ငြိမ်းချမ်းရေးလိုလားပြီး ပြည်တွင်းစစ်ချုပ်ငြိမ်းစေချင်တဲ့ ကချင်တိုင်းရင်းသူလေးအလှမယ် အမ်ဂျာဆိုင်း

ထိုင်းနိုင်ငံမှာ ကျင်းပပြုလုပ်မယ့် Miss Grand Myanmar ပြိုင်ပွဲကြီးမှာ မြန်မာနိုင်ငံကိုယ်စားပြုသွားရောက်ယှဉ်ပြိုင်မယ့် ကချင်တိုင်းရင်းသူလေး အလှမယ် အမ်ဂျာ ဆိုင်း ရဲ့National Costume Theme အတွက် Stop the War in Myanmar ငြိမ်းချမ်းရေးကို ဖော်ဆောင်ထားတဲ့ ဝတ်စုံဒီဇိုင်းကို ဒီဇိုင်နာ မပုံ့က တီထွင် ဖန် တီးပေးခဲ့ပါတယ်။ ငြိမ်းချမ်းခြင်းဆိုတဲ့ အဓိကရည်ရွယ်ချက်နဲ့ creation လုပ်ပြီး ဖန်တီးထားတဲ့ National Costume ဝတ်စုံဖန်တီးဖြစ်ခဲ့ပုံနဲ့ ငြိမ်းချမ်းရေးနဲ့ ပတ်သက်ပြီး အမ်ဂျာဆိုင်းရဲ့ စကားသံများကို ဖော်ပြပေးလိုက်ပါတယ်။

ငြိမ်းချမ်းရေးဖော်ဆောင်တဲ့ပြိုင်ပွဲမှာ ပါဝင်ဆင်နွှဲ

ညီမရဲ့ပြိုင်ပွဲက Talent ပြိုင်ရမှာမပါဘူး။ Talent မပါတော့ National Costume က အဓိကဖြစ်တဲ့အတွက် သေချာပြင်ဆင်ထားပါတယ်။ Talent မပါတော့ မြန်မာ ကို ကမ္ဘာကသိအောင် ဆွဲဆောင်မယ့်အချက်က နည်းသွားပြီ။ ဒါကြောင့် ဆရာတွေကလည်း ဒီဇိုင်နာမပုံ့နဲ့ တိုင်ပင်ပြီးတော့ မြန်မာမှာဒါမျိုးရိုးရာ ယဉ်ကျေးမှုတွေ ထွန်းကား တယ်ဆိုတာသိသွားအောင်ဆိုပြီး မြန်မာနိုင်ငံရွှေနိုင်ငံဖြစ်တဲ့အတွက် ရွှေချည်လေးတွေ၊ diamond နဲ့ Silver လေးတွေနဲ့ လုပ်ထားတယ်။ ညီမသွားပြိုင်ရမယ့်ပွဲကလည်း Stop the War in Myanmar ငြိမ်းချမ်းရေးကို ဖော်ဆောင်တယ်ဆိုတော့ ဒီဇိုင်နာ မပုံ့တို့နဲ့တိုင်ပင်ပြီး ပြည်တွင်းစစ်ကို ငြိမ်းချမ်းခြင်းဆိုတဲ့ အဓိက ရည်ရွယ်ချက်လေးနဲ့ creation လုပ်ပြီးတော့ National Costume ဝတ်စုံကိုပြင်ဆင်ထားပါတယ်။

ငြိမ်းချမ်းရေးကို လိုလားတယ်

ငြိမ်းချမ်းရေးဆိုတာက မြန်မာနိုင်ငံတင်မှမဟုတ်ပါဘူး။ ဘယ်နိုင်ငံအတွက်မဆို တအားလိုအပ်ပါတယ်။ ငြိမ်းချမ်းမှသာနိုင်ငံရဲ့လူမှုရေး၊ စီးပွားရေးအကုန်လုံးက လည်း တိုးတက်အောင်မြင်လာမှာပါ။ မငြိမ်မသက်မှုတွေ ခဏခဏဖြစ်ခဲ့ရင် ကိုယ့်နိုင်ငံပဲ နစ်နာတာပေါ့။ ဒါကြောင့် ပြည်တွင်းစစ်ကိုလည်း ချုပ်ငြိမ်းစေချင်တယ်။ ပြီးတော့ တစ် ကမ္ဘာလုံးကလည်း သာယာပျော်ရွှင်ငြိမ်းချမ်းမယ်ဆိုရင် ပိုပြီးပြည့်စုံတဲ့ဘဝတွေကို ပိုင်ဆိုင်ကြရမယ်လို့ ထင်ပါတယ်။ ညီမကတော့ ငြိမ်းချမ်းခြင်းကို လိုလားတယ်။ ညီမယှဉ် ပြိုင်ရမယ့် ပြိုင်ပွဲက ငြိမ်းချမ်းခြင်းကို ဖော်ဆောင်ခြင်းဆိုတာကလည်း ကိုယ့်နိုင်ငံမှာ ငြိမ်းချမ်းရေးနဲ့ ပတ်သက်လို့လုပ်ရမယ့်လုပ်ငန်းတွေပါ။ လာပြိုင်ကြမယ့် အလှမယ် အေ ယာက် ၁ဝဝကျော်တိုင်းက ပြိုင်ပွဲပြီးလို့ ကိုယ့်နိုင်ငံပြန်ရောက်သွားတဲ့ အချိန်မှာ ငြိမ်းချမ်းခြင်းဆိုတဲ့အလုပ်ကို လုပ်ရမှာ။ ညီမလည်း ပြိုင်ပွဲပြီးလို့ ဒီကိုပြန်ရောက်ရင်ညီမရဲ့ Organization နဲ့အတူ ငြိမ်းချမ်းရေးနဲ့ ပတ်သက်တဲ့လုပ်ဆောင်မှုတွေကို လုပ်ဆောင်သွားမှာပါ။ ညီမပြိုင်ပွဲပြီးလို့ ပြန်လာရင်လည်း စစ်ပွဲတွေဖြစ်တဲ့နေရာမှာ ရပ်တန့်ပါတော့လို့ သွားပြီးပြောလို့မရဘူး။ မရတဲ့အတွက် ဒီကချင်မှာဆိုလည်း စစ်ပွဲတွေဖြစ်နေတဲ့အတွက် ညီမဘာလုပ်နိုင်မလဲပေါ့။ အဓိက ညီမလုပ်နိုင်တာကတော့ ပညာပေးဟောပြောပွဲတွေလုပ်သွားမယ်။ ပြီးတော့ ပရဟိတကို အဓိကလုပ်သွားမယ်။ ပရဟိတလုပ်တဲ့အချိန်မှာ မငြိမ်မသက်ဖြစ်ပြီးတော့ စစ်ဘေးဖြစ်နေတဲ့ နေရာတွေကို အဓိကသွားပြီးလုပ်သွားမှာပါ။ ငြိမ်းချမ်းရေးနဲ့ ပတ်သက်လို့ လုပ်ဆောင်သွားဖို့တွေကိုတော့ ညီမပြန်ရောက်ရင်တော့ လက်တွေ့အကောင် အထည်ဖော်မယ်။ လုပ်နိုင် မယ့်နေရာကနေ အကောင်းဆုံးကြိုးစားပြီးလုပ်သွားမယ်။

Popular