အားနည်းချက်တွေကို ပြုပြင်သွားမယ့် ဆောင်းယွန်းစံ

ကာရိုက်တာ အေးအေးလေးတွေနဲ့ တွေ့ရတတ်တဲ့ သရုပ်ဆောင် ဆောင်းယွန်းစံက ကာရိုက်တာပိုင်းနဲ့ ပတ်သက်ပြီး သရုပ်ဆောင်မှုပိုင်းမှာ အားနည်းနေသေးကြောင်း ပြောပြခဲ့ပါတယ်။ “ညီမကို ပရိသတ် တော်တော်များများက သရုပ်ဆောင် ကောင်းလာပြီလို့ ပြောကြပေမယ့် ညီမဘက်က အိုက်တင်ပိုင်းမှာ အများကြီး ကြိုးစားဖို့ လိုအပ်ပါသေးတယ်။ နောက်ပိုင်း ဘယ်လို အိုက်တင်ပဲ ဖြစ်ပါစေ မျက်နှာအနေအထားက အရမ်းအရေးကြီးလို့ ညီမယူဆတယ်။ အဲဒါကြောင့် ညီမဘက်က အနုပညာတွေကို တင်ဆက်နိုင်အောင် အများကြီး ကြိုးစားနေပါတယ်။ နောက်ပြီး ညီမဘက်က အခြားလိုအပ်တဲ့ သရုပ်ဆောင်ပိုင်းတွေကိုလည်း ပြင်ဆင်သွားမှာပါ။ ရှေ့မှာလည်း သရုပ်ဆောင် ထားတာတွေ ရှိပေမယ့် နောက်ထပ်လုပ်ခွင့်ရမယ့် အရာတွေမှာလည်း ဖြည့်စွက်ပြီး လုပ်ဆောင်သွားမှာပါ”လို့ ပြောပြခဲ့ ပါတယ်။ လက်ရှိမှာတော့ ဗီဒီယိုကားအချို့ ရိုက်ကူးထားကာ ဒါရိုက်တာ ရွှေပြည်ကတုံး ရိုက်ကူးမယ့် “ချစ်ခြင်းကို မခွဲပါနဲ့” ရုပ်ရှင်ဇာတ်ကားတွင် အကယ်ဒမီ ရန်အောင်၊ အကယ်ဒမီ ရဲအောင်၊ အကယ်ဒမီ ထွန်းအိန္ဒြာဗို၊ အိချောပို တို့နှင့်အတူ သရုပ်ဆောင်သွားမယ်လို့ သိရပါတယ်။

The Messenger

ဆက်လက်ဖတ်ရှုရန်>>

သရုပ်ဆောင်ပိုင်းကူးမယ့် နန်းစန္ဒာလှထွန်း

Miss Myanmar 2nd Runner Up ဆုရှင် နန်းစန္ဒာလှထွန်းက သူမအနေနဲ့ သရုပ်ဆောင်ပိုင်းကို ကူးဖို့အတွက် ပြင်ဆင်နေပါတယ်လို့ ပြောပြခဲ့ပါတယ်။ “ညီက အခုအချိန်မှာ ကင်မရာနဲ့လည်း မစိမ်းတော့ပါဘူး။ ထိုက်သင့်တဲ့ ပရိသတ်လည်း ရှိပြီဆိုတော့ သရုပ်ဆောင်ပိုင်းကူးဖို့ ကြိုးစားနေပါပြီ၊ သရုပ်ဆောင်ပိုင်းနဲ့ ပတ်သက်ပြီး သင်တန်းတွေ မတက်ခဲ့ရပေမယ့် အိမ်မှာ လေ့ကျင့်တာမျိုးတွေ နောက်ပြီး MTV အတွေ့အကြုံလည်း ရှိပြီဆိုတော့ သရုပ်ဆောင်ပိုင်းကူးဖို့ ဆုံးဖြတ်ခဲ့တာပါ။ ညီမအခွင့်အရေး ရခဲ့မယ်ဆိုရင်တော့ သရုပ်ဆောင် ကြည့်ချင်ပါတယ်။ အဲဒီအတွက် အနုပညာဝမ်းစာကို တတ်နိုင်သလောက် ဖြည့်ထားပါတယ်။ ကိုယ်တိုင်လည်း ၀ါသနာ ပါတယ်။ Miss ပြိုင်ပွဲတွေကလည်း အတွေ့အကြုံကောင်းတွေ ရခဲ့သလို သရုပ်ဆောင်ပိုင်းမှာလည်း ရချင်ပါတယ်။ တကယ်လို့ ဇာတ်လမ်း ရိုက်ခွင့်ရမယ်ဆိုရင် ဒရာမာလေးတွေကို ရိုက်ချင်ပါတယ်”ဟု ပြောပြခဲ့ပါတယ်။ နန်းစန္ဒာလှထွန်းသည် လက်ရှိတွင် Photo တွေ ရိုက်ကူးနေတယ်လို့ သိရပါတယ်။

The Messenger

ဆက်လက်ဖတ်ရှုရန်>>

စကိတ်စီးပြီး ကား( ၅၃) စီးအောက်ထဲ ဖြတ်သန်းပြခဲ့တဲ့ ကလေးငယ်

အသက်ရှစ်နှစ်သာ ရှိသေးသော်လည်း အံ့အားသင့်စရာ စွမ်းဆောင်ရည်ကြောင့် ဂင်းနစ်စံချိန်ဝင်ရန် မျှော်လင့်နိုင်တော့မည် ဖြစ်သည်။ အိန္ဒိယနိုင်ငံသား ပါရာဆက်သည် မြေကြီးနှင့် ( ၇) လက်မသာ ကွာသည့် ကား( ၅၃) စီးအောက်ကို စကိတ်စီးပြီး ဖြတ်သန်းပြခဲ့သည်။ Limbo စကိတ်စီး ကစားသမား ပါရာဆက်သည် တီယူပါတီ အရပ်ဒေသမှာ နေထိုင်ပြီး မီတာ (၁၀၀) အရှည်ရှိသည့် ကား( ၅၃)စီး တန်းစီရပ်ထားခြင်းကို ဖြတ်သန်းပြခဲ့ခြင်း ဖြစ်သည်။ ယခင်စံချိန်မှာ မီတာ(၃၀)သာ ဖြစ်သည်။ ပါရာဆက်သည် ယင်းသို့ ပြုလုပ်ရန် အတွက် အချိန် ( ၂၂ ဒသမ ၅၉ ) စက္ကန့် အချိန်ယူခဲ့ရသည်။

ပါရာဆက်သည် ငယ်စဉ်ကတည်းက စကိတ်စီးခြင်းကို ၀ါသနာပါခဲ့သည်။ မိသားစုကလည်း အားပေးခဲ့သောကြောင့် ကျောင်းမှ ပြန်ရောက်သည့် အခါတိုင်း လေ့ကျင့်ခဲ့သည်။ ဖခင်ဖြစ်သူက သားဖြစ်သူ ပါရာဆက်ကို သင်ကြားပေးခဲ့ပြီး စွမ်းဆောင်မှုများကို ဗီဒီယိုရိုက်ကာ ပြန်ပြလေ့ရှိသည်။ အကြိမ်ကြိမ် လေ့ကျင့်ခဲ့ခြင်းကြောင့် ပါရာဆက်သည် စံချိန်များကို ချိုးနိုင်ခဲ့ခြင်း ဖြစ်သည်။

The Messenger

ဆက်လက်ဖတ်ရှုရန်>>

အာလူးကနေ စွမ်းအင်ထုတ်ယူတဲ့ ကမ္ဘာ့ပထမဆုံး လျှပ်စစ် ဓါတ်အားပေးစက်

ဗြိတိန် နိုင်ငံက မုန့်နှစ် ကုမ္မဏီ တစ်ခုဟာ အာလူးကနေ စွမ်းအင်ထုတ်လုပ်ယူပြီး လျှပ်စစ်ဓါတ်အားပေးစက် လုပ်ဆောင်တဲ့ ကမ္ဘာ့ပထမဆုံး စက်ရုံ ဖြစ်လာခဲ့ပါတယ်။

ဗြိတိန်နိုင်ငံ ၊ Carlisle မြို့မှာ အခြေစိုက်တဲ့ Cavaghan and Gray ဆိုတဲ့ ရယ်ဒီမိတ် အစားအစာ ထုတ်လုပ်ရေး စက်ရုံဟာ စွန့်ပစ်ထားတဲ့ အာလူးတွေနဲ့ အာလူးအခွံတွေကို လျှပ်စစ်စွမ်းအင် နဲ့ ရေနွေးငွေ့စွမ်းအင် အဖြစ် ပြောင်းလဲလိုက်တဲ့ Biorefinery စနစ်နဲ့ လည်ပတ်နေတာပဲ ဖြစ်ပါတယ်။

သူတို့ စက်ရုံရဲ့ Green Generator ဆိုတဲ့ သဘာဝ စွမ်းအင်သုံး ဓါတ်အားပေးစက်ဟာ တစ်နှစ်မှာ လျှပ်စစ်စွမ်းအင် ၃၅၀၀ MWh ထုတ်လုပ်နိုင်ပြီး ပျမ်းမျှအားဖြင့် အိမ်ခြေပေါင်း ၈၅၀ ရဲ့ လျှပ်စစ်စွမ်းအင် နဲ့ ညီမျှတယ်လို့လည်း သိရပါတယ်။

ထို အာလူးကရတဲ့ စွမ်းအင်နဲ့ လည်ပတ်တဲ့ လျှပ်စစ်ဓါတ်အားပေးစက်ဟာ နောက်ပိုင်းမှာ ရေနွေးငွေ့ နဲ့ တစ်နှစ်ကို ၅၀၀၀ MWh အထိ ဓါတ်အား ထုတ်လုပ်နိုင်မယ်လို့လည်း မျှော်လင့်ရပါတယ်။ ထို ကုမ္မဏီဟာ စွမ်းအင်ထုတ်ယူနိုင်ဖို့အတွက် လိုအပ်တဲ့ အာလူးနဲ့ အာလူးအခွံတွေကိုတော့ သူတို့ ကုမ္မဏီက ထုတ်လုပ်တဲ့ အစားအစာတွေက တစ်ဆင့် ရရှိခဲ့ကြတာပဲ ဖြစ်ပါတယ်။

Cavaghan and Gray ကုမ္မဏီ ဟာ အမဲသားနဲ့ ကြက်သွန်အရသာကို အာလူးနဲ့ ဖုံးအုပ်ထားတဲ့ Pie တွေကို ထုတ်လုပ်ရောင်းချတာဖြစ်ပါတယ်။ ဒါကြောင့် သူတို့ ရဲ့ ထုတ်ကုန် တွေကနေ ရလာတဲ့ အကြွင်းအကြန် ပစ္စည်းတွေကို အသုံးပြုပြီး စွမ်းအင်အဖြစ် ပြန်လည် အသုံးချကြတာပဲ ဖြစ်ပါတယ်။ Cavaghan and Gray ကုမ္မဏီ ရဲ့ မိခင်ကုမ္မဏီ ဖြစ်တဲ့ ဘာမင်ဂမ်မြို့ အခြေစိုက် 2 Sisters အစားအသောက် ကုမ္မဏီကလည်း သူတို့ဟာ ထို Biorefinery စနစ်နဲ့ သူတို့ပိုင်ဆိုင်တဲ့ ဗြိတိန် နိုင်ငံ တစ်ဝှမ်းက စက်ရုံတွေမှာ ဓါတ်အားပေးသွားမယ်လို့လည်း ဆိုထားပါတယ်။

ထို Cavaghan and Gray ကုမ္မဏီဟာ နိုင်ငံပေါင်း ၃၆ နိုင်ငံက လာရောက်တဲ့ ၀န်ထမ်း ၂၃၀၀၀ ယောက်ကျော်ကျော် ခန့်ထားပြီး တစ်နှစ်ကို ကာဗွန်ထုတ်လုပ်မှု ၃၅၀၀၀ တန် တိတိလျှော့ချနိုင်ဖို့ မျှော်လင့်ထားတယ်လို့လည်း သိရပါတယ်။

( Mario )

Ref : Mirror

ဆက်လက်ဖတ်ရှုရန်>>

တစ်တီတူး ငှက်ဆိုတာ ဘယ်လို ငှက်မျိုးလဲ

ကိုယ့်အမည်ကို ကိုယ်ဖော်ထုတ် မြည်တွန်တတ်တဲ့ တိရိစ္ဆာန်အမျိုးပေါင်း ၇ မျိုးရှိပါတယ်။ အဲ့ဒီထဲမှာ တောက်တဲ့၊ ဇီးကွက်၊ ရွှေပြည်စိုး၊ ယောက်ဖခွေးခေါ်ငှက်၊ တစ်တီတူး(တီတီတွတ်)၊ ဥသြငှက်၊ ဘုတ်ငှက် တို့ဖြစ်ကြပါတယ်။

အဲ့ဒီငှက် အမျိုးအစားတွေထဲက တစ်တီတူးငှက်ကလေးအကြောင်းကို ပြောပြချင်ပါတယ်။

တစ်တီတူးငှက်ဟာ ကယ်ရာဒရိုင်အီဒီး မျိုးရင်းမှာ ပါဝင်တဲ့ ငှက်အမျိုးအစားပါ။ အဲ့ဒီငှက်ကို သတ္တဗေဒ အလိုအားဖြင့် လိုဗီဗင်နဲလပ် အင်ဒီကပ် လို့ခေါ်ပါတယ်။ တစ်တီတူးလို့‌ခေါ်ခြင်းမှာ အဲ့ဒီငှက်ရဲ့ ‌အော်သံကိုအစွဲပြု ပြီး ခေါ်ခြင်းလည်း ဖြစ်ပါတယ်။ အလျား ၁၃ လက်မခန့်ရှိပါတယ်။ ခါထက် ကိုယ်ထည်အနည်းငယ် ပိုပြီး ကြီးကာ ‌ခြေတံ၊ လည်တံ များဟာလည်း ခါရဲ့ ‌ခြေတံလက်တံတွေထက် ပိုရှည်ပါတယ်။

တစ်တီတူးရဲ့ ကိုယ်အ‌ပေါ်ပိုင်းဟာ အညိုရောင်ရှိပြီး ‌အောက်ဘက်က အဖြူ‌ရောင်ရှိပါတယ်။ မျက်နှာ၊ ရင်အုပ်နှင့် ဦး‌ခေါင်းတို့ဟာ မည်းနက်ပါတယ် ။ တစ်တီတူးအဖို၊ အမတို့ဟာ မျက်လုံးတစ်ဘက်စီရဲ့ အ‌ပေါ်နဲ့ ‌ရှေ့ဘက်မှာ ကြက်‌သွေး‌ရောင် အသားပိုတစ်ခုစီ ရှိပါတယ်။ ငှက်ငယ်ဦး‌ခေါင်းရှိ အ‌မွှေးတွေဟာ အဖျားမှာ အညို‌ရောင်သန်း ‌နေပါတယ်။ ‌မေး နဲ့ ဇလုတ်တို့ဟာ ဖြူပါတယ်။

တစ်တီတူးငှက်ဟာ အ‌နှောက်အယှက်ခံရလျှင် ပျံဝဲပြီး ထပ်တလဲလဲကျယ်‌လောင်စူးရှစွာ ‌အော်‌နေတတ်ပါတယ်။ တစ်တီတူးကို သဲ‌သောင်ပြင်၌ စိုက်ပျိုးခင်းနှင့် သွေ့‌ခြောက်‌သောကုန်းမြင့်ရှိ ‌မြေလပ်များ၌၎င်း တွေ့ရတတ်ပါတယ်။ ဒါ့အပြင် ထုံးအိုင်‌ဒေသများတွင်လည်း ‌တွေ့နိုင်ပါတယ်။ ဒီ‌ရေအတက်အကျရှိ‌သော ‌ဒေသများတွင်မူ တစ်တီတူးကို မ‌တွေ့ရတတ်ပါဘူး။ ရန်သူအနီးအနား၌ ရှိသည်ဟု မယုံသင်္ကာဖြစ်‌သောအခါ ‌ခေါင်းညိတ်‌လေ့ရှိပါတယ်။ အဲ့ဒီလို ‌ခေါင်းညိတ်သည့်အ‌လေ့မှာ တစ်တီတူးငှက်ရဲ့ ထူးခြားချက်ပဲဖြစ်ပါတယ်။

တစ်တီတူးငှက်ဟာ ‌မြေကြီးပေါ်၌ ခုန်ဆွခုန်ဆွ သွားလာကာ ပိုးမွှားကောင်နှင့် ခရုမျိုးများကိုရှာ‌ဖွေ စား‌သောက် လေ့ရှိပါတယ်။ အဲ့ဒီငှက်ဟာ ‌နေ့အချိန်၌သာမဟုတ်၊ ညအချိန်၌လည်းပျံသန်း ‌အော်မြည်‌နေတတ်ပါ တယ်။ ပျံသန်းတဲ့အခါမှာလည်း တောင်ပံများကိုမှန်မှန်ရိုက်၍ ‌နှေးနှေးပျံသန်းလေ့ရှိပါတယ်။ ခဏပျံသန်းပြီးနောက် ‌မြေကြီးသို့ တဖန် ဆင်းသက်ပြီး အနည်းငယ် ခုန်ဆွခုန်ဆွ သွား‌လေ့ရှိပါတယ်။ ထိတ်လန့်တဲ့အခါမှာလည်း လျှင်မြန်စွာ ပျံသန်း နိုင်တဲ့အပြင် ပျံသန်း‌နေခိုက် ကိုယ်ကိုလည်း ကျင်လည်စွာလှည့်ပတ်လှုပ်ရှားနိုင်ပါတယ်။

မတ်လနဲ့ ဩဂုတ်လတို့မှာ ဥအု‌လေ့ရှိပါတယ်။ ‌မြေကြီး‌ပေါ်၌ သဘာဝအ‌လျောက် ချိုင့်နေတဲ့‌နေရာများမှာ အသိုက်လုပ်တတ်ပါတယ်။ မိုးဥတုက ရေဝပ်ခဲ့‌သော ချိုင့်ခွက်များ၌လည်းကောင်း၊ ကျွဲနွားတို့ရဲ့‌ခြေရာခွက်၌ လည်းကောင်း အသိုက်လုပ်‌လေ့ရှိပါတယ်။ ရေခြောက်‌နေ‌သောကန်များ၌လည်း တစ်တီတူးအသိုက်များကို ‌တွေ့ရတတ်ပါတယ်။ အသိုက်တခုမှာ ဥ ၄ ဥ ‌တွေ့ရလေ့ရှိပါတယ်။ တစ်တီတူးငှက်ဥ၌ အညို‌ရောင်တွင် အ မည်း ကွက်‌လေးများ ရှိပါတယ်။

အဲ့ဒီဥအ‌ရောင်နဲ့ ပေါက်စငှက်ငယ်က‌လေးများရဲ့အ‌ရောင်ဟာ ပတ်ဝန်းကျင်ရှိအ‌ရောင်နဲ့ ဆင်တူလှ တာကြောင့် သူတို့ကိုပတ်ဝန်းကျင်နှင့်ခွဲခြားသိဖို့ ခက်ခဲလှပါတယ်။ ငှက်ဖိုနဲ့ငှက်မများဟာ သူတို့ရဲ့ ငှက်ငယ်က‌လေးများကို အလွန်ဝိရိယကြီးစွာ ‌စောင့်‌ရှောက်ကြပါတယ်။ အကယ်လို့ သူတို့ရဲ့ အသိုက်အနီးသို့ တခြားတိရိစ္ဆာန်များ ကျုးကျော်လာလျှင်လည်း ပြင်းထန်စွာ ခုခံတတ်ကြပါတယ်။

