အညာခေါက်ဆွဲသုပ်

အညာစတိုင် ခေါက်ဆွဲသုပ်။ ဒီခေါက်ဆွဲသုပ်မှာ ပဲဟင်းရည်က အဓိကျပါတယ်။ ကြက်သား၊ ခေါက်ဆွဲရယ်၊ မုန့်ကြွပ်ရယ်၊ ကြက်ဥ၊ ပဲဟင်းရည်လေးနဲ့ တွဲဖက်ကသုံးဆောင်ရတာပါ။ အရသာလည်း အရမ်းစားကောင်းတာမို့ ခုပဲ တူတူ လုပ်စားကြည့်ရအောင်...

----------------------------------

ပဲဟင်းရည်အတွက် ပါဝင်ပစ္စည်းများ

• ပဲမှုန့်(အစိမ်းမှုန့်) - စားပွဲတင်ဇွန်း ၂ဇွန်း (ရေ ၂၀၀မီလီလီတာဖြင့် ရောမွှေထားပါ)

• ဂျင်း - လက်တဆစ် (ညက်အောင် ထောင်းထားပါ)

• ကြက်သွန်ဖြူ - ၂မွှာ (ညက်အောင် ထောင်းထားပါ)

• ဆား - လက်ဖက်ရည်ဇွန်း ၂ဇွန်း

• သကြား - လက်ဖက်ရည်ဇွန်း ၂ဇွန်း

• ဟင်းခတ်မှုန့် - လက်ဖက်ရည်ဇွန်း ၁ဇွန်း

• ကြက်ပြုတ်ရည်

----------------------------------

မုန့်ကြွပ်တွင် ပါဝင်ပါဝင်များ

• ဂျုံမှုန့် - ၁၀၀ ဂရမ်

• ရေနွေး - ခွက်တ၀က် (၁၀၀မီလီလီတာ)

• ဆား - လက်ဖက်ရည်ဇွန်း တ၀က်

• ဆိုဒါ - လက်ဖက်ရည်ဇွန်း တ၀က်

----------------------------------

ခေါက်ဆွဲသုပ်တွင် ပါဝင်ပစ္စည်းများ

• ဂျုံခေါက်ဆွဲခြောက် - ၁၀၀ ဂရမ်

• ကြက်ရင်ဗုံ - ၁ခု (၂၀၀ ဂရမ်)

• ငရုတ်သီး ဆီသပ် - စားပွဲတင်ဇွန်း ၅ဇွန်း

• ကြက်သွန်မြိတ် - စားပွဲတင်ဇွန်း ၂ဇွန်း (ပါးပါးလှီးပါ)

• ဘဲဥ - ၂လုံး (ကျက်အောင် ပြုတ်ပြီ အ၀ိုင်း လှီးပါ)

• ငါးငံပြာရည် (တွဲဖက်သုံးဆောင်ရန်)

• ဟင်းခတ်မှုန့် (တွဲဖက်သုံးဆောင်ရန်

• သံပရာသီး - ၁လုံး (၈စိပ်စိပ်ပါ)

----------------------------------

ပြင်ဆင်နည်း

၁။ အရင်ဆုံး ရေနွေးကို ပွက်ပွက်ဆူအောင် တည်ထားပြီ ခေါက်ဆွဲခြောက်များထည့်ကာ မီးအတင့်သင့်ဖြင့် ၅မိနစ် တည်ထားပါ။

၂။ ထို့နောက် ခေါက်ဆွဲများကို ဇကာဖြင့် ပြန်စစ် ရေအေးဖြင့် ပြန်ဆေးပေးပါ။

၃။ ပြီလျှင် ခေါက်ဆွဲများ မစီကပ်သွားစေရန် ဆီ(စားပွဲတင်ဇွန်း ၁ဇွန်း) ထည့်ပြီ ရောမွှေပေးထားပါ။

၎။ ပြီနောက် ဒယ်အိုးထဲ ရေ(၂ခွက်) ထည့်ပြီ ဆူလျှင် ကြက်ရင်ဗုံထည့်ပြီ ၈မိနစ်ခန့် တည်ထားပါ။

