ရှင်တို့က ရဲတွေပဲ ' ဖမ်းပေါ့ '

“ကျမတို့မှာ အလုပ်လည်း ခံရ အဖမ်းလည်း ခံရ ဖြစ်သွားတာပေါ့” ရန်ကုန်မြို့ ဘုရင့်နောင်ပွဲရုံ အနီး လုပ်ကိုင်နေသည့် မလမင်းက သူမအဖမ်းခံရစဉ်က အဖြစ်အပျက်ကို ပြန်ပြောပြသည်။

လွန်ခဲ့သည့်တစ်နှစ်ခန့်က အ ဖမ်းခံရခြင်းဖြစ်ပြီး ရဲများစေလွှတ် လိုက်သော အသွင်ယူ သက်သေနှင့် ဘုရင့်နောင်အနီး တည်းခိုခန်းတစ်ခု တွင် ပျော်ပါးနေစဉ် အဖမ်းခံ ရခြင်းဖြစ်သည်။

“သူ့ဘာသာ ဝါသနာပါလို့ ပြည့် တန်ဆာနဲ့ပျော်ပါးလိုက်တာကို ပြည့်တန်ဆာကို ဖမ်းမိဖို့ အသွင်ယူ တယ်၊ ဖိုက်တာ တစ်ယောက်ရဲ့ တာဝန်ကို ထမ်းဆောင်တယ်လို့ မှတ်ယူလို့ မရဘူး” ဟု တရားရေးဆိုင်၇ာ ဆောင်းပါးများကို အစဉ်တစ်စိုက်ရေးသားလာသူ စာရေးဆရာ ပြေလွင်မြင့် က ပြောသည်။

မြန်မာနိုင်ငံကို ဒီမိုကရေစီတိုင်းပြည်အဖြစ် အမည်နာမ ပြောင်းလဲလိုက်ပြီးနောက်ပိုင်း ဒီမိုကရေစီ ရဲများက အသွင်ယူသက်သေနည်းဗျူဟာဖြင့် ပြစ်မှုများကို ဖမ်းဆီးနှိမ်နင်းခြင်းများ ခပ်စိပ်စိပ် တွေ့လာရသည်။

“အခုနောက်ပိုင်း ပြည့်တန်ဆာ ဖမ်းမိတဲ့အမှုတွေမှာ ရဲလွတ်ထားတဲ့ အသွင်ယူသက်သေ ဆိုတဲ့ လူတွေက ပြည့်တန်ဆာနဲ့ တကယ်ပျော်ပါးပြီး မှဖမ်းကြတယ်။ အရင်က အသွင်ယူ သက်သေဆိုရင် အသွင်ယူရုံဘဲ ဒီလိုမျိုး ကိုယ်ထိလက်ရောက် မကျူးလွန်ကြဘူး၊ ဒါဟာ တစ်ဖက်ကို ပိုနစ်နာစေပါတယ်”ဟု ဆရာပြေလွင်မြင့် က ဆက်ပြောသည်။

အသွင်ယူသက်သေ ဆိုသည့် စကားလုံးသဘောသည် အယောင်ဆောင်ပေးရခြင်း ဖြစ်သည်။

အသွင်ယူ သက်သေသည် ဘိန်းအမှုဖမ်းရန် ဘိန်းစားအသွင် အယောင်ဆောင်ရပြီး ချဲဒိုင် ဖမ်းရန် ထိုးသားအသွင် အယောင်ဆောင် ရသည်။ ပြည်တန်ဆာအမှု ဖမ်းရန် ပြည့်တန်ဆာ နှင့် ပျော်ပါးသူအသွင် အဖြစ် အယောင်ဆောင်ရသည်။

ထိုသို့ သရုပ်အမျိုးမျိုးဖြင့် အသွင်လုပ် သရုပ်ဆောင်ခြင်းသည် အမှန်တကယ် ကျူးလွန်ပြရန် မဟုတ်ပဲ အယောင်ဆောင်ရန် သက်သက်သာ ဖြစ်သည်။ သို့သော် ရဲများက စေလွတ်လိုက် သည့် ပြည့်တန်ဆာတို့နှင့် ပျော်ပါးသူအဖြစ် အယောင်ဆောင်ရမည့် အသွင်ယူသက်သေသည် အယောင်ဆောင်ခြင်း အလုပ်ကို မလုပ်တော့ပဲ အမှန်တကယ် ပျော်ပါးသူများ ဖြစ်လျက်ရှိသည်။

