ပိုမိုကောင်းမွန်သော စီမံခန့် ခွဲမှုဆီသို့ 

ယူ၁၉ကလေးတွေ ၀မ်းလျှောနေတာ ၂ ယောက်က ဆေးရုံတောင် တင်ရတယ်လို့ ကြားပါတယ်။ အစားအသောက်ကြောင့် ဖြစ်တာလား၊ အပြင်စာ စားကြလို့ လား၊ ဒါမှမဟုတ် စခန်းသွင်းတဲ့ ဟိုတယ်မှာ စားပြီး ဖြစ်ကြတာလား၊ တိတိကျကျ စုံစမ်းပြီး နောက်နောင် ဒါမျိုးမကြုံအောင် စနစ်တကျပြင်သင့်ပါတယ်။ ၂ ယောက်က ဒဏ်ရာရ၊ ၂ ယောက်က ဆေးရုံတက်နေရတာကြောင့် ယူ၁၉အသင်း ပြင်ဆင်မှုတွေ အလွန်အမင်းထိခိုက်ရပါတယ်။ [ဒီဖြစ်ရပ်ဟာ မြန်မာယူ၁၉အသင်းရဲ့ ပြိုင်ပွဲဝင် အစီအစဉ် (tournament plan) ကို ထိခိုက်စေမှာ ဖြစ်ပါတယ်။

မြန်မာ့လက်ရွေးစင်အသင်းက အောက်တိုဘာလ ၂ ရက်နေ့ နောက်ပိုင်းမှ စ စုစည်းလေ့ကျင့်နိုင်မယ်လို့ သိရပါတယ်။ MNL League ပွဲတွေကို စက်တင်ဘာ ၂၉၊ ၃၀ နဲ့ အောက်တိုဘာ ၁ ရက်နေ့ မှာ ကစားရဖို့ ရှိပါတယ်။ ဒါကြောင့် အောက်တိုဘာလ ၈ ရက်နေ့ လက်ဘနွန်နဲ့ ကစားမယ့်ပွဲအတွက် အောက်တိုဘာ ၂ ရက်နေ့ မှာမှ စ ပြင်ရမှာဖြစ်ပါတယ်။ လက်ရွေးစင်အသင်းရလဒ်မကောင်းတဲ့အချိန်မှာ ဖြစ်နိုင်ရင် ပူးတွဲလေ့ကျင့်ချိန် ၁၀ ရက်လောက် ရစေချင်တာပါ။ လက်ရွေးစင်အသင်းနောက်တန်းက အဓိကကစားသမားတွေ ပွဲပယ်ခံထားရလို့ အစားဝင်မယ့်ကစားသမားတွေ နားလည်မှုပိုမိုမြင့်မားနေဖို့ လည်း လိုပါသေးတယ်။

၂၀၁၆ အာဆီယံဆူဇူကီးဖလား အိမ်ရှင်လုပ်ရာမှာ ပွဲစဉ်အများစုကို သုဝဏကွင်းမှာ ကစားမှာဖြစ်ပေမယ့် အုပ်စုနောက်ဆုံးပွဲစဉ်တွေကို အောင်ဆန်းကွင်းမှာပါ တပြိုင်ထဲကစားမယ်လို့ သိရပါတယ်။ အောင်ဆန်းကွင်းဟာ လက်ရှိအချိန်မှာ မပြုပြင်ရသေးတဲ့အပြင် မီးမောင်းအားနည်းချက်၊ မြက်ခင်း အားနည်းချက်လဲ ရှိနေပါတယ်။ ကွင်းပြင်ဖို့ ဆိုတာ အသုံးပြုရမယ့် ငွေပမာဏက မနည်းတာကြောင့် နိုင်ငံတော်ကို တင်ပြတောင်းခံပြီး အကူအညီယူလုပ်ဆောင်သင့်ပါတယ်။

ယူ၁၉ပွဲစဉ်တွေကို MRTV Entertainmet Channel ကနေ တိုက်ရိုက်ပြမယ်လို့ သိရပါတယ်။ နိုင်ငံတကာ ရုပ်သံလိုင်းတွေ၊ ဘောလုံးပွဲတွေကို အင်တာနက်ကနေ အလွယ်တကူကြည့်နိုင်ပေမယ့် မြန်မာနိုင်ငံမှာ ဘောလုံးပွဲလုပ်တဲ့အခါ MRTV လိုင်းမှ အပ၊ ကျန်လိုင်းတွေဆို အင်တာနက်ကကြည့်ဖို့ လုံးဝ အဆင်မပြေပါဘူး။ တကယ်တော့ ဒီကိစ္စဟာ မီဒီယာတွေရဲ့ တာဝန်ဖြစ်ပေမယ့် ကျနော်တို့ ဘောလုံးချစ် ပရိသတ်၊ အဖွဲ့ ချုပ်ဘက်က ဘာများလုပ်ပေးနိုင်မလဲ စဉ်းစားကြစေချင်ပါတယ်။ ပိုကောင်းအောင် လုပ်နိုင်မယ့်နည်းလမ်းတွေ ရှိတာ သေချာပါတယ်။