ကိုးကားသတင်း။ ။ ၀ီကီပီးဒီးယား

ဆက်လက်ဖတ်ရှုရန်>>

မင်္ဂလာစုံတွဲတချို့အတွက် အကောင်းဆုံးဓာတ်ပုံတွေပေးခဲ့တဲ့ လေမုန်တိုင်း

Dujuan လေမုန်တိုင်း မနေ့က ၀င်ရောက်ခဲ့တဲ့ တရုတ်ပြည် ရှန်ဒေါင်းခရိုင် Rizhao ရှိ ပင်လယ်ကမ်းခြေဧရိယာတလျှောက်မှာ ကြီးမားတဲ့ လှိုင်းတွေ၊ လေပြင်းတွေ ဖြစ်ပေါ်တိုက်ခတ်ခဲ့ပါတယ်။

ရာနဲ့ချီတဲ့ မင်္ဂလာစုံတွဲတွေဟာ သူတို့ရဲ့ မင်္ဂလာဓာတ်ပုံများကို ကြီးမားပြင်းထန်တဲ့ လှိုင်းကြီးတွေ လာရောက် ရိုက်ခတ်တဲ့ ပင်လယ်ကမ်းခြေကို နောက်ခံထားရိုက်ကူးကြဖို့ ရွေးချယ်လာကြပါတော့တယ်။ ဒါကို ဘေးက ကြည့်ရှုနေကြတဲ့သူများက လှိုင်းတံပိုးဒဏ်ကို သူတို့ရဲ့ ချစ်မြင်းမေတ္တာတွေက ကြံ့ကြံ့ခံနိုင်တယ်ဆိုတာမျိုးကို သက်သေပြချင်တဲ့ ဆန္ဒမျိုးဖြစ်မယ်လို့ မှတ်ချက်ပေးကြပါတယ်။

Ref: CCTV news

ဧရာဝတီ

ဆက်လက်ဖတ်ရှုရန်>>

မိမိရဲ့အလှအပကို သဘာဝအတိုင်း ထိန်းသိမ်းခဲ့တဲ့ ၅၉နှစ်အရွယ် နာမည်ကြီးမော်ဒယ်လ်

ပုံမှာ မြင်တွေ့ရတဲ့ အမျိုးသမီးကြီးဟာ အသက် ၅၉ နှစ်အရွယ် ဖက်ရှင်မော်ဒယ်လ်တဦးဖြစ်တဲ့ Yasmina Rossi ဆိုသူပါ။ သူမဟာ Marks & Spencer ၊ Hermes နဲ့ Macy’s စတဲ့ နာမည်ကြီးထုတ်ကုန်ပစ္စည်း တော်တော်များများရဲ့ မော်ဒယ်လ်တဦးလည်းဖြစ်ပါတယ်။ Rossi ဟာ ၁၉၅၅ ခုနှစ်တွင် ပြင်သစ်နိုင်ငံ၌ မွေးဖွားခဲ့တယ်ဆိုပေမယ့် Corsica ဆိုတဲ့ကျွန်းမှာ ကြီးပြင်းလာခဲ့သူပါ။

သူမကိုမြင်တဲ့သူတိုင်းက သူမရဲ့ ငယ်ရွယ်နုပျိုမှုနဲ့ ကောင်းမွန်တဲ့ ကျန်းမာရေးကို သူမ ဘယ်လို ထိန်းသိမ်းပြု ပင် သလဲဆိုတဲ့ လျို့ဝှက်ချက်ကို အလွန်ပင်သိချင်နေကြတာပါ။ ဒါကို သူမက “သူ့မှာ ကြီးကြီးမားမား လျို့ ၀ှက်ချက် မရှိပါဘူး” လို့ Sunday Times’ Style မဂ္ဂဇင်းမှာ ဖြေကြားခဲ့ပါတယ်။

“အခုလို ခေတ်ဆန်ဆန်လှပနေတဲ့သူဖြစ်မလာခင်မှာ ကျမအနေနဲ့ အော်ဂန်းနစ်အစားအစာမှန်သမျှကို ကြာရှည်စားသုံးလာခဲ့တာပါ။ ကျမရဲ့ ဆံပင်တွေကို မုန်းညင်းဆီ ထည့်ပါတယ်။ တပတ်ကိုတကြိမ် သံလွင်ဆီ နောက်ပြီး ကောင်းမွန်တဲ့ သကြားတို့နဲ့ ကျမရဲ့အသားအရည်ကို ချေးချွတ်တာတို့ ပွတ်တိုက်တာ လုပ်ဖြစ်ပါ တယ်။ နောက် အရေးပြားကိုလည်း အဆီသုတ်လိမ်းပေးပါတယ်။ တနေ့ကို ထောပတ်သီးတလုံး နဲ့ အော် ဂန်းနစ် အသားတွေ ငါးတွေကို စားဖြစ်ပါတယ်” လို့ Rossi က သူ့ရဲ့ လှပခြင်း လျို့ဝှက်ချက်ကို ပြောပြသွားပါတယ်။

Ref: NRJ Lebanon 99.1fm

ဧရာဝတီ

ဆက်လက်ဖတ်ရှုရန်>>

ခါးနာခြင်းနှင့် ဓာတ်စာ

ဆရာခင်ဗျာ။ ကျွန်တော် ခါးနာနေတာ ကြာပါပြီ။ အခန့်မသင့်ရင် လှေကား အတက်အဆင်း လုပ်တဲ့အခါ မှာလည်း နာပါတယ်။ အဲဒါ ဘယ်လို အစားအစာတွေ စားရမယ် ဆိုတာ ညွှန်ကြား ပေးပါဦး ဆရာ။

ဦးဝင်းမြင့် (ဘုရားကြီး)

ခါးနာခြင်း ဆိုတာ ဖြစ်စမှာ အတော် နာကျင်ပြီး မကုန်းနိုင်၊ မဆန့်နိုင် ဖြစ်တတ်ပါတယ်။ ဒီထက် ပိုလာပါက ခါးကိုက်တဲ့ အဆင့် အထိ ရောက်သွား တတ်တယ်။ နာကျင်မှုက တစ်ရက်မှ နှစ်ပတ်ကြာ နာနေတတ်တယ်။ အကိုက်အခဲပျောက်ဆေး သောက်ခြင်း၊ လေ့ကျင့်ခန်း လုပ်ခြင်းဖြင့် သက်သာ ပျောက်ကင်း သွားနိုင်ပါတယ်။ မဆင်ခြင်ရင် နာကျင်မှု ဝေဒနာ ပိုပြီး ဖြစ်တတ်တယ်။ သာမန် ခါးနာခြင်း ဝေဒနာမှာ တစ်ပတ်ခန့် အတွင်း သက်သာ ပျောက်ကင်း နိုင်ပါတယ်။

ခါးနာခြင်း ဝေဒနာဟာ အဆင့်ဆင့် ခါးမှတစ်ဆင့် တင်ပါး၊ တင်ပါးမှ ဦးခေါင်း တစ်ဖက် တစ်ချက်စီ၊ ယင်းမှ တင်ပါး ကိုက်ခြင်း၊ ခေါင်းကိုက်ခြင်းတို့ ဖြစ်တတ်တယ်။

နာကျင်ခြင်း ဝေဒနာကြောင့် တစစ်စစ် ကိုက်ခဲခြင်း၊ တောင့်တင်း နေခြင်း၊ ထုံကျင် နေခြင်း၊ အားနည်း လာခြင်း၊ အပ်ဖြင့် ထိုးသလို စစ်ခနဲ နာကျင်ခြင်း ဖြစ်တတ်တယ်။

ကျောအောင့်ခြင်း၊ ခါးနာခြင်း၊ တင်ပါးမျက်ခြင်း၊ ပေါင်ကိုက်ခြင်းမှသည် ကြွက်တက်ခြင်း၊ ကြွက်သား ကျုံ့ဝင်ခြင်း အထိ ဖြစ်တတ်ပါတယ်။

နောက်ဆက်တွဲ ဝေဒနာများ အနေနဲ့ ခါးနာဝေဒနာကို ခံစားနေရသူများမှာ ကောင်းကောင်း မအိပ်နိုင်ဘဲ စိတ် ဖိစီးခြင်း၊ အိပ်စက်ခြင်းကို အနှောင့်အယှက်ပေးခြင်း ဖြစ်စေတယ်။ ဆီးသွား၊ ဝမ်းသွား ခက်ခဲခြင်း၊ စိတ်ဓာတ် ကျခြင်း၊ ပျော်ရွှင်မှု ကင်းဝေးခြင်း၊ သောကများခြင်း ဖြစ်စေတယ်။

ခါးနာဝေဒနာ ဆိုးရွားစေခြင်းမှာ နေထိုင်မှု စနစ် ကိုယ်ဟန် အနေအထား မှားယွင်းခြင်း၊ လေ့ကျင့်ခန်း မလုပ်ခြင်း၊ လုပ်ငန်း သဘောအရ အချိန် ကြာကြာ မတ်တတ် ရပ်ရခြင်း၊ ခါးကို အထောက်အကူ အပြည့်အဝ မပေးတဲ့ ထိုင်ခုံ၌ ထိုင်ခြင်း၊ ပျော့ပျောင်း အိစက်သော မွေ့ရာဖြင့် အိပ်ခြင်း၊ အချိန် ကြာမြင့်စွာ ကားမောင်းခြင်း၊ ကိုယ်ခန္ဓာ အဝလွန်ခြင်း၊ ကိုယ်ဝန်ရှိခြင်း၊ လေးလံသော ဝန်ထုပ်ဝန်ပိုး မခြင်း၊ ထမ်းခြင်း၊ တွန်းခြင်း၊ ဆွဲယူခြင်း၊ လှေကား အတက်အဆင်း များခြင်း၊ ခါးရိုးအဆစ် လွဲချော်မှုကို ဆရာဝန်နှင့် ပြသ စစ်ဆေးမှု မရှိခြင်း ဖြစ်ပြီး ခါးရိုး ဓာတ်မှန်ရိုက် စစ်ဆေးရင် သိနိုင်ပါတယ်။

ဓာတ်စာ အနေနဲ့ ချယ်ရီသီး၊ နာနတ်သီး၊ စတော်ဘယ်ရီသီး၊ လိမ္မော်သီး၊ မာလကာသီး၊ ပန်းသီး စတဲ့ သစ်သီးတွေ စားပါ။ အရိုးပါတဲ့ ငါးလေးများ ငါးကွမ်းရှပ်၊ တူနာငါး၊ ဆော်လမွန်ငါး၊ ငါးမန်းတောင်နှင့် တိရစ္ဆာန် အရိုးစွပ်ပြုတ်များ ဗီတာမင်ဘီဓာတ် ကြွယ်ဝတဲ့ ပေါင်မုန့်ကြမ်း၊ ဆန်လုံးညို၊ လူး၊ ဆတ်၊ ပြောင်းဖူးများ၊ အစိမ်းရောင် ဟင်းသီးဟင်းရွက်များ၊ ကိုကိုး၊ ရွှေဖရုံသီးစေ့များ၊ အာလူး၊ ကန်စွန်းဥ၊ သံလွင်ဆီ၊ နေကြာဆီ၊ ဟင်းရွက်ဆီ၊ နှမ်းဆီ၊ ဗီတာမင်အီး ကြွယ်ဝစွာ ပါဝင်သော နေကြာစေ့၊ ဖရုံစေ့၊ သီဟိုဠ်စေ့၊ ဗာဒံစေ့၊ သစ်ကြားသီး၊ မက်မွန်သီးများ စားသင့်ပါတယ်။

ခါးနာ သက်သာစေသော ပါရာစီတမော စတဲ့ အကိုက်အခဲပျောက်ဆေး အမျိုးမျိုး၊ ဗီတာမင်ဘီ ဆေးဝါးများ၊ အိုမီဂါ (၃)၊ အိုမီဂါ (၆)၊ ငါးကြီးဆီ၊ ဗီတာမင်ဘီနှင့် ကယ်လ်စီယမ် ပါသော ဆေး၊ ဗီတာမင် စီ၊ ဗီတာမင် အီး သတ္တုဓာတ် ပါတဲ့ အားဆေးများကို ဆရာဝန် ညွှန်ကြားချက် အတိုင်း သောက်သုံးနိုင်ပြီး ဆေးပူ တစ်ခုခု လိမ်းထား နိုင်ပါတယ်။

ရှောင်ကြဉ်ရန်မှာ အက်စစ် ဖြစ်စေသော အစာများ ဖြစ်တဲ့ ကော်ဖီ၊ လက်ဖက်ရည်၊ ဘီယာ၊ အရက်၊ အချိုရည်များ၊ ဆေးလိပ်၊ ဟင်းခတ် အမွေးအကြိုင်များ၊ ဝမ်းတွင်း ကလီစာများနဲ့ အသင့် စားသုံးနိုင်တဲ့ အစားအစာများကို ရှောင်ကြဉ်ရမှာ ဖြစ်ပါတယ်။ ။

ဆက်လက်ဖတ်ရှုရန်>>

တပ်မတော်(ကြည်း၊ရေ၊လေ) အရာရှိ/ အခြားအဆင့် (အမျိုးသား /အမျိုးသမီး) ၀တ်စုံများ အသစ်ပြဌာန်းသတ်မှတ်လိုက်ပြီ

နေပြည်တော်၊ စက်တင်ဘာ ၂၉

မြန်မာ့တပ်မတော်(ကြည်း၊ ရေ၊လေ) အရာရှိ/ အခြားအဆင့်(အမျိုးသား/အမျိုးသမီး) များ၏ လက်ရှိအသုံးပြုလျက်ရှိသည့် စစ်ဝတ်စုံများအား နိုင်ငံတကာတပ်မတော်များ၏ ၀တ်စုံများနှင့် အညီဖြစ်စေရေး၊ တပ်မတော်သားများ၏ စိတ်ဓာတ်ပိုမိုမြင့်မားတက်ကြွ စေရေး နှင့် ရာသီဥတုအခြေအနေများနှင့် လိုက်လျောညီထွေစွာ ၀တ်ဆင်နိုင်ရေး အသစ်ပြဌာန်းလိုက်သည်။

အသစ် ပြဌာန်း လိုက်သည့် ၀တ်စုံများအား ယှဉ်တွဲပါ ပုံများအတိုင်း သတ်မှတ် ထားကြောင်းနှင့် အဆိုပါ စစ်ဝတ်စုံသစ် များအား အပတ်စဉ် တနလာင်္နေ့တိုင်းတွင် ၀တ်ဆင်ရမည်ဖြစ်ပြီး ၂၀၁၅ ခုနှစ်၊ အောက်တိုဘာ ၁ ရက်နေ့မှ စတင်၍ တပ်မတော်(ကြည်း၊ ရေ၊ လေ) တစ်ရပ်လုံး ပြောင်းလဲ ၀တ်ဆင် ကြရမည် ဖြစ်ကြောင်း၊ ပြောင်းလဲရန် ကျန်ရှိသော စစ်ဝတ်စုံ များကိုလည်း ဆက်လက် ထုတ်ပြန် သွားမည် ဖြစ်ကြောင်းနှင့် အချိန်မီ ၀တ်ဆင် နိုင်ရေး အတွက် တပ်များသို့ ပေးပို့ ဆောင်ရွက်လျက်ရှိကြောင်း သတင်းရရှိပါသည်။

ပြည်ချစ်သား

ဆက်လက်ဖတ်ရှုရန်>>

အစာအိမ် အချဉ်ပေါက်ခြင်း

အစာအိမ် အချဉ်ပေါက်ခြင်း (Gustro oesophageal reflux Disease) ဟာ အစာအိမ် ရေမျိုအောက်ပိုင်း ကြွက်သား အားနည်းတဲ့အခါ အစာအိမ် အတွင်းက အက်စစ်ချဉ်ရည်တွေ အပေါ်ကို လျှံတက်လို့ ဖြစ်ရတာပါ။ရောဂါလက္ခဏာများရင်ပူခြင်း၊ လေချဉ်တက်ခြင်း၊ ခံတွင်းချဉ်ခြင်း၊ အစာစားပြီးပါက ရင်ဝမှာ မီးစထိုးသကဲ့သို့ ပူခြင်း၊ အစာများ မကြာခဏ အပေါ်သို့တက်ခြင်း၊ တံတွေး အထွက်များခြင်းနဲ့ တခြားလက္ခဏာတွေ ဖြစ်စေနိုင်ပါတယ်။

တခြားရောဂါ လက္ခဏာများ

====================

ချောင်းဆိုးခြင်း၊ ရင်ကျပ်ခြင်း၊ မောခြင်း၊ ရင်ဘတ်အောင့်ခြင်း၊ လည်ချောင်းနာခြင်း၊ လည်ချောင်းယားခြင်း၊ အသံဝင်ခြင်း၊ မကြာခဏ လည်ချောင်းဝ တစ်ဆို့ခြင်း၊ နားယားခြင်း၊ နားကိုက်၊ နားလေထွက်ခြင်း၊ သွားပိုးစားခြင်း၊ခံတွင်းအနံ့ မကောင်းခြင်း၊ ထိပ်ကပ်နာဖြစ်ခြင်းနဲ့ အအေးမိခြင်းတို့ ဖြစ်တတ်ပါတယ်။

ရောဂါပိုဆိုးစေခြင်း

===========

အဝလွန်ခြင်း၊ ကိုယ်ဝန်ရှိခြင်း၊ အဝတ်အစား တင်းကျပ်စွာဝတ်ခြင်း၊ အစာစားသုံးမှု များလွန်းခြင်း၊ တစ်ကြိမ်တည်းဖြင့် အစားများစွာ စားသုံးခြင်း၊ ကြာရှည် ဆောင့်ကြောင့်ထိုင်ခြင်း၊ မကြာခဏ ခါးကုန်းခြင်း၊ ပစ္စည်းအလေးမခြင်း၊ ဆေးလိပ်သောက်ခြင်း၊ အရက်သောက်ခြင်း၊ ကွမ်းစားခြင်း၊ ဆေးငုံခြင်းနဲ့ ဓာတ်မတည့်တဲ့ ဆေးသုံးစွဲမိခြင်း စတာတွေကြောင့် ဖြစ်နိုင်ပါတယ်။

ရောဂါပိုဆိုးစေတဲ့ ဆေးများ

========

ဗိုက်နာပျောက်ဆေး၊ ရင်ကျပ်ပျောက်ဆေး၊ ပိုးသတ်ဆေး၊ အကိုက်အခဲ ပျောက်ဆေး၊ သံဓာတ်အားဆေး၊ ဗီတာမင်စီ၊ ဝိတ်ကျရောဂါ ပျောက်ဆေးနဲ့ သွေးတိုးကျဆေး တို့ကြောင့် ရောဂါကိုပိုမိုဆိုးရွား စေပါတယ်။

