ဩစတြေးလျ နိုင်ငံမှ အရုပ်ကလေးများအတွက် ဆေးရုံ

ဩစတြေးလျနိုင်ငံတွင် ဆေးရုံလေး တစ်ခုရှိသည်။ ဆေးရုံတွင် သူနာပြုနှင့် ဆရာဝန် တစ်ဦးမျှ မရှိကြချေ။ အဆိုပါ ဆေးရုံမှ လူနာများသည်လည်း လူသားများ မဟုတ်ကြ။ ထို့အတူ သက်ရှိများလည်း မဟုတ်ကြပေ။ (၁၉၁၃)ခုနှစ် ကတည်းက စတင်ဖွင့်လှစ်ခဲ့သော အရုပ်ဆေးရုံသည် ပျက်စီးယိုယွင်းနေသည့် ကော်ပတ်ရုပ်ကလေးများ၊ ကြွေရုပ်ကလေးများနှင့် တက်ဒီဝက်ဝံ အရုပ်ကလေးများကို ပြုပြင်မွမ်းမံပေးနေသည့် နေရာလေး ဖြစ်သည်။

ဆစ်ဒနီမြို့ရှိ အရုပ်ဆေးရုံ၏ လက်ရှိ အကြီးအကဲမှာ အသက်(၆၇)နှစ်အရွယ် ဂျော့ဖ်ချပ်မန်းဖြစ်သည်။ ၎င်း၏ အဖိုးဖြစ်သူက (၁၉၁၃)ခုနှစ်တွင် အရုပ်ဆေးရုံကို စတင်ထူထောင်သည်။ ထိုအချိန်မှစကာ နှစ်ပေါင်း(၁၀၀)ကျော်အတွင်း ဩစတြေးလျနှင့် နယူးဇီလန် နိုင်ငံတို့မှ အရုပ်အဟောင်းအနွမ်း အကျိုးအပျက် (၃)သန်းကျော်ကို အကောင်းပကတိ ပြန်ဖြစ်အောင် ဆေးရုံက ပြင်ဆင်ပေးခဲ့သည်။

အရုပ်ဆေးရုံကို (၁၉၁၃)ခုနှစ်က စတင်ထူထောင်သော်လည်း ဒုတိယ ကမ္ဘာစစ် နှောင်းပိုင်းတွင် အထူး လူသိများလာခဲ့သည်။ အရုပ်ဆေးရုံတွင် အရုပ်အကျိုးအပျက်လေးများကို လာရောက် အပ်နှံသူများမှာ အရွယ်ရောက်ပြီးသူ အများစု ဖြစ်ကြသည်။ ၎င်းတို့ ငယ်စဉ်ကလေးဘဝက အထူးမြတ်နိုးတန်ဖိုးထားခဲ့သည့် အရုပ်ကလေးများကို မျိုးဆက်သစ်များထံ လက်ဆင့်ကမ်းပေးလိုသည့်အတွက် အရုပ်ဆေးရုံတွင် လာရောက် အပ်နှံကြခြင်း ဖြစ်သည်။ “သူတို့ရဲ့ အရုပ်ဟောင်း၊ အရုပ်အပျက်ကလေးတွေ အသစ်အတိုင်း ဖြစ်နေတာကို လက်ခံရရှိချိန်မှာ မျက်ရည်ဝဲလောက်အောင် ကြည်နူးသွားတဲ့သူတွေ အများကြီး ကျွန်တော် တွေ့ခဲ့ဖူးတယ်”ဟု ချပ်မန်းက ဆိုသည်။