ထိုကဲ့သို့ အသွင်ယူသက်သေကို ရဲတပ်ဖွဲ့က လက်သပ်မွေးထားသော သတင်းပေးများက အများဆုံး ပြုလုပ်လေ့ရှိသည်ဟု ဒုရဲအုပ်တစ်ဦးကဆိုသည်။

မြန်မာနိုင်ငံတွင် ပြည့်တန်ဆာလုပ်ငန်းကို ရာဇဝတ်မှုဟု ဥပဒေပြဋ္ဌာန်းထားပြီး ပြည့်တန်ဆာ ပုဒ်မများ တွင် ၅(၁)ဆိုလျှင် ထောင်ဒဏ် ၁ နှစ်ခွဲ၊ အသွင်ယူဖမ်းဆီးသော ပြည့်တန်ဆာ ပုဒ်မ ၃ (ခ) ဆိုလျှင် ထောင် ဒဏ် ၁ နှစ်၊ ကျော်ကြားမှုဖြစ်သော ပြည့်တန်ဆာ ပုဒ်မ ၇(၁) ဆိုလျှင် ခံဝန်ကတိ တို့ဖြင့် အရေးယူလျှက်ရှိသည်။

“တကယ်တော့ ပြည့်တန်ဆာ ပုဒ်မ ၃ (ခ) မှာ ပြည့်တန်ဆာအဖြစ် သက်သေပြနိုင်ဖို့ သူတို့အတူ ရှိနေသူ ရဲ အခေါ် ဖိုက်တာပေါ့ (ရဲသက်သေ) က ပြည့်တန်ဆာကို ပိုက်ဆံပေးထားတာကို သက်သေပြနိုင်ရင် လုံလောက်ပါတယ်။ ပိုက်ဆံမှာ နံပါတ်တွေမှတ်ထားမယ်။ တစ်ခုခု အမှတ်အသား လုပ်ထားမယ်။

ဒါကိုရုံးကို ပြန်တင်ပြနိုင်ပါတယ်။ ပြည့်တန်ဆာနဲ့ ပျော်ပါးဖို့ အထိတော့ မလိုပါဘူး။ အသွင်ယူ သက်သေ တိုင်းကလည်း ကောင်မလေးတွေနဲ့ မအိပ်ကြပါဘူး။ အိပ်တဲ့ လူကတော့ သူတို့ ကိစ္စပေါ့လေ။ တစ်ခါတရံမှာ ရဲက အခက်အခဲလည်းရှိကောင်း ရှိနိုင်ပါတယ်။

ကျွန်မတို့ကတော့ ဘယ်လိုအခြေအနေနဲ့ဆို အမှုခိုင်မာတယ်လို့ တစ်ထစ်ချပြောလို့မရဘူး အမှုတွဲပေါ်ပေါက် ချက်ပေါ်ကြည့်ပြီး စီရင်ဆုံးဖြတ်ရတာပါဟု ပြည်မြို့နယ် မှ မြို့နယ်တရားသူကြီး ဒေါ်မူမူအေး က ပြောသည်။

အသွင်ယူ သက်သေဖြင့် ဖမ်းဆီး ခြင်းသည် တရားရုံးသို့ အမှုတည်ဆောက် တင်ပြနိုင်ရန် အတွက် အထောက်အထားခိုင်လုံအောင် ပြုလုပ် ခြင်းဖြစ်ကြောင်း လှိုင်မြို့နယ်ရဲစခန်း မှ ဒုရဲအုပ် ချစ်လွင်က ပြောသည်။

''ကျွန်တော်တို့တရားရုံးကို အမှု တင်တဲ့အခါမှာ အသွင်ယူသက်သေ နှင့် ဖမ်းဆီးထား တဲ့ ပြည့်တန်ဆာ အမှုက ပိုပြီး ခိုင်မာပါတယ်။ ဒီလိုမဟုတ်ရင် ပြည်တန်ဆာ မိန်းခလေး အနေနှင့် ရှောင်ထွက်သွား နိုင်တဲ့ အခြေအနေမျိုး၊ အမှုကနေကွင်းလုံးကျွတ်လွတ်တဲ့ အခွင့်အရေးမျိုးရသွားမှာပါ'' ဟု ယင်းဒုရဲအုပ်က ဆိုသည်။

အသွင်ယူ သက်သေကို စေလွတ် ရန်အတွက် အဆင့်ဆင့်ကြီးကြပ်စီစဉ် ဆောင်ရွက် ရခြင်းဖြစ်ကြောင်း အသွင်ယူသက်သေကို ငွေပေးရာတွင် လည်း ပိုက်ဆံနံပါတ်ကို မှတ်တမ်း တင်ပြီးမှ ဆောင်ရွက်ခြင်းဖြစ်ကြောင်း ၎င်းကဆိုသည်။

