ကွာလာလမ်ပူ၊ သြဂုတ် ၁၉။ မလေးရှားရဲတပ်ဖွဲ့သည့် အီရတ်နိုင်ငံ အစွန်းရောက် ဂျီဟတ်အဖွဲ့ ISIL အဖွဲ့မှ ဦးစီးသော အစ္စလာမ်မစ် စစ်သွေးကြွများ၏ ဗုံးပေါက်ကွဲမှုများပြုလုပ်မည့် အစီအစဉ်များကို ဟန့်တားလိုက်နိုင်ကြောင်း မလေးရှား အကြမ်းဖက်မှု တိုက်ဖျက်ရေး အာဏာပိုင်က ပြောကြားခဲ့သည်ဟု သြဂုတ်လ ၁၉ ရက်က အေအက်ဖ်ပီ သတင်းတစ်ရပ်တွင် ဖော်ပြထားသည်။
ဧပြီလနှင့် ဇွန်လတစ်လျှောက် စားသောက်ဆိုင်များ၊ နိုက်ကလပ်များနှင့် မလေးရှားတွင် ဖွင့်လှစ်ထားသော ဒိန်းမတ် အခြေစိုက် ကားလ်စဘတ် ဘီယာစက်ရုံတို့ကို ဗုံးဖောက်ခွဲရန် ကြံစည်နေသော စစ်သွေး ကြွများ ဟု ယူဆရသူ ၁၉ ဦးကို ဖမ်းဆီးခဲ့သည်ဟု မလေးရှားရဲတပ်ဖွဲ့ အကြမ်းဖက်မှု တိုက်ဖျက်ရေးဌာနခွဲ ဒုတိယ ရဲချုပ် အေယုတ်ဘ်ခန်မာဒင်က ပြောကြားခဲ့သည်။
မလေးရှား၊ အင်ဒိုနီးရှား၊ ထိုင်း၊ ဖိလစ်ပိုင်နှင့် စင်ကာပူ နိုင်ငံရှိ နယ်မြေများတွင် အရှေ့တောင်အာရှ အစ္စလာမ်မစ် ဘာသာရေး နိုင်ငံ တစ်နိုင်ငံ တည်ထောင်ရန် ရည်ရွယ်နေသော သဘောထား တင်းမာသည့် မလေးရှား နိုင်ငံသားများ ပါဝင်သည့် ယင်း အဖွဲ့သည် ဆီရီးယားနိုင်ငံသို့ သွားရောက်ကာ အစ္စလာမ်မစ် အီရတ်နိုင်ငံတော်နှင့် မြေထဲပင်လယ် အနီးအနားရှိ နိုင်ငံများအဖွဲ့ ISIL မှ သင်ယူရန် စီစဉ်နေကြသည်ဟု ဒုတိယ ရဲချုပ် အေယုတ်ဘ် ခန်မာဒင် ပြော ကြားခဲ့သည်။
ယင်းအဖွဲ့တွင် ပညာရှင်များနှင့် အိမ်ထောင်ရှင်မ နှစ်ဦး ပါဝင်သည်။ ၎င်းတို့ အစီအစဉ် များသည် ကနဦး အခြေအနေ များတွင်သာ ရှိသေးပြီး လက်နက်ကြီးနှင့် ဗုံးပြုလုပ်ခြင်းတို့ကို မတတ်မြောက်ကြောင်း ခန်က ဆိုသည်။ ထိုထဲမှ ခုနှစ်ဦးကို အကြမ်းဖက်မှု ဖော်ဆောင်ရေး လုပ်ရပ်နှင့် လက်လုပ်ရိုင်ဖယ်များ ပိုင်ဆိုင် ထားမှုဖြင့် ဖမ်းဆီးခဲ့သည်။
၎င်းတို့သည် “လက်နက်ကိုင်ဆောင် တိုက်ပွဲဝင်သွားမည်ဖြစ်ကာ အာဇာနည်များ အဖြစ် အသက်အဆုံးခံ သွားရန်” စီစဉ် ခဲ့သည်ဟု ခန်ကဆိုပြီး မလေးရှားတွင် ယင်းအဖွဲ့နှင့် ပူးပေါင်း လှုပ်ရှားသူ အများအပြားကျန် ရှိလိမ့်မည်ဟု ရဲတပ်ဖွဲ့က ယုံကြည်ကြောင်း ၎င်းက ဆက်လက်ပြောကြား ခဲ့သည်။ ဖမ်းဆီး ခံခဲ့ရသူများထဲမှ တချို့ကို တူရကီနှင့် ဆီးရီးယားသို့ သင်တန်း သွားတက်ရန်နှင့် ISIL မှ အထောက်အပံ့ရရန် ကြိုးစားစဉ် လေဆိပ်၌ ဖမ်းမိခဲ့ခြင်း ဖြစ်သည်။
အစ္စလာမ်မစ် နိုင်ငံတော်အဖွဲ့အဖြစ် လူသိများသည့် ISIL အဖွဲ့သည် အစွန်းရောက် အစ္စလာမ်မစ်အဖွဲ့ တစ်ခုဖြစ်ပြီး ဆီးရီးယားနှင့် အီရတ်တို့တွင် ထောင်ပေါင်း များစွာသော အဖွဲ့ဝင်များရှိကာ တချို့သည် အနောက်နိုင်ငံသားများ ဖြစ်ကြသည်။
Ref: AFP
Yangon
0 comments:
Post a Comment