ဟင်းချက်တယ်ဆိုတာ အိမ်ရှင်မတွေအတွက် နေ့စဉ် လုပ်ရိုးလုပ်စဉ် အလုပ်တခု ဖြစ်လို့ ဘာမှ မထူးခြားပါဘူးလို့ ထင်နိုင်ပေမယ့် တကယ့်ကို ဟင်းချက်ဝါသနာ ပါသူတွေ အတွက်ကတော့ ဟင်းချက်ခြင်းဟာ အနုပညာတခုလိုပါပဲ။ ကပြက်ကချော် ချက်လိုက်တဲ့ ဟင်းတခွက်၊ အစပ်အဟပ် မတည့်တဲ့ ဟင်းတခွက်ကြောင့် ထမင်းပွဲမှာ စိတ်ညစ်ညူးရသလို၊ စနစ်တကျနဲ့ အနုပညာဆန်ဆန် ချက်ပြုတ်လိုက်တဲ့ ဟင်းတခွက်ကြောင့်လည်း တသက်လုံးစွဲအောင် ပြောမဆုံး ဖြစ်ရတတ်ပါတယ်။ ဟင်းချက်တာဟာ အမျိုးသမီးတွေရဲ့ အလုပ်လို့ တချို့က ထင်တတ်ပေမယ့် တကယ်တော့ အမျိုးသမီးရယ်၊ အမျိုးသားရယ်မဟုတ်ဘဲ ဝါသနာပါသူတိုင်းအတွက်တော့ စွဲလမ်းပျော်ရွှင်စရာကောင်းတဲ့ အလုပ်တခု ဖြစ်ပါတယ်။ ဒါကြောင့်ရဲ့ ဧရာဝတီရဲ့ အနုပညာကဏ္ဍမှာ ဟင်းချက်ခြင်း အနုပညာကို စာဖတ်သူတွေ စနေ အားလပ်ရက်မှာ ဖတ်ရှုလေ့လာနိုင်အောင် ချက်နည်းပြုတ်နည်း တမျိုးကို ဖော်ပြပေးလိုက်ပါတယ်။ လျှာရင်းမြက်အောင် ဘာဟင်းချက်ရလဲ စဉ်းစားနေသူတွေ အတွက်ကော၊ နိုင်ငံတကာမှာ ဘာကြောင့် ဒီဟင်းတွေဟာ နာမည်ကြီး ထိုးဖောက် နိုင်တာလဲဆိုတာပါ သိရှိနိုင်ဖို့ ရည်ရွယ်ပါတယ်။ (အယ်ဒီတာ)
ယနေ့ ခေတ်ကာလမှာ လူတွေဟာ ကျန်းမာရေးဆိုင်ရာ ဗဟုသုတတွေ တိုးပွားလာသလို၊ အစားအသောက်၊ နေထိုင်မှု ပုံစံတွေပါ သိသာစွာ တိုးတက်ပြောင်းလဲ လာခဲ့ပါပြီ …။ ကမ္ဘာကျော် ဘောလုံးသမားရဲ့ ဇနီး ဗစ်တိုးရီးယားဘက်ခမ်း ဆိုရင် အသားတွေထဲမှာ ငါးအသား တမျိုးတည်းကိုသာ စားသောက်ပြီး သူရဲ့ ခန္တာကိုယ်အလေးချိန်ကို ထိန်းသိမ်း ထားတယ်လို့ ကျန်းမာရေးနဲ့ အလှအပဆိုင်ရာ အင်တာဗျူး တခုမှာ ဖြေထားတာ တွေ့ရပါတယ်။
ဒါကြောင့် ကျနော်တို့ အရှေ့တိုင်း ချက်ပြုတ်နည်းတမျိုး ဖြစ်တဲ့ ငါးအသားလွှာ ပေါင်းလေးကို ဝေမျှ တင်ဆက်ပေးလိုက်ပါတယ်။
ဒီငါးပေါင်းမှာ ငါးအသားလွှာကိုဖြစ်စေ၊ အကောင်လုံးကို ဖြစ်စေ ပေါင်းလိုရပါနိုင် ပါတယ်။ ကျနော်က ဒီနေရာမှာ ဆားငံသီးကို အသုံးမပြုဘဲ ဆီးသီးဆားရေစိမ်ကို အသုံးပြုထားပါတယ်။ ဆားငံသီး သုံးမယ်ဆိုရင်တော့ ကြို
တင်ရေစိမ်ပြီး အစေ့တွေကို ဖယ်ထုတ်ထားပါ။ ဒီနည်းက ထိုင်း၊ တရုတ်၊ ဗီယက်နမ်၊ ဂျပန် စတဲ့နိုင်ငံတွေမှာ အသုံးပြုတာ များပါတယ်..။
ငါးအသားလွှာနှင့် ဆီးသီးဆားရည်စိမ်ပေါင်း
ပါဝင်ပစ္စည်းများ
ငါးအသားလွှာ – ၄၀၀ ဂရမ်
ချင်း အမျှဉ်လှီးထားပြီးသား – ၁/ ၄ ခွက် (လက်ဖက်ရည် ပန်းကန်လုံး)
ကြက်သွန်မြိတ် အရိုးဖြူ – ၁/ ၂ ခွက် (လက်ဖက်ရည် ပန်းကန်လုံး)
နံနံပင် (သို့) တရုတ်နံနံ – အနည်းငယ်
ငရုတ်တောင့်နီ – ၂ တောင့် (အစေ့ထုတ်ပြီးအမျှဉ်လှီး)
ဆီးသီးဆားရည်စိမ် ဆော့စ်အတွက်
ဆီးသီးဆားစိမ် - ၄လုံး (အစေ့ထုတ်ပြီး ချေထားရန်)
ပဲငံပြာရည်အကြည် – ၂ ဇွန်း (ထမင်းစားဇွန်း)
ပဲငံပြာရည်အပျစ် – ၁ ဇွန်း (ထမင်းစားဇွန်း)
ခရုဆီ – ၁ ဇွန်း (ထမင်းစားဇွန်း)
ကြက်သွန်ဖြူ – ၃ တက်
ချင်း အမျှဉ်လှီး – ၁ ဇွန်း (ထမင်းစားဇွန်း)
နှမ်းဆီ – ၁ ဇွန်း (ထမင်းစားဇွန်း)
သကြား – ၁ ဇွန်း (ထမင်းစားဇွန်း)
ဟင်းခတ်မှုန့် – အနည်းငယ်
တရုတ်မှိုမည်း – ၃ ပွင့် (ရေစိမ်ထားရန်)
ပထမဆုံး ငါးအသားလွှာ (သို့) ငါးအကောင်လုံးကို ဆား ၊ ဟင်းခတ်မှုန့်၊ သံပုရာသီး တခြမ်းလောက် ညှစ်ပြီး အရသာနယ် နှပ်ကာ ရေခဲသေတ္တာမှာ ၁၀ မိနစ်ခန့်ထားပါ။
အိုးတလုံးမှာ နှမ်းဆီ၊ ချင်း၊ ကြက်သွန်ဖြူ တွေကို ရောထည့်ပြီး အပူစတင်ပေးပါ (ဆီကျက်မှ ထည့်တာမျိုး
မပြုလုပ်ပါနဲ့၊ နှမ်းဆီအနံ့ ဆုံးရှုံး သွားတတ်ပါတယ်)။
အနည်းငယ် မွှေးလာတာနဲ့ ရေစိမ်ပြီး ပါးပါးလှီးထားတဲ့ မှိုမည်း၊ ချေထားတဲ့ ဆီးသီး ဆားရည်စိမ်တွေ ထည့်မွှေပေးပါ။
ဆော့စ်ရည်မှာ ပါဝင်ရမယ့် အရသာတွေ အားလုံး ထည့်ပေါင်းပြီး ရေအနည်းငယ်ဖြည့်ကာ တပွက် ဆူပါစေ။ တပွက်ဆူတာနဲ့ ပါဝင်တဲ့ အဖတ်ဟူသမျှကို စစ်ထုတ်လိုက်ပါ။
ငါးအသားလွှာ (သို့) ငါး တကောင်လုံး နှစ်မြုပ်နိုင်တဲ့ ခွက်ငယ်ထဲ ငါးကိုထည့်ပြီး စစ်ယူထားတဲ့ အရည်တွေ လောင်းထည့်ကာ ငါးကျက်သည်အထိ ပေါင်းပါ။
တချို့ကတော့ စစ်ယူထားတဲ့ အရည်နဲ့ရောပြီး အိုးတလုံးမှာ ထည့်ပြုတ် လိုက်တတ် ကြပါတယ်။ ဒီနည်းလည်း အဆင်ပြေပါတယ်။
ငါးအသားလွှာကို စစ်ယူပြီး ပြင်ဆင်မယ့် ပန်းကန်မှာ ထည့်ပြီးရင် ပေါင်းရည် ပူပူကို အပေါ်ကနေ လောင်းချ ပေးလိုက်ပါ။ ချင်း အမျှဉ်၊ ကြက်သွန်မြိတ် အရိုးမျှင်မျှင်လှီး၊ တရုတ်နံနံ (သို့) နံနံ၊ ငရုတ်သီးစိမ်းတောင့် နီတွေနဲ့ အလှဆင်ပြီးရင် သုံးဆောင်နိုင်ပါပြီ။
Yangon
