Mister Global 2015 ကို သရုပ်ဆောင် အဆိုတော် မင်းလူလူ သွားပြိုင်မည်

Mister Global Myanmar 2015 မင်းလူလူ

ထိုင်းနိုင်ငံမှာ မကြာခင် ကျင်းပပြုလုပ်တော့မယ့် Mister Global 2015 ပြိုင်ပွဲကြီးကို မြန်မာနိုင်ငံ ကိုယ်စားပြု အနေနဲ့ Mister Global Myanmar 2015 အဖြစ် မော်ဒယ်လ်၊ သရုပ်ဆောင်၊ အဆိုတော် မင်းလူလူက သွားရောက် ယှဉ်ပြိုင်တော့မှာပါ။ 

ဒီပြိုင်ပွဲကို ဖေဖော်ဝါရီလ ၂၇ ရက်နေ့ကနေ မတ်လ ၇ ရက်နေ့အထိ ထိုင်းနိုင်ငံမှာရှိတဲ့ ကမ်းခြေအပါအဝင်၊ ပြည်နယ် ဒေသသုံးခုမှာ စခန်းသွင်းလေ့ကျင့်သွားမှာဖြစ်ပြီး မတ်လ ၈ ရက်နေ့မှာတော့ ထိုင်းနိုင်ငံ ဘန်ကောက်မြို့မှာ Mister Global 2015 Grand Final ပွဲကြီးကို ကျင်းပပြုလုပ်မှာပါ။

ဒီပြိုင်ပွဲကိုတော့ သြစတြေးလျ၊ အဇာဘိုင်ဂျန်၊ ဘရာဇီး၊ ကမ္ဘောဒီးယား၊ ချီလီ၊ ချက်ရီပက်ခ်ပလစ်၊ ပြင်သစ် ၊အိန္ဒိယ၊ အင်ဒိုနီးရှား၊ ကိုးရီးယား၊ လက်ဗီးယား၊ လက်ဘနွန်, မလေးရှား၊ မက္ကဆီကို၊ မြန်မာ၊ ပီရူး၊ ဖိလစ်ပိုင်၊ ပေါ်တိုရီကို၊ စင်ကာပူ၊ စပိန်၊ သီရိလင်္ကာ၊ ထိုင်း၊ ဗင်နီဇွဲလား နှင့် ဗီယက်နမ် အစရှိတဲ့ နိုင်ငံပေါင်း ၂၄ နိုင်ငံက မစ္စတာ တွေလာရောက် ယှဉ်ပြိုင်ကြမှာပါ။

ပြိုင်ပွဲနဲ့ပတ်သက်လို့ ဘယ်လိုတွေပြင်ဆင်ထားသလဲဆိုတာကို မင်းလူလူက “ပြိုင်ပွဲ အတွက် အခုကတည်းက အကောင်းဆုံးပြင်ဆင်ထားတယ်။ အရင်တုန်းကတော့ မြန်မာပြည်မှာပဲ မစ္စတာ ပြိုင်ပွဲတွေ ယှဉ်ပြိုင်ဖူးတယ်၊ အခုက နိုင်ငံတကာနဲ့ သွားရောက်ယှဉ်ပြိုင်ရမှာဖြစ်တဲ့အတွက် Perfect မဖြစ်ရင်တောင် အစစအရာရာကို အကောင်းဆုံး ပြင်ဆင်ထားပါတယ်။ ဘော်ဒီအပိုင်းဆိုရင်လည်း ကျနော် ပုံမှန်ကစားတယ်။ Cat Walk လျှောက်တာတွေလည်း အကောင်းဆုံးပြင်ဆင်ထားတယ်” လို့ ဧရာဝတီကို ပြောပါတယ်။