ဗီယက်နမ်ယူ၁၉အသင်းက ပြိုင်ပွဲကျင်းပမယ့် သုဝဏကွင်းမှာ လေ့ကျင့်ခွင့်ရချိန် နည်းလို့ စိတ်ပျက်ရတယ်လို့ သိရပါတယ်။ ဒီကိစ္စကိုတော့ ဘောလုံးအဖွဲ့ ချုပ်ကို အထူး(အထူး) ချီးကျုးချင်ပါတယ်။ အိမ်ရှင်အသင်းရဲ့ အားသာချက်ကို အပြည့်အ၀ယူလိုက်နိုင်တာဖြစ်ပြီး မိမိတို့ အသင်းတွေ နိုင်ငံတကာကို သွားပြိုင်ရရင်လဲ ဒီလိုပဲ ကြုံရတာဖြစ်ပါတယ်။

ယမန်နေ့ က ကျင်းပတဲ့ ဗိုလ်ချုပ်အောင်ဆန်းဒိုင်း ဗိုလ်လုပွဲ အောင်မြင်ခဲ့သလို၊ ပရိသတ်တွေလည်း စည်းကမ်းတကျအားပေးခဲ့ကြပါတယ်။ ဒီလိုအောင်မြင်မှုရခဲ့ပေမယ့် မတော်တဆအမှားတစ်ခုကနေ အများပြောစရာဖြစ်ခဲ့ရတာ တွေ့ ရပါတယ်။ နောက်နောင် အများနဲ့ ထိစပ်လုပ်ကိုင်ရတဲ့ ကိစ္စတွေ စီမံခန့် ခွဲရာမှာ ပို ဂရုစိုက်သင့်ပါတယ်။ သင်ခန်းစာယူစရာပါ။ ဒီပြိုင်ပွဲဟာ အောင်မြင်မှုရှိခဲ့ပြီး ဗိုလ်လုပွဲအားပေးကြတဲ့ ပရိသတ်တွေ အကောင်းဆုံးအားပေးခဲ့တာကို မှတ်တမ်းတင်ရမှာပါ။ ပရိသတ်စစ်စစ်တွေ ဧရာဝတီတိုင်း၊ မန္တလေးတိုင်းကနေ တကူးတက လာအားပေးခဲ့ကြတာ ၀မ်းသာစရာပါ။

ယနေ့ စတင်မယ့် အာရှယူ၁၉ ခြေစစ်ပွဲမှာ ပရိသတ်များ ကွင်းအတွင်း ပစ်ပေါက်ခြင်း၊ ၀င်ရောက်အောင်ပွဲခံခဲ့ခြင်းတို့ ကြောင့် အာရှဘောလုံးအဖွဲ့ ချုပ်က ပြစ်ဒဏ်ပေးထားတာကြောင့် မြန်မာယူ၁၉အသင်းဟာ ဘရူနိုင်းယူ၁၉အသင်းနဲ့ ပွဲကို ပရိသတ်မပါဘဲ ကွင်းပိတ်ကစားရမှာ ဖြစ်ပါတယ်။ ဒါကြောင့် ဒီလိုအဖြစ်မျိုး ထပ်မကြုံရအောင် ကွင်းအတွင်းဝင်ရောက်မည့် ပရိသတ်ကို သေသေချာချာစစ်ဆေး၊ မူးယစ်ရမ်းကားသူများကို လုံးဝ ပေးမ၀င်ဖို့ အထူးအရေးကြီးပါတယ်။ အားကစားမြှင့်တင်ပြီး နိုင်ငံပုံရိပ်ကို တည်ဆောက်ရာမှာ စုန်းပြုးတစ်ချို့ ကြောင့် နိုင်ငံ ဂုဏ်သိက္ခာမကျဆင်းစေသင့်ပါဘူး။

ကျနော်တို့ အားလုံးရဲ့ ဘုံရည်မှန်းချက်က မြန်မာ့ဘောလုံးတိုးတက်မြင့်မားရေး ဖြစ်လို့  ဘောလုံးချစ်စိတ်နဲ့ တင်ပြလိုက်ရပါတယ်။

မြန်မာဘောလုံးချစ်မြတ်နိုးသူများ