ရောဂါနဲ့ မတည့်တဲ့အစာ

======

ပူလွန်း၊ စပ်လွန်း၊ ချဉ်လွန်းတဲ့ အစားအစာတွေ၊ ငရုတ်ကောင်း၊ ခရမ်းချဉ်သီး၊ ပဲအမျိုးမျိုး၊ နာနတ်သီး၊ ဆီပြန်ဟင်း၊ ဆီနဲ့ကြော်တဲ့ အစာများ၊ မဆလာ၊ ကြက်သွန်ဖြူ၊ ကြက်သွန်နီ ပါဝင်တဲ့ အစားအစာများ၊ ချောကလက်နဲ့ ဂက်စ်ပါတဲ့ အရည်များ၊ ကွမ်း၊ ဆေးလိပ်၊ အရက်၊ လက်ဖက်ရည်၊ ကော်ဖီ၊ လက်ဖက်၊ ဖာလာ၊ လေးညှင်း၊ ပရုတ်၊ သစ်ကြံပိုး၊ လိမ္မော်ရည်၊ ခရမ်းချဉ်သီးနဲ့ ပြုလုပ်ထားတဲ့ အစားအစာများ ပါဝင်ပါတယ်။

ရောဂါနောက်ဆက်တွဲ ဆိုးကျိုးများ

===============

အစာရေမျို ကျဉ်းပြီး အစာမမျိုနိုင်ခြင်း၊ သွေးအန်ခြင်း၊ ဝမ်းအမည်းသွားခြင်း၊ သွေးအားနည်းခြင်း၊ အစာရေမျို ရောင်ခြင်း၊ အစာရေမျို ကင်ဆာဖြစ်ခြင်းနဲ့ တခြားဆိုးကျိုးတွေဖြစ်ပေါ်စေနိုင်တယ်။

ရောဂါရှာဖွေခြင်း

=======

ရောဂါလက္ခဏာနဲ့ ဆိုင်တဲ့မေးခွန်းမေးခြင်း၊ အစာအိမ် ဆေးပေးပြီး စမ်းသပ်ခြင်း၊ အစာအိမ် မှန်ပြောင်းကြည့်ခြင်း၊ အစာအိမ် အက်စစ်ဓာတ် တိုင်းတာခြင်း၊ အစာအိမ် ကြွက်သားညှစ်နိုင်မှု တိုင်းခြင်းနဲ့ ဆေးဓာတ်မှန် ရိုက်ခြင်းတို့ဖြင့် ရောဂါရှာဖွေ နိုင်ပါတယ်။

ရောဂါဖြစ်ရင်

========

ကိုယ်အလေးချိန် လျှော့ချရမယ်။

အဝတ်အစား တင်းတင်းကျပ်ကျပ် ဝတ်ခြင်းက ရှောင်ကြဉ်ရမယ်။ ပစ္စည်းအလေးတွေ မ မသင့်ပါဘူး။ မကြာခဏ ခါးမကုန်းသင့်ပါ။ အစာ စားပြီးလျှင်ပြီးချင်း အိပ်ရာဝင်ခြင်း၊ လဲလျောင်းခြင်း၊ အစားများများ စားခြင်း မပြုလုပ်သင့်ပါ။ အိပ်စက်ရာမှာလည်း ခေါင်းအုံးကို ၆ လက်မမြှင့်ပြီး အိပ်ခြင်း၊ မတည့်တဲ့ အစာနဲ့ ဆေးရှောင်ခြင်း၊ ဆေးလိပ်၊ အရက်၊ ကွမ်းဖြတ်ခြင်း၊ ဆရာဝန် ညွှန်ကြားတဲ့ ဆေးတွေကို သတ်မှတ်ထားတဲ့ ရက်၊ လ၊ နှစ်အထိ သောက်သုံးသင့်ပါတယ်။

ကုသခြင်းနှင့် ကုသမှုကာလ

============

ဆေးဝါးနဲ့ကုသခြင်း၊ ရယ်နီတီဒင်း၊ မက်ထရို၊ အမောက်ဆလင်၊ အင်တဆစ် ဆေးလေးမျိုး တစ်နေ့သုံးကြိမ် တစ်ပတ်ကနေ ၁ဝ ရက်အထိ တိုက်ခြင်း၊ ခွဲစိတ်ကုသခြင်းနဲ့ မှန်ပြောင်းမှတစ်ဆင့် ကုသမှု ခံယူခြင်းတို့ လိုအပ်ပါတယ်။အနည်းဆုံးနှစ်လ ဆေးသောက်ရမယ်။ ဆေးရပ်ရင် ရောဂါ ပြန်ဖြစ်တတ်လို့ မိသားစု ဆရာဝန်နဲ့ ပြသရမယ်။

ခွဲစိတ်ခြင်း

=====

ဆေးဝါးနဲ့ ကုသလို့ မပျောက်သူများ၊ ဆေးကြာရှည် မသောက်လိုသူများ၊ အစာရေမျို ကျဉ်းသူများ၊ ကင်ဆာရောဂါ ရှိသူများ၊ အစာအိမ်ကျုံ့တဲ့ လူနာများ၊ ၂၄ နာရီအက်စစ်ဓာတ် များလွန်းတဲ့ လူနာများ အနေနဲ့ ခွဲစိတ်ကုသဖို့ လိုအပ်ပါတယ်။

မှန်ပြောင်းဖြင့်ကုသခြင်း

============

မှန်ပြောင်းနဲ့ကြည့်ပြီး အစာရေမျို ပြွန်အောက်ပိုင်း ကြွက်သား ပြန်ကောင်းအောင် လုပ်တာ၊ ချုပ်တာလုပ်နိုင်တယ်။

ဒေါက်တာလွင်သန့်(ဆေး-၂)

ဆက်လက်ဖတ်ရှုရန်>>

လက်ထပ်ခြင်း

လက်ထပ်တယ်ဆိုတဲ့အရာဟာ ကိုယ့်အတွက်မဟုတ်ဘူးလို့ ကျွန်တော် လက်ခံယုံကြည်တယ်… ဒါနဲ့ပတ်သက်ပြီး ခင်ဗျားစိတ်ထဲ ဘာမှလိုက်မတွေးခင်မှာ စာကို ဆက်ဖတ်လိုက်ပါဦး…

ကျွန်တော့်ဇနီးနဲ့ ကျွန်တော်စတွေ့တုန်းက ကျွန်တော်တို့ ၁၅ နှစ်အရွယ် ကျောင်းသားကျောင်းသူလေးတွေ အဖြစ်ပဲရှိသေးတယ်…. အဲ့ဒီအချိန်ကစပြီး ကျွန်တော်တို့သူငယ်ချင်းဖြစ်လာတာ ဆယ်နှစ်တိုင်ခဲ့တာပေါ့ဗျာ… အဲ့ဒီနောက်တော့ သူငယ်ချင်းဘဝနဲ့ ဆက်မနေတော့ဘူးလို့ ကျွန်တော်တို့ ဆုံးဖြတ်လိုက်ကြတယ်…. အချစ်ဆုံးသူငယ်ချင်းတွေကနေ ချစ်သူတွေဖြစ်သွားကြတဲ့အခါမှာ တကယ့်ပျော်ရွှင်မှုနဲ့ နားလည်မှုတွေရလာမယ်ဆိုတာကို ကျွန်တော်ရဲရဲကြီးအာမခံပါတယ်….

ဒါပေမဲ့ အချစ်ဆုံးသူငယ်ချင်းနဲ့ ချစ်သူဖြစ်ရတယ်ဆိုတဲ့အချက်ဟာ လက်ထပ်ဖို့အတွက် ကြောက်ရွံ့မှုနဲ့ စိုးရိမ်ကြောင့်ကြမှုတွေ မဖြစ်ပေါ်အောင်တော့ မကာကွယ်ပေးနိုင်ခဲ့ပါဘူး… သူနဲ့ကျွန်တော် လက်ထပ်ဖို့အချိန်နီးကပ်လာလေလေ ကြောက်ရွံ့တွေဝေမှုတွေ ပိုဖြစ်လာလေလေပါပဲ…

လက်ထပ်ဖို့အတွက် ကျွန်တော်အသင့်ကောဖြစ်ပြီလား… ကျွန်တော့်ရွေးချယ်မှုက မှန်ကောမှန်ပါ့မလား… သူမဟာ ကျွန်တော့်အတွက် ဇနီးကောင်းတစ်ယောက်ဖြစ်နိုင်ပါ့မလား… သူမက ကျွန်တော့်ကို ပျော်အောင်ထားနိုင်ပါ့မလား….. စတာတွေကို တွေးနေမိပါတယ်….

ဒီလိုနဲ့ တစ်ညမှာတော့ ကျွန်တော့်ရဲ့အတွေးတွေနဲ့ ကြောင့်ကြမှုကို ကျွန်တော့်အဖေဆီ ရင်ဖွင့်ဖြစ်ပါတယ်…. ကျွန်တော့်အတွေးတွေနဲ့ပတ်သက်ပြီး အဖေပြန်ပြောတဲ့ တစ်ခဏဟာ ကျွန်တော့်ဘဝအတွက် ဘယ်တော့မှ မမေ့နိုင်တဲ့ အချိန်လေးတွေဖြစ်ခဲ့ပါတယ်…

အဖေက နားလည်တဲ့အပြုံးမျိုးပြုံးရင်းပြောတယ်…

“သား… တကယ်တော့ မင်းက တစ်ကိုယ်ကောင်းဆန်ဆန်တွေးနေတာပဲ… သားကိုအဖေ ရိုးရိုးရှင်းရှင်းလေးပြောပြမယ်… လက်ထပ်တယ်ဆိုတာ မင်းအတွက်မဟုတ်ဘူးကွ…. မင်းပျော်ရွှင်နိုင်ဖို့အတွက် လက်ထပ်ရတာမဟုတ်ဘူး… တခြားသူတွေပျော်ဖို့အတွက် လက်ထပ်ရတာ… ထပ်ပြောရမယ်ဆိုရင် လက်ထပ်တယ်ဆိုတာ မင်းတစ်ယောက်ထဲအတွက်မဟုတ်ဘူး… မိသားစုတစ်ခုအတွက်ပဲ သား…. နှစ်ဖက်မိဘဆွေမျိုးတွေနဲ့ တခြားဘာအကြောင်းအရာတွေအတွက်မှလည်း မဟုတ်ဘူး… အနာဂတ်မှာရလာမယ့် မင်းတို့ရဲ့ ရင်သွေးလေးတွေအတွက်ပဲ… သူတို့ဘဝတိုးတက်မြင့်မားဖို့အတွက် မင်းဘယ်လိုအကူအညီမျိုးလိုချင်သလဲ… သူတို့အပေါ်ဘယ်သူ့ရဲ့ လွှမ်းမိုးမှုမျိုး ရှိစေချင်သလဲ… လက်ထပ်တယ်ဆိုတာ မင်းအတွက်မဟုတ်ဘူး… မင်းလက်ထပ်လိုက်တဲ့သူနဲ့ပဲ အဓိကသက်ဆိုင်တဲ့အရာပဲ….. ”

အဲ့ဒီအချိန်မှာပဲ သူမဟာ ကျွန်တော်လက်ထပ်ဖို့ အသင့်တော်ဆုံးသူဖြစ်တယ်ဆိုတာ ကျွန်တော်သိလိုက်တယ်… ကျွန်တော့်အနေနဲ့ သူမကိုပျော်ပျော်ရွှင်ရွှင်နေစေချင်တယ်ဆိုတာလည်း ကျွန်တော်ကောင်းကောင်းသိတယ်…. သူမရဲ့အပြုံးကို နေ့တိုင်းမြင်ချင်တယ်… သူမကို နေ့တိုင်းပျော်ရွှင်ရယ်မောနေစေချင်တယ်… သူမရဲ့မိသားစုမှာ အစိတ်အပိုင်းတစ်ခုအဖြစ် ကျွန်တော်ပါဝင်ပတ်သက်ချင်တယ်… ကျွန်တော့်မိသားစုကလည်း သူမကို မိသားစုဝင်အဖြစ် လိုလားကြတယ်… ကျွန်တော့်ရဲ့တူမလေးတွေနဲ့ သူမ ဆော့ကစားနေတာကို တွေ့မြင်မိတိုင်း ကျွန်တော့်ကိုယ်ပိုင်မိသားစုလေးကို သူမနဲ့အတူ တည်ဆောက်ချင်နေမိတယ်ဆိုတာကို ကျွန်တော်သိပါတယ်…

ကျွန်တော့်အဖေရဲ့ အကြံပြုစကားဟာ တကယ့်ကို ထိရောက်မှန်ကန်လွန်းပါတယ်… သူ့စကားတွေဟာ တစ်စုံတစ်ယောက်က သင့်ကိုပျော်ရွှင်အောင်မလုပ်ပေးနိုင်ခဲ့ရင် နောက်တစ်ယောက်ကိုပြောင်းလိုက်တာလိုမျိုး အပေးအယူ/အရောင်းအဝယ်ဆန်တဲ့ ဒီကနေ့ခေတ်ရဲ့ အတွေးအခေါ်အယူအဆတွေနဲ့တော့ ဆန့်ကျင်နေပါတယ်…

တကယ့် အိမ်ထောင်တစ်ခု… အချစ်စစ်တစ်ခုဟာ ဘယ်တော့မှ သင့်အတွက်မဟုတ်ပါဘူး… သင်ချစ်ရတဲ့သူ အတွက်သာဖြစ်ပါတယ်… သူတို့ရဲ့ လိုအပ်ချက်တွေ… သူတို့ရဲ့ လိုအင်ဆန္ဒတွေ… သူတို့ရဲ့ မျှော်လင့်ချက်တွေ… သူတို့ရဲ့ အိပ်မက်တွေနဲ့ သက်ဆိုင်နေပါတယ်… တစ်ကိုယ်ကောင်းသမားက “င့ါအတွက်ဘာရနိုင်မလဲ…” လို့ တောင်းဆိုနေချိန်မှာ… ချစ်ခြင်းမေတ္တာသမားကတော့ “ငါဘာပေးနိုင်မလဲ…” လို့ မေးမြန်းနေပါလိမ့်မယ်…

ဒီစာကို ဖတ်နေတဲ့သူတွေအနေနဲ့ အိမ်ထောင်သည်တွေဖြစ်ဖြစ်… လက်ထပ်ဖို့ရည်ရွယ်ထားတဲ့သူတွေဖြစ်ဖြစ်… လူပျိုအပျိုတွေပဲဖြစ်ဖြစ်… ယုတ်စွအဆုံး တစ်သက်လုံးလူပျိုကြီး အပျိုကြီးလုပ်တော့မယ့်သူတွေပဲဖြစ်ဖြစ်… လက်ထပ်ခြင်းဆိုတာ ခင်ဗျားတို့အတွက်မဟုတ်ဘူးဆိုတဲ့အချက်ကို သိထားစေချင်ပါတယ်… စစ်မှန်တဲ့ ဘယ်ချစ်ခြင်းမေတ္တာကမှ သင့်အတွက်ရယ်လို့ မရှိနိုင်ပါဘူး… အချစ်ဆိုတာ သင်ချစ်ရတဲ့သူအတွက်သာဖြစ်ပါတယ်…

နောက်တစ်ချက်က ဝိရောဓိသဘောတရားအရ လူတစ်ယောက်ကို ခင်ဗျားပိုချစ်မိလေလေ… ချစ်ခြင်းမေတ္တာကို ခင်ဗျားပိုပြီး ရရှိခံစားနိုင်လေလေဖြစ်ပါတယ်… ဒီချစ်ခြင်းမေတ္တာဟာ ခင်ဗျားချစ်ရတဲ့သူတွေဆီကတင် မကပါဘူး…. သူတို့ရဲ့ မိတ်ဆွေသူငယ်ချင်းတွေ… သူတို့ရဲ့ မိသားစုဝင်တွေ… ပြီးတော့ သင်တစ်ခါမှမဆုံတွေ့ဖူးသေးတဲ့ တခြားလူထောင်ပေါင်းများစွာဆီကပါ သင့်ကိုဗဟိုပြုခြံရံပြီး ချစ်ခြင်းမေတ္တာတွေ သင့်ထံစီးဆင်းလာပါလိမ့်မယ်…

ချစ်ခြင်းမေတ္တာနဲ့ လက်ထပ်ခြင်းဆိုတာတွေဟာ တကယ်ပဲ သင့်အတွက်မဟုတ်ပါဘူး… တခြားသူတွေအတွက်သာဖြစ်ပါတယ်….