အမှန်တကယ်အားဖြင့် အရုပ်ဟောင်း ပြုပြင်ရေး လုပ်ငန်းတစ်ခု ဖြစ်သည့်တိုင် ချပ်မန်းက မိမိ၏ မိသားစု လုပ်ငန်းကို အရုပ်ဆေးရုံဟုသာ သုံးနှုန်း ခေါ်ဝေါ်လေ့ရှိသည်။ အရုပ်ဟောင်းများကို ပြင်ဆင်ရသည့် လုပ်ငန်းစဉ် အတွင်းပိုင်းတွင်မူ အရုပ်ကလေးများကို ခေါင်းတခြား၊ ခြေလက်တခြားဖြင့် သီးခြားစီ ချိတ်ဆွဲထားသောကြောင့် ခြောက်ခြားစရာ မြင်ကွင်းမျိုး ဖြစ်နေသည်။ ချပ်မန်းနှင့် အခြားသော ဝန်ထမ်းများက ကျိုးပဲ့ပျက်စီးနေသော အရုပ်လေးများကို စနစ်တကျ ပြန်ဆက်ပေးလေ့ ရှိသလို ဆေးရောင်ပြယ်လွင့်နေသည့် အရုပ်ကလေးများကိုလည်း အရောင်ပြန်တင်ပေးကြသည်။ အပြီးသတ် ရလဒ်အနေဖြင့်မူ အကောင်းပကတိ သစ်လွင်နေသည့် အရုပ်ကလေးများကို ပိုင်ရှင်များလက်သို့ ဂုဏ်ယူစွာ ပြန်လည် အပ်နှံလာနိုင်ခြင်း ဖြစ်သည်။

အရုပ်ဆေးရုံကို ဟာရိုးလ်ချပ်မန်း စီနီယာက စတင်ထူထောင်ခဲ့သည်။ ၎င်းသည် ဂျပန်မှ ဝယ်ယူလာသည့် အရုပ်တစ်ရုပ် ရော်ဘာကွင်း ပြတ်တောက်သွားသည့် အခြေအနေကြောင့် အရုပ်ကို ပြန်ပြင်ရန် ကြိုးစားရင်း အရုပ်ဆေးရုံကို ထူထောင်ရန် စိတ်ကူးရလာခြင်း ဖြစ်သည်။ ထိုအချိန်မှ စတင်ကာ အရုပ်ဆေးရုံသည် ချပ်မန်းမိသားစု၏ အစဉ်အဆက် စီးပွားရေးလုပ်ငန်း ဖြစ်လာသည်။ ယခုအခါ အရုပ်ဆေးရုံတွင် လုပ်ငန်းဆောင်ရွက်ပုံ မတူညီသည့် အခန်း(၆)ခု ခွဲခြားထားပြီး ဝန်ထမ်း(၇၀)ဖြင့် လည်ပတ်နေကြောင်း သိရသည်။

ချပ်မန်းက “ကျွန်တော့်လုပ်ငန်းရဲ့ ဖောက်သည် (၈၀)ရာခိုင်နှုန်းက ကလေးကြီးတွေလို့ ပြောရမယ် ထင်တယ်”ဟု ရယ်ရယ်မောမော ဆိုသည်။ ၎င်းက “ကလေးကြီး ဆိုတာက ငယ်ငယ်တုန်းက အရုပ်အများကြီး မပိုင်ခဲ့ဘဲ ကိုယ့်အရုပ်လေးတွေကို စွဲလမ်းတန်ဖိုးထားတဲ့ လူကြီးပိုင်းကို ဆိုလိုတာပါ။ အရင်ခေတ်တုန်းက စူပါမားကက်ကို သွားပြီး အရုပ်တစ်ရုပ်ကို လွယ်လွယ်ကူကူ ရွေးဝယ်လို့ မရခဲ့ဘူးလေ။ ဒီတော့ ရှိတဲ့ အရုပ်လေးကိုပဲ တန်ဖိုးထားပြီး ကစားရတယ်။ ဒီအရုပ်လေးတွေကို လူကြီးဘဝမှာ အကောင်းပကတိနဲ့ ပြန်မြင်လိုက်ရရင် သူတို့အတွက် အင်မတန် စိတ်လှုပ်ရှားစရာ ဖြစ်သွားတတ်တယ်။ ဒါက အမျိုးသားရော၊ အမျိုးသမီးရော အတူတူပါပဲ။ အထူးသဖြင့် အမျိုးသမီးတွေက သူတို့အရုပ်လေးတွေကို လာပြင်ပြီး သားသမီးတွေကို လက်ဆောင်ပေးတတ်တယ်။ တက်ဒီဝက်ဝံလေးတွေကို အမျိုးသမီး အများစုက သိမ်းထားတတ်တယ်။ တချို့အမျိုးသားတွေလည်း တက်ဒီဝက်ဝံလေးတွေ ယူလာတတ်ပါတယ်”ဟု ရှင်းပြခဲ့သည်။

