.jpg)
၂၀၀၇ ရွှေဝါရောင်တော်လှန်ရေးမှာ ပစ်သတ်
ခံခဲ့ရတဲ့ ဂျပန် ဓာတ်ပုံသတင်းထောက် နဂအိ
ခန်းဂျီစံအတွက် အမှုမှန် ဖော်ထုတ်ပေးဖုို့
ညီမဖြစ်သူ နိုရီကို အိုဂ၀စံက စက်တင်လာ
၂၇ ရက်က ပြုလုပ်တဲ့ ရွှေဝါရောင် ၇ နှစ်မြောက်
အောက်မေ့ဖွယ်ဆုတောင်းပွဲမှာ တောင်းဆိုခဲ့ ပါတယ်။
deadphotoဂျပန်နိုင်ငံခြားရေး ၀န်ကြီးဌာနက တဆင့် တောင်းဆိုနေတာ ၇ နှစ်ရှိ ပြီဖြစ်ပြီး ဂျပန်အစိုးရ တာဝန်ရှိသူတွေကလည်း အမှုမှန်ဖော် ထုတ်ပေး ဖို့ မြန်မာအစိုးရကို အမြဲတောင်း ဆိုနေပါတယ်။
မြန်မာနိုင်ငံမှာ ဒီမိုကရေစီပြောင်းလဲမှုတွေ ရှိလာနေပါပြီဆိုတဲ့ အကြောင်းပြန်ချက်ကို စိတ်ပျက်လာပြီလုို့ သတင်းဌာနတွေကုို ပြောဆုိုခဲ့ပါတယ်။
နိုင်ငံတကာစစ်ပွဲတွေကို လိုက်လံသတင်းယူတဲ့ အတွေ့အကြုံရှိသူ ဂျပန်အခြေစိုက် အေပီအက်ဖ်သတင်းထောက် နဂအိခန်းဂျီစံ ၅၀ နှစ် ဟာ ၂၀၀ရ စက်တာဘာ ၂၇ ရက်နေ့က ရန်ကုန်မြို့မှာ သတင်းယူရင်း မြန်မာလုံခြုံရေးစစ်သားတွေရဲ့ အနီးကပ် ပစ်သတ်ခံခဲ့ရတာပါ။
သတင်းရိုက်ယူနေစဉ် ကိုင်ထားတဲ့ တိတ်ခွေ အပါအ၀င် ကင်မရာကို ဂျပန်အစိုးရကတဆင့် မိသားစုနဲ့ အေပီအက်ဖ်သတင်းဌာနက အစဉ်တဆက်တောင်းဆိုနေခဲ့တာလည်း ဖြစ်ပါတယ်။
ဂျပန်နိုင်ငံခြားရေးဝန်ကြီးဌာနက မြန်မာအစိုးရကို တွေ့ဆုံတိုင်း ကင်မရာပြန်ပေးရေးနဲ့ အမှု မှန်ဖော်ထုတ်ပေးဖို့ တောင်းဆိုခဲ့ကြောင်း ဂျပန်နိုင်ငံခြာရေးဝန်ကြီးဌာန အင်တာနက်သတင်း စာမျက်နာမှာ အမြဲဖော်ပြလေ့ရှိပါတယ်။
DVB (မြန်မာပိုင်း)
Yangon
0 comments:
Post a Comment