‪‎နှိုင်းရင့်နွေ‬

ဆက်လက်ဖတ်ရှုရန်>>

ခေတ်သစ် ဇိမ်ခံမယ်

ရန်ကုန်မြို့ရှိ နာမည်ကျော် ဖက်ရှင်စတိုးဆိုင် တစ်ခု၏ နောက်ပိုင်း အခန်းလေးတစ်ခု အတွင်းမှ ကစားစရာ အရုပ် ရောင်းချနေသည့် မြင်ကွင်းဖြစ်သည်။

စိတ်ရှည်လက်ရှည် ရှင်းပြနေသော အသက်၂၅ ဝန်းကျင် စတိုးဆိုင် အရောင်းဝန်ထမ်း လူငယ်လေး ရှေ့တွင် ထုတ်ပြသည့် ကစားစရာအရုပ်များကို ကိုင်တွယ် ကြည့်ရှုနေကြသူများ ကတော့ အရုပ်ဖြင့် ဆော့ကစားသည့် ကလေးငယ်အရွယ်များ မဟုတ်။ အသက်(၃၀)အရွယ် လူလတ်ပိုင်း နှစ်ဦးသာ ဖြစ်သည်။

အဆိုပါလူလတ်ပိုင်းအရွယ် နှစ်ဦး လာရောက်ဝယ်ယူနေသည်မှာ ယခုနောက်ပိုင်း မြို့ပြနေ လူတန်းစားအကြား တွင်ကျယ်စပြုနေပြီ ဖြစ်သည့် Sex Toy (ခေါ်) လူကြီးကစားစရာ အရုပ်များပင် ဖြစ်သည်။ ထိုလူကြီးကစားစရာ များမှာ လူကြီးများကို လိင်ဖျော်ဖြေရာတွင် အသုံးပြုသော ခေတ်သစ်ဇိမ်ခံမယ်၊ အပျော်မယ်ဟု ဆိုလျှင်လည်း မမှားနိုင်ပေ။

မြို့ပြ ရပ်ဝန်းသည် လူဦးရေသိပ်သည်းဆ နှင့်အတူ စားရေးသောက်ရေး မှအစ အခြေခံကျသည့် နေရေးထိုင်ရေး အဆုံး အကျပ်အတည်းများစွာ ဖြစ်လာခဲ့သည်။

လူငယ်လူရွယ်တို့၏ ဝန်းကျင်တွင် အိမ်ထောင်ပြု ခြင်းကို အခက်အခဲကြီး တစ်ခုအဖြစ် ရှုမြင်လာကြပြီး လိင်မှုရေးရာ ကိစ္စအတွက် အလွယ်နည်းလမ်း များဖြင့် ဖြေဖျောက်မှုများ ရှိလာသည်ကို တွေ့ရသည်။ အဆိုပါနည်းလမ်းများ အနက်မှ Sex Toy ဟု ခေါ်သော လူကြီးကစားစရာများဖြင့် စိတ်ဆန္ဒ ဖြေဖျောက်ခြင်းမှာ မြန်မာနိုင်ငံအတွင်း ဈေးကွက်တစ်ခုအဖြစ် စတင်ခဲ့ပြီ ဖြစ်သည်။

ယခင်က အမျိုးသား အင်္ဂါအတုများ၊ အမျိုးသမီး အင်္ဂါအတုများကို ရန်ကုန်မြို့လယ်၊ ပလက်ဖောင်းဘေးရှိ ကာမဆိုင်ရာ ဆေးဝါးများရောင်းချသည့် ဆိုင်လေးများတွင် လက်သိပ်ထိုး မှာယူရသည့် ဈေးကွက် ရှိခဲ့ဖူးသည်။

ယခုအခါတွင်တော့ ပိုမို အဆင့်မြင့်မားသည့် Sex Toy များကို ရန်ကုန်မြို့တွင်းရှိ ဖက်ရှင်ဆိုင်အချို့၏ သီးသန့်ခန်းများအတွင်း သီးသန့် ဈေးဝယ်သူများအား ဝန်ဆောင်မှုအဖြစ် ပေးနေပြီဟု ပြောဆိုလာသူက ရန်ကုန်မြို့၊ မရမ်းကုန်းမြို့နယ်နေ ကုမ္ပဏီဝန်ထမ်းတစ်ဦး ဖြစ်သူ ကိုဇော်ဇော်လှိုင် ဖြစ်သည်။

“သူငယ်ချင်းတစ်ယောက် ခေါ်သွားလို့ အဲဒါတွေ ရောင်းတဲ့ စတိုင်းဆိုင်ကို ရောက်ဖူးတာ။ အကြောင်း သိတွေချင်း အချက်ပြမှ ဆိုင်က နောက်ဘက်ထောင့်ချိုးမှာ ရှိတဲ့ အခန်းတစ်ခုကို ခေါ်သွားပြီး ထုတ်ပြတာ.. ပစ္စည်း ပုံစံတွေကတော့ မျိုးစုံပဲ” ဟု ၎င်းကဆိုသည်။

ဆိုင်အတွင်းတွင် အမျိုးသမီးများ အသုံးပြုသည့် အမျိုးသားအင်္ဂါအတုများ၊ တုန်ခါစက်များ၊ လျှာတုများ အပြင် အမျိုးသားများ အသုံးပြုသည့် အမျိုးသမီးအင်္ဂါ အတုများ၊ လေမှုတ်ရုပ်များ၊ အသံထွက်သည့် အမျိုးသမီး ပုံစံငယ် ရာဘာအရုပ်မများ အစရှိသည့် နိုင်ငံစုံ၊ အမှတ်တံဆိပ်အစုံ လူကြီးကစားစရာများကို တွေ့ရကြောင်းလည်း ကိုဇော်ဇော်လှိုင်က ဖြည့်စွက်သည်။

အဆိုပါ Sex Toy များမှာ မြန်မာငွေ ကျပ်သုံးသောင်းမှ အများဆုံး လေးသိန်းကျော်အထိ ရှိပြီး အမျိုးသားသုံး ပစ္စည်းများမှာ အမျိုးသမီးသုံးများထက် ပိုမိုရှားပါးကာ ဈေးနှုန်း မြင့်မားကြောင်းလည်း အွန်လိုင်းတွင် လူကြီးကစားစရာစတိုး အမည်ဖြင့် Sex Toy များ ရောင်းချနေသော ကိုထက် (အမည်လွှဲ) က ဆိုသည်။

Sex Toy များမှာ ပြင်ပစတိုးဆိုင်များတွင် လက်သိပ်ထိုး ရောင်းချသည်များ ရှိသကဲ့သို့ ကိုထက်တို့ကဲ့သို့ အွန်လိုင်းရှော့ပင်း များတွင် ရောင်းချရာမှလည်း ယခုအခါ လူကြိုက်များလာပြီ ဖြစ်သည်။

အွန်လိုင်းမှ မှာယူသူများမှာ ယခင်က လိင်တူချစ်သူများ၊ အမျိုးသားများသာ ရှိရာမှ ယခုအခါ အမျိုး သမီးအများစုပင် ရှိလာပြီဟု ကိုထက်က ဆိုသည်။ Sex Toy များကို ယခင်က ထိုင်းနယ်စပ်၊ တရုတ် နိုင်ငံနယ်စပ် လမ်းကြောင်းတို့မှ ကာမစိတ်ကြွဆေး တင်သွင်းသူတို့ထံမှ မှာယူခဲ့ရပြီး ယခုအခါ Sex Toy များကိုသာ သီးသန့် မှာယူလာနိုင်ပြီ ဖြစ်ကြောင်း ကိုထက်ထံမှ သိရသည်။

Sex Toy များမှာ ယခုမှသာ စတင်ပေါ်ပေါက်လာခြင်း မဟုတ်ဘဲ သမိုင်းဦးခေတ် ကပင် စတင် ပေါ်ပေါက်လာခြင်း ဖြစ်ကြောင်း http://www.alternet.org/sex-amp-relationships/sex-toy အင်တာနက် စာမျက်နှာတွင် ဖော်ပြထားသည်ကို တွေ့ရသည်။ ယခုအခါ Sex Toy များမှာ အဆင့်ဆင့် တိုးတက်လာပြီး ယခုအခါဂျပန်နိုင်ငံထုတ် အမျိုးသမီး ပုံစံငယ် Sex Toy များမှာ လူသားတစ်ယောက်အလား အထိအတွေ့နှင့် အသံများကိုပင် တုပ ပြုလုပ်နိုင်လာပြီ ဖြစ်ကြောင်းလည်း အင်တာနက် သတင်းများတွင် တွေ့ရသည်။

ယင်းကဲ့သို့ လိင်ကိစ္စအတွက် သုံးပြုသည့် လူကြီးကစားစရာ ဈေးကွက် မြန်မာနိုင်ငံတွင် ရေပန်းစားစ ပြုလာခြင်း အပေါ် အမြင်များကလည်း အမျိုးမျိုး အထွေထွေပင်။

လက်မထပ်ဘဲ အတူနေထိုင်ခြင်းများ၊ ပြည့်တန်ဆာများနှင့် အပျော်အပါး လိုက်စားခြင်းများ ထက်စာလျှင် ကိုယ့်ဘာသာ ကစားစရာနှင့် ဖြေဖျောက်ခြင်းက အန္တရာယ်ကင်းသည်ဟု ဆိုလာသူက အလုံမြို့နယ်နေ အသက်(၃၅) နှစ်အရွယ် နက်ဝပ်အင်ဂျင်နီယာ တစ်ဦးဖြစ်သူ ကိုအောင်အောင် ဖြစ်သည်။

“ဒါတွေဟာ နိုင်ငံခြားရုပ်ရှင်တွေကို ကြည့်ပြီး ကလေးတွေ အတုခိုးလာတာပဲ။ သဘာဝနဲ့က ဖီလာ ဆန့်ကျင်တဲ့ ကိစ္စတွေပါ။ အတုမြင် အတတ်သင်ပြီး ဖြစ်လာတာတွေ ဖြစ်တဲ့အတွက် ယဉ်ကျေးမှုအရ လုံးဝ တားမြစ်သင့်တယ်လို့ ထင်တယ်” ဟု အသက်(၅၀)အရွယ် အလယ်တန်းပြ ကျောင်းဆရာတစ်ဦး ဖြစ်သူ ဦးစောဦးက တစ်မျိုးဆိုပြန်သည်။

“မာစတာဘေးရှင်း လုပ်တယ်။ ကိုယ့်ဘာသာ စိတ်ဖြေဖျောက်မှု လုပ်တယ်ဆိုတာ သဘာဝတရား တစ်ခုပဲ။ ဆေးပညာအရလည်း ဒါကို မူမမှန်တဲ့ကိစ္စလို့ မသတ်မှတ်ထားဘူး။ ဒါပေမဲ့ စက်နဲ့ ဖြေဖျောက်တယ် ဆိုတာက သဘာဝမကျဘူး။ ဘေးထွက်ဆိုးကျိုးတွေ ရှိလာနိုင်တယ်လို့ ထင်တယ်။ သေချာ သုတေသနပြုချက်တွေ မရှိသေ ပေမယ့် အရမ်းကြီး အားမပေးချင်ဘူး” ဟု မီးယပ်အထူးကု ဆရာဝန်တစ်ဦးဖြစ်သူ ဒေါက်တာအောင်မြင့်က ဆိုသည်။

Sex Toy များမှာ ပလပ်စတစ်၊ ဆီလီကွန်၊ ရာဘာ၊ ဗီနိုင်းလ်(Vinyl) လေးတက်စ်(Latex) စသည်တို့နှင့် ပြုလုပ်ထားလေ့ရှိပြီး ခင်ပွန်းသည် ဇနီးသည်နှင့် ဆက်ဆံသည့်အခါ ပြောင်းပြန် အကျိုးသက် ရောက်မှုများ၊ ဆီးလမ်းကြောင်းဆိုင်ရာ ပြသနာများ ဖြစ်ပွားလာနိုင်ခြေ ရှိကြောင်း ၎င်းကဖြည့်စွက်သည်။

နိုင်ငံတကာ ကျန်းမာရေး စစ်တမ်းများအရမူ အရွယ်ရောက်ပြီးသူ တစ်ဦးသည် လက်နှင့်ဖြစ်စေ၊ စက်နှင့်ဖြစ်စေ စိတ်ဆန္ဒ ဖြေဖျောက်ခြင်းသည် စိတ်ကျန်းမာရေး ကိုယ်ကျန်းမာရေးကို ထိခိုက်ဖွယ် မရှိကြောင်း ဆိုကြပြန်သည်။

အဆိုပါ Sex Toy များ အသုံးပြုမှု ရေပန်းစားလာခြင်းနှင့် ဈေးကွက်ဖြစ်ပေါ်လာမှု အပေါ် ကျန်းမာရေး ရှုထောင့်မှ အမြင်ကွဲပြားမှုများ ရှိနေသကဲ့သို့ အဆိုပါ ပစ္စည်းများကို ဈေးကွက်အတွင်း ရောင်းချခွင့် ရှိမရှိ နှင့် သုံးစွဲသူတို့ အနေဖြင့် မည့်သို့သော ဥပဒေနှင့် ငြိစွန်းမှု ရှိမရှိကိုလည်း အငြင်းပွားမှုများ ရှိနေပြန်သည်။

“ပုဒ်မ ၃၇၇ မှာ ဓမ္မတာမဟုတ်တဲ့ လိင်ဆက်ဆံခြင်း တွေကို အရေးယူနိုင်တယ်လို့ ပါပြီးသားပဲ... ဓမ္မတာနဲ့ ဆန့်ကျင်ရင် ရာဇဝတ်မှု မြောက်တယ်” ဟု ရန်ကုန်မြို့ အလုံမြို့နယ်ရဲစခန်းမှ ဒုရဲအုပ် အဆင့်ရှိ အမှုစစ်ရဲအရာရှိတစ်ဦးက ဆိုသည်။

“လက်ရှိဥပဒေအရ တစ်ပါးသူကို ထိခိုက်စေမယ့် မူမမှန်သော လိင်ဆက်ဆံမှုမျိုး ဆိုရင် ပုဒ်မ ၃၇၇ နဲ့ ငြိတယ်။ သို့သော် မိမိဘာသာ အာသာဖြေဖျောက်တဲ့ ကိစ္စ၊ မည်သူ့ကိုမှ မထိခိုက်ဘူး ဆိုရင်တော့ ပြစ်မှုမမြောက်ဘူး။ အရေးမယူနိုင်ဘူး” ဟု တရားလွှတ်တော်ရှေ့နေ ဦးအောင်ငွေစိုးက ဆိုသည်။

“၂၀၁၀ တုန်းက ယုဇနပလာဇာ နားက ဂိုထောင်တစ်ခုကို ဝင်ဖမ်းဖူးတယ်။ ကာမစိတ်ကြွ ဆေးဝါးတွေနဲ့ Sex Toy တွေ အများကြီး ဖမ်းမိခဲ့တယ်။ ဒါပေမဲ့ ဆေးဝါးတွေကိုပဲ ဆေးဝါးအက် (၂၆)နဲ့ အရေးယူနိုင်ပြီး Sex Toy တွေကိုကျ ဘာပုဒ်မနဲ့မှ အရေးယူလို့ မရပါဘူး” ဟု ရန်ကုန်တိုင်းဒေသကြီး ရဲတပ်ဖွဲ့တွင် တာဝန် ထမ်းဆောင်ခဲ့ဖူးသူ ဒုရဲအုပ်အောင်အောင်က ဆိုသည်။

လူငယ်ထုအကြား ရေပန်းစားလာသည့် Sex Toy များ အသုံးပြုခြင်းနှင့်အတူ လူကြီးကစားစရာ ဈေးကွက်ကား တဖြည်းဖြည်း တွင်ကျယ်လာနေပြီ ဖြစ်သည်။ လူမှုရေးရှုထောင့်၊ ကျန်းမာရေးရှုထောင့်၊ ဥပဒေ ရှုထောင့်တို့မှ လူကြီးကစားစရာများ ခေတ်စားလာမှုအပေါ် ဝိဝါဒ ကွဲပြားမှုများ ရှိနေသော်လည်း ကမ္ဘာ့နိုင်ငံ အနှံအပြားတွင်မူ Sex Toy သီးသန့် စတိုးဆိုင်များကား ဆယ်စု နှစ်ပေါင်းများစွာ ကတည်းက ပေါ်ပေါက်နေပြီ ဖြစ်သည်။

ပွင့်လင်းမြင်သာမှု နှင့်အတူ ဖွင့်လိုက်သော တံခါးမှ ဝင်လာသောအရာများတွင် ကောင်းကျိုးဆိုးကျိုး ဒွိဟဖြစ်စေသော ယဉ်ကျေးမှုများစွာ ပါဝင်လာခဲ့ပါသည်။ အကောင်းအဆိုး အကြောင်းအကျိုး ခွဲခြားပေးရန် အတွက် မိမိ၏ ပင်ကိုယ်အသိဉာဏ်နှင့် ခွဲခြား စိတ်ဖြာရမည်သာ ဖြစ်သည်။

မည်သို့ပင်ဆိုစေ…………….

လူကြီးတို့အတွက် ဆော့ကစားချင်စရာ Sex Toy ခေါ် လူကြီးကစားစရာ အသစ်အဆန်းလေးများ ကတော့ ဈေးကွက်အတွင်း အမျိုးစုံ ကြိုးခုန်လျက် စောင့်ကြိုနေလေပြီ။

ခက်ဇော်(KZ)

thevoice.com

ဆက်လက်ဖတ်ရှုရန်>>

အလုပ်ကောင်းကောင်းရဖို့ မိမိကိုယ်ကို ချဲ့ထွင်ပါ…

အလုပ်ကောင်းကောင်းတစ်ခုကို ပိုင်ဆိုင်ပြီး ပြီဆိုရင်လည်းမိမိကိုယ်ကို ဖွံ့ဖြိုး တိုးတက်အောင် စဉ်ဆက်မပြတ်ကြိုးစားအားထုတ်ပြီး ပိုမိုကောင်းမွန်သည့် အလုပ်အကိုင်၊ ရာထူးအဆင့်အတန်းများကိုတက်လှမ်းနိုင်အောင် ကြိုးစား အားထုတ်ကြရမှာ ဖြစ်ပါတယ်။

ကမ္ဘာကျော် ‘Nike’ ကုမ္ပဏီကြီးရဲ့ဆောင်ပုဒ် တစ်ခုရှိပါတယ်။

“There is no finish line” တဲ့။ ဟုတ်ပါတယ်။ လူတိုင်းလူတိုင်းမှာ အကန့်အသတ်မဲ့ချဲ့ထွင်ဖြစ်တည်နိုင်ခွင့်၊ ဖွံ့ဖြိုးတိုးတက်နိုင်ခွင့်ရှိပါတယ်။ အဲ့ဒီထဲမှာ သင်လည်း တစ်ယောက် အပါအ၀င်ဖြစ်ပါတယ်။ စာရေးသူရဲ့ အတွေ့ အကြုံအရ ကုမ္ပဏီတွေမှာ သင်တန်းတွေပို့ချ ပေးတဲ့အခါ တွေ့ရတာ က စာရေးသူတို့ မြန်မာ ၀န်ထမ်းတွေ တော်တော်များများရဲ့ ပြဿနာ ကြောက် ကြတဲ့ ရောဂါပဲ။

မိမိကိုယ်ကို ချဲ့ထွင်ပြီး ဖွံ့ဖြိုးတိုးတက်လို သူတစ်ယောက်အတွက်တော့ အခက်အခဲ ပြဿနာဆိုတာ ရန်သူမဟုတ်ပါဘူး။ အလုပ်သေးသေးလုပ် ရင် ပြဿနာသေးသေးတွေ့မယ်။ အလုပ်ကြီးကြီးလုပ်ရင် ပြဿနာကြီးကြီးတွေ့ မယ်။ ပြဿနာလုံးဝ မတွေ့ချင်ရင်တော့ လုပ်စရာနည်းလမ်းတစ်ခုပဲ ရှိပါတယ်။ အဲဒါကတော့ ဘာမှမလုပ်ဘဲနဲ့ အိမ်ထဲမှအိပ်နေမှပဲရပါတယ်။ အဓိကပြဿနာတွေကို ရင်ဆိုင်မတွေ့အောင် ရှောင်လွဲဖို့၊ ဆုတောင်းဖို့ မဟုတ်ပါ ဘူး။ ကြုံတွေ့ လာရတဲ့ ပြဿနာတွေကို ရင်ဆိုင်ဖြေရှင်းနိုင်တဲ့ အရည်အသွေး၊ အရည်အချင်းတွေ ရှိလာဖို့ မိမိကိုယ်ကိုချဲ့ထွင်ကြိုးစားအားထုတ်ကြဖို့ ဖြစ်ပါ တယ်။

မိမိကိုယ်ကို ချဲ့ထွင်ဆောင်ရွက်နိုင်ဖို့ ပထမဦးစွာ မိမိရဲ့တွေးခေါ်နိုင် မှုစွမ်းရည် (Thinking Capacity) ကိုချဲ့ထွင်နိုင်ဖို့ လိုအပ်ပါတယ်။ သင့်ရဲ့ တွေးခေါ်နိုင်မှုစွမ်းရည်ကို ချဲ့ထွင်ပြီး မိမိကိုယ်ကိုယ်ချဲ့ထွင်နိုင်ဖို့ အကြံပြုချက်အချို့ကို တင်ပြပေးလိုက်ပါတယ်။

၁။ အလုပ်ပိုများများလုပ်ဖို့အတွက် ဘာတွေ လုပ်နေတာလဲ ဆိုတာကို အာရုံစိုက်ပါ။

လူတော်တော်များများက တစ်နေ့နေ့ သူတို့ဘာတွေပိုလုပ်နိုင်မလဲ ဆိုတာကိုသာ စဉ်းစားနေပြီး သူတို့ဘာတွေလုပ်နေလဲ ဆိုတာကိုတော့ ဆန်းစစ်တွေးခေါ်စဉ်းစားဖို့ မေ့လျော့နေကြပါတယ်။ လူတော်တော်များများက စာရေးသူရဲ့ ဟောပြောပွဲတွေမှာ၊ သင်တန်း (Training) တွေမှာ ခုလိုမေးကြ ပါတယ် …

