ပါကစ္စတန် နိုင်ငံသား နှစ်ဦးနှင့် ထိုင်းအမျိုးသမီး နှစ်ဦးတို့ကို နိုင်ငံပေါင်း ၄ဝ ကျော်၏ နိုင်ငံ ကူးလက်မှတ်များ အတုလုပ်မှုဖြင့် ထိုင်းနိုင်ငံ အတွင်းရှိ အထူးစုံစမ်း စစ်ဆေးရေး အဖွဲ့ DSI က
ဖမ်းဆီးခဲ့ကြောင်း ဗန်ကောက်ပို့စ် သတင်းစာတွင် ရေးသားဖော်ပြ ထားသည်။
DSI အဖွဲ့သည် အသက် ၄၆ နှစ်အရွယ်ရှိ ရှာဇဒ်နာမာဘတ်၊ အသက် ၃၂ နှစ်အရွယ်ရှိ ခါဝါဂျာရစ်ဇ်ဝန်ဟာလမ် အမည်ရှိ ပါကစ္စတန် နိုင်ငံသား နှစ်ဦးနှင့် ဘိုရာဝန်နှင့် နွန်ဂရက်စ် ရက်စ်ဝေါင်ဆရီ အမည်ရှိ ထိုင်းအမျိုးသမီး နှစ်ဦးတို့ကို Din Daeng ခရိုင်၌ သြဂုတ် ၃ဝ ရက်တွင် အာဏာပိုင်များက ဖမ်းဆီးခဲ့ခြင်းဖြစ်ပြီး အဆိုပါ ဖမ်းဆီးမှုနှင့် ပတ်သက်သည့် သတင်း အချက်အလက်များကို စက်တင်ဘာ ၅ ရက်ထိ တိုင်အောင် ပြည်သူလူထုကို ထုတ်ဖော် ပြောကြားခဲ့ခြင်း မရှိပေ။
၎င်းတို့လေးဦးသည် Pathunam ဒေသ၌ စားသောက်ဆိုင် တစ်ဆိုင်ကို နှစ်ပေါင်း၂ဝ ကြာ ဟန်ပြဖွင့်လှစ်ခဲ့ပြီး နိုင်ငံကူး လက်မှတ် အတုများကို ထုတ်လုပ် ပေးခဲ့ခြင်း ဖြစ်ကြောင်း နိုင်ငံတကာ ရေးရာနှင့် ရာဇဝတ်ရေးရာ ဌာနမှ အကြီးအကဲ ဆုန်ဆက်ခ်ရက်ခ် ဆရီဆာကူလ်က ပြောကြားခဲ့သည်။ ထို့ပြင် ၎င်းတို့သည် နိုင်ငံခြားသားများ ထံမှ ခိုးယူထားသော နိုင်ငံကူး လက်မှတ်အစစ်များကို ဝယ်ယူ၍ အမည်များနှင့် အခြားအချက် အလက်များကို ပြောင်းလဲပြင်ဆင်ခဲ့ကြောင်း ဆုန်ဆက်ခ်၏ ပြောကြားချက်ကို ကိုးကား၍ ဗန်ကောက်ပို့စ် သတင်းစာတွင် ဖော်ပြထားသည်။
မြ၀တီ
Yangon
0 comments:
Post a Comment