စစ်တွေမြို့နယ် ဓည၀တီ ရပ်ကွက်တွင် အသက်ရှစ်နှစ်အရွယ် အမျိုးသမီးငယ်အား ဒုတပ်ကြပ်တစ်ဦးမှ အဓမ္မပြုကျင့် သတင်းကြောင့် ယခုလ (၂၃) ရက်နေ့က စစ်တွေမြို့ ပြည်သူ့ဆေးရုံကြီးတွင် လူစုလူဝေး ဖြစ်ပွားခဲ့ကြောင်း သိရသည်။
“မနေ့က ဆေးရုံမှာဖြစ်တာက အဓမ္မပြုခံရတဲ့ ကောင်မလေးက ဆေးရုံတင်ထားရတယ်။ ဖမ်းဆီးခံထားရတဲ့ ဒုတပ်ကြပ်ရဲ့ ဆေးစာသားကို ဆေးရုံမှာ လာယူတဲ့ အချိန်မှာ ဆေးရုံမှာ နေမကောင်းလို့ ဆုံးသွားတဲ့ ကလေးကလည်းရှိတယ်။ အဲဒီဆုံးသွားတဲ့ ကလေးကို လူနာဆောင်ကနေ ရေခဲတိုက်ကိုပို့တာကို အဲဒီအဓမ္မပြုကျင့်ခံရတဲ့ ကလေးမလေး ဆုံးသွားတယ် ဆိုပြီးတော့ တစ်ယောက်စကား တစ်ယောက်ကြားပြီးတော့ လာသတင်းမေးကြတာ၊ အဲဒါကြောင့် လူစုလူဝေး ဖြစ်သွားတာပါ”ဟု ရခိုင်ပြည်နယ် ရဲတပ်ဖွဲ့မှ ရဲမှူးကြီး သစ်ဆန်းက ပြောသည်။
ထိုကဲ့သို့ သတင်းလာရောက် မေးသည့်သူများမှာ မီဒီယာသမားများဖြစ်ကာ သတင်းမေးရန် လာကြည့်သည့် ဒေသခံများလည်းရှိပြီး ယင်းကိစ္စနှင့် ပတ်သက်၍ ခရိုင်နှင့် မြို့နယ်ရဲမှူးများမှ ပြန်လည် ရှင်းပြသည့် အတွက် နားလည် သဘောပေါက်သွားကြောင်း ၎င်းကပြောသည်။
“လူစုလူဝေးဖြစ်တော့ ရဲတွေ အစောင့် ချထားတာတော့ ရှိတာပေါ့။ ပဋိပက္ခတော့ မဖြစ်ပါဘူး”လို့ ရခိုင်ပြည်နယ် စစ်တွေ ဒေသခံ ဦးသန်းထွန်းက ပြောသည်။
အသက် ရှစ်နှစ်အရွယ် အမျိုးသမီးငယ်အား အဓမ္မကျင့်ခဲ့သည် ဒုတပ်ကြပ်ကြီးအား စစ်တွေမြို့မရဲစခန်းမှ (ပ)၂၀၃/ ၂၀၁၅ ပြစ်မှုပုဒ်မ -၃၇၆ ဖြင့် စက်တင်ဘာလ (၂၃) ရက်နေ့ ညနေ (၆) နာရီကျော်တွင် ဖမ်းဆီးပြီး စစ်တွေမြို့မ ရဲစခန်းတွင် ထိန်းသိမ်းထားကြောင်း သိရသည်။
The Messenger
Yangon
0 comments:
Post a Comment