၅။ ပြီမှ ကြက်သားကို ခပ်ပါးပါးလှီးထားပေးပြီ ကြက်ပြုတ်ရည်ကို သိမ်းထားပေးပါ။

----------------------------------

မုန့်ကြွပ် ပြုလုပ်နည်း

၁။ ဇောက်ပန်းကန်ထဲ (ဂျုံ၊ ဆား၊ ဆိုဒါ) အားလုံးကို သမအောင် ရောမွှေလိုက်ပါ။

၂။ ပြီလျှင် ရေ(ခွက် ၃ပုံ၁ပုံ) ထည့်ပြီ ဂျုံဒိုးသား နူးညံ့သည်အထိ ခပ်နာနာလေး နုယ်ပေးပါ။

၃။ ထို့နောက် ဂျုံဒိုးသားကို ၂ပိုင်းခွဲပြီ ဒလိမ့်တုံးဖြင့် အ၀ိုင်းပြားလိမ့်ပေးပါ။ လိမ့်နေစဉ် ဂျုံမှုန့်များ ဖြူးပေးပါ။

၎။ ပြီနောက် ပီဇာဖြတ်တဲ့ ဓား(သို့) ရိုးရိုးဓားဖြင့် ဂျုံပြားကို အရှည်လှီးဖြတ်ပေးပါ။

၅။ ပြီလျှင် ဒယ်ထဲ ဆီများများထည့်ပြီ ဆီပူလျှင် ဂျုံဒိုးများကို ရွှေညိုရောင်သန်းသည်အထိ ကြော်ပေးပြီ ပြန်ဆယ်ထားပါ။

----------------------------------

ပဲဟင်းရည် ချက်နည်း

၁။ အရင်ဆုံး ကြက်ပြုတ်ရည်ကို ဒယ်အိုးထဲ ဆူအောင် မီးအတင့်သင့်ဖြင့် တည်ထားပါ။

၂။ ပြီနောက် ဆူလာလျှင် ပဲမှုန့်(ရေအနည်းငယ် ရောမွှေပြီသား)၊ ကြက်သွန်ဖြူ၊ ဂျင်း၊ ဆား၊ ဟင်းခတ်မှုန့်၊ သကြား တို့ကို ထည့်ပြီ သမအောင် ရောမွှေလိုက်ပါ။

၃။ ရေတ၀က်ခမ်းပြီ ပျစ်လာသည်အထိ မီးအတင့်သင့်ဖြင့်တည် ထားပေးပါ။

----------------------------------

ခေါက်ဆွဲသုပ် တပွဲစာ ပြင်ဆင်နည်း

၁။ အရင်ဆုံး ပန်းကန်လုံးထဲ ခေါက်ဆွဲထည့်ပါ။

၂။ ပြီလျှင် ကြက်သွန်နီ(ပါးပါးလှီး)၊ ကြက်သား၊ ငရုတ်သီး ဆီသငပ်၊ ဘဲဥ ပြုတ်ပြီသား ၂စိပ်၊ သံပရာသီး ၁စိပ်၊ ငါးငံပြာရည်(လက်ဖက်ရည်ဇွန်း ၁ဇွန်း)၊ ဟင်းခတ်မှုန့် (လက်ဖက်ရည်ဇွန်း တ၀က်) နှင့် ကြက်သွန်မြိတ် အနည်းငယ် ဖြူးပေးပါ။

၃။ ထို့နောက် မုန့်ကြွပ် ၃ချောင်းကို လက်ဖြင့်ခြေပြီ ထည့်ပေးပါ။

၎။ ပြီမှ ပဲဟင်းရည် (စားပွဲတင်ဇွန်း ၄ဇွန်း) လောင်းထည့်ပေးပြီ အရသာရှိသော အညာခေါက်ဆွဲသုပ်ကို ပဲဟင်းရည်ပူပူလေးနဲ့ တွဲဖက် သုံးဆောင်နိုင်ပါပြီ...

