်သုံးသူ နှင့် မောပန်းသည့် အခါတိုင်းတွင် အချိုရည် သံဘူးများ သောက်သုံးလေ့ ရှိသူများတွင် ပို၍ အဖြစ်များသည်။

ဆီးချိုရောဂါ သည် သွေးအတွင်း သကြားဓာတ် များပြီး ဖြစ်ရသော ရောဂါ ဖြစ်သဖြင့် ဆီးမချိုခင် ကပင် သွေးက ချိုပြီးဖြစ်နေ သည်။ ထို့ကြောင့် သွေးချိုရောဂါ ဟု ခေါ်ဝေါ်မှသာ မှန်ကန်သည်ဟု ဆိုသည်။ ဆီးချိုရောဂါ ဟု ခေါ်ဝေါ်သည်မှာ နှုတ်ကျိုး နေသဖြင့် ဆီးချို - သွေးချို ရောဂါဟု ခေါ်လျှင် ပို၍ သင့်တော်မည် ဖြစ်သည်။

ဆီးချိုရောဂါသည် အအေးကြိုက် သူများတွင် ပို၍ ဖြစ်နိုင်သည်။ အပူပိုင်း ဒေသတွင် နေထိုင်သူများ နှင့် အအေးပိုင်း ဒေသတွင် နေထိုင်သူ များတွင် အအေးပိုင်းတွင် နေထိုင်သူများက ပို၍ ဆီးချိုရောဂါ ဖြစ်လေ့ ရှိသည်ကို လေ့လာတွေ့ရှိ ရသည်။ နေရောင်ခြည် နှင့် နေ့စဉ်ထိတွေ့ အလုပ်လုပ် ရသူများနှင့် အလုံပိတ် အဲယားကွန်းခန်း များတွင် အလုပ် လုပ်ရသူများတွင် ဆီးချို သွေးချိုရောဂါ ဖြစ်နှုန်းမှာ အအေးခန်းတွင် လုပ်ရ သူများက ပို၍ ဖြစ်နိုင်သည်ကို တွေ့ရသည်။

ယခုခေတ်တွင် အထပ်မြင့် တိုက်ခန်းများတွင် နေထိုင်သူ များလာရာ အဆောက်အအုံ အချို့မှာ ကြားညှပ်ပြီး နေရောင်ခြည် မရရှိတော့ သည်ကို တွေ့ရသည်။ တိုက်ခန်း အချို့မှာလည်း နေရောင် မဝင်သည့် အခန်းမျိုး ဖြစ်နေလျှင် ကျန်းမာရေးနှင့် မညီညွတ်ပေ။ ဆီးချို သွေးချို ရောဂါ ဖြစ်ရခြင်း၏ အကြောင်းရင်းကို အစားအသောက် တစ်ခုတည်း တွင်သာ အာရုံစိုက် နေခြင်းထက် အနေအထိုင် အဆောက်အအုံ နှင့် အလုပ်လုပ်သည့် နေရာကိုပါ ထည့်သွင်း စဉ်းစားပြီး ပြုပြင် သင့်သည်။

လမ်းလျှောက် နည်းခြင်း သည်လည်း ဆီးချို သွေးချိုရောဂါ ဖြစ်ရခြင်း၏ အကြောင်းရင်းခံ တစ်ခုဖြစ်သည်။ လူတိုင်း တစ်နေ့လျှင် နှစ်မိုင်ခန့် အနည်းဆုံး လမ်းလျှောက် ရမည်။ ကားစီးပြီး နေ့စဉ် သွားလာကာ လမ်းလျှောက်ရန် မေ့နေကြ သူများတွင် အသက်ကြီးလျှင် သွေးတွင် အချိုဓာတ် များလာပြီး နောက်ဆက်တွဲ ရောဂါများ အဖြစ် ဆီးချိုမှ ကျောက်ကပ်၊ ဆီးချိုမှ နှလုံး၊ ဆီးချိုမှ ထုံကျဉ်နှင့် လေငန်းရောဂါ များ ဆက်၍ ဖြစ်လာလေ့ ရှိသည်။ နေ့စဉ် လမ်းလျှောက်ပေးခြင်း၊ လေ့ကျင့်ခန်း တစ်မျိုးမျိုး လုပ်ပေးခြင်းဖြင့် ကြိုတင် ကာကွယ် သင့်ကြောင်း တင်ပြ လိုက်ရ ပေသည်။

Yadanarpondaily