အရုပ်ဆေးရုံတွင် (၂၅)နှစ်ကြာ လုပ်ကိုင်ခဲ့သည့် ကယ်ရီစတူးဝပ်က သူမ၏ အလုပ်သည် ခွဲစိတ်ဆရာဝန် တစ်ဦးကဲ့သို့ အနုစိတ်ကြောင်း ဂုဏ်ယူစွာဖြင့် ဆိုသည်။ “ကျွန်မတို့ သုံးရတဲ့ ပစ္စည်းအများစုက ခွဲစိတ်ဆရာဝန်တွေ သုံးနေတဲ့ ပစ္စည်းတွေနဲ့ ဆင်တယ်လေ။ အရုပ်တွေကို ပြင်ရတဲ့အခါ မျက်လုံးတွေက အခက်ဆုံးပဲ။ အရုပ်လေးတွေရဲ့ မျက်လုံးတွေကို နေရာမှန်ဖြစ်အောင် ချိန်ညှိရတာ တော်တော်ခက်တဲ့ အလုပ်ပါ။ တစ်ခါတစ်လေ အရုပ် တစ်ရုပ်တည်းကို သုံးခါလောက် ပြန်ပြင်မှ စိတ်ကြိုက်အခြေအနေ ရသွားတတ်တယ်”ဟု စတူးဝပ်က ပြောကြားခဲ့သည်။

အရုပ်ဆေးရုံတွင် အလုပ်လုပ်ရခြင်းသည် အနုပညာ ဖန်တီးမှုဆန်ပြီး အဆိုပါ အလုပ်အတွက် အမှန်တကယ် စိတ်လိုလက်ရ ဝါသနာပါသူများကို စုစည်းနိုင်ရန် အလွန်အရေးကြီးကြောင်း စတူးဝပ်က ဆိုသည်။ အရုပ်ဆေးရုံ၏ ကိုယ်ပိုင်ဝက်ဘ်ဆိုက်တွင် “ကျွန်တော့်ဝက်ဝံလေးမှာ မျက်လုံးရယ်၊ နှာခေါင်းရယ်၊ ပါးစပ်ပေါက်ရယ် မရှိတော့ဘူး။ တခြား ဖြည့်စရာလေးတွေလည်း ကျန်သေးတယ်။ အဲဒါကို ပြန်ပြင်ပေးနိုင်မလား။ အချိန်ရော ဘယ်လောက်လောက် ကြာမလဲ”ဆိုသော မေးခွန်းမျိုး ကြုံရလေ့ ရှိသည်။

ထိုအခါ ချပ်မန်း၏ အရုပ်ဆေးရုံ ဝန်ထမ်းများက “ရပါတယ်။ ခင်ဗျားအနေနဲ့ ဝက်ဝံရုပ်လေးရဲ့ ကိုယ်လုံးထဲကို အဆာဖြည့်ပြီး သူ့ကို ပြန်ပြီး ဝဝဖြိုးဖြိုး ဖြစ်လာအောင် လုပ်နိုင်တယ်။ ကျွန်တော်တို့က ဝက်ဝံလေးကို ဖန်မျက်လုံးလေးတွေ တပ်ပေးလို့ ရတယ်လေ။ ဒါဆို သူက အရင်လို ပြန်ပြီး မျက်စိမြင်လာမှာပေါ့။ ပြီးတော့ သူ့အတွက် နှာခေါင်းအသစ်လေးရယ်၊ ပါးစပ်အသစ်လေးရယ် တပ်ပေးလိုက်မယ်။ ဒါဆိုရင် သူက အနံ့ခံနိုင်သလို အရသာလည်း ခံလို့ရသွားမှာပါ။ ပြီးရင်တော့ သူ့လည်ပင်းမှာ ဖဲကြိုးလှလှလေးချည်ပြီး တောက်တောက်ကြွားကြွားလေးနဲ့ အိမ်ပြန်လို့ ရသွားမှာပေါ့”ဟု အကြောင်းပြန်မည် ဖြစ်သည်။

_Ref: Dailymail

7 Day Daily