----------------------------------

Wutyee Food House

ဆက်လက်ဖတ်ရှုရန်>>

ကြက်သား ငှက်ပျောအူ ကာလသားချက် (ထိုင်းစတိုင်)

ဟင်းချက်တယ်ဆိုတာ အိမ်ရှင်မတွေအတွက် နေ့စဉ် လုပ်ရိုးလုပ်စဉ် အလုပ်တခု ဖြစ်လို့ ဘာမှ မထူးခြားပါဘူးလို့ ထင်နိုင်ပေမယ့် တကယ့်ကို ဟင်းချက်ဝါသနာ ပါသူတွေ အတွက်ကတော့ ဟင်းချက်ခြင်းဟာ အနုပညာတခုလိုပါပဲ။ ကပြက်ကချော် ချက်လိုက်တဲ့ ဟင်းတခွက်၊ အစပ်အဟပ် မတည့်တဲ့ ဟင်းတခွက်ကြောင့် ထမင်းပွဲမှာ စိတ်ညစ်ညူးရသလို၊ စနစ်တကျနဲ့ အနုပညာဆန်ဆန် ချက်ပြုတ်လိုက်တဲ့ ဟင်းတခွက်ကြောင့်လည်း တသက်လုံးစွဲအောင် ပြောမဆုံး ဖြစ်ရတတ်ပါတယ်။ ဟင်းချက်တာဟာ အမျိုးသမီးတွေရဲ့ အလုပ်လို့ တချို့က ထင်တတ်ပေမယ့် တကယ်တော့ အမျိုးသမီးရယ်၊ အမျိုးသားရယ်မဟုတ်ဘဲ ဝါသနာပါသူတိုင်းအတွက်တော့ စွဲလမ်းပျော်ရွှင်စရာကောင်းတဲ့ အလုပ်တခု ဖြစ်ပါတယ်။ ဒါကြောင့်ရဲ့ ဧရာဝတီရဲ့ အနုပညာကဏ္ဍမှာ ဟင်းချက်ခြင်း အနုပညာကို စာဖတ်သူတွေ စနေ အားလပ်ရက်မှာ ဖတ်ရှုလေ့လာနိုင်အောင် ချက်နည်းပြုတ်နည်း တမျိုးကို ဖော်ပြပေးလိုက်ပါတယ်။ လျှာရင်းမြက်အောင် ဘာဟင်းချက်ရလဲ စဉ်းစားနေသူတွေ အတွက်ကော၊ နိုင်ငံတကာမှာ ဘာကြောင့် ဒီဟင်းတွေဟာ နာမည်ကြီး ထိုးဖောက် နိုင်တာလဲဆိုတာပါ သိရှိနိုင်ဖို့ ရည်ရွယ်ပါတယ်။ (အယ်ဒီတာ)

ကျနော်တို့ မြန်မာနိုင်ငံမှာ ငှက်ပျောအူကို မုန့်ဟင်းခါးချက်ရာမှာ အများဆုံး အသုံးပြုကြပါတယ်။ တချို့ တိုင်းရင်းသား တွေကတော့ ဟင်းပုံစံ ချက်စားလေ့ ရှိကြပေမယ့် မြန်မာတနိုင်ငံ လုံးကိုတော့ ပျံ့နှံ့ကျော်ကြားခြင်း မရှိသေးပါဘူး …။

အခု ဖော်ပြမယ့် ကြက်သားနဲ့ ငှက်ပျောအူ ကာလသားချက် (ထိုင်းစတိုင်) ကတော့ ဟင်းပွဲ အထူးအဆန်း လေးတွေကို စိတ်ဝင်စားတတ်တဲ့ ကျနော့် အတွက်တော့ နည်းသစ်ခုပဲ ဖြစ်ပါတယ် …။ ထိုင်းဟင်းပွဲတွေ အကြောင်း လေ့လာပြီး ချက်နည်းအသစ်တွေကို ဟင်းချက်နည်း ရုပ်သံ အစီအစဉ်တွေမှာ တင်ဆက်ပြသ ထားတဲ့ သြစတေးလျ နိုင်ငံသား တဦးရဲ့ ချက်ပြုတ်နည်းမှာ ပါဝင်ပစ္စည်း အလွယ်တကူ ရနိုင်သလို၊ နည်းစနစ်ကလည်း သိပ်လွယ်ကူ လွန်းတာကြောင့် ကျနော်က သူ့ချက်နည်းအတိုင်း လိုက်ချက်ကြည့်ရာမှာ စိတ်ဝင်စားဖွယ် အရသာ ထူးလှတဲ့အတွက် ပြန်လည်ဝေမျှ ပေးလိုက်ပါတယ် …။

ကြက်သားနဲ့ ငှက်ပျောအူ ကာလသားချက် (ထိုင်းစတိုင်)

ဗမာကြက် (ခ) အိမ်ကြက် – ၁ ကောင် (၅၀ ကျပ်သားခန့်)

ငှက်ပျောအူ – ၂ တောင်ခန့် ၁ ခု

ကြက်သွန်နီ – ၂ လုံး

ကြက်သွန်ဖြူ – ၅ တက်

ချင်းသေးသေး – ၁ တက်

စပါးလင် – ၂ ချောင်း (အဖြူ ပိုင်းသာ)

ငရုတ်ခြောက်ပွတောင့်နီ အရှည် (အရောင်လှလှ) – ၅ တောင့်ခန့် (ရေစိမ်ထားပါ)

ရှမ်းနံနံ – ၃ ပင်ခန့် (ပါးပါးလှီး)

နံနံပင် – အနည်းငယ် (အလှဆင်ရန်)

ဆား၊ ငါးငံပြာရည်၊ ဟင်းခတ်မှုန့် လိုအပ်သလို။

ကြက် တကောင်လုံး (ခေါင်း၊ ခြေထောက်၊ အတွင်းကလီစာ) ကို အနေတော် အတုံးများတုံးပြီး ဆား၊ ဟင်းခတ်မှုန့်၊ ထောင်းထားသောချင်း၊ နနွင်းမှုန့်တို့နဲ့ နယ်ပြီး နှပ်ထားပါ။

ငှက်ပျောအူတိုင် အရင့်တွေကို အတွင်းအဖြူသား အရွက်လိပ် ရောက်ခါနီးအထိ ခွာထုတ်ပစ်ပါ။ အဖြူရောင် အူတိုင်ကို လက် ၂ ဆစ်ခန့်စီ လှီးဖြတ်ပြီး သံပုရာရည် (သို့) ဗီနီဂါရည်ပါသော ရေတွင် စိမ်ထားပါ (အရောင် မပြောင်းစေရန် သတိပြုပါ)။

ရေစိမ်ထားသော ငရုတ်သီး၊ စပါးလင၊ ကြက်သွန်နီ၊ ကြက်သွန်ဖြူ များကို ညက်နေအောင် ထောင်းပါ။

ဒယ်အိုး တလုံးမှာ ဆီအနည်းငယ်ကိုအပူပေးပြီး ထောင်းထားတဲ့ အရောကို ဆီသတ်ပါ။ စပါးလင်ကိုလည်း ရိုက်ပြား၊ ချည်နှောင်ပြီး ရောဆီသတ်ပေးပါ။

အနည်းငယ် မွှေးလာရင် အရသာနယ်ထားတဲ့ ကြက်သားတွေ ပေါင်းထည့်မွှေပေးပါ။ ကြက်သားတွေ အပေါ်ယံတင်းပြီး လုံးသွားပြီဆိုမှ ရေ အနည်းငယ် ၀ိုက်ထည့်ကာ အဖုံးပ်ိတ်ပြီး ကြက်သား ၃ ပုံ ၂ ပုံ နူးသည်အထိ ချက်ပါ။

ငါးငံပြာရည်၊ ဟင်းခတ်မှုန့် တို့နဲ့ အရသာသွင်းပါ။

အဲဒီအချိန်ရောက်မှ သံပုရာရည် စိမ်ထားတဲ့ ငှက်ပျောအူနုဖတ်တွေ ပေါင်းထည့် ပေးပါ။ နောက်ဆုံးမှာ ပါးပါးလှီးထားတဲ့ ရှမ်းနံနံ အုပ်ပြီး အဖုံးပိတ်ကာ ခေတ္တနှပ်ထားပါ။

စားသုံးဖို့ ပန်းကန်ထဲ ထည့်ပြီဆိုရင်တော့ နံနံပင်နဲ့ အလှဆင် သုံးဆောင်နိုင်ပါပြီ။

ဧရာဝတီ

ဆက်လက်ဖတ်ရှုရန်>>