မလေးရှားနိုင်ငံတွင် ကျောင်းသူ မိန်းကလေးများအပါအ၀င် ကျောင်းသားကျောင်းသူများကို စစ် သွေးကြွအုပ်စုများက အဖွဲ့ဝင်အဖြစ် ပူးပေါင်းပါဝင် ရန် သွေးဆောင်ခေါ်ယူမှုများရှိနေပြီးကြောင်း မလေးရှား နိုင်ငံ၏ အကြမ်းဖက်မှုတိုက်ဖျက်ရေးအထူးဌာနမှ လက်ထောက် ဒါရိုက်တာ အေယော့ ခန်မိုင် ဒင် ပစ်ချေးကပြောသည်။
စစ်သွေးကြွများက မလေးရှားကျောင်းသူများကို ပစ်မှတ်ထား စုဆောင်းနေသည် (ဓာတ်ပုံ-အီးပီအေ)
စစ်သွေးကြွများအတွက်လူသစ်စုဆောင်းပေးသူများသည် လှည့်စားရလွယ်ကူသော ငယ်ရွုယ်သည့် လူငယ်များကို ဖေ့စ်ဘွတ်မှတစ်ဆင့် စည်းရုံးနေကြခြင်းဖြစ်သည်ဟု ၎င်းက ပြောကြားသည်။
“ဖေ့ဘုတ်ကနေပြီးတော့ အသက် ၁၅ နှစ် နဲ့ ၃၀ ကြား ငယ်ရွယ်တဲ့ လူငယ်လေးတွေကို စစ်သွေးကြွအုပ်စုအတွက် ခေါ်ဆောင်နေတာတွေက တကယ့်ကို စိုးရိမ်စရာပါပဲ” ဟု၎င်းက ပြောသည်။
“ကျောင်းသားကျောင်းသူတွေအပြင် အစိုးရနဲ့ ပုဂ္ဂလိက အလုပ်ခွင်ထဲက လူငယ်တွေဟာ ဒီလို စစ်သွေးကြွတွေနဲ့ ပူးပေါင်းဖို့ စည်းရုံးခံနေရပါတယ်” ဟု ၎င်းကထပ်လောင်း ပြောကြားသည်။
ဆက်လက်၍ ဆီးရီးယားနိုင်ငံရှိ IS အဖွဲ့ နှင့်အတူ အခြားစစ်သွေးကြွအုပ်စုများဖြစ်သည့် အယ်လ်နူဆရာ နှင့် အယ်လ်ရှန် အဖွဲ့များတွင် မလေးရှားနိုင်ငံသားများပါဝင်နေသည်ဟု အေယော့ ခန်က ပြောသည်။
လက်ရှိအချိန်ထိ အမျိုးသမီးသုံးဦးအပါအ၀င် မလေးရှားနိုင်ငံသား ၂၂ ဦးသည် ဆီးရီးယားရှိ စစ်သွေးကြွအုပ်စုများတွင် ပါဝင်နေသည် ကို တွေ့ရှိခဲ့ရပြီး အခြား ၂၃ ဦးကိုလည်း ယင်းကဲ့သို့ ဆက်သွယ်ခဲ့မှုများကြောင့် ထိန်းသိမ်းထားရသည်။
Ref:AFP
Mizzima News
Yangon
0 comments:
Post a Comment