ပြိုင်ပွဲမှာ ဝတ်ဆင်ရမယ့် အနောက်တိုင်းဝတ်စုံကို ဒီဇိုင်နာ မစန္ဒာအောင်နဲ့ National Costume ကို ဒီဇိုင်နာ ကိုစိုင်းလတ်တို့က တာဝန်ယူ ချုပ်လုပ်ပေးထားတာဖြစ်ပြီး ပြိုင်ပွဲ Talent Show မှာ မြန်မာ့ဓါးသိုင်း (ဗန်ဒို၊ ဗန်ရှည် ဓါးနှစ်လက်သိုင်း) ကို ပြသဖို့ သိုင်းဆရာ ကိုရန်နိုင်က လေ့ကျင့် သင်ကြားပေးထားတယ်လို့ သူကဆက်ပြောပါတယ်။ 

မင်းလူလူအတွက် National Costume ကို တာဝန်ယူချုပ်လုပ်ပေးထားတဲ့ ဒီဇိုင်နာ ကိုစိုင်းလတ်က ဝတ်စုံနဲ့ ပတ်သက်ပြီး “မင်းလူလူက မြစ်ကြီးနား ဟိုပင်ဘက်ကနေ လာတာဖြစ်တဲ့အတွက် သူ့အတွက် ဝတ်စုံကို သူ့ရဲ့ National Director ကိုဇေယံဟိန်းနဲ့ တိုင်ပင်ပြီး ကျနော်သူ့ကို ကချင်ရိုးရာကို ဆန်းသစ်ထားတဲ့ ကချင် National Costume လုပ်ထားပေးပါတယ်။ သူ့ကို အရမ်းကြီး ရိုးရာဆန်တဲ့ပုံစံမျိုးနဲ့ Update Design မျိုး လုပ်ထားပေးတယ်။ ခေါင်းပေါ်မှာ ကချင်မနောကကြီးတွေ ဆောင်းတဲ့ ခေါင်းဆောင်းကို ဒေါင်းမွှေးနဲ့ Creation လုပ်ထားတယ်။ Costume ကကျတော့ နည်းနည်း ပေါ့ပေါ့ပါးပါးလေးလုပ်ထားပေးပါတယ်” လို့ ဆိုပါတယ်။

မင်းလူလူကို Mister of Global Myanmar 2015 အဖြစ် Mister of Myanmar Organization ကို တည်ထောင်ထားတဲ့ Brilliant Model Agency က ရွေးချယ်ထားတာဖြစ်ပါတယ်။ 

အဲဒီလို ရွေးချယ်ဖြစ်ခဲ့ပုံနဲ့ ပတ်သက်ပြီး Mister of Myanmar Organization ရဲ့ National Director ကို ဇေယံဟိန်းက “မင်းလူလူကို ကျနော်တို့ Organization ကနေ Mister Global Myanmar 2015 အဖြစ် ရွေးချယ်လိုက်ရခြင်း အကြောင်းရင်းက မင်းလူလူဟာ အားလုံးသိထားတဲ့အတိုင်း ၂၀၁၄ မှာ ‘မျှော်လင့်ခြင်း အလင်းတန်း’ ဆိုတဲ့ သူ့ရဲ့တကိုယ်တော် တေးစီးရီးခွေ ထွက်ရှိထားတယ်။ ပြီးတော့ ကျနော်တို့ Brilliant မော်ဒယ်လ် အေဂျင်စီကနေ ပထမဆုံး ကျင်းပပြုလုပ်ခဲ့တဲ့ The First Myanmar Cool Guy Contest 2013 ရဲ့ Winner ဆုရှင်တဦးလည်းဖြစ်တဲ့အတွက်ကြောင့် ကျနော်က သူ့ကို ကမ်းလှမ်းခဲ့တယ်။ အဲဒါကို သူက လက်ခံတဲ့အတွက် ကျနော်က သူ့ကို ယုံယုံကြည်ကြည်ရွေးချယ်ခဲ့တာ ဖြစ်ပါတယ်” လို့ ပြောပါတယ်။