မည်သည့်အချိန် ကာလမှပင် ပျောက်ကွယ်သွားမည် မဟုတ်သည့် ပြည့်တန်ဆာ ပပျောက်ရေး လုပ်ငန်း ကို ပြည်သူ့ရဲများက စနစ်တကျစီမံ ကိန်းများ ချမှတ်စဉ် ဆက်မပြတ်လုပ်ဆောင်နေခြင်း မဟုတ်ဘဲ အလျဉ်းသင့်သလို အခါအခွင့်သင့်သလို ကြုံလျင် ကြုံသလို ပြည်တန်ဆာများကို ဖမ်းဆီးလေ့ ရှိပြီး ဖမ်းဆီးမှုတော်တော် များများကိုလည်း အသွင်ယူ သက်သေများဖြင့် ပျော်ပါး ပြီးမှသာ ဖမ်း ဆီးလေ့ရှိကြသည်။

လမ်းပေါ်က ပြည့်တန်ဆာ အမျိုးအစားများသည် ၎င်းတို့ ကျင်လည်ကျက်စားရာ ဝန်းကျင်မှ ရဲများ ကို ပြည့်တန်ဆာခေါင်းများ မှတစ်ဆင့် လိုင်းကြေး ပေးထားကြသည်။

လိုင်းကြေးဆိုသည်မှာ ၎င်းတို့ ပြည့်တန်ဆာလုပ်ငန်း လုပ်နေသည် ကို မသိချင်ယောင်ဆောင် မျက်ကွယ် ပြုပေးရန် အခကြေးငွေပေးလာဘ်ထိုးခြင်း ဖြစ်သည်။

လိုင်းကြေးယူထားသည့် ရဲ၏တာဝန်မှာ သက်ဆိုင်ရာနယ်မြေများသို့ ဖမ်းဆီးနှိမ်နင်းသူရဲများ မလာ ရောက်မီ ပြည့်တန်ဆာများကို သတင်းပေးရှောင်ရှားခိုင်းသည်။

“အခုနောက်ပိုင်းတော့ ကောင်မလေးတွေက ဝေးဝေးခေါ်ရင် မလိုက်တော့ဘူး။ သူတို့ ရင်နှီး တဲ့နေရာမှာဘဲ ကျက်စားတော့တယ်။ တချို့ ကတော့ ခေါင်းနဲ့လုပ်စားရတာ ခေါင်းပုံဖြတ် လွန်းတယ်ဆိုပြီး အုပ်စုဖွဲ့ပြီးတော့ဘဲ လုပ်စားတော့တယ်။ အခု နောက်ပိုင်း အသက် ငယ်ငယ်လေး တွေတောင် လုပ်လာတယ်။ သူတို့က သူတို့ ညီမအရင်းတွေကိုတောင် ခေါ် လာပြီး သင်ပေးကြတယ်” ဟု ပန်းဆိုးတန်းအနီးနေထိုင်ပြီး ပြည့်တန်ဆာများကို အမြဲလိုလို တွေ့နေသူ တစ်ဦးက ပြောသည်။

ပြည့်တန်ဆာများကို ဖမ်းစီးလိုက်ပါက သူတို့ကို မှီခိုနေသော မိသားစုများမှာ ဝင်ငွေမရှိတော့ သည့်အတွက် ဒုက္ခရောက်သွားသည်များ ရှိသလို မိသားစုတွင် အခြားသော မိန်းကလေးများ ရှိပါကလည်း ပြည့်တန်ဆာအလုပ်ကိုပင် ဆက်လက်လုပ်ကိုင်ပြီး ပြည့်တန်ဆာ အရေအတွက် တိုးပွားလာသည်ဟု အန်ဂျီအိုတစ်ခုတွင် လုပ်ကိုင်နေသူတစ်ဦး က ပြောသည်။

"ပြည့်တန်ဆာတွေကို ဖမ်းလည်း ဖမ်းမိတဲ့ ကောင်မလေးက ထောင်ထဲဝင်ရင် ကျန်တဲ့ မိသားစု တာဝန်ကို ထမ်းဖို့ အရွယ်ရောက်ခါစ ညီမငယ်လေးတွေက ဒီအလုပ်ကို ပခုံး ပြောင်း လုပ်ရတာဘဲ" ဟု ၎င်းကဆို သည်။

