ဖမ်းဆီးထားသည့် ငြိမ်းချမ်းရေး ထိန်းသိမ်းမှု တပ်ဖွဲ့ဝင်များကို ဆီးရီးယားသူပုန်များ ပြန်လွှတ်ပေး

ဆီးရီးယားတွင် အစိုးရ ဆန့်ကျင်ရေး သူပုန်တပ်ဖွဲ့များ ဖမ်းဆီးထားသည့် ဖီဂျီနိုင်ငံသား ကုလသမဂ္ဂ ငြိမ်းချမ်းရေး ထိန်းသိမ်းမှု တပ်ဖွဲ့ဝင်များ ပြန်လည် လွတ်မြောက်လာခဲ့ကြောင်း သတင်းရရှိသည်။

ကုလသမဂ္ဂ၏ အယ်လ်ကိုင်ဒါ အကြမ်းဖက်အဖွဲ့နှင့် ဆက်နွယ်မှုရှိသည့် သူပုန်တပ်များက ဖမ်းဆီးထားသည့် မိမိတို့၏ တပ်ဖွဲ့ဝင် (၄၅)ဦး ပြန်လည် လွတ်မြောက်လာမှုကို အတည်ပြု ကြေညာသည်။ ဆီးရီးယားက ထိန်းချုပ်ထားသည့် ဂိုလန်ကုန်းပြင်မြင့် အပိုင်းတွင် ထိန်းသိမ်းခံရသည့် ငြိမ်းချမ်းရေး ထိန်းသိမ်းမှု တပ်ဖွဲ့ဝင်များ အားလုံး လွတ်မြောက်လာချိန်တွင် ကျန်းမာရေး ကောင်းမွန်ကြောင်း သိရသည်။

အယ်လ်နူဆာရာ တပ်ဦးခေါ် သူပုန်တပ်ဖွဲ့ တစ်ခုက ဖီဂျီနိုင်ငံသား ငြိမ်းချမ်းရေး ထိန်းသိမ်းမှု တပ်ဖွဲ့ဝင်များကို ပြီးခဲ့သည့်လက အင်အားသုံး ဝန်းရံ ဖမ်းဆီးခဲ့ခြင်း ဖြစ်သည်။ စစ်မဲ့ဇုန် သတ်မှတ်ထားရာ အဆိုပါ ဒေသတွင် ဆီးရီးယားစစ်တပ်နှင့် သူပုန်တပ်များ တိုက်ပွဲပြင်းထန်လာသည့်နောက် ကုလသမဂ္ဂ၏ အမှုထမ်းတပ်ဖွဲ့များ ကြားညပ်သွားခဲ့ခြင်း ဖြစ်သည်။

ဖီဂျီအစိုးရ၏ ကြေညာချက်အရ မိမိတို့နိုင်ငံသားများကို ထိန်းသိမ်းထားချိန်တွင် အယ်လ်နူဆာရာ တပ်ဦးက ၎င်းတို့ကို ကုလသမဂ္ဂ၏ မှတ်တမ်းတွင် အကြမ်းဖက် အဖွဲ့အစည်း တစ်ခုအဖြစ် ထည့်သွင်း သတ်မှတ်ထားခြင်းအား ပယ်ဖျက်ပေးရန်၊ ဆီးရီးယားသို့ လူသားချင်း စာနာမှုဆိုင်ရာ အထောက်အပံ့များ ပေးပို့ရန်နှင့် ဂိုလန်ကုန်းမြင့်တွင် ကုလသမဂ္ဂ လက်အောက်ခံ (Undof)တပ်ဖွဲ့နှင့် အပြန်အလှန် ပစ်ခတ်ရင်း သူပုန်သုံးဦး သေဆုံးခဲ့သည့် ကိစ္စကို ဖြေရှင်းပေးရန် အစရှိသည့် အချက်များ တောင်းဆိုခဲ့ကြောင်း သိရှိရသည်။

ဂိုလန်ကုန်းပြင်မြင့်၏ အစိတ်အပိုင်း အများစုကို အစ္စရေးက ထိန်းချုပ်ထားပြီး ဆီးရီးယားက သေးငယ်သော နယ်မြေအချို့ကို ပိုင်ဆိုင်ထားသည်။ အဆိုပါ နှစ်နိုင်ငံကြားတွင် စစ်မဲ့ဇုန် သတ်မှတ်ပြီး ကုလသမဂ္ဂ တပ်များက ကြားဝင် စောင့်ကြပ်ပေးထားသည်။

_Ref: BBC

7day Daily