ဆက်ပြီး သူက “မနှစ်က Mister Global ဆု ရရှိခဲ့တဲ့ Marco (မြတ်သူရလွင်) ဟာဆိုရင် ကျနော်တို့ Organization ရဲ့ မစ္စတာတယောက် ပီသစွာ အခုထိ ရပ်တည်နေပါတယ်။ အရှေ့မှာလည်း သူက မြန်မာနိုင်ငံ အတွက် အကောင်းဆုံးဂုဏ်ဆောင်နိုင်ခဲ့တဲ့အတွက် ဒီနှစ် သွားရောက်ယှဉ်ပြိုင်မယ့် မင်းလူလူ အတွက် Pressure တခုလို ဖြစ်နေတယ်။ ဒါပေမယ့်ကျနော်က မြန်မာနိုင်ငံဟာ နှစ်နှစ်ဆက်တိုက် ဆုမရနိုင်ဘူးဆိုတာကို ယုံကြမှုမရှိတဲ့ အတွက်ကြောင့် ကမ္ဘာ့စင်မြင်ထက် အလယ်မှာ မြန်မာ့စလွယ်လွယ်ပြီး ယှဉ်ပြိုင်နေတာကို မြင်ချင်တဲ့အတွက် မင်းလူလူကို စေလွှတ် ယှဉ်ပြိုင်စေခြင်း ဖြစ်ပါတယ်” လို့လည်းပြောပါတယ်။

၂၀၁၄ခုနှစ်က ထိုင်းနိုင်ငံမှာပဲ ကျင်းပခဲ့တဲ့ Mister Global 2014 ပြိုင်ပွဲကို မြန်မာနိုင်ငံကိုယ်စားပြု အနေနဲ့ သွားရောက်ယှဉ်ပြိုင်ခဲ့တဲ့ မော်ဒယ်လ် Marco (မြတ်သူရလွင်) က ပြိုင်ပွဲရဲ့ Grand ဆု၊ Mister Global 2014 ဆုနဲ့ Missology ဆုတို့ကို ရရှိခဲ့ပါတယ်။ 

Mister Global Myanmar 2015 မင်းလူလူက အရင်နှစ်က သွားပြိုင်ခဲ့တဲ့ Marco က Grand ဆုရရှိခဲ့ဖူးတဲ့ အတွက် သူ့အနေနဲ့ အခုလိုသွားပြိုင်ရတဲ့အပေါ် ဖိအားတခုလို ဖြစ်နေကြောင်း၊ ဒီပြိုင်ပွဲအတွက်ကိုလည်း အကောင်းဆုံးပြင်ဆင်ထားကြောင်းနဲ့ ဆက်လက်အားပေးစေလိုကြောင်း ပြောဆိုပါတယ်။

မစ္စတာပြိုင်ပွဲတွေ များလာတဲ့အပေါ် မြန်မာနိုင်ငံကိုယ်စားပြု၊ Mister Global Myanmar တယောက် အနေနဲ့ ဘယ်လိုမြင်မိလဲဆိုတာကို မင်းလူလူက“ ဒီလို ပြိုင်ပွဲတွေ အများကြီး ရှိလာတာ အရမ်း ကောင်းပါတယ်။ ဘာကြောင့်လဲ ဆိုတော့ အရင်တုန်းကဆိုရင် အမြင် သိပ်မကျယ်ဘူးလေ။ မြန်မာပြည်မှာပဲနေ၊ မြန်မာအမြင်နဲ့ပဲ မြင်ပြီးတော့ နေခဲ့ကြတယ်။ ဒါပေမယ့် အခု International ကို သွားရောက် ယှဉ်ပြိုင်တဲ့အခါ မစ္စတာတွေ ပိုပေါလာတယ်။ အမြင်တွေ ပိုကျယ်လာတယ်။ အဲဒီလိုမျိုး နိုင်ငံတကာ နဲ့ ယှဉ်ပြိုင်လာတဲ့အခါ ပိုပြီးတော့ ဂုဏ်ယူမိပါတယ်” လို့ ဧရာဝတီကို ပြောသွားခဲ့ပါတယ်။

ဧရာဝတီ