လုယက်ထွက်ပြေးသည့် လူငယ်ကို ဖမ်းဆီးသွားစဉ် (ဓာတ်ပုံ - ကျော်ဇင်သန်း)
လသာမြို့နယ် ၂၂ လမ်းထိပ်ရှိ တိုင်အုံရွှေဆိုင်တွင် ရွှေလာဝယ်သည့် အသက် (၂၀) အရွယ်လူငယ်တစ်ဦးက ငါးမူးသားရှိရွှေဆွဲကြိုးနှစ်ကုံးကို လုယူထွက်ပြေးရာ ချက်ချင်းဖမ်းဆီးရမိခဲ့ကြောင်း သတင်းရရှိသည်။
အဆိုပါလူငယ်သည် ရွှေ ဝယ်ရန်ဟန်ဆောင်ပြီး ငါးမူးသားရွှေဆွဲကြိုးနှစ်ကုံးကို လုယူထွက်ပြေးရာ ရွှေဆိုင်အနီးရှိလူများက ဝိုင်းဝန်းဖမ်းဆီးခဲ့ခြင်း ဖြစ်သည်။ယင်းလုယက်မှုမှာ အောက်တိုဘာ ၁၃ ရက်နံနက် ၁၀ နာရီတွင်ဖြစ်ပွားခဲ့ခြင်းဖြစ်သည်။
‘‘ကောင်လေးက ငယ်သေး ပါတယ်။ သူက ရွှေဝယ်ချင်ယောင်ဆောင်ပြီး လုယူထွက်ပြေးတာလို့ သိရပါတယ်။ ချက်ချင်းပဲဖမ်းမိ တာပါ’’ဟု လသာမြို့နယ်ရဲတပ်ဖွဲ့ မှတာဝန်ကျရဲအရာရှိတစ်ဦးက ပြောသည်။
ရွှေဆွဲကြိုးလုယူထွက်ပြေးသူလူငယ်ကို ပုဒ်မ ၃၈၀ ဖြင့် အမှုဖွင့်အရေးယူထားကြောင်း လသာမြို့နယ်ရဲတပ်ဖွဲ့မှ တာဝန် ကျရဲအရာရှိတစ်ဦးကပြောသည်။
‘‘အန်တီတို့က ပြဿနာမရှိ ပါဘူး။ အမှုကို ကျေအေးပေးချင် ပါတယ်။ ကလေးကငယ်သေး တော့ အမှုတွေဘာတွေလည်း မလုပ်ချင်ပါဘူး’’ဟု တိုင်အုံရွှေ ဆိုင်ပိုင်ရှင်အမျိုးသမီးတစ်ဦးက ပြောသည်။
7 Day
Yangon
0 comments:
Post a Comment