“ကျွန်တော်/ကျွန်မတို့ရဲ့ လုပ်ငန်းခွင်တွေ မှာ လက်ရှိအခြေအနေ ထက်ပိုပြီး တိုးတက်အောင်မြင်လာအောင် ဘယ်လိုလုပ်ရမလဲ” တဲ့။

အဲ့ဒီအခါ စာရေးသူရဲ့အဖြေက ရိုးရိုးရှင်းရှင်းလေးပါ …

“ဟုတ်ကဲ့၊ အလုပ်ကိုကြိုးစားပြီး လုပ်ပါ”

ဒါပေမဲ့ စာရေးသူရဲ့ အဲ့ဒီအဖြေဟာ အချို့သော အခြေအနေတွေမှာ မှားယွင်းနေတာကို အံ့အားသင့်ဖွယ်တွေ့ရပါတယ်။ ဒါဘာဖြစ်လို့ပါလဲ။ တချို့ အခြေအနေတွေမှာ အထူးသဖြင့် ဖွံ့ဖြိုးမှုနိမ့်ကျတဲ့ နိုင်ငံတွေမှာရှိတဲ့ ၀န်ထမ်းတော်တော်များများဟာ အလုပ်ကို တော်တော်လေး ကြိုးစားလုပ် ကြပေမဲ့သူတို့လုပ်သလောက် အကျိုးခံစားခွင့် မရကြတာကို ၀မ်းနည်း ဖွယ်တွေ့ရပါတယ်။

အဓိကက ကိုယ်ဘာတွေလုပ်နေလဲဆိုတာကို အာရုံစိုက်ပြီး ပြန်လည် ဆန်းစစ်ကြည့်ကြဖို့ လိုအပ်ပါတယ်။ မိမိကိုယ်ကို ပြန်မေးရမယ့် မေးခွန်း ၃ ခုပဲ ရှိပါတယ် …

(၁) ငါဘာတွေလုပ်ဖို့ လိုအပ်လဲ။

(၂) ဘယ်အလုပ်တွေက ငါ့အတွက် အကြီးမားဆုံးရလဒ်တွေရမှာလဲ။

(၃) ဘယ်အလုပ်တွေက ငါ့အတွက် ကြီးကျယ်တဲ့ ဆုလာဘ်တွေ ပေးမှာလဲ။

စတာတွေပဲ ဖြစ်ပါတယ်။ မေးပါ။ စဉ်းစားပါ။ ပြီးရင်လုပ်ပါ။

၂။ ငါလုပ်မှ လုပ်နိုင်ပါ့မလားဆိုတဲ့ မေးခွန်းမေးနေတာကိုရပ်ပြီး ငါဘယ်လိုလုပ်ရမလဲဆိုတာကို စဉ်းစားပါ။

“ငါလုပ်မှ လုပ်နိုင်ပါ့မလား” ဆိုတဲ့မေးခွန်းက စာရေးသူတို့ကို သံသယတွေများစွာနဲ့ နှောင့်နှေး ကြန့်ကြာစေပါတယ်။ အဲ့ဒီမေးခွန်းအစား …

“ငါဘယ်လိုလုပ်ရမလဲ” ဆိုတဲ့ မေးခွန်းနဲ့ အစားထိုးလိုက်ပါ။ ပြီးရင် အဖြစ်နိုင်ဆုံးနည်းလမ်းတွေကိုရှာပြီး အမြန်ဆုံးအကောင်အထည်ဖော်ဆောင်ရွက်ပါ။ အောင်မြင်မှုတွေက သင့်ကိုစောင့်ကြိုနေပါလိမ့်မယ်။

၃။ တံခါးတစ်ပေါက်တည်းအပေါ် စဉ်းစားနေ တာကို ရပ်လိုက်ပါ။ တံခါးပေါက်တွေအများ ကြီးကို ဖွင့်လှစ်လိုက်ပါ။

ပြဿနာတိုင်းမှာ အဖြေတစ်ခုတည်းရှိတာမဟုတ်ပါဘူး။ အဖြေမှန်က တစ်ခုထက်ပိုပြီး ရှိနိုင်ပါတယ်။ ဒါ့ကြောင့် အဖြေမှန်ရရုံနဲ့ ရပ်မနေ ပါနဲ့။ နောက်ထပ်အဖြေမှန်တွေလည်း ရှိနေနိုင်တာမို့ ကြိုးစားအားထုတ် ရှာဖွေပါ။ မမျှော်လင့်ဘဲ အံ့သြဖွယ်အခွင့်အလမ်းတွေကို တွေ့ရှိနိုင်ပါတယ်။

၎။ လူတွေက သင့်ကို မျှော်လင့်တာထက် ပိုလုပ်ပါ။

သင့်ရဲ့သူငယ်ချင်း၊ သင့်ရဲ့အလုပ်ရှင်၊ သင့်ရဲ့ ၀ယ်သူ Customer တွေက သင့်အပေါ် မျှော်လင့်ထားတာထက် ပိုလုပ်နိုင်အောင် ကြိုးစားဆောင်ရွက်ပါ။ ဘယ်တော့မှ သာမန်နဲ့ ကျေနပ်မနေပါနဲ့။ အကောင်း ဆုံးဖြစ်အောင် အားထုတ်ပါ။ဖော်ပြပါပုံအတိုင်း အောင်မြင်မှုရဲ့ အထွတ် အထိပ်မှာ အကောင်းဆုံးတွေအတွက်ပဲ နေရာရှိပါတယ်။

၅။ အရေးကြီးကိစ္စရပ်တွေကို အရေးကြီးလာမှ ဆောင်ရွက်တာထက် အရေးကြီးကိစ္စရပ်တွေ ကို နေ့စဉ်နည်းနည်းဆောင်ရွက်သွားပါ။

အောင်မြင်မှုမှာ ဖြတ်လမ်းမရှိပါဘူး။ အရေးကြီးလာမှ အရေးတကြီး ပြူးပြူးပြာပြာဆောင် ရွက်တာထက် အရေးကြီးတဲ့ကိစ္စရပ်တွေ ကို နေ့စဉ်နည်းနည်းနည်းနည်းနဲ့ ပုံမှန်ဆောင်ရွက်သွားပါ။ အောင်မြင်မှုက သင့်ကို စောင့်ကြိုနေ ပါလိမ့်မယ်။ ။

လင်းသိုက်ညွန့် (မြန်မာ့မြေ)

ဆက်လက်ဖတ်ရှုရန်>>

ကိုယ်ပိုင်လုပ်ငန်း လုပ်တော့မှာလား၊ ဒါတွေကို သိထားပါ

ကိုယ်ပ်ိုင်လုပ်ငန်းတစ်ခုလုပ်ဖို့ သိပ်ခက်ခဲတယ်ဆိုပေမယ့် တကယ် အာသီသပြင်းပြရင် တကယ်အောင်မြင်နိုင်ပါတယ်။ ကိုယ့်ဒူးကိုယ်ချွန် အောင်မြင်တဲ့လုပ်ငန်းတစ်ခု ဖြစ်လာဖို့အတွက် မသိမဖြစ်တဲ့အချက်တွေ ရှိပါတယ်။ လုပ်ငန်းလုပ်တော့မယ်စဉ်းစားရင် ဒါတွေကို သိပြီးပြီလား၊ ကျင့်သုံးနေပြီလားဆိုတာ ကိုယ့်ကိုယ်ကို အကဲဖြတ်နိုင်ဖို့ ဖော်ပြလိုက်ပါတယ်။

၁. ပေါင်းသင်းဆက်ဆံရေး ကောင်းပါ။ ရှင်းရှင်းလင်းလင်းပြောဆိုတတ်ပါစေ။ ဒါမှ ကိုယ့်ဖောက်သည်နဲ့ ကိုယ့်ဝန်ထမ်းတွေက ဆိုလိုရင်းကို နားလည်ပါလိမ့်မယ်။

၂. ကိုယ်နဲ့ကိုက်ညီမယ့်လုပ်ငန်းကို ရှာတတ်ပါစေ။

၃. ကိုယ့်စီးပွားရေးစိတ်ကူးတွေ၊ မေးခွန်းတွေအားလုံးကို ချရေးပါ။

၎. အဆက်အသွယ်တွေနဲ့လွဲမသွားအောင် ဖုန်းကို အနားနားထားပါ။ ဖုန်းထဲမှာ အီးမေးလ်၊ ဘဏ်အကောင့် ဖွင့်လို့ရပါစေ။

၅. ကိုယ့်အဖွဲ့အစည်းဟာ စုစည်းကျစ်လျစ်ပါစေ။ အောင်မြင်တဲ့လုပ်ငန်းဖြစ်ဖို့ အစစအရာရာ စနစ်တကျ ရှိသင့်ပါတယ်။

၆. ၀င်ငွေ၊ ထွက်ငွေကို အမြဲပြုစုပါ။

၇. လုပ်ငန်းကို မားကက်တင်းလုပ်ဖို့လည်း စီစဉ်ပါ။ ဘယ်ကုန်ပစ္စည်း၊ ၀န်ဆောင်မှုမဆို လူများများသ်ိမှ အောင်မြင်မှာပါ။

၈. အလုပ်ကြိုးစားပါ။ ဘယ်အချိန်ရောက်ရောက် ဇွဲမလျှော့ပါနဲ့။

၉. မိသားစုနဲ့ မိတ်ဆွေတွေအတွက် အချိန်ပေးပါ။ ခက်ခဲတဲ့အချိန်မှာ သူတို့က အားဖြစ်စေပါတယ်။

၁၀. က်ိုယ်ပိုင်အချိန် ချန်ထားပါ။ ကျန်းမာရေးကို ငွေနဲ့လဲမပစ်ပါနဲ့။

၁၁. စီးပွားရေးကျင့်ဝတ်ထုံးစံတွေကို လိုက်နာပါ။ တစ်နပ်စားအကြံတွေက ကိုယ့်စီးပွားရေးတစ်ခုလုံးကို ပျက်သုန်းစေပါတယ်။

၁၂. ကိုယ်လုပ်နေတဲ့အလုပ်မှာ ပျော်ပါစေ။

စာဖတ်သူတို့မှာရော တခြားအကြံဥာဏ်ကောင်းတွေ ရှိပါသလား။ Comment မှာ သိခွင့်ပေးခဲ့ပါ။

စုပြည့်စုံ

ဆက်လက်ဖတ်ရှုရန်>>

သင်ပိုင်ဆိုင်သမျှနှင့် ချမ်းသာစေသော နည်းလမ်း

” ဘာကြောင့် တပည့်တော် အလွန်ဆင်းရဲရတာပါလဲဘုရား” လို့ 

သူဆင်းရဲ တစ်ယောက်က မြတ်စွာဘုရားကိုမေးတယ်။

ထိုအခါ မြတ်ဘုရားက ” ဒါနမည်သော ပေးကမ်းခြင်းကို တတ်သိမှု ကင်းခဲ့လို့ပါပဲ” ဟု၍ ဖြေတော်မူတယ်။

“တပည့်တော်မှာ ပေးကမ်းလျူစရာ ဘာမှမရှိလို့ပါဘုရား” လို့ သူသိတဲ့ 

သူရဲ့ မရှိဆင်းရဲခြင်း အကြောင်းကို သူဆင်းရဲက ဖွင့်ဟပြန်ပါတယ် ။

ထိုအခါမြတ်ဗုဒ္ဓဘုရားရှင်က သင့်မှာ

(က) ကြည်လင်အေးမြ ပြုံးလို့ ရတဲ့ ( မျက်နှာ )ရှိတယ် ။

**အပြုံးဖြင့်ကုသိုလ်ယူနိုင်တယ်

(ခ) ချိုသာစကား ပီယဝါစာများကို ပြောဆိုနိုင်ပါသော( နူတ်ခမ်း )ရှိတယ် ။

**သူတပါးနားမှာ မခါးရလေအောင် ပြောဆိုခြင်းဖြင့်ကုသိုလ်ယူနိုင်တယ်

(ဂ) ကိုယ်ချင်းစာတရားမွေးဖွားနိုင်တဲ့( နှလုံးသား )လည်းရှိတယ်

** ဂရုဏာတရားကို လက်ကိုင်ထားခြင်းပြီး နှလုံးသားနဲ့ ကုသိုလ်ရယူပါ

(ဃ)အကောင်းမြင်လို့ ရတဲ့ ( မျက်လုံး )ရှိပါတယ် ။

**သူတပါးအပေါ် အကောင်းမြင်ပေးလို့  ကုသိုလ်အတွေးကို

ပိုင်ဆိုင်နိုင်တယ်

(င)ကူညီနိုင်တဲ့ (ကိုယ်ခန္ဓာ )ကိုလည်း သင်ပိုင်ဆိုင်ပါတယ် ။

**ကာယဒါန ပြု ခြင်းနဲ့  ကောင်းမှုကုသိုလ်ရယူနိုင်ပါတယ် ။

ှွုှု”ဤသို့ အနည်းငယ်မျှ ပိုင်ဆိုင်ခွင့်ရသော အချင်းအရာတို့ ဖြင့်လည်း

သင်သည် ပေးကမ်းခြင်းဟူသော ဒါနအမှုကို ပြုနိုင်ပေသောကြောင့်

သင်နှင့်တကွ လူသားများသည် သူဆင်းရဲဟု မဆိုထိုက်ပေ ။

ယင်းကဲ့သို့  ပေးကမ်းလှူဒါန်းမှုတရားနှင့်

စိတ်နေသဘောထား မြင့်မြတ်ခြင်းကင်းမှသာလျှင်

ဧကန်ပကတိ ဆင်းရဲသည့်သူဖြစ်ပေသည် ”

ကိုး ဘား

ကိုးကား။ ။Budhhist Vision and အရှင်ဇောတိပါလ(ပါရမီဗိမာန်)

ဆက်လက်ဖတ်ရှုရန်>>

တက်စာကြိုက်တတ်သူတို့အတွက် သဘာဝဖြေဆေး

ထမင်းဟင်းချက်တတ်သူပီပီ ရောက်လေရာအရပ်ရှိ အသားငါးဈေးကိုတော့ ကျွန်မ သွားလေ့သွားထရှိပါတယ်။ မနှစ်က ငပုတောမြို့နယ်အပိုင် သင်ကမ်းကုန်းရွာလေးကို အလုပ် တာဝန်နဲ့ ရောက်သွားခဲ့ပါတယ်။

ကျွန်မထုံးစံအတိုင်း မနက်စောစောထပြီး လမ်းလျှောက်ထွက်လိုက်ပါတယ်။ ရွာဆိုတော့လဲ ရွာလမ်းမကျယ်ကြီးတစ်ခု ရှိတာပေါ့။ တည်းအိမ်ကနေ လမ်းမကြီးအတိုင်း ကျွန်မလျှောက်သွား ကြည့်လိုက်ပါတယ်။

ပထမနေ့က နံနက်စောစော ၅နာရီထပြီး ကွင်းဆင်းသွားရတာကြောင့် ကျွန်မ ရွာထဲ လျှောက်မလေ့လာ ဖြစ်လိုက်ရပါဘူး။ ဒုတိယနေ့မှာတော့ ရွာပတ်ဝန်းကျင်တစ်ဝိုက်လောက်ပဲ သွားစရာရှိတာကြောင့် ကျွန်မတို့အဖွဲ့က ၇ နာရီ ထိုးလောက်ကျမှ ရွာထဲ ကော်ဖီထွက်သောက်ကြပါတယ်။

ကျွန်မက နောက်မှလိုက်လာမယ်ပြောလိုက်ပြီး ကျွန်မလေ့လာချင်တဲ့ ဈေးဘက်ကို ဦးတည်ပြီး တစ်ယောက်တည်း သွားလိုက်ပါတယ်။ ကျွန်မလျှောက်သွားရင်း လမ်းမတန်းကြီးရှိ မုန့်ဆိုင်၊ ကုန်စုံဆိုင်၊ မုန့်ဟင်းခါးဆိုင်၊ ကွမ်းယာဆိုင်၊ ဆေးဆိုင်လေးတွေ စဖွင့်နေတာ တွေ့ရပါတယ်။

အမျိုးသမီး ပျိုပျိုရွယ်ရွယ် အသက်ကြီးပါမကျန် ဦးတည်သွားနေကြတဲ့ လမ်းကြားလေးနောက်ကို ကျွန်မ လိုက်သွားလိုက်ပါတယ်။ အမျိုးသမီးတွေဆိုတော့ ဈေးကိုပဲ သွားနေတာဖြစ်မှာပါ။

ကျွန်မထင်တာမမှားပါဘူး။ ကျွန်မ ဆယ်လှမ်းလောက်သာ လျှောက်သွားပြီးတာနဲ့ ဈေးဝင်းထဲကို ရောက်သွားပါတော့တယ်။ ဝင်လိုက်တယ် ဆိုရင်ပဲ အလယ်လူလျှောက်လမ်း တစ်ဘက်တစ်ချက်မှာ ခင်းကျင်းရောင်းချနေတဲ့ ဆိုင်တွေကို တွေ့ရတော့တာပဲ။

ဈေးသည်တွေက အုတ်ခုံအမြင့်မှာ ခင်းရောင်းနေတာကို တွေ့ရပါတယ်။ အခြောက်အခြမ်း၊ ဟင်းသီးဟင်းရွက်၊ မုန့်သည်တွေကို ကျွန်မ ကြည့်ရုံသာ ကြည့်သွားလိုက်ပါတယ်။ ကျွန်မတကယ် စိတ်ဝင်စားတာက ဒီလိုဈေးရုံတွေ အပြင်ဘက်ကွက်လပ်မှာ လာပြီးရောင်းတတ်ကြတဲ့ တောသည်တွေကိုပါ။

ကျွန်မ ဈေးရုံကထွက်လိုက်တော့ အလယ်ကွက်လပ်ထဲမှာ လူတွေက ကျိတ်ကျိတ်တိုးစည်နေပါပြီ။

ဟန်ကျတာပဲ။

ဝေးဝေး မသွားရဘဲ ဒီထဲရှိတော့ တစ်ပတ်တော့ ပတ်ကြည့်မယ်ဆိုပြီး ကျွန်မ ညာဘက်က စပတ်လိုက်ပါတယ်။

အလယ်ဘက်မှာ ကျောချင်းကပ် ရောင်းနေကြတာကတော့ အသားငါးတွေပါ။ ကျွန်မဝယ်နေကျ ဈေးတွေမှာရှိတတ်တဲ့ အသားငါးတန်းလို့ ခေါ်ရမှာပေါ့။ သူ့ရဲ့ဘေးပတ်လည် တစ်ဘက်တစ်ချက်မှာတော့ ဟင်းသီးဟင်းရွက်၊ သစ်သီး၊ တိုတိုထွာထွာ အသုံးအဆောင်လေးတွေ ချရောင်းနေတာ တွေ့ရပါတယ်။

သားငါးရောင်းတယ် ဆိုရာမှာတော့ ငါးနဲ့ပုစွန်တွေပါ။ ရန်ကုန်က ဈေးသည်တွေလိုများများစားစား ပုံရောင်းကြတာမျိုး မဟုတ်ပါဘူး။ ကြည့်ရတာက ကိုယ်တိုင်ဖမ်းလို့ ရတာလေးတွေ လာချရောင်းတာနဲ့ တူပါတယ်။

