ငွေကျပ် ၄၂၆ သိန်းကျော်နှင့် ရွှေထည်ပစ္စည်းမျိုးစုံ ဖောက်ထွင်းမှု တစ်ပတ်အတွင်း ဖော်ထုတ်ဖမ်းဆီး

မြောင်းမြ ဇန်နဝါရီ ၁၉

တစ်ကိုယ်တော်ဖောက်ထွင်းသမား တစ်ဦးက နေ့လယ်ခင်းအချိန် ငွေစက္ကူ ရောရာ ၄၂၆ သိန်းခန့်နှင့် ရွှေထည်ပစ္စည်း လက်ဝတ်လက်စား ၁၈ မျိုး တို့ကို ဖောက်ထွင်းခိုးယူခဲ့သည့်အမှုကို မြောင်းမြရဲစခန်းမှ ဇန်နဝါရီ ၁၆ ရက်တွင် တစ်ပတ်အတွင်း ဖော်ထုတ်ဖမ်းဆီးရမိကြောင်း သိရသည်။

ဖြစ်စဉ်မှာ မြောင်းမြမြို့ အောင်ဆန်းလမ်း အမှတ်(၁)ရပ်ကွက် အမှတ်(၄၃)ရှိ ဦးမြင့်မောင်၊ ဒေါ်စန်းလေးတို့က နေ့အချိန် အိမ်တံခါး လုံခြုံစွာပိတ်၍ မြို့ထဲ(၅)လမ်းရှိ ဈေးဆိုင်တွင် ဈေးရောင်းကာ ညနေ ၆ နာရီ အိမ်ပြန်ရောက်ချိန်တွင် အိမ်တံခါးများပျက်စီးယိုယွင်းမှုမရှိဘဲ အိမ်ခန်းတွင်းရှိ သေတ္တာများနှင့် အံဆွဲများပွင့်လျက် ပျက်စီးနေရာမှ စစ်ဆေးကြည့်ချက်အရ အိမ်ရှေ့အမိုး သွပ်ပြားကိုခွာပြီး ဝင်ရောက်၍ ရွှေငွေပစ္စည်းများနှင့်ငွေများ ဖောက်ထွင်း ခိုးယူခံရကြောင်း သိရသဖြင့် မြောင်းမြ ရဲစခန်းသို့ အမှုဖွင့်တိုင်ကြားခဲ့သည်။

အမှုနှင့်ပတ်သက်၍ မြန်မာနိုင်ငံရဲတပ်ဖွဲ့မှ တိုင်းဒေသကြီးမှုခင်းနှိမ်နင်း ရေးအဖွဲ့၊ ခရိုင်မှုခင်းနှိမ်နင်းရေးအဖွဲ့ နှင့် နယ်ထိန်းတပ်ဖွဲ့ဝင်များ၏ ကြိုးစားဖော်ထုတ်ချက်အရ အမှုနှင့်ကွင်းဆက်များဖော်ထုတ်ကာ အခင်းဖြစ်နေအိမ် အနီးနေထိုင်သူ မောင်သန်းအေးအား ဇန်နဝါရီ ၁၄ ရက်တွင် ခေါ်ယူစစ်ဆေးရာမှ အမှုဖော်ထုတ်ရရှိသည်။ ၎င်းနှင့် ဆက်စပ်ပြီး ရွှေထည်ပစ္စည်း လက်ခံသိမ်းဆည်းပေးသူ မြောင်းမြမြို့နယ် ဝါးကြိတ်လိန်ကျေးရွာမှ ကိုမြင့်အေး နှင့်ဇနီး မစန်းမြင့်တို့၏ ခြံနောက်ဘက်တွင် မြေမြှုပ်ဝှက်သိမ်းထားသည့် ရွှေထည်ပစ္စည်းများကိုလည်းကောင်း၊ ရန်ကုန်မြို့ အင်းစိန်မြို့နယ် ကြို့ကုန်းနေ မောင်သန်းအေး၏ အစ်ကို ကိုမျိုးညွန့်ထံမှ ငွေကျပ် ၄၂၆ သိန်း ကျော်ကိုလည်းကောင်း မြောင်းမြရဲစခန်းမှ ရဲအုပ် အောင်မျိုးသန့်၊ ရဲအုပ် အောင်ဆွေမြင့်၊ ဒုရဲအုပ် အောင်ကိုကို တို့က ရန်ကုန်တိုင်းဒေသကြီး မှုခင်းနှိမ်နင်းရေးအဖွဲ့၊ နယ်မြေခံရဲတပ်ဖွဲ့၊ နယ်မြေရပ်ကွက်အုပ်ချုပ်ရေးမှူးများ သက်သေဖြင့် ဇန်နဝါရီ ၁၆ ရက် ညတွင် သွားရောက်သိမ်းဆည်းကာ အမှုနှင့်ဆက်နွှယ်သူများကို သက်သေခံပစ္စည်းများနှင့်အတူ ဖော်ထုတ်သိမ်းဆည်းရယူနိုင်ခဲ့သည်။

ဖောက်ထွင်း ခိုးယူခံရသော ရွှေထည်ပစ္စည်းမျိုးစုံ ၁၈ မျိုး၊ ငွေစက္ကူကျပ် ၄၂၆ သိန်း စုစုပေါင်း ကာလတန်ဖိုး ငွေကျပ် ၆၇၆ သိန်း ကျော်တို့ကို သိမ်းဆည်းရရှိပြီး ရွှေထည်ပစ္စည်းများမှ ရွှေဆွဲကြိုး နှစ်ကုံး၊ ပတ္တမြား လက်စွပ်တစ်ကွင်းနှင့် ကျန်ရှိငွေများကို ဆက်လက်သိမ်းဆည်းရမိရေး ဆောင်ရွက်လျက်ရှိကာ မြောင်းမြရဲစခန်းမှ တရားစွဲဆိုထားကြောင်း သိရသည်။

ညီညီ (မြောင်းမြ)

The Mirror Daily