ဘိန်းဖြူမှုတွင် ရောင်းသူနှင့် ဝယ်သူနှစ်ဦးလုံးကို ဖမ်းဆီးအရေးယူနိုင်သည်။ လောင်းကစား မှုတွင်လည်း ကစားသူကိုရော ဒိုင်ကိုပါအပြစ်ပေး နိုင်သည်။ သို့သော် ပြည့်တန်ဆာ ဥပဒေ ကတော့ ပြည့်တန်ဆာတစ်ဦး တည်းကိုသာ ဖမ်းဆီးအပြစ်ပေးသည့်အတွက် ပြည့်တန်ဆာ ပပျောက်ရေး ဥပဒေသည် တရားမျှတမှုမရှိဟု ရန်ကင်းမြို့နယ်နေအသက် ၄၅ နှစ် အရွယ် အိမ်ထောင်ရှိ အမျိုးသမီးက သုံးသပ်သည်။

“ပြည့်တန်ဆာကို ဖမ်းမိတဲ့အခါ သူ့နဲ့အတူ ပျော်ပါးသူကို လွှတ်ပေးလိုက်တယ်။ ဒါက ဒီဥပဒေရဲ့ အားနည်းချက်ဖြစ်နေတယ်”ဟု စာရေးဆရာပြေလွင်မြင့်က သုံးသပ်ပြောဆိုသည်။

ယင်း ဥပဒေ၏ အားနည်းချက်ကို အားကောင်းစေရန် တစ်ဖက်ပျော်ပါးသူ အမျိုးသားကို အရေးယူခြင်းသည် ရဲများအတွက် အားကောင်းသော အဂတိလိုက်စားမှုတစ်ခု တိုးလာနိုင်ပြီး၊ မုဒိန်းမှုများလည်း တိုးလာနိုင်ကြောင်း အိုင်အန်ဂျီအို ဝန်ထမ်းက ထောက်ပြပြောဆိုသည်။

အလုပ်ဟူသမျှ ဂုဏ်ရှိစွဟု ဆိုရာတွင် ပြည့်တန်ဆာလုပ်ငန်းမပါ ဟု မြန်မာလူမျိုးများက သတ်မှတ် ထားကြသည်။ ဒီအလုပ်ကို ပျော်လွန်း လို့ လုပ်နေခြင်းမဟုတ်ကြောင်း ပြည့်တန်ဆာ တို့က ဆိုကြသော်လည်း ၎င်းတို့အနေဖြင့် ရုန်းထွက်ရန် ခက်ခဲနေဆဲပင်ဖြစ် သည်။ ငွေအရလွယ်မှုနှင့် အခြားသော အလုပ်အကိုင်ရှားပါးမှုများ ကလည်း ပြည့်တန်ဆာလောကမှ လွှတ်မြောက်ရန် အခွင့်အရေးနည်းပါးနေပြန်သည်။

ချမှတ်ထားသည့် ပြည့်တန်ဆာပပျောက်ရေးဥပဒေ၊ ရဲများက အသွင်ယူဖမ်းဆီးမှုနည်း ဗျူဟာ များရှိသော်လည်း တိကျသည့် ကျန်းမာရေး စောင့်ရှောက်မှုမရှိသည့် ပြည့်တန်ဆာများကတော့ တိုးပွားနေဆဲပင် ဖြစ်သည်။

လွန်ခဲ့သည့် တစ်နှစ်ကျော်ကလည်း လွှတ်တော်တွင် ပြည့်တန်ဆာများကို လိုင်စင်ဖြင့် တရားဝင် ခွင့်ပြုရေး အဆိုကို တင်သွင်းခဲ့သော်လည်း ဝိုင်းဝန်းဝေဖန်ခဲ့ကြပြီး အောင်မြင်မှု မရခဲ့ပေ။

ထို့ကြောင့် ပြည်တန်ဆာများ အနေဖြင့် ပြည်တန်ဆာနှိပ်ကွပ်ရေး ဥပဒေကြောင့် အသွင်ယူ သက်သေ ဖြင့် မကြာခဏ အဖမ်းခံနေရသလို ပြည့်တန်ဆာခေါင်းများ၏ နှိပ်စက်မှုများကလည်း ရှိနေသည်။

အောက်တိုဘာလ ၁ ရက်နေ့တွင် ကျင်းပသည့် နှစ် ၅၀ ပြည့် မြန်မာနိုင်ငံ ရဲတပ်ဖွဲ့ နှစ်ပတ် လည်နေ့ အခမ်းအနားတွင် ရန်ကုန် တိုင်းဒေသကြီးဝန်ကြီးချုပ် ဦးမြင့်ဆွေ က ပြည့်တန်ဆာ လုပ်ငန်း လုပ်ကိုင်သူ များနှင့် ဆက်စပ်သူများ၊ ဟိုတယ်၊ မိုတယ်၊ အလှပြင် ခန်းမ များတွင် ပြည့်တန်ဆာလုပ်ငန်း လုပ်ကိုင်သူများကို စဉ်ဆက်မပြတ် ဖော်ထုတ်ဖမ်းဆီးရေး ကို တိုးမြှင့်ဆောင်ရွက်ကြရန် ရဲတပ်ဖွဲ့သို့ တိုက်တွန်းပြောကြားခဲ့သည်။

ထိုသို့ဆိုလျှင် အသွင်ယူပျော်ပါးသူများလည်း တိုးပွားလာလိမ့်ဦးမည်ဖြစ်သည်။ ပြည့်တန်ဆာ များသည်လည်း အသွင်ယူသက်သေများနှင့် ပျော်ပါးခံရပြီး မကြာခဏ ထောင်နန်းစံ ရပေဦး မည် ဖြစ်သည်။

“အသွင်ယူသက်သေ လုပ်တယ် ဆိုပြီး အမှန်တကယ်ပျော်ပါးခဲ့သူတွေ ဟာ လိမ်လည်ပြီး ကာမကို ရယူနေသူ တွေလို့ ပြည့်တန်ဆာတစ်ယောက် ယောက်က အသိအမြင်ရလာပြီး တန်ပြန် တုံ့ပြန်ခုခံမချေပနိုင်သေးသရွေ့ တော့ ရဲတွေဘက်က အားသာချက် ရပြီး ပြည့်တန်ဆာတွေ ခေါင်းပုံဖြတ်ခံနေရအုံးမှာဘဲ”ဟု ရန်ကုန်တက္ကသိုလ် ဥပဒေဌာနမှ ဆရာမ တစ်ဦး က ပြောသည်။

သို့ရာတွင် ပြည့်တန်ဆာများ အနေဖြင့် ပြန်လည်တိုင်ကြားမှုများ မရှိကြောင်း တညီတညွတ် ထဲ ပြောဆိုကြသည်။

ထို့ပြင် ပြည့်တန်ဆာများအနေဖြင့် အဖမ်းခံရပြီးနောက်ပိုင်းတွင်လည်း စိတ်ပိုင်းဆိုင်ရာနှင့် ရုပ်ပိုင်းဆိုင်ရာ စော်ကားခံရမှုများရှိသည်ဟု ပြောဆိုကြသည်။

“အဖမ်းခံရရင် အချို့ကလည်း သားပြောမယားပြောတွေပြော၊ အချို့ကတော့ ဖမ်းပြီးရင်တော့ သူတို့နဲ့ ထပ်ပြီး ပျော်ပါးပေးပြီး ပြန်လွှတ်တာမျိုးလည်းရှိသေးတယ်”ဟု ကြည့်မြင်တိုင်မြို့နယ် မှ ပြည့်တန်ဆာတစ်ဦးက ပြောပြသည်။

သို့ရာတွင် သူကိုယ်တိုင်တော့ မကြုံဖူးဟုဆိုသည်။

လွန်ခဲ့သည့် တစ်နှစ်ကျော်က လည်း ပြည့်တန်ဆာနှင့် ပျော်ပါးနေသည့် ရဲတစ်ဦး ကြည်မြင်တိုင် ဘူတာ အနီးတွင် ရထားကြိတ်ခံရပြီး သေဆုံးခဲ့ဖူးသည်။

မည်သို့ဆိုစေ မလမင်းကတော့ လွှတ်လာပြီဖြစ်ပါသည်။ အခြားအ လုပ်ကိုင်ကိုလည်း မလုပ် တတ်သဖြင့် ဒီအလုပ်ကိုပဲ ဆက်လက်လုပ်ကိုင်နေ ဦးမည်ဖြစ်ပြီး အရင်းအနှီး ရလျှင်တော့ ကွမ်းယာဆိုင်လေး တစ်ဆိုင် ဖွင့်သွားမည်ဟု ဆိုပါသည်။

သူမ အရင်းအနှီးမရမီစပ်ကြား အသွင်ယူသက်သေနှင့် တွေ့လျှင်တော့ နောက်တစ်ကြိမ် အဖမ်းခံ ရဦးမည် ဖြစ်သည်။

ဖိုးသူတော် (www.phothutaw.com)

Credit: The Ladies News Journal