တချို့ဆိုရင် ဗန်းလေးထဲမှာ ငါးခူလေး ငါးကောင်၊ ငါးရံ့မြီးတို တစ်ကောင်၊ နှစ်ကောင်၊ ပုစွန်သေးသေး လေးတစ်ပုံ၊ နှစ်ပုံလောက်သာ တွေ့ရတာပါ။ ကျွန်မပတ်ကြည့်ရင်း တစ်တောင်လောက်ရှိတဲ့ ငါးသလောက်လေးကောင် ချရောင်းနေတာတွေ့တော့ ကျွန်မခြေထောက် အလိုလို ရပ်သွားပါတော့တယ်။

”အကောင်တွေက ကြီးလိုက်တာ”

”ရန်ကုန်မှာတောင် ဒီအရွယ် တွေ့ရခဲတယ်”

”ဝယ်ပြီး ထမင်းဆိုင်မှာ ချက်ခိုင်းရင်ကောင်းမလား” ဆိုပြီး ကျွန်မ တွေးဖြစ်သွားပါတယ်။

အနားရောက်သွားတော့မှ ငါးသလောက်တွေက ငါးဆားနယ်တွေမှန်း သိလိုက်ရပါတယ်။

ကလေး ရေစပ်စပ်စားချင်တာမို့ ဈေးမမေးဘဲ ဆက်လျှောက်သွားလိုက်ပါတယ်။

”ဆရာမကြီး၊ ငါးသလောက်တွေက ကိုယ်တိုင်လုပ်ထားတာပါ”

”စားကြည့်ပါဦး”

”ဒီရောက်တုန်း စားသွားပါ။ ခရမ်းချဉ်သီးနဲ့ချက်ရင် ပြေပြီး မတက်တော့ပါဘူး” လို့ ပြောပြီး ရောင်းနေပါတော့တယ်။

တကယ်တော့ ကျွန်မက ငါးသလောက်စားရင် တက်တယ် ပြောပေမယ့် စားနေကျပါ။ ကြိုက်လဲကြိုက်ပါတယ်။ တက်စာမို့ ရှောင်တာမဟုတ်ပါဘူး။ ငါးဆားနယ် မစားချင်လို့ မဝယ်လိုက်တာပါ။

တက်စာလို့ပြောလိုက်တော့ ကျွန်မတို့အရွယ်တော်တော်များများက သွေးတိုးမှာ၊ တက်မှာ ကြောက်ကြတာကြောင့် ငါးသလောက်၊ ငါး ပြေမ၊ အုန်းနို့၊ မျှစ်ချဉ် စသည်တို့ကို ရှောင်ကြတာ သတိထားမိပါတယ်။ ကျွန်မတို့ အိမ်သားတွေ အားလုံးက အစားမရှောင်ကြပါဘူး။ သတိထား ချင့်ချိန်ပြီးတော့ စားကြတာပါ။

အစားအသောက် မရှောင်တဲ့သူပေမယ့် ကျွန်မ ဘန်ကောက်ရောက်စက အခက်ကြုံခဲ့ရတာပါ။ သူတို့ဟင်း တော်တော်များများက အုန်းနို့ ထည့်ချက်ကြပါတယ်။ ဟင်းအရည်သောက်တောင်မှ အုန်းနို့ထည့်ချက်တာကိုး။

ဆိုင်တွေမှာ ကျွန်မအတွေ့များတာက ငါးပြေမ၊ မယ်ဇလီ၊ ဝက်သားနဲ့ မျှစ်ချဉ်တို့ကို အုန်းနို့နဲ့ ချက်ကြတာ တွေ့ရပါတယ်။ ရန်ကုန်မှာဆိုရင် ငါးပြေမဆီပြန်ဟင်း ရိုးရိုးတောင် တစ်ကောင်နှစ်ကောင်ထက် ပိုပြီး မစားလိုကြဘူး။ အုန်းနို့ထည့်ချက်လိုက်ရင်တော့ လုံးဝ စားဝံ့ကြမှာ မဟုတ်ပါဘူး။

ဝက်သားနဲ့ မျှစ်ချဉ်ဆိုလဲ သိပ်မစားရဲလှဘူး။ အုန်းနို့ပျစ်ပျစ်ရော ချက်ထားတော့ ပွဲကသိမ်းသွားတာပေါ့။ တက်ပြီးရင်း တက်သွားမယ့်ဟင်း ဖြစ်နေတာကိုး။

နောက်အနေကြာတော့ ထိုင်းသူငယ်ချင်းတွေနဲ့ ထမင်းသွားစားကြတဲ့အခါမှာ မရှောင်သာတော့ ကျွန်မ အုန်းနို့ပါတဲ့ ဟင်းတွေကို မြည်းစမ်းတဲ့သဘောနဲ့ စစားဖြစ်ပါတယ်။ သူတို့က အမဲသား၊ ကြက်သား၊ ဝက်သား၊ ငါးတို့ကို အများဆုံးချက်ကြတာပါ။ ဟင်းသီးဟင်းရွက်တွေတော့ တချို့ဟင်းမှာ ရောချက်လေ့ ရှိပါတယ်။

ကျွန်မ ဟင်းခပ်တဲ့အခါ အနည်းအကျဉ်းသာခပ်ပြီး တခြားအုန်းနို့ မပါတာတွေစားတာကို သတိထားမိတဲ့ ထိုင်းသူငယ်ချင်းက ”ခင် အုန်းနို့ကြောက်လို့လား။ ဆီးချို၊ သွေးတိုးမရှိရင် ရဲရဲသာ စားလို့ရတယ်။ တို့တွေရဲ့ တိုင်းရင်းဆေးမှာသုံးတဲ့ Ma krut အသီးနဲ့ အရွက်(ရှောက်ဘီလူး)ကို ထည့်ချက်ထားတာ။ ရဲရဲသာစားပါ” လို့ တိုက်တွန်းနေပါတော့တယ်။

သူက တိုင်းရင်းဆေးလို့ ပြောလိုက်တော့ ကျွန်မသိချင်တာလေးတွေ ဆက်မေးမိသွားတာပေါ့။ သူ့ အပြောအရ Ma krut ခေါ်တဲ့ Kaffir Lime အသီးရဲ့ အခွံနဲ့ အရွက်မှာပါတဲ့အဆီက ဆေးဖက်ဝင်တာ တဲ့။ သူ့ဓာတ်ကအစာကို ကျေစေပြီး သွေးကျဆေးတွေမှာ ထည့်သုံးရတယ်လို့ ပြောပြပါတယ်။

ဒါကြောင့် အုန်းနို့ပါတဲ့ ဟင်းတွေမှာ Ma Krut အသီးအလုံးလိုက် အရွက်ကို ပါးပါးလှီးပြီး ထည့်ချက်ကြတယ်။ တချို့ကဆိုရင် အခွံနဲ့အရွက်ကို ကြမ်းကြမ်းဖဲ့ပြီး ချက်တာလဲ ရှိဆိုပဲ။ တချို့ဆို အရွက်လိုက် ထည့်လိုက်တာတွေ့ရသေးတယ်။

ဘာပဲဖြစ်ဖြစ် Ma Krut ရဲ့ အသီးအရွက်တစ်ခုခု ပါတာကြောင့် သူတို့က အဖြေရှိတော့လဲ အုန်းနို့ဟင်းတွေကို အားရပါးရ စားရဲကြတာလို့ ကျွန်မထင်မိပါတယ်။

သူငယ်ချင်း ပြောပြပြီးမှ ကျွန်မ သူတို့ရဲ့အုန်းနို့ထည့်ချက်ထားတဲ့ ဟင်းတွေကို လေ့လာကြည့်မိသွားပါတယ်။ သူတို့က ဟင်းထဲမှာ တကယ့်ကို Ma Krut သီးကို အလုံးလိုက်တွေ ထည့်ချက်တာတွေ့ရတယ်။ ဟင်းခပ်တဲ့အခါ ပါမလာတော့ ကျွန်မ နဂိုက မသိခဲ့ဖူးပေါ့။

Ma Krut အရွက်ကိုတော့ အရွက်လိုက် ထည့်ထည့်၊ ဖဲ့ပြီးထည့်ထည့်၊ ပါးပါးလေးလှီးထည့်ထည့် ဟင်းထဲမှာတွေ့နေရတော့ အရွက်သာ သုံးကြတယ်လို့ ပထမက ကျွန်မ ထင်မိခဲ့တာပါ။

ကျွန်မတို့ မြန်မာဟင်းတွေကို နိုင်ငံခြားသားတော်တော်များများက Very Oily- ဆီသိပ်များတယ်ဆိုပြီး လက်တွန့်ကြပါတယ်။ မြန်မာဟင်း၊ ထမင်းစားချင်တဲ့ သူငယ်ချင်းတွေ ရန်ကုန်လာတဲ့အခါ ဆီပြန်ချက်ပြီး ပန်းကန်ထဲခပ်တဲ့အခါ အနှစ်နဲ့ အသားပဲ ထည့်ပေးရပါတယ်။

ဒီသူငယ်ချင်းတွေအဖွဲ့ပဲ ထိုင်းမှာ ထမင်းအတူသွားစားကြတော့ အုန်းနို့ဟင်းတွေကို မြိန်ရေရှက်ရေ စားနေတာတွေ့လို့ အံ့သြနေမိတာ ခုမှ သူတို့က ရှောက်ဘီလူး ထည့်ချက်ထားမှန်းသိပြီး ဒီရှောက်ဘီလူးအာနိသင်ကို သိထားတာကြောင့်ကိုး။

အရင်အဖြေမသိခင်ကတော့ အိမ်မှာ အမေနဲ့ အဒေါ်ကို ဒီဟင်းတွေအကြောင်း ပြောတော့ ဟင်းချက်ဝါသနာပါတဲ့ မေမေက ”သမီးတို့ ဟင်းတွေကလဲ ကြောက်စရာ၊ လန့်စရာပါလား။ စားလိုက်တာနဲ့ ဗိုက်ထဲလဲရောက် သွေးနားထင်က ပေါက်ထွက်ပြီး ကိစ္စချောမယ့်ပုံပဲ” တဲ့လေ။

ဟင်းချက်ကောင်းတဲ့ အဒေါ်ကတော့ ”ဒီဟင်းတွေမှာ ဖြေဆေး တစ်ခုခုတော့ သုံးထားပါလိမ့်မယ်” လို့ ကောက်ချက်ချဖူးပါတယ်။

အဖြေမသိခင်ကတော့ ပဟေဠိပေါ့လေ။ အခုတော့ အဖြေသိတော့လဲ ရှင်းသွားပါပြီ။ဒေါက်တာခင်လက်ျာ ~

ဈေးကွက်ဂျာနယ်မှ ကူးယူဖော်ပြသည်။

ဆက်လက်ဖတ်ရှုရန်>>

ရှမ်းပြည်နယ် ဒေသတချို့၌ မဲဆွယ်စည်းရုံးရေး ပြုလုပ်ရန် အဆင်မပြေမှုများ ရှိနေ

၂၀၁၅ ရွေးကောက်ပွဲ၌ ကွန်ဟိန်း မဲဆန္ဒနယ်တွင် ဝင်ရောက် ယှဉ်ပြိုင်မည့် SNLD ပါတီ ရုံးဖွင့်ပွဲ အခမ်းအနား တခု (ဓာတ်ပုံ – SNLD / Facebook)

ရှမ်းပြည်နယ်တောင်ပိုင်း မြို့နယ်တချို့၌ ရွေးကောက်ပွဲ မဲဆွယ်စည်းရုံးရေးပြုလုပ်ရန် အဆင်မပြေမှုများ ရှိနေကြောင်း ယင်းမြို့နယ် များတွင် ၀င်ရောက် ယှဉ်ပြိုင်ကြမည့် ပါတီများနှင့် လွှတ်တော် ကိုယ်စားလှယ်လောင်းများထံမှ သိရသည်။

ရှမ်းပြည် ပြန်လည်ထူထောင်ရေး ကောင်စီ (RCSS) က မြို့နယ်တချို့တွင် မဲဆွယ်စည်းရုံးရေး လုပ်ငန်းများ ခေတ္တရပ် ဆိုင်းထားရန် ကြေညာချက် ထုတ်ပြန်ထားခြင်း၊ လွိုင်လင်ခရိုင် ကွန်ဟိန်းမြို့နယ်တွင် ကျေးရွာပေါင်း ၈ ရွာခန့် Black Area (အနက်ရောင် နယ်မြေ) အဖြစ် သတ်မှတ်ထားခြင်း များကြောင့် ဖြစ်ကြောင်း ရှမ်း တိုင်းရင်းသားများ ဒီမိုကရေစီ အဖွဲ့ချုပ်(SNLD) ပြောရေး ဆိုခွင့်ရှိသူ ဦးစိုင်းလိတ်က ဧရာဝတီကို ပြောသည်။

“ရှမ်းပြည်တောင်ပိုင်းက RCSS ကြီးစိုးတဲ့ နယ်မြေတော်တော်များများမှာ စည်းရုံးရတာ အဆင်မပြေဘူး။ စာထုတ်ထားတော့ ကိုယ့် လူတွေကလည်း မဆင်းရဲဘူး။ စည်းရုံးရေးဆင်းရတာ အဆင်မပြေဘူး။ ကျနော်တို့ နိုင်ငံရေးပါတီတွေကို မတိုင်ပင်ဘဲနဲ့ ကွန်ဟိန်းမြို့နယ်ဆိုရင် ကျေးရွာပေါင်း ၈ ရွာလောက်ကို သူတို့ Black Area သတ်မှတ်လိုက်တာလည်း ရှိပါတယ်”ဟုလည်း ၎င်းက ပြောပြသည်။

လွိုင်လင်ခရိုင် ကွန်ဟိန်းမြို့နယ်မှ ကျေးရွာအုပ်စုတချို့အား နယ်မြေအခြေအနေကြောင့် ရွေးကောက်ပွဲမကျင်းပဘဲ ချန်လှပ်ရန် Black Area အဖြစ် သတ်မှတ်ထားသည်ဟု သတင်းထွက်ပေါ်မှုနှင့်စပ်လျဉ်း၍ ကွန်ဟိန်းမြို့နယ် ရွေးကောက်ပွဲ ကော်မရှင်အဖွဲ့ခွဲသို့ ဆက်သွယ်မေးမြန်းခဲ့ရာ ယနေ့အချိန်အထိ Black Area သတ်မှတ်ထားခြင်းမရှိသေးကြောင်း ကွန်ဟိန်းမြို့နယ် ရွေးကောက်ပွဲ ကော် မရှင် အဖွဲ့ခွဲမှ ဒုဦးစီးမှူး ဦးမျိုးသန့်က ပြောသည်။

ဦးမျိုးသန့်က“Black Area သတ်မှတ်ထားတာ မရှိပါဘူး။ ဒါက လွှတ်တော်အမတ်တွေအားလုံးနဲ့ တိုင်ပင်ပြီး အလုပ်လုပ်ရတာပါ။ သူတို့နဲ့ဆွေးနွေးပြီးမှ ဆုံးဖြတ်ရမှာပါ။ ကျနော်တို့ သွားဆုံးဖြတ်လိုက်လို့ မရဘူး”ဟုလည်း ပြောဆိုသည်။

ထို့အပြင် လွိုင်လင်ခရိုင်အတွင်းရှိ မြို့နယ်များအားလုံးတွင် Black Area အဖြစ် သတ်မှတ်ထားခြင်း မရှိသေးကြောင်းကို ပြည်ထောင် စု ရွေးကောက်ပွဲကော်မရှင် (UEC) သို့လည်း စိစစ်တင်ပြပြီးသားဖြစ်ကြောင်း လွိုင်လင်ခရိုင် အထွေထွေ အုပ်ချုပ်ရေးမှူး ဦးစီးဌာန ဦးစီးအရာရှိ ဦးတိုးမြင့်ကလည်း ပြောသည်။

လွိုင်လင်ခရိုင်တွင် လွိုင်လင်မြို့၊ ကွန်ဟိန်းမြို့၊ နမ့်စမ်မြို့၊ မိုင်းရှူးမြို့၊ လဲချားမြို့၊ ကျေးသီးမြို့၊ မိုင်းကိုင်မြို့တို့ပါဝင်ကြောင်း သိရ သည်။

RCSS က ၎င်းတို့ ထိန်းချုပ်နယ်မြေအတွင်းရှိ မြို့နယ်တချို့တွင် နယ်မြေမတည်ငြိမ်မှုကြောင့် ရွေးကောက်ပွဲ မဲဆွယ်စည်းရုံးရေး လုပ်ငန်းစဉ်များ ခေတ္တရပ်ဆိုင်းထားရန် ကြေညာချက် ထုတ်ပြန်ထားရာတွင် အစိုးရနှင့် တိုက်ပွဲဖြစ်ပွားခဲ့သည့် ခိုလမ်၊ ကျောက်မဲ၊ မိုးပွန်၊ ပင်လုံ၊ ကွန်ဟိန်း၊ လင်းခေးမြို့နယ်များ အပါအ၀င် စုစုပေါင်း ၁၆ မြို့နယ်ရှိသည်။

အမျိုးသား ဒီမိုကရေစီ အဖွဲ့ချုပ်(NLD)ကိုယ်စားပြု ယှဉ်ပြိုင်မည့် ကွန်ဟိန်းမြို့နယ် ပြည်သူ့လွှတ်တော် ကိုယ်စားလှယ်လောင်း ဒေါက်တာ ကျော်သူရက“တောင်ဘက်ပိုင်း RCSS နယ်မြေကတော့ စည်းရုံးလို့ မရဘူးဆိုတော့ မဲရမယ့် အခွင့်အရေး နစ်နာတာပေါ့။ ဒီဘက်မှာတော့ ရန်ကုန်လိုတော့ မဟုတ်ဘူး။ စွန့်စားပြီး သွားရတာပေါ့။ သတိတော့ ထားရတယ်လေ။ လမ်းပန်းဆက်သွယ်ရေး ကလည်း မကောင်းဘူး။ မြို့ပြနဲ့တခြားစီပေါ့”ဟု ပြောပြသည်။

ကွန်ဟိန်းမဲဆန္ဒနယ်တွင် ၀င်ရောက်ယှဉ်ပြိုင်မည့် နိုင်ငံရေးပါတီများအား စက်တင်ဘာ ၁၆ ရက်က ကွန်ဟိန်းမြို့နယ် ရွေးကောက်ပွဲကော်မရှင်က ခေါ်ယူတွေ့ဆုံခဲ့ပြီး Black Area သတ်မှတ်မည့် ကျေးရွာအုပ်စုများနှင့် ပတ်သက်၍ ပါတီများ၏ သဘောထားများကို မေးမြန်းဆွေးနွေးမှုများ ပြုလုပ်ခဲ့သည်ဟု တက်ရောက်ခဲ့သည့် ကိုယ်စားလှယ်လောင်းများက ပြောသည်။

ကွန်ဟိန်းမြို့နယ်တွင် ၀င်ရောက်ယှဉ်ပြိုင်မည့် ရှမ်း တိုင်းရင်းသားများ ဒီမိုကရက်တစ် ပါတီ(SNDP)မှ ဒေါ်နန်းဝါနုက“အမှန်ကတော့ မဖြစ်သင့်ဘူး။ သူတို့ဘာတွေ ဘယ်လိုမျိုးကိစ္စနဲ့ သွင်းလိုက်တယ်ဆိုတဲ့ အနေအထားတော့ မသိဘူး။ ဘာကြောင့် သွင်းလိုက်လဲလို့မေးလိုက်တော့ မြို့နယ်အုပ်ချုပ်ရေးမှူးတွေရော၊ ကော်မရှင်တွေရော မဖြေနိုင်ဘူး။ ခါတိုင်း ရွေးကောက်ပွဲလုပ်တုန်းက အဲဒီလိုမျိုး နယ် မြေ အဖြူ၊ အညို၊ အနက် ဆိုတာမျိုး မကြားဖူးဘူး။ ထူးထူးဆန်းဆန်း လေးဖြစ်နေတယ်”ဟု ပြောသည်။

ကွန်ဟိန်းမဲဆန္ဒနယ်တွင် SNLD ၊ SNDP ၊ NLD နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ(USDP)တို့ ယှဉ်ပြိုင် ကြမည်ဖြစ်ပြီး မဲဆန္ဒရှင်ပေါင်း ၃၆၅၄၂ ဦး ရှိကြောင်း သိရသည်။

UEC အနေဖြင့်မူ သဘာဝ ဘေးအန္တရာယ်ကြောင့်ဖြစ်စေ၊ နယ်မြေလုံခြုံရေးကြောင့်ဖြစ်စေ ရွေးကောက်ပွဲမကျင်းပနိုင်မည့်နေရာများရှိပါက စိစစ်ပြီး UEC သို့ တင်ပြရန် တိုင်းနှင့်ပြည်နယ်များသို့ အကြောင်းကြားထားသော်လည်း လက်ရှိ အချိန်အထိ မည်သည့်စာရင်းမှ ရောက်လာခြင်း မရှိသေးကြောင်း UEC သတင်းထုတ်ပြန်ရေး အဖွဲ့ဝင် ဦးသောင်းလှိုင်က ပြောသည်။

ပြည်ထောင်စု ရွေးကောက်ပွဲကော်မရှင်(UEC) သည် သဘာဝ ဘေးအန္တရာယ်ကြောင့် သော်လည်းကောင်း၊ နယ်မြေလုံခြုံ ရေးအခြေအနေအရ သော်လည်းကောင်း လွတ်လပ်ပြီးတရားမျှတသည့် ရွေးကောက်ပွဲ ကျင်းပနိုင်ခြင်းမရှိသည့် မဲဆန္ဒနယ်များ၏ ရွေးကောက် ပွဲများကို ရွှေ့ဆိုင်းခြင်းနှင့် ပယ်ဖျက်ပိုင်ခွင့်ရှိသည်ဟု ပြည်ထောင်စု ရွေးကောက်ပွဲ ကော်မရှင် ဥပဒေတွင် ပြဋ္ဌာန်းပါရှိသည်။

ဧရာဝတီ

ဆက်လက်ဖတ်ရှုရန်>>

သင့်ရဲ့ ဖုန်းကြောင့် ချစ်သူတွေ ကွဲသွားစေနိုင်တဲ့ အရာများ

လက်ကိုင်ဖုန်းကျေးဇူးကြောင့် ချစ်သူဘဝကို ရောက်သွားပေမယ့် အမှားအယွင်းတစ်ခုခုကြောင့် အနှောင့်အယှက်ဖြစ်သွားနိုင်ပါတယ်။ ဒါကြောင့် အခုဖော်ပြထားတဲ့ အချက်တွေကနေ သင်ယူပြီးတော့ သင့်လက်ကိုင်ဖုန်းကို တရားခံမဖြစ်သွားအောင် ကြိုတင်သတိထားနိုင်ပါတယ်။

သူ့ရဲ့ Like ကို သေချာဆန်းစစ်ပါ။

ကိုယ်တင်ထားတဲ့ပုံ၊ စာတိုဖြစ်ဖြစ်ပေါ့ သူက Like လုပ်ပေးတိုင်း သူက အကုန်လုံးကို သဘောကျနေတယ်လို့ အဓိပ္ပာယ်ဖွင့်လို့မရပါဘူး။ ဒီလိုပြောလိုက်လို့ နည်းနည်းတော့ အောက်သွားလိမ့်မယ်။ သူပျော်နေလို့လည်း ဖြစ်မှာပေါ့။ ဒါပေမယ့် သင့်ရဲ့တချို့ပုံတွေ သူတကယ်သဘောကျနေတာတွေလည်း ရှိပါတယ်ဆိုတာ သတိရစေချင်ပါတယ်။

ခံစားချက်ကို ကိုယ်စားပြုတဲ့ သင်္ကေတလေးတွေကို အရမ်းအသုံးပြုခြင်း။

မိန်းကလေးတွေကတော့ သုံးရတာနှစ်သက်ပေမယ့် ယောင်္ကျားလေးတွေကတော့ သိပ်သဘောမကျတတ်ကြပါဘူး။ သင် လိုတာထက်ပိုသုံးတယ်ဆိုရင်တော့ တစ်ဖက်လူက ဒါမရင့်ကျက်တဲ့အပြုအမူ ဒါမှမဟုတ် သင်ချစ်စရာကောင်းအောင် တော်တော်ကြိုးစားနေတဲ့ပုံပဲ ဆိုပြီးတော့ ယူဆသွားနိုင်ပါတယ်။ တခါတလေတော့သုံးပါ…. အလွန်အကျွံမသုံးမိပါစေနဲ့ပေါ့။

မသေချာမစစ်ပဲ စာပို့လိုက်တာမျိုး။

သင်အလျင်လိုနေတဲ့အချိန်မျိုးမှာဆိုရင် ပထမစာလုံးတူတဲ့ နာမည်တွေဆီကို စာမှားပြီးပို့နိုင်ပါတယ်။ ပို့မိရင်တော့ ရှက်စရာကောင်းပါတယ်။ ဒါကြောင့် စာမပို့ခင်မှာ ဘယ်သူ့ဆီပို့နေလဲ ဘယ်လိုစာမျိုးလဲဆိုတာ သေချာစစ်ဆေးပြီးမှ ပို့ပါ။

ကိုယ့်အတွင်းကိစ္စနဲ့ပတ်သတ်ရင် စည်းကမ်းရှိပါ။

ပွင့်ပွင့်လင်းလင်းပြောရမယ်ဆိုရင်တော့ သင့်ရဲ့ဟာသရိုက်ထားတဲ့ပုံတွေကို သူ့သူငယ်ချင်း တစ်ယောက်ယောက်ကို သူပြကောင်းပြနိုင်ပါတယ်။ ဒါကြောင့် သူနဲ့ပတ်သတ်တဲ့ သူငယ်ချင်းတွေကြား မပျံ့စေချင်တဲ့ အကြောင်းတွေရှိရင် သူ့ကို မပို့ပါနဲ့။

SMS နဲ့ပဲစကားပြောခြင်း။

စာလေးတွေနဲ့ ချစ်စကားဖလှယ်ရတာလည်း ရင်ခုန်ဖို့ အရမ်းကောင်းပါတယ်။ ဒါပေမယ့် ဒီစာလုံးတွေဟာ လူချင်းချိန်းတွေ့ဖို့ အစီအစဉ်ချပေးတဲ့ စာတိုလေးတွေဆိုတာကို သတိရစေချင်ပါတယ်။ ဆိုလိုချင်တာကတော့ သင်တို့ချိန်းတွေ့တဲ့အချိန်မှာ စာမှာသုံးတဲ့စကားလုံးနဲ့ အပြင်မှာ ပြောတဲ့စကားလုံး ကွာခြားနေတာမျိုးပေါ့။ လူတစ်ယောက် အတွင်းနဲ့အပြင် ကွာခြားလွန်းတာကလည်း မကောင်းပါဘူး။

အားရပါးရ ဖုန်းကို Scroll လုပ်တယ်ဆိုရင်…

Touch-screen ဖုန်းတွေမှာဆို အဖြစ်များပါတယ်။ အောက်ကစာတွေကို ဖတ်ချင်လို့ အပေါ်ကို ဆွဲတင်နေတုန်း လက်လွန်သွားပြီး Like သွားနှိပ်မိတာမျိုးဖြစ်တတ်ပါတယ်။ ဒါကြောင့် ဖုန်းအထိအတွေ့မှာ သတိထားပါ။

ပုံတွေတင်တဲ့အခါမှာ

ကိုယ့်ချစ်သူ သဝန်တိုသွားအောင် ဆိုပြီးတော့ အပြင်မှာရိုက်ထားတဲ့ပုံတွေကို တင်တာမျိုးမလုပ်သင့်ပါဘူး။ သူတကယ်လို့ စိတ်တိုသွားပြီး ပြဿနာဖြစ်လာမှ ဒုက္ခရောက်သွားနိုင်ပါတယ်။

ကိုယ့်အလှအပကိုအလေးပေးပြီးရိုက်ထားတဲ့ပုံများနေရင်….

ကိုယ့်ကိုယ်ကို သဘောကျတာက ကောင်းပါတယ်… ဒါပေမယ့် ကိုယ့်အလှအပကို အလေးပေးပြီး ရိုက်ထားတဲ့ ချစ်စရာပုံတွေ အင်တာနက်ပေါ် Post တာများနေတာမျိုးက မကောင်းပါဘူး (အထူးသဖြင့် ကောင်းလေးတွေကို စိတ်ပျက်လွယ်စေပါတယ်)။ အလှရိုက်ထားတဲ့ပုံတွေ Post လုပ်တာကို ခဏရပ်ထားပြီးတော့ အခြား သူငယ်ချင်းတွေနဲ့ အပျော်ရိုက်ထားတဲ့ ကြည့်လို့ကောင်းတဲ့ပုံတွေကို တင်လိုက်ပါ။

သင်တို့ရန်ဖြစ်နေတဲ့အကြောင်း အားလုံးသိအောင် ဖြန့်ချလိုက်ပြီဆိုရင်…

သင့်ချစ်သူအပေါ် စိတ်ဆိုးတယ်ဆိုရင် အွန်လိုင်းပေါ် Post လုပ်ပြီး ပေါက်ကွဲတာမျိုး မလုပ်ပါနဲ့။ သင်တို့ ရန်ဖြစ်ရခြင်း အသေးစိတ်အကြောင်းကို တစ်ကမ္ဘာလုံး အသိပေးချင်တယ်ဆိုရင်တော့ ဒီနည်းကတော့ အကောင်းဆုံးပေါ့။

Credit : Trend Myanmar

ဆက်လက်ဖတ်ရှုရန်>>

လမ်းဘေးက ဖိနတ်တိုက်တဲ့ကောင်ကလေးဘ၀ကနေ သမ္မတဖြစ်လာသူ

၁၉၄၅ ခုနှစ် အောက်တိုဘာ လ (၂၇) ရက်နေ့မှာ ဘရာဇီးနိုင်ငံ Pernambuco ပြည်နယ် က ရွာေ လး တစ် ရွာမှာ ရှိတဲ့ လယ်သမား မိသားစု ကနေ ကောင်လေး တစ်ယောက် မွေးဖွား ခဲ့တယ်။ အဲဒီ မိသားစု ဟာ ဆင်းရဲ လွန်း တာကြောင့် ကောင်လေး ဟာ (၄) နှစ်သား အရွယ် ကတည်းက လမ်းေ ပါ် မှာ မြေပဲ ဆံ လိုက်ရောင်း ခဲ့ရတယ်။ ဒါတောင် အစား နပ် မှန်မှန် သူ မစားခဲ့ ရသလို အဝတ် လုံ လုံ လည်း မဝတ်ခဲ့ ရပါဘူး။

ကျောင်း စတက်တဲ့ အရွယ် မှာ ကောင်လေး ဟာ ကျောင်းအား ချိန်တိုင်း အဖော် သူငယ်ချင်း နှ စ်ေ ယာက် နဲ့ ဖိနပ်လိုက် တိုက် ခဲ့တယ်။ တကယ် လို့ ဖိနပ်တိုက် သူ မရှိရင် သူတို့ ငတ် ရပါတယ်။

ကောင်လေး (၁၂) နှစ် အရွယ် တစ်ညမှာ ပင်မင်းဆိုင် သူဌေး တစ်ဦး ဖိနပ် လာ တိုက်ခဲ့တယ် ။ေ ကာင်လေးနဲ့ အဖာ် နှစ်ယောက် ဟာ သူ့ထက် ငါ ဖိနပ်တိုက် ရဖို့ အတွက် သူဌေး ဆီ ဝိုင်းအုံ သွား ခဲ့ ကြတယ်။

ကောင်လေး သုံးယောက် ရဲ့ တောင့်တ နေတဲ့ မျက်လုံးအစုံကို ကြည့်ပြီး သူဌေး ဆုံးဖြ တ် ရခက် သွားတယ်။ နောက်ဆုံး သူဌေး က အကြွေစေ့ နှစ်စေ့ ထုတ်ပြီး “ဘယ်သူ ပိုက်ဆံ လိုရင် ဘယ်သူ့ကိုငါ့ဖိနပ်တိုက်စေမယ်။ဖိနပ်တိုက်ခနှစ်ကျပ်ပေးမယ”် လို့ဆိုတယ်။

အဲဒီ တုန်းက ဖိနပ် တစ်ခါ တိုက်မှ ပြား (၂ဝ) ရတာပါ။ အခု (၁ဝ) ဆ လောက် ရမယ့် ပိုက်ဆံ က မိုးပေါ်က ကျလာ တဲ့ မုန့်တွေ လိုပဲ ကောင်လေး သုံးယောက် ရဲ့ မျက်လုံး ကို အရောက် လက် သွားစေ ခဲ့ပါတယ်။

“ကျွန်တော် မနက် ကတည်းက အစာ မစားရ သေးပါဘူး။ စားဖို့ ပိုက်ဆံ သာ ထပ် မရခဲ့ရင် ကျွန်ေ တာ် ဆာပြီး သေသွား လိမ့်မယ် ” လို့ အဖော် ကောင်လေး တစ်ယောက် က ဆိုတယ်။

“ကျွန်တော့် အိမ်မှာ အစာ ပြတ်နေ တာ ၃ ရက် ရှိသွား ပါပြီ။ အမေ က လည်း နေ မကောင်းဘူး။ အိမ် Aတွက် ကျွန်တော် စားစရာ ဝယ်ပြန် ပေးရမယ်။ ဒီလိုမှ မဟုတ်ရင် ညအိမ် ပြန်ရောက်ရင် ကျွန်တော်အရိုက်ခံရတော့မယ”် လို့နောက်ကောင်လေးတစ်ယောက်ကဆိုတယ်။

သူဌေး လက်ထဲ က ပိုက်ဆံ နှစ်ကျပ် ကို ကြည့်ပြီး ကောင်လေး ခဏ လောက် စဉ်းစား လိုက်တယ်။ ပြီးမှ “ တကယ် လုိ့ ဒီ ပိုက်ဆံ နှစ်ကျပ် ကို ကျွန်တော် ရခဲ့မယ် ဆိုရင် သူတို့ နှစ်ယောက် ကို တစ်ယောက် တစ်ကျပ်စီ ကျွန်တော်ပေး လိုက်မယ်” လို့ ပြောပါတယ်။

ကောင်လေး ရဲ့အပြောကို ကြားေ တာ့

သူဌေးကြီး နဲ့ ကျန်အဖော် နှစ်ယောက် ပါ အံအား သင့်သွား ကြတယ်။

“သူတို့ က ကျွန်တော် ရဲ့အကောင်းဆုံး သူငယ်ချင်း တွေပါ။ သူတို့ ဆာနေ တာ တစ်ရက် ရှိသွား ပါပြီ ။ ကျွန်တော် ကတော့ နေ့လယ် တုန်းက မြေပဲ ဆံလေး နည်းနည်း စားထား ရတော့ ဖိနပ်တိုက် ဖို့ အား ရှိ နေပါ သေးတယ်။ သူဌေး ရဲ့ ဖိနပ် ကို ကျွန်တော် တိုက် ပါရစေ။ သူဌေး ကို ကျေနပ် စေ ရ ပါမယ”် လို့ကောင်လေးကဆက်ပြောပါတယ်။

ကောင်လေး ကြောင့် သူဌေး ခံစား သွားမိ တယ်။ ကောင်လေး ကို သူဖိနပ် တိုက်စေခဲ့ပြီး ငွေနှစ် ကျပ် ကိုေ ပး လိုက် တယ်။ ကောင်လေး က ဘာမှ မပြောဘဲ ငွေနှစ်ကျပ် ကို ယူပြီး သူ့ အဖော် နှ စ်ေ ယာက်ကို ချက်ချင်း ခွဲပေး လိုက်တယ်။

ရက် အနည်းငယ် ကြာတော့ သူဌေး က ကောင်လေး ကို ရှာပြီး ကျောင်းအား ချိန်တိုင်း သူ့ ပင်မင်း ဆိုင် မှာ အလုပ် လုပ်စေ ခဲ့ တယ်။

ညစာ ထမင်းပါ ကျွေး ခဲ့တယ်။ လုပ်အားခ နည်း ပေမယ့် ဖိနပ် လိုက်တိုက် တာ ထက် စာရင် ပိုကောင်း ခဲ့ပါ တယ်။ ဒါဟာ ကိုယ့် ထက်ပို ဆင်းရဲ ကျပ်တည်း သူကို ကူညီ ခဲ့လို့ ရလာတဲ့ အခွင့်အရေး ဆိုတာကို ကောင်လေး သိတယ်။ ဒါကြောင့် နောင် နောက်ခါ မှာ သူတတ်စွမ်း သလောက် သူ့ ထက် ပို ကျပ်တည်း တဲ့ လူတွေကို တွေ့တိုင်း ကောင်လေး ကူညီ ခဲ့တော့တယ်။

နောက်တော့ သူဟာ ကျောင်း ရပ်နားပြီး အလုပ်ရုံ မှာ အလုပ်သမား ဝင်လုပ် ခဲ့တယ်။ အလုပ်သ မား တွေ အလုပ်သမား အခွင့်အရေး ရဖို့ သူ တောင်းဆို ခဲ့တယ်။ အသက် (၂၁) မှာ အလုပ်သမား အသင်းထဲ သူဝင် ခဲ့တယ်။ အသက် (၄၅) နှစ်မှာ အလုပ်သမား ပါတီ ကို သူတည်ထောင် ခဲ့တယ်။

(၂ဝဝ၂) ခုနှစ် အောက်တိုဘာလ မှာ “ ဒီနိုင်ငံမှာ ရှိတဲ့ လူတွေ အားလုံး တစ်နေ့ကို ထမင်း သုံးနှပ် မှန်မှန်စားစေရမယ”် ဆိုပြီးသူရွေးကောက်ပွဲဝင်ခဲ့တယ်။ပြည်သူအများရဲ့အားပေးထောက်ခံမှု ကို သူ ရခဲ့ပြီး ဘရာဇီး နိုင်ငံရဲ့ (၃၅) ဦး မြောက် သမ္မတ ဖြစ်လာခဲ့ တယ်။ သူဟာ ဘရာဇီး သမိုင်း မှာ ပထမ ဦးဆုံး အလုပ်သမား ကနေ သမ္မတ ဖြစ်လာသူ ဖြစ်တယ်။ (၂ဝဝ၆) ခုနှစ်မှာ ဒုတိယ အ ကြိမ် သမ္မတအဖြစ် သူ ဆက်လက် အရွေးခံခဲ့ ရပြန်တယ်။

သူ သမ္မတ ဖြစ်တဲ့ (၈) နှစ် အတွင်းမှာ သူပြောခဲ့တဲ့ ကတိ အတိုင်း လက်တွေ့ အကောင် အ ထ ည် ဖော်ခဲ့ တယ်။ တစ် နိုင်ငံလုံးမှာ ရှိတဲ့ ၉၃% သော ကလေးငယ် တွေ နဲ့ ၈၃% သော အရွ ယ် ရောက်သူ တွေကို တစ်နေ့ သုံးနပ် မှန်စေခဲ့ တယ်။ သူ့ရဲ့ ဦးဆောင်မှု အောက် မှာ ဘရာဇီး နိုင်ငံ ကို “မြက်စားတဲ့ ဒိုင်နိုဆော ” ဘဝ ကနေ “ အမေရိကား တိုက်ရဲ့ ခြင်္သေ့ ” အဖြစ် တစ်ကမ္ဘာ လုံး ရဲ့ ၁ဝနိုင်ငံမြောက် စီးပွားရေး နိုင်ငံကြီး ဖြစ်စေခဲ့ တယ်။

သူကတော့ တခြားသူ မဟုတ် ပါဘူး။ (၂ဝ၁ဝ) နှစ်ကုန် ပိုင်းမှာ သမ္မတ အဖြစ် က တာဝန် ရပ်နား ခဲ့တဲ့ ဘရာဇီး သမ္မတ ဟောင်း Luiz Inacio Lula da Silva ပဲ ဖြစ်ပါ တယ်။ ကိုယ့်ကိုယ် ကို ဘယ်ေ တာ့ မှ လက် မလျော့ နဲ့ .. သူတစ်ပါး ကိုလည်း ဘယ်တော့မှ မစွန့်လွှတ် ပါနဲ့တဲ့။

တော်ထက် တဲ့ တစ်ကိုယ် ကောင်းဆန်ခြင်း က တစ်ပါးသူ ကောင်းစားရေး အတွက်ပါ။ သူတစ်ပါး ကို ကူညီနေစဉ် အတော အတွင်းမှာ သင် ဘုရား ဖြစ်လာလို့ ပါပဲ။ သူတစ်ပါး ကို ဂရုစိုက် လေလေ ကိုယ့်ကိုယ် ကို စိုးရိမ် ပူပန်စိတ် နည်း လေလေ တဲ့ —- Dalai Lama က ဟောခဲ့ပါတယ်။

Credit : အာကာ ထက် မြင့်

စာအုပ်မြို့တော်

ဆက်လက်ဖတ်ရှုရန်>>

ရှေ့ဖြစ်ဟောကိန်းထုတ်သူတွေ၊ ဗေဒင်ဆရာတွေဆီ ဘာ့ကြောင့် မသွားသင့်သလဲဆိုတဲ့ အကြောင်းပြချက် (၅) မျိုး

လူတော်တော်များများဟာ သူတို့ရဲ့အနာဂတ်မှာ ဘာတွေဖြစ်မလဲ၊ ကြုံတွေ့ရမလဲဆိုတာကို ကြိုသိနေချင်တတ်ကြပါတယ်။ တစ်ချို့ကျတော့လည်း ကြုံတွေ့နေရတဲ့ အခက်အခဲတွေကို ဖြေရှင်းနိုင်ဖို့အတွက် ဗေဒင်ဆရာတွေဆီက အကြံဥာဏ်ကောင်းတွေ လိုချင်တတ်ကြပါတယ်။ ဒါပေမယ့် ခုလို သွားလိုက်လို့ ပြသနာတွေ ဖြေရှင်းနိုင်ကြမှာလား၊ ဒါမှမဟုတ် ရှေ့မှာဖြစ်လာမယ့်၊ ကြုံတွေ့မယ့်အရာတွေကို သိတော့ရော ဘယ်လိုအကျိုးကျေးဇူးတွေ ကြုံရမှာလဲဆိုတဲ့ မေးခွန်းတွေထပ်ပေါ်လာပါတယ်။ တစ်ခါတစ်လေ ဗေဒင်က ဟောလိုက်တော့မှ မသိချင်တာတွေ ကြိုသိရ၊ အဲ့ဒီမှာ စိတ်ဆင်းရဲပြီး မကြုံရသေးတဲ့အရာကို ကြိုတွေးပူနေတာမျိုးတွေလည်း ဖြစ်တတ်ပါတယ်။ ဒီစတိုရီဟာ ဗေဒင်ဆရာတွေ မကောင်းကြောင်း ပြောတာမျိုးတော့ မဟုတ်ပါဘူး။ ဒါပေယ့် ဗေဒင်ဆရာဆီသွားမှာမျိုးထက် ကိုယ့်ရဲ့စိတ်ကို ခိုင်မာအောင် ကြိုးစားပြီး အနာဂတ်မှာ ကြုံတွေ့လာမယ့်အရာတွေကို ရင်ဆိုင်တာ ပိုကောင်းတယ်ဆိုတာ ထောက်ပြပေးသွားမှာပါ။

၁။သူတို့ဟာ သင့်ရဲ့စိတ်ထဲမှာ ဘာတွေဖြစ်နေသလဲဆိုတာ သိကြပါတယ်။ ပြောနိုင်ကြပါတယ်။ ဒါဟာ သင့်အတွက် ကောင်းကျိုးထက်၊ ဆိုးကျိုးတွေ ပိုဖြစ်ပေါ်စေနိုင်တယ်။

လူတွေဟာ ကိုယ့်စိတ်ကို ကိုယ်နိုင်ရင် ကိုယ်လိုချင်တဲ့ ပန်းတိုင်းကို အရောက်လှမ်းနိုင်ပါတယ်။ စိတ်ပညာရှင်တွေရဲ့ အဆိုအရ ဗေဒင်ဆရာတွေဟာ သူတို့ဆီလာတဲ့လူတွေရဲ့ မသိစိတ်ထဲ၊ သိစိတ်ထဲဘာတွေဖြစ်နေသလဲဆိုတာ သိကြပါတယ်။ ခန့်မှန်းနိုင်ကြပါတယ်။ တကယ်လို့များ သူတို့က သင့်ရှေ့ရေးနဲ့ ပတ်သက်ပြီး ကောင်းတာဖြစ်ဖြစ်၊ ဆိုးတာဖြစ်ဖြစ် တစ်ခုခုဟောလိုက်ပြီဆိုတာနဲ့ သင်ဟာ အဲ့ဒီအကြောင်းကို တစ်ချိန်လုံးတွေးမိနေပါလိမ့်မယ်။ တစ်ခါတစ်လေ အဲ့ဒီလိုမဖြစ်ဖြစ်အောင်ကို လိုက်လံဆောင်ရွက်နေမိပါလိမ့်မယ်။ ဗေဒင်ဆရာကောင်းတွေကတော့ သင်ကြုံတွေ့ရမယ့် ဆိုးဆိုးဝါးဝါးအရာတွေကို ပြောမပြတတ်ပါဘူး။ ချန်ထားပြီး တခြားကိစ္စရပ်တွေကိုသာ ပြောသွားပါလိမ့်မယ်။ ဒါပေမယ့် တစ်ချို့သော ဗေဒင်ဆရာတွေကတော့ သင့်ဘ၀နဲ့ပတ်သက်ပြီး ဆိုးရွားတဲ့အရာတွေကိုသာ အဓိကထား ပြောသွားတတ်ပါတယ်။ အဲ့ဒီလို ပြောလိုက်လို့ သင်က သိပ်စိတ်ဆင်းရဲသွားပြီဆိုရင် စိတ်ထာင်းကိုယ်ကြေဆိုသလို ကျန်းမာရေးချို့ယွင်းတာတွေ ကြုံလာနိုင်မယ်။ ဒါ့အပြင် သင်အရင်က လုပ်နိုင်တယ်လို့ ထင်ထားတဲ့အရာတွေကိုတောင် မလုပ်ချင်မကိုင်ချင် အလျှော့ပေးချင် ဖြစ်သွားမယ်ဆိုတာ မမေ့ပါနဲ့။

၂။ဗေဒင်မေးတယ်ဆိုတာ စွမ်းဆောင်အား မရှိတဲ့လူ၊ ကျရှုံးသူတွရဲ့ ရွေးချယ်မှုပါ။

ဘ၀မှာ အောင်မြင်ပျော်ရွှင်နေသေူတွေဟာ ဘယ်တော့မှ ဗေဒင်ဆရာဆီ မသွားတတ်ကြပါဘူး။ ဘာဖြစ်လို့လဲဆိုတော့ သူတို့ဟာ သူတို့ကိုယ်သူတို့ ယုံကြည်မှုအပြည့်ရှိပါတယ်။ သူတို့ဘယ်လိုကြိုးစားရင် ဘယ်ကိုရောက်မယ်ဆိုတာကိုလည်း အတိအကျ သိနေကြလို့ပါပဲ။ စိတ်ပျော့တဲ့သူတွေကသာ တဲရော့ဒ်ပညာရှင်တွေဆီသွား၊ ဗေဒင်ဆရာတွေဆီသွားပြီး ရှေ့ရေးက ဘာဖြစ်မလဲ ဆိုတာ မေးချင် သိချင်ကြပါတယ်တဲ့။ ဗေဒင်ဆရာတော်တော်များများဟာ လာမေးတဲ့လူတွေရဲ့ စိတ်ခံစားချက် ဘာတွေဖြစ်နေမယ်ဆိုတာ ခံစားသိနေနိုင်တဲ့ စွမ်းရည်ရှိနေကြပါတယ်။ ဒါ့အပြင် လာမေးတဲ့သူတွေနဲ့ စကားပြောဆိုမှုလုပ်တဲ့အခါ သူတို့ကသာ ဦးဆောင်ထိန်းချုပ်ထားတတ်ကြပါတယ်။ ဒါကလည်း တစ်ဖက်လူက စိတ်ပျော့ညံ့တဲ့သူ၊ ယုံလွယ်တဲ့သူဖြစ်နေလို့ပါ။

၃။သိထားတာက နည်းလေလေ၊ ညဘက်တွေနှစ်နှစ်ခြိုက်ခြိုက် အိပ်ပျော်လေလေပါပဲ။

ဗေဒင်ဆရာက သင့်ရဲ့ရှေ့ရေးအကြောင်း တော်တော်များများ ပြောပြလိုက်ပြီဆိုရင် သေချာတာကတော့ သင်ဒါတွေကို ကြိုတွေးတော့မယ်၊ ကြိုပူတော့မယ်။ အခက်အခဲတွေ ကြုံရမယ်ဆိုတာ ကြိုသိထားရင် မကြုံခင်ကတည်းက ငါအဲ့ဒီအချိန်ကျရင် ဘယ်လိုလုပ်ရမလဲဆိုတာ ကြိုစိတ်ပူနေပါလိမ့်မယ်။ စိတ်ပညာရှင်တွေရဲ့ ပြောကြားချက်အရ တစ်ခါတစ်လေ ရှေ့ရေးအကြောင်း ကြိုသိ၊ ကြိုပူနေခြင်းဟာ သင့်စိတ်ကို အနာတရတောင် ဖြစ်စေပါတယ်တဲ့။ ဒါ့အပြင် သင်ကိုယ်တိုင်က မကောင်းတဲ့အရာတွေ ဖြစ်မှာပဲလို့ စိတ်ရောက်သွားရင် အကျိုးဆက်ဟာ ဘယ်တော့မှ မကောင်းတတ်ဘူးလို့ ဆိုထားကြပါတယ်။ အကြောက်တရားကြီးစိုးနေတဲ့ စိတ်ဟာ အမှန်တရားကိုတောင် မြင်ဖို့ ခက်ခဲသွားတတ်ကြပါတယ်။

၎။သင်ဟာ သင့်ကြံမ္မာကို ဖန်တီးတဲ့သူဆိုတာ မမေ့ပါနဲ့။

တကယ်တော့ လူတိုင်းဟာ သူတို့စိတ်ကို သူတို့ခိုင်းစေလို့ရသလို သူတို့ရဲ့ကံကြံမ္မာကိုလည်း သူတို့ကသာ ဖန်တီးနိုင်တာပါ။ အနာဂတ်မှာ ဘာဖြစ်လာမလဲဆိုတာကလည်း ကိုယ်ခု ဘာတွေလုပ်နေသလဲ၊ ဘယ်လိုကြိုးစားရပ်တည်နေသလဲဆိုတာပေါ် မူတည်ပါတယ်။ မိနစ်တိုင်း၊ နေ့ရက်တိုင်းဟာ သင့်ကို ပြောင်းလဲမှုတွေ ယူဆောင်လာပေးနေပါတယ်။ ဒါကို မေ့ထားလို့ မရပါဘူး။ ကိုယ့်စိတ်တွေ ရှုပ်ထွေးသွားနိုင်တဲ့ ဗေဒင်ဆရာဆီသွားမယ့်အစား ခုဖြစ်ချင်တဲ့အရာတွေအတွက် အချိန်ပေးပိုကြိုးစားတာ အကောင်းဆုံးပါ။

၅။ဗေဒင်မေးခြင်းဟာ သင့်ရဲ့ အချစ်ရေးကိုတောင် ပျက်စီးသွားစေနိုင်ပါတယ်။

တစ်ခါတစ်လေ ဗေဒင်ဆရာက ဒီလူက သင့်ရဲ့နေ့နံနဲ့ မကိုက်ညီဘူးဆိုလို့ ကိုယ်တကယ်ချစ်ရတဲ့သူကို လမ်းခွဲလိုက်တာ၊ သင့်ရဲ့ဖူးစာရှင်က ပေါ်မလာသေးဘူးဆိုလို့ သင့်လက်ရှိတွဲနေတဲ့ ကောင်မလေးကို ဖြတ်ပစ်လိုက်တာမျိုးတွေဟာ တကယ်တော့ အူကြောင်ကြောင်နိုင်လွန်းတဲ့ လုပ်ရပ်တွေပါ။ သင်တကယ် ခံစားရတာ၊ ကြုံလာရတာမျိုး၊ သံသယဖြစ်ရတာမျိုး စတဲ့ ခံစားချက်တွေ ဘာမှမရှိပဲ ဗေဒင်ဆရာရဲ့စကားအရ ချစ်သူကို ဖြတ်ပစ်တာ၊ မောင်နှမတွေ စကားမပြောတော့တာ၊ အလုပ်ခွင်က လုပ်ဖော်ကိုင်ဖက်တွေနဲ့ အရောမ၀င်တော့တာတွေဟာ တကယ် ကောင်းကျိုးတွေ ရနိုင်ပါ့မလားဆိုတာ သေချာစဉ်းစားကြည့်ဖို့တော့ လိုပါတယ်။

TrendMyanmar

ဆက်လက်ဖတ်ရှုရန်>>

ချစ်သက်တမ်းရှည်ဖို့ လက်မခံလို့မဖြစ်တဲ့ အချက် ၂၀

အချစ်နဲ့ အရာရာအကောင်းအတိုင်း ဖြစ်စေမယ် တဲ့။ တကယ်တမ်းတော့ အချစ်တစ်ခုတည်းက ပျော်ရွှင်နားလည်မှုရှိတဲ့ ချစ်သက်တမ်းတစ်ခုကို ထူထောင်မပေးနိုင်ပါဘူး။ ချစ်သူဘ၀ဖြစ်ဖြစ် အိမ်ထောင်ရှင်ဘ၀ဖြစ်ဖြစ် စိတ်ချမ်းမြေ့စရာ နှစ်ယောက်ပေါင်းဘ၀တစ်ခုကို ပိုင်ဆိုင်ဖို့ လက်မခံလို့မဖြစ်တဲ့ အချက်ပေါင်း ၂၀ ရှိပါတယ်။ အဲဒါတွေကတော့

၁. ကိုယ်ပြောင်းလဲလို့မရတာတွေကို လက်ခံပါ။

၂. ကိုယ့်ချစ်သူ၊ အိမ်ထောင်ဖက်ကို ပြုပြင်လို့မရဘူးဆိုတာ လက်ခံပါ။

၃. ကိုယ့်ချစ်သူ၊ အိမ်ထောင်ဖက်ဟာ စင်းလုံးချောပြည့်စုံမနေကြောင်း လက်ခံပါ။

၎. လူတိုင်း ကိုယ့်လို ပြုမူဆက်ဆံမှာမဟုတ်ဘူးလို့ လက်ခံပါ။

၅. ကိုယ့်လို မဆက်ဆံတာနဲ့ သူမမှားကြောင်း လက်ခံပါ။

၆. သူ့ချို့ယွင်းချက်တွေကို လက်ခံပါ။

၇. သူက သူတတ်နိုင်သလောက် ကိုယ့်ကိုချစ်ကြောင်း လက်ခံပါ။

၈. ကိုယ်က သူ့ကိုချစ်တာကို လက်ခံပါ။

၉. ကျွန်မတို့အားလုံးဟာ အချစ်အပါအ၀င် အရာရာအပေါ် အမြင်မတူနိုင်ဘူးဆိုတာ လက်ခံပါ။

၁၀. တခါတလေ သူ့မှာ စိတ်ပျက်စရာရှိကြောင်း လက်ခံပါ။

၁၁. အဲဒီစိတ်ပျက်စရာကို သူက ဖုံးကွယ်ထားတတ်ကြောင်း လက်ခံပါ။

၁၂. သူဟာ လူသားတစ်ယောက်မို့ မှားတဲ့အချိန်ရှိမှာပဲလို့ လက်ခံပါ။

၁၃. သူ့တောင်းပန်မှုကို လက်ခံပါ။

၁၄. တယောက်နဲ့တယောက် ကွဲပြားခြားနားတာကို လက်ခံပါ။

၁၅. လူတိုင်းမှာ အတိတ်ရှိတာကို လက်ခံပါ။

၁၆. ကိုယ့်စိတ်ကို သူ မဖတ်တတ်ဘူးဆိုတာ လက်ခံပါ။

၁၇. ကိုယ်မပြောဘဲ ကိုယ်ဖြစ်စေချင်တာကို သူလုပ်မပေးတတ်ကြောင်း လက်ခံပါ။

၁၈. ကိုယ်ကလည်း အမြဲမှန်မနေဘူးဆိုတာ လက်ခံပါ။

၁၉. အဆင်ပြေတဲ့အချိန်ရော ငိုကြွေးရမယ့်အချိန်ပါ ရှိလာလိမ့်မယ်လို့ လက်ခံပါ။

၂၀. သူ့ကို လက်ခံပါ။

ကဲ..ဒါတွေဟာ ဆက်ဆံရေးတစ်ခု အဓွန့်ရှည်ဖို့ မဖြစ်မနေ လက်ခံရမှာတွေပါ။ စာဖတ်သူက ဒါတွေကို လက်ခံနိုင်ပါမလား။ ဘာတွေကို ဖြည့်ချင်သေးလဲ။ ရေးပေးခဲ့ကြပါဦး။

စုပြည့်စုံ

ဆက်လက်ဖတ